ᓂᕿ ᐊᑐᖁᔭᐅᙱᑦᑐᖅ Kirkland Signature brand Non-GMO Infant Formula ᓄᑕᖅᑲᓄᑦ ᐃᒃᐱᒍᓱᒃᓴᕋᐃᑦᑐᓄᑦ Lactose−ᒥᒃ ᐃᒪᐃᓐᓂᕐᒥᓄᑦ, Cronobacter spp.
ᐃᓄᐃᑦ ᖃᓄᐃᙱᑦᑎᐊᖁᓪᓗᒋᑦ ᑐᓴᖅᑎᑦᑎᔾᔪᑦ
ᓂᕿ ᐊᑐᖁᔭᐅᙱᑦᑐᖅ Kirkland Signature brand Non-GMO Infant Formula ᓄᑕᖅᑲᓄᑦ ᐃᒃᐱᒍᓱᒃᓴᕋᐃᑦᑐᓄᑦ Lactose−ᒥᒃ ᐃᒪᐃᓐᓂᕐᒥᓄᑦ, Cronobacter spp.
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐅᔾᔨᕈᓱᖁᔨᕗᑦ ᓂᕿᒥᒃ ᐱᐅᙱᓐᓂᕋᖅᑕᐅᔪᒥᒃ ᓴᖅᑭᑎᑕᐅᓚᐅᖅᑐᒥᒃ ᑲᓇᑕᒥ ᓂᕿᓂᒃ ᖃᐅᔨᓴᖅᑎᒃᑯᓐᓂᑦ (CFIA−ᑯᓐᓂᑦ) ᐃᒪᐃᓐᓂᖏᓐᓄᑦ, Cronobacter spp.-ᒧᑦ ᓱᕈᖅᑎᖅᓯᒪᓂᖏᓐᓄᑦ ᐅᑯᓂᖓ ᓴᓇᔭᐅᓯᒪᔪᓂᒃ:
Kirkland Signature brand Non-GMO Infant Formula for Babies Sensitive to Lactose – ᓴᓇᔭᐅᓯᒪᔫᑉ ᐃᓗᓕᒃᑲᓐᓂᖏᑦ ᑕᑯᔭᐅᔪᓐᓇᖅᐳᑦ ᐅᕙᓂ https://inspection.gc.ca/about-the-cfia/newsroom/food-recall-warnings/c…
ᑖᓐᓇ ᐱᐅᙱᓐᓂᕋᖅᑕᐅᔪᖅ ᓴᓇᔭᐅᓯᒪᔪᖅ ᐃᒋᑕᐅᓪᓗᐊᖅᐳᖅ ᐅᑎᖅᑎᑕᐅᓗᓂᓘᓐᓃᑦ ᐃᓂᒧᑦ ᓂᐅᕕᖅᑕᐅᕝᕕᐅᕙᐅᖅᑐᒧᑦ ᑖᔅᓱᒥᖓ.
ᓂᖀᑦ ᓱᕈᖅᑎᖅᓯᒪᔪᑦ ᑕᐃᒪᐃᑦᑐᒥᒃ Cronobacter−ᒥᒃ ᑕᐅᒃᑐᖃᙱᑐᐃᓐᓇᕆᐊᖃᖅᐳᑦ ᑎᐱᖃᙱᑐᐃᓐᓇᕆᐊᖃᖅᐳᓪᓗ ᓱᕈᖅᓯᒪᓂᖏᓐᓂᒃ ᑭᓯᐊᓂᓗ ᓱᓕ ᐃᓕᖕᓂᒃ ᐋᓐᓂᐊᓕᖅᑎᑦᑎᔪᓐᓇᖅᖢᑎᒃ. ᑕᒪᓐᓇ Cronobacter−ᖑᓂᕋᖅᑕᐅᔪᖅ ᐊᑕᑎᐅᒐᔪᙱᒃᑲᓗᐊᖅᖢᓂ ᐃᓄᐃᑦ ᐋᓐᓂᐊᓕᖅᐸᖕᓂᖏᓐᓄᑦ, ᑕᐃᒪᐃᒐᔪᙱᑦᑐᑎᒍᑦ ᐱᒻᒪᕆᐊᓗᖕᒥᒃ ᑐᖁᓐᓇᑐᒥᒡᓘᓐᓃᑦ ᑖᕐᕕᐅᓕᕈᓐᓇᖅᐳᑦ. Cronobacter ᐱᑕᖃᓕᖅᑎᑦᑎᔪᓐᓇᖅᐳᖅ ᐱᔭᐅᒐᔪᙱᑦᑐᒥᒃ ᐊᐅᒃᑯᑦ ᐃᒃᐱᖕᓂᐊᔾᔪᑎᑎᒍᓪᓗ ᐋᓐᓂᐊᓕᖅᑎᑦᑎᓗᓂ ᐊᒃᑐᐊᓂᖃᖅᑎᑕᐅᓯᒪᓪᓗᓂᓗ ᐱᕐᔪᐊᕌᓗᖕᒥᒃ ᐃᕐᕋᕕᒃᑯᑦ ᐋᓐᓂᐊᖃᓕᕐᓂᕐᒥᒃ (necrotizing enterocolitis−ᒥᒃ) ᐊᐅᒃᑯᓪᓗ ᑐᖁᓐᓇᖅᑐᖅᑖᕐᓂᕐᒥᒃ (sepsis−ᒥᒃ), ᐱᓗᐊᙳᐊᖅᖢᓂ ᑕᒪᒃᑯᓄᖓ ᐃᓅᓵᕐᓂᑯᓄᑦ.
ᑐᓴᖅᑐᖃᒃᑲᓐᓂᕈᒪᒃᐸᑦ, ᖃᐅᔨᒋᐊᕐᕕᒋᓗᒋᑦ ᑲᓇᑕᒥᐅᓄᑦ ᓂᕿᓂᒃ ᖃᐅᔨᓴᖅᓯᕙ`ᖕᓂᕐᒧᑦ ᑎᒥᒋᔭᐅᔪᓂᒃ ᐅᕙᓂ, 1-800-442-2342 ᐅᓇᓘᓐᓃᑦ ᑕᑯᔭᖅᑐᕐᓗᒍ, www.inspection.gc.ca. ᐊᑎᓕᐅᕆᑦ ᓂᕿᓄᑦ ᐊᑐᖁᔭᐅᔪᓐᓃᖅᐸᒃᑐᓄᑦ ᐅᕙᓂ http://inspection.gc.ca/english/util/listserv/listsube.shtml.
###
ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:
ᑯᕆᔅ ᐴᒡᓕᐊ
ᑐᓴᒐᒃᓴᓕᕆᔨᓄᑦ ᖃᐅᔨᒪᔨᑕᖅ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
867-975-5762
@email