Algunngup Pujuanut taaksiijautaa unalu nutaaq Nunavunmi Algunngup Pujuani Utiqtiffaarutikhaq
Inungnun Tuhaqtitauyukhaq
Algunngup Pujuanut taaksiijautaa unalu nutaaq Nunavunmi Algunngup Pujuani Utiqtiffaarutikhaq
Talvani July 1, 2019mi, Kanadaup Kavamanga atuqtiliqtaa nutaaq algunngup pujuanut taaksiijautaa ukununga iglumun urhuqjuakhainnun, kaasiliinun, urhuqlungnun aallanunlu urhujuarijauvaktunun Nunavunmi. Pidjutaanun, akiit hapkunani urhuni akittuqjuummiqtun mikkaqmik pidjutaani urhurjuami kitumi.
Nunavut Kavamatkunni nutaaq Nunavunmi Algunngup Pujuani Utiqtiffaarutikhaq kikliqaqtittaa hulaqutiit uumani algunngup pujuanut taaksiijautaani taimaatun akiliqtuqhugu nappaa algunngup pujuanut taaksiijautimi akinganik. Naunaitkutauluni, Nunavunmiut takuniaqtun imaatuinnaq $0.45-mik akittuqjuummirutimik uumunga 5-kaalanmun kaasiliiqtautimun kaasiliiqtaliqqat, imaatungittumik $0.90-mik akittuqjuummirutimik.
Una Algunngup Pujuani Utiqtiffaarutikhaq aturutiqaqtuq iglumun urhuqjuakhainnun, akhaluutinun urhuqliunnun, aallanunlu urhuqjuanun.
Una algunngup pujuanut taaksiijauti aturutiqangittuq tingmitinun urhuinnun urhurjuanunluunniit Qulliq Alruyaqtuqtunik Ikumadjutiit atuqpaktainnun pauwaliurutinun, akittuqjuummiqtilimaitaalu akinginnun pauwatuutinun, tingmidjutinun tingmitikkulluunniit tamajanik agjaqtautinun.
Ilitturittiarjuummirutikhanik, takulugu https://gov.nu.ca/sites/default/files/faq_-_carbon_tax_in_nunavut-ikw.pdf.
###
Tuhaumapkainikkut Uqaqatigivikhaq:
Weichien Chan
Atanngujaq, Tuhaqtipkainikkut
Kiinaujaqilijikkut Havagvia
867-975-6818
@email
ᐱᕙᓪ ᓕᐊᔪ ᑦ ᑐᓴ ᒐ ᒃ ᓴ ᙳᖅᑎᑕᐅᔪ ᑦ ᐱᔭ ᐅᔪ ᓐ ᓇᖃᑦ ᑕᖅᑐᑦ ᐃᓄᒃ ᑎᑑᖓᓗᑎᒃ , ᖃᓪ ᓗᓈᑎᑐᑦ , ᐃᓄᐃᓐ ᓇᖅᑐᓐ ᐅᐃᕖᑎᑐᓪ ᓗ ᐅᕙᓂ, www.gov.nu.ca.
News releases are available in Inuktitut, English, Inuinnaqtun and French on www.gov.nu.ca.
Tuhaqtakhat ittut Inuktitut, Qablunaatitut, Inuinnaqtun Uiviititullu talvani www.gov.nu.ca.
Les communiqués de presse sont disponibles en inuktitut, en anglais, en inuinnaqtun et en français au www.gov.nu.ca.
Tuhaqtipkaijiit