ᓄᓇᖃᖅᑳᖅᓯᒪᔪᓄᑦ ᐊᓴᐱᕆ ᐅᔾᔨᖅᓴᑦᑎᐊᖕᓂᖕᒧᑦ ᐱᓇᓱᐊᕈᓯᐊ 2019

ᑭᒃᑯᑐᐃᓐᓇᕐᓄᑦ ᑐᓴᒐᒃᓴᖅ

ᓄᓇᖃᖅᑳᖅᓯᒪᔪᓄᑦ ᐊᓴᐱᕆ ᐅᔾᔨᖅᓴᑦᑎᐊᖕᓂᖕᒧᑦ ᐱᓇᓱᐊᕈᓯᐊ 2019 

ᓄᓇᖃᖅᑳᖅᓯᒪᔪᓄᑦ ᐊᓴᐱᒥ ᐅᔾᔨᖅᓴᑦᑎᐊᕐᓂᕐᒧᑦ ᐱᓇᓱᐊᕈᓯᐊ ᑎᓯᐱᕆ 1-ᒥᑦ 6−ᒧᑦ, 2019. 

ᓄᓇᕗᒻᒥᐅᓕᒫᑦ ᐊᔭᐅᖅᑐᖅᑕᐅᕗᑦ ᑕᒪᑐᒧᖓ ᐊᕐᕌᒍᒥᑦ ᐱᔾᔪᑕᐅᔪᒥᑦ − “ ᓄᓇᓖᑦ ᐊᑑᑎᖃᖅᑐᑦ ” – ᐃᓕᓴᕐᓯᓪᓗᑎᒡᓗ ᐱᒻᒪᕆᐊᓗᖕᒥᑦ ᐱᓕᕆᐊᖃᖕᓂᖏᑦ ᓄᓇᓖᑦ ᐃᑲᔪᖅᑐᐃᓪᓗᑎᒃ ᐃᓕᓐᓂᐊᕐᑎᑦᑎᓪᓗᑎᒡᓗ ᓄᓇᓕᖕᓂᑦ, ᐃᑲᔪᖅᑐᑦ ᐱᔨᑦᑎᕋᐅᑎᓂᑦ ᐊᕕᒃᑐᖅᓯᒪᔪᑎᒍᖑᑦ, ᐅᔾᔨᖅᓴᓕᖅᑎᑦᑎᕙᓪᓕᐊᓪᓗᑎᒡᓗ ᓄᓇᕐᔪᐊᓕᒫᒥᑦ.  

ᒫᓐᓇ ᐊᒥᓲᓂᖏᑦ ᐊᓐᓇᐅᒪᔾᔪᑎᖃᕈᓐᓃᕐᓇᖅᑐᓂᑦ/ ᐊᓴᐱᓖᓪᓗ ᐊᑦᑎᒃᑐᒻᒪᕆᐅᔪᑦ ᓄᓇᕗᒻᒥᑦ. ᑭᓯᐊᓂᓕ, ᐊᓯᖏᑦ ᓄᓕᐊᖕᓂᒃᑯᑦ ᖁᐱᕆᔾᔪᑕᐅᓲᑦ ᓲᕐᓗ ᒃᓚᒥᐅᑎᐊ, ᖔᓄᕆᐊ ᐊᒻᒪᓗ ᓯᕕᓕᔅ ᐱᑕᖃᖅᑐᒻᒪᕆᐅᔪᑦ, ᐊᒃᑐᐃᓂᖃᒻᒪᕆᒍᓐᓇᖅᖢᑎᒡᓗ ᖃᓄᐃᙱᑦᑎᐊᖕᓂᖕᒥᑦ. ᐃᓅᓕᓴᖅᑕᐅᙱᑉᐸᑕ, ᐃᓚᖏᑦ ᓄᓕᐊᖕᓂᒃᑯᑦ ᖁᐱᕐᕆᔾᔪᑕᐅᓲᑦ ᐃᓄᖕᓂᑦ ᕿᑐᕐᖓᒃᓴᖃᕈᓐᓇᐃᓪᓕᔾᔪᑕᐅᕙᒃᐳᑦ. ᐊᓯᖏᑦ ᖃᕆᓴᒃᒧᑦ ᓱᕈᐃᔪᓐᓇᖅᐳᑦ, ᐅᒻᒪᑎᒧᓪᓗ ᐊᒡᓛᓪᓘᓐᓃᑦ ᑐᖁᔪᓐᓇᖅᑐᑦ. 

ᐊᐃᑉᐸᖃᒐᔪᒃᑯᕕᑦ, ᖃᐅᔨᓴᖅᑕᐅᓪᓗᐊᖅᐳᑎᑦ ᓯᕕᓕᔅᒧᑦ ᐊᓯᖏᓐᓄᓪᓗ ᓄᓕᐊᖕᓂᒃᑯᑦ ᖁᐱᕐᕆᔾᔪᑕᐅᓲᓄᑦ:  
• ᖃᓄᐃᓕᕈᕕᑦ (ᓲᕐᓗ ᐋᓐᓂᖕᓇᙱᑦᑐᓂᑦ ᐊᒥᕐᓗᖕᓂᑦ ᐅᕝᕙᓘᓐᓃᑦ  ᐃᒻᒪᐃᔭᐃᒃᐸᑦ ᐅᓱᖕᓂᑦ ᐅᑦᑐᖕᓂᓪᓘᓐᓃᑦ);
• ᓄᑖᒥᑦ ᐊᐃᑉᐸᖅᑖᕈᕕᑦ ᓄᓕᐊᓚᐅᙱᓐᓂᔅᓯᓐᓂᑦ;
• ᑕᖅᑭ ᐱᖓᓱᑕᒫᑦ 6−ᒧᑦ ᐊᑕᐅᓯᐅᙱᑦᑐᒥᑦ ᐊᐃᑉᐸᖃᖃᑕᑦᕈᕕᑦ; ᐊᒻᒪᓗ, 
• ᐊᑐᖃᑦᑕᕋᓗᐊᕈᕕᓪᓘᓐᓃᑦ ᐅᓲᑉ ᐴᖏᓐᓂᑦ. 

ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᓴᖅᑭᑦᑎᓚᐅᖅᐳᑦ ᖃᐅᔨᓇᓱᒍᑎᓂᑦ ᐃᑲᔫᑎᒃᓴᓂᑦ ᓄᓇᕗᒻᒥᐅᓂᑦ ᐅᖃᓪᓚᖃᑎᖃᖃᑦᑕᖕᓂᖕᒥᑦ ᐊᐃᑉᐸᕆᔭᒥᓂᒃ, ᐋᓐᓂᐊᓯᐅᑎᓂᑦ, ᓄᑕᖅᑲᓂᒡᓗ 
ᓄᓕᐊᖅᐸᖕᓂᖕᓂᓪᓗ, ᐊᑦᑕᖕᓇᙱᑦᑐᒃᑯᑦ ᓄᓕᐊᖕᓂᖕᓂᑦ, ᐊᖏᕐᓯᒪᓂᖅ ᓄᓕᐊᖕᓂᖕᒧᑦ, ᓄᓕᐊᖕᓂᒃᑯᓪᓗ ᖁᐱᕐᕆᑦᑕᐃᓕᒪᓂᖕᓂᑦ ᖃᐅᔨᓴᖅᑕᐅᓂᖕᓂᓪᓗ. ᖃᐅᔨᒋᐊᕐᕕᒃᓴᐃᑦ ᐅᕙᓂ ᑕᑯᔭᐅᔪᓐᓇᖅᑐᑦ www.irespectmyself.ca, ᖃᐅᔨᒋᐊᕐᕕᒃᓴᖓᓃᑦᑐᓂᑦ. 

ᐊᖑᑎᓄᑦ ᐊᕐᓇᓄᓪᓗ ᐴᕆᔭᐅᓲᑦ ᓴᕋᓕᕈᑎᓪᓗ ᐊᑭᖃᙱᑦᑐᐃᑦ ᐋᓐᓂᐊᕕᔅᓯᓐᓂᑦ, ᓇᒥᕈᓘᔭᕐᓗ ᓄᓇᓕᖕᓂᑦ. ᐃᓕᑦᑎᒋᐊᒃᑲᓐᓂᕆᑦ ᐅᕙᓂ www.irespectmyself.ca, ᖃᐅᔨᒋᐊᕐᓗᑎᓪᓘᓐᓃᑦ ᐋᓐᓂᐊᕕᔅᓯᓐᓄᑦ.  

### 
 
ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:  

ᑯᕆᔅ ᐴᒡᓕᐊ
ᑐᓴᒐᒃᓴᓕᕆᔨᓄᑦ ᖃᐅᔨᒪᔨᑕᖅ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ   
867-975-5762
@email