ᓄᕕᐱᕆ 21 ᓄᓇᕗᑦ ᒐᕙᒪᐅᑉ ᐱᖃᖅᑎᑦᑎᔨᖏᓐᓄᑦ ᐊᑭᓕᐅᑎᖏᓐᓄᑦ ᑐᓴᒐᒃᓴᖅ

ᓄᕕᐱᕆ 21 ᓄᓇᕗᑦ ᒐᕙᒪᐅᑉ ᐱᖃᖅᑎᑦᑎᔨᖏᓐᓄᑦ ᐊᑭᓕᐅᑎᖏᓐᓄᑦ ᑐᓴᒐᒃᓴᖅ

ᓄᓇᕗᑦ ᒐᕙᒪᖓ ᐱᓕᕆᐊᖃᐃᓐᓇᖅᐳᖅ ᐱᖃᖅᑎᑦᑎᔨᖏᑦ ᑭᖑᕙᕆᐊᕈᔾᔨᓗᐊᖁᓇᒋᑦ ᐊᑭᓕᐅᑎᖏᓐᓂᑦ. ᑮᓇᐅᔭᓕᕆᔾᔪᑎᕗᑦ ᐊᑐᒐᒃᓴᐅᓕᖅᑐᖅ, ᐊᑭᓕᐅᑎᓕᕆᕙᓪᓕᐊᖏᓐᓇᖅᖢᑕᓗ.

ᐱᖃᖅᑎᑦᑎᔨᐅᔪᑦ ᐊᑭᓕᖅᑕᐅᔪᒪᔾᔪᑎᓂᒃ ᑐᓐᓂᖅᑯᑎᖃᖃᑦᑕᐃᓐᓇᕆᐊᓖᒃ. ᐊᑭᓕᖅᑕᐅᔪᒪᔾᔪᑎᒥᒃ ᑐᓐᓂᖅᑯᑎᖃᕈᒪᓗᒍᑦ ᖃᐅᔨᒋᐊᕐᕕᒋᓗᒍᑦ ᐱᓕᕆᕝᕕᒃ ᓇᓗᓇᐃᕈᒪᓗᒍᑦ ᐊᑭᓕᖅᑕᐅᔪᒪᔾᔪᑎ ᐃᕐᖐᓐᓈᖅᑕᐅᒃᑰᕈᓇᕐᒪᖔᑦ ᐅᕝᕙᓗ ᓇᖕᒥᓂᖅ ᑐᓐᓂᖅᑯᑎᒋᔭᕆᐊᖃᕐᒪᖔᑦ. 

ᐊᑭᓕᖅᑕᐅᔪᒪᔾᔪᑎᑦ ᐃᕐᖐᓐᓈᖅᑕᐅᒃᑯᑦ ᓇᒃᓯᐅᔾᔭᐅᔪᑦ ᓄᓇᕗᑦ ᒐᕙᒪᒃᑯᑦ ᐃᑭᐊᖅᑭᕕᖃᕈᓐᓃᖅᑎᓪᓗᒋᑦ ᓄᕕᐱᕆ 2-ᒥᑦ ᒫᓐᓇᐅᔪᖅ ᐱᔭᐅᔪᓐᓇᙱᓚᑦ. ᐱᖃᖅᑎᑦᑎᔨᐅᔪᑦ ᑐᑭᓯᒋᐊᕈᒪᒍᑎᒃ ᑐᑭᓯᒋᐊᕈᓐᓇᖅᑐᑦ ᐱᓕᕆᕝᕕᖕᒧᑦ ᓇᓗᓇᐃᕈᒪᓗᓂᑦ ᐊᑭᓕᖅᑕᐅᔪᒪᔾᔪᑎᒥᒃ ᓇᓕᖅᑲᖃᕐᒪᖔᑦ.

ᐊᑭᓕᖅᑕᐅᔪᒪᔾᔪᑎᓄᑦ ᐃᕐᖐᓐᓈᖅᑕᐅᒃᑯᑦ ᓇᒃᓯᐅᔾᔭᐅᓯᒪᔪᓄᑦ ᓄᕕᐱᕆ 1−ᒥᑦ ᓄᕕᐱᕆ 17−ᒧ, ᐊᑭᓕᖅᑕᐅᔪᒪᔾᔪᑎᑦ ᑐᓐᓂᖅᑯᑕᐅᒃᑲᓐᓂᕆᐊᖃᖅᑐᑦ ᐱᓕᕆᕝᕕᖕᒧᑦ.

ᐱᖃᖅᑎᑦᑎᔨᓄᑦ ᑮᓇᐅᔭᒃᑯᕕᖕᒨᖅᓯᕕᐅᑲᐅᑎᒋᓲᓄᑦ, ᐊᑭᓕᐅᑏᑦ ᑮᓇᐅᔭᒃᑯᕕᖕᒧᐊᖅᑕᐅᖃᑦᑕᐃᓐᓇᕐᓂᐊᖅᑐᑦ ᓇᓗᓇᐃᖅᓯᒪᓗᓂᑦ ᑮᓇᐅᔭᑦ ᓄᓇᕗᑦ ᒐᕙᒪᖓᓂᙶᕐᓂᖓᓂᑦ. ᑭᓯᐊᓂ, ᐱᖃᖅᑎᑦᑎᔨᐅᔪᑦ ᐄᕐᖐᓐᓈᖅᑕᐅᒃᑯᑦ ᑐᓴᖅᑎᑕᐅᑲᑕᔾᔮᖏᑦᑐᑦ ᓇᓗᓇᐃᖅᓯᒪᔪᒥᒃ ᑭᓱᒧ ᐊᑭᓕᖅᑕᐅᓂᕐᒥᓂᑦ.

ᑐᑭᓯᒋᐊᒃᑲᓐᓂᕈᒪᒍᕕᑦ ᑮᓇᐅᔭᒃᑯᕕᖕᒧᐊᖅᑕᐅᔪᑦ ᒥᒃᓵᓄᑦ ᖃᐅᔨᒋᐊᕐᕕᒋᓗᒍ ᑮᓇᐅᔭᓕᕆᔨᒃᑯᑦ ᓇᓕᐊᖕᓄ ᓈᓴᐅᑎᒧᑦ:

867-975-5820 (ᐃᓕᓐᓂᐊᕐᓂᓕᕆᔨᒃᑯᑦ ᐃᖅᑲᓇᐃᔭᖅᑐᓕᕆᔨᒃᑯᓪᓗ).
867-975-6884 (ᐱᕙᓪᓕᐊᔪᓕᕆᔨᒃᑯᑦ ᐃᖏᕐᕋᔪᓕᕆᔨᒃᑯᓪᓗ ᐊᒻᒪ ᒪᓕᒐᓕᕆᔨᒃᑯᑦ).
867-975-5854 (ᑮᓇᐅᔭᓕᕆᔨᒃᑯᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᓪᓗ).
867-975-6891 (ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᑦ, ᐃᓕᖅᑯᓯᓕᕆᔨᒃᑯᑦ ᐊᒻᒪ ᐊᕙᑎᓕᕆᔨᒃᑯᑦ).
867-975-6867 (ᐃᓄᓕᕆᔨᒃᑯᑦ, ᒪᓕᒐᓕᐅᕐᕕᒃ ᐊᒻᒪ ᒐᕙᒪᓕᕆᔨᒃᑯᑦ).
867-975-6877 (ᐊᓯᓕᒫᖏᑦ ᐊᐱᖅᑯᑎᖃᖅᑐᑦ ᐱᖃᓯᐅᑎᓪᓗᓂᑦ ᐊᒥᓱᓄᑦ ᐱᓕᕆᕝᕕᖕᓄᑦ).

ᑖᓐᓇ ᐊᑐᖅᑕᐅᓚᐅᑲᖕᓂᐊᖅᐳᖅ ᖃᐅᔨᒃᑲᖅᑕᐅᓇᓱᐊᕐᓂᑦᑎᓐᓂᒃ.