Mamitiivikhaq Piliuqtauliqtuq Nunavunmi

Tuhaqtitaujukhat

Qilamik Tuhaqtidjutikhaq

Mamitiivikhaq Piliuqtauliqtuq Nunavunmi

Niqiliqivik19, 2019 — Iqaluit, Qikiqtaaluk Avikturniinni NU — Nunavut Kavamanga,  Nunavut Tunngavik Incorporated, Nunaqaqqaaqtut Ikajuqtit Kanatami

Ihuatqijamik mamihaivikhanik inuuhiringnaqtumiklu atuqtakhanik Inuit Nunavunmi pivikhanik nakuutqijamik munaqtauvikhanik inuit ilitquhiinnik aturlutik ihuaqtumik, qanitqijanik nunanginut, ihuaqpiaktumiklu,imaalu aullaranginnaqtumik.Ikajuqtigiingnaqtumik Aanniaqtailinikkut, Nunavut Kavamanga, Nunavut Tunngavik Incorporated ukuallu Kavamanga Kanatap katitlutik atiliurniaqtut katimajut uqarijautikhanik pinahuarunmik nappaqtirutikhanik imaalu aulapkaidjutikhanik haffuma Nunavunmi Mamitiivikhannik ikajuqhirvikhanik Nunavunmi ajuridjutigihimajainik ippiralimaiqhugit ajuqhaqhimajunullu.

Amigaittut Nunavummiut ajuqharanginnaqtut atuqpauhiinnit qangaraalungmit imaalu kinguliriiktunut inungnut ajuqhautauhimmaaqtut, imaatullu ajuridjutigihimajainik ippiralimaiqhugit angajaarnaqtuniklu atuqpauhiningnit.  Tamna Nunavunmi Mamitiivikhat aallatqiinik ikajuqhirvikhanik mamihainikkut ikajuqhirvikhanik aallatqiiktunik amigaittunik ikajuqhirvikhanik mamihaivikhanik ikajuqhirvikhanik ajuridjutigihimajainik ippiralimaiqhugit ajuqhautimingniklu, tun'ngaviqaqtunik ingilrarnittanik Inuit ilitquhianik ukpirijainiklu. Taaktiliqinikkut uqaudjijaunikkut ikajuqhirvikhannik ilaupkainiaqtut. Tamna Mamihaivikhaq ilangat atuqtaujukhanut piahuarutikhat ilaqarniaqtuq maniqqami ikajuqhiqtauvikhanik mamihaivikhaniklu, imaalu ikajuqhirvikhanik Inuit havakvikhanik piliurnirmik ikajuqtauvikhaniklu.

Hamna Mamihaivikhaq piliurniaqtut Iqalungni, tun'ngahuktitiniaqtullu hin'ngaijanik arnanik tamainnit nunanit Nunavunmi tunilugit atuqtakhainnik, naunaitkutikhainniklu atuqtakhainnik ikajuutikhainnik mamihaidjutainni hivuani nutaraniktinnagit, ikajuutikhainnik halijunik pittailinikkut Hingaijat Tangaqtuqhimajut Iluumiangutillugit Nutarakhaq Inuuhirluktut (FASD).

Hamna Mamihaivikhaq ihuaqhainahuarniaktut iharigijainnik naunaijattiaqhimajut, amigaitunut aallatqiinik ikajuqhirvikhanik mamihainikkut, angajarnaqtunut atuqpakhimajunut imaalu ajuqhautiqaqhimajunut Nunavunmi, imaalu naunaiqtaihimajut Itquumanikkut Nutaanguqtirinirlu Katimajiujut Tuqhulahimajut Qanuriliurutikhat #21 unalu Qikiqtani Itquumanikkut Nutaanguqtirinirlu Katimajiujut qanuriliurutikhat #2. Piliuqhimajut tunngaviqaqtumik qaujihaqtauhimajut atiliuqhimajait Nunavut Kavamanga, Nunavut Tunngavik Incorporated ukuallu Kavamanga Kanatap Iidjirurvia 2018mi.

Hamna tuhaqtidjutikhaq pihimajuq havakpakhimajainnit Nunavunmi Havaqatigiiktut Aanniaqtailinikkut. Hivuliqiujut naunairniaqtait havaangit Inuinnarnit pijut naunaipkaqhimajullu, ilaliutiniaqtuq ilagiiktumit pijut qanuriliurutinga piliurhimajuq ilihaidjutimut hakugikninnga. Katitiqhimajut uqariijautait pinahuarutimingnik naunaiqhimajut pianhuaqtainnik tamainit havaqatgiiktut ikajuutikhannik Inuit naunaijaqhugit qanuriliurutikhamingnik aanniaqtailinikkut hivulliutijakhanik, imaalu ikajuutikhanik pitquhikkut ihuaqtumik atuqtakhaliuqhimajut naunaiqtaujhimajunik hakugiiktut havaqatgiiktut nunamingnik avikturniinnilu puqtuniqaqtut.Tamna Kavamanga Kanatap piniaqhimajut nutannguqtirlugu Inuit-Nunaqaqtut havaqatigiiklutik aullaranginnaqtunik ajuqhautait anginiqaqtunut, ilaujut aanniaqtailinikkut inuuhiringanqtumiklu.

Uqaqtait

“Nunavut Kavamanga tun'ngahuktitait havaqatigiiklutik Kavamanga Kanatap ukuallu Nunavut Tunngavik Inc. hanadjutikhannik Nunavutim Mamihaivikhanik aangajaangnaqtunik atuqpaktunut imaalu ajuqhautimingnut ikajuqhikvikhanik avikturniinni. Hamna havaqatigiiklutik ikajuutikhat pitquhikkut ihuaqtunik ihuatqijamik mamihainikkut ikajuqhirvikhanik Inuit, imaalu ikajurlugit Havagviat Aanniaqtailinikkut pinahuarutikhanik iliharnikkut, ikajuqhirvikhanik pittailinahuarlugit angajaarnaqtuniklu atuqpauhiningnit avikturvinni.”

Nan’ngarijaujuq George Hickes

Minista Aanniaqtailinikkut, Nunavunmi Kavamangat

“Qangniutinahuarutikhanik aulahimmaanginaqtumik atauttimungaqtauhimajut pijariaqaqtut nakuujumik ilitquhikkut munaqtauvikhannik aannniaqtunullu munaqtaivikhannik. Tamna Nunavunmi Mamitiivikhannik taimailiurniaqtut inungnut ilagiiktunullu, Inuktut, qajagijavut tamaita timiqutaujut havaqatigiikhutik piliuqtut. Mamitiivikhat nappaqtiqtauniaqtuq Iqalungni naunairlugu hingaihimajut arnat qiniqhiajut ikajuqtauvikhamingnik pivikhanik nutaraniktinnatik munaqtauvikhanik, p[ittailitikhanik Hingaijat Taangaqturnikkut Inuuhirliuqtuliqnirmut.”

Aluki Kotierk

Angijuqqaaq uvani Nunavut Tunngavikkut Timinga

“Ublumi hivumuuqpalliajugut pinahuarutikhanik ilitquhikkut hivuranaittumik imaalu ihuaqtunik ikajuqtauvikhanik qanuttumi nunagijainnut ihuaqtut aullaranginnaqtumiklu. Hamna havaqatigiiktut ikajuqtigiingniq naunaiqhimajut qanuqtut havaqatiggikluta ihuaqhaidjutikhanik aanniaqtailinikkut Inuinnait.”

Nan'narijaujup Seamus O’Regan, P.C., M.P.

Minista Nunaqaqqaaqtut Ikajuutikhat

 Kangiqhittiapkarutit

Pittaarninnganut naunaijainiq, piliuqtaujuq ihivriurnirmut uumannga Titirarhimaninga Angirutiup 32 uumannga Nunavut Angirutinga, naunaiqtaa ihariagininnga pingahunik ikajuutimut qanuriliurutinga:

• Atugakhaq #1: Ihuaqhijuumiqlugu nunallaanun pihimajunik auladjutit tunihijut Aulaaqtitiblutik Maniqami mamitiiviit uvalu aalat nunallaani ikajuutit;
• Atugakhaq #2: Mamihaivik ittuq Nunavunmi tunigiami inungnut Mamihaidjutikhaq unalu aaniarviliaqtunut ikajuutikhanginnik; unalu
• Atugahaq #3: Havaklugit imatun Inuinangnik havaktuqaliqlutik tapkua havaktiqaqlutik tamangnik Maniqami Aulaaqtitiblutik mamitiiningmik imaalu Nunavunmi Mamitiivikhannik.

Manikhangit uqariiqtamiknik Ilaujuit naunaiqhimajuq hamna ataani uumunnga Piliurhimajuq-Nunavunmi qanuriliurutinga aangajaarnaqtunik aturniq unalu naglikhaarutijuq Mamihaidjutikhaq pijuq tamarmiknut Ilaujut munarijaa ihuaqtuq manikhangit ajuittiaqtut pijuq nanminirijait maniliqinirmut ihariagijaujut. Nakuujumik tuuliiqhimaittumiklu iniqtirutinga qanurittaakhaa tamainnut Ilaujunut naunaiqtaa tuniqhaininnga nanminingit maniliqininnga aadjikutaaniklu aittuutit piplugillu naunaittuq uqariijaqtamiknik.
Kavamatuqatkut ikajuutikhat maningmik imaaut $47.5 million avatqumajunni tallimani ukiuni ikajuutikhat Mamitiivikhat ilaqaqtut imaatut:

• Aktigijumik imaatut 75% akitujunut akiliqtakhat; imaalu
• Maniliqtuutikhat ikajuutikhat aullaranginnaqtumik auladjutikhanik Nunavunmi Mamitiivikhannik – kinguagut hivulliit tallimat ukiut, ikajuqtikhat imatut aktigijumik $9.7 million ukiut tamaat.

Nunavut Kavamatkunnin tunihiniaqtut imaatut:

• 30 pusantmik taimaa tallimanik ukiuni akitujunut akingit Mamihaivinganit;
• 100 pusantmik akingit pijut ihuarhaqhimajumut nunallaani-pijut ilihaidjut tunijuq maniqqami mamihaivingit aadlallu nunallaani ikajuutautingit; unalu
• Ikajuutaut aulapkaininnganut munarininnganut Mamihaivinga Havaktingillu Iglukhait.

Makigiaqta Inuit Ajuiqhavikhat Kuapuliisitkut tunihiniaqtut $11.85M avatqumajumik tallimat ukiut manikhanik Inuit Uqaudjinikkut atuqtakhanik tapkuat Inuit Havagvianni Piliurnikkut ikajuutimut qanuriliurutinga.
Hamna tuhaqtidjutikhaq takkunnaqtunut uuktuutigilugu qanurittunut nutannguqtiutikhanut havaktakhat Nunavunmi Havaqatgiiktunut Aanniaqtailinikkut piliuqhimajut Inuit naunaiqhimajut atuqtakhainnik aanniaqtailinikkut inuuhiringnaqtumiklu.
Hamna uuktuutikhaq ikajuutikhat Inuit naunaiqhitikhat imaalu qanuriliurutikhanik aadfjikkutaittut ihumakkut inuuhiringnaqtumik atuqtakhainik hivulliutijakhaniklu Nunavunmi nunagijainni, imaalu ilitquhikkut ihuaqtumik atuqtakhainnik naunaiqtauhimajut hakugiiktut havaqatigiiktukhat nunamingni avikturniinnilu.

 - 30 -

Naunaikhittiarumaguvit, tuhapkainikkut uqarvigilugu:

Nunavut Kavamanga
Alison Griffin
Atan'ngujaq, Tuhaqtipkaijinni
Havagviat Aanniaqtailinikkut
@email
867-975-5949

Nunavut Tunngavik Incorporated
Malaya Mikijuk
Ikajuqtiujuq Aulapkaiji Tuhaqtipkainirmut
@email
867-975-4900

Nunavut Tunngavik Incorporated
Qajaaq Ellsworth
Angajukhiq Tuhaumapkaitjutikkut Uqaudjiji, Angijuqqaaq Havagvia
@email
867- 975-4900
 

Kevin Deagle
Taigualiuqtiinni Titiraqtia
Titirakvia Nan'narijaujup Seamus O'Regan
Minista Nunaqaqqaaqtut Ikajuutikhat
873-354-0987

Tuhaumapkainikkut
Indigenous Services Canada
819-953-1160
@email