ᐃᓚᐅᖃᑕᐅᔾᔪᑎᒥᒃ ᑲᓇᑕᒥ 2019 ᐆᒃᑐᕋᕐᓂᖅ

ᐃᓄᐃᑦ ᐋᓐᓂᐊᓕᖁᔭᐅᙱᖦᖢᑎᒃ ᑐᓴᖅᑕᐅᔪᒃᓴᖅ

ᐃᓚᐅᖃᑕᐅᔾᔪᑎᒥᒃ ᑲᓇᑕᒥ 2019 ᐆᒃᑐᕋᕐᓂᖅ

ᐃᖃᓗᖕᓂ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐱᔨᑦᑎᕋᐅᑏᑦ (IHS) ᐃᓚᐅᖃᑕᐅᓂᐊᖅᑐᑦ ᐃᓚᐅᖃᑕᐅᔾᔪᑎᒥᒃ ᑲᓇᑕᐅᑉ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᖃᐅᔨᓴᕈᑎᖏᓐᓂ ᐱᓕᕆᐊᒃᓴᖅ ᐋᖅᑭᒃᓯᓯᒪᔪᖅ ᑲᓇᑕᓕᒫᒥᑦ ᐊᑐᖅᑕᐅᔭᕆᐊᓕᖏᓐᓂᒃ ᑕᒪᒃᑭᖅᑐᓄᑦ ᐊᑦᑕᕐᓇᖅᑕᐃᓕᒪᓂᕐᒧᓪᓗ ᐋᓐᓂᐊᖃᕐᓇᙱᑦᑐᓕᕆᓂᕐᒥ. ᐃᓚᒋᓪᓗᓂᐅᒃ ᑖᔅᓱᒪ ᐱᕙᓪᓕᐊᖏᓐᓇᖅᑑᑉ, ᐃᓚᐅᖃᑕᐅᔾᔪᑎᒥᒃ ᑲᓇᑕᒥ ᐆᒃᑐᕋᖅᑎᑦ ᐱᓕᕆᐊᖃᕐᓗᑎᒃ ᖃᕆᑕᐅᔭᒃᑯᑦ ᐆᒃᑐᕋᕐᓂᕐᒥᒃ ᐱᒋᐊᕐᓗᓂ ᒪᐃ 12−ᒥ 16−ᒧᑦ, 2019. ᐱᔾᔪᑎᖓ ᑖᔅᓱᒪ ᐊᑭᓕᖅᓱᖅᑕᐅᙱᓪᓗᑎᒃ ᐆᒃᑐᕋᕐᓂᕐᒥ ᖃᐅᔨᓴᕐᓗᒋᑦ ᐱᔨᑦᑎᕋᐅᑎᕗᑦ, ᖁᕕᐊᓲᑎᒋᓗᒋᑦ ᑲᔪᓯᑦᑎᐊᕈᑎᑦ ᖃᐅᔨᓗᒋᓪᓗ ᐊᕙᑎᖏᑦ ᐱᐅᓯᒋᐊᖅᑐᓄᑦ ᑲᑎᒍᑎᓗᒍ ᑲᓇᑕᓕᒫᒥᑦ ᐊᑐᖅᑕᐅᔭᕆᐊᓕᖏᑦ ᑕᒪᒃᑭᖅᑐᓄᑦ ᐋᓐᓂᐊᕕᓕᐊᖅᑐᓄᓪᓗ ᐊᑦᑕᕐᓇᖅᑕᐃᓕᒪᓂᕐᒥᒃ.

ᐃᓚᐅᖃᑕᐅᔾᔪᑎᒥᒃ ᑲᓇᑕᒥ ᐆᒃᑐᕋᖅᑎᑦ ᓯᓚᑖᓃᑦᑐᓂᒃ ᕿᒥᕐᕈᔨᐅᔪᑦ ᖃᐅᔨᓴᐃᓪᓗᑎᒃ ᑲᑐᔾᔨᖃᑎᒌᒥᒃ ᐱᒋᓪᓗᒍ ᑲᓇᑕᓕᒫᒥᑦ ᐊᑐᖅᑕᐅᔭᕆᐊᓕᖏᑦ, ᐱᑎᑦᑎᓗᑎᒃ ᐃᒪᓐᓇᐅᖁᔭᐅᔪᓂᒃ ᐋᓐᓂᐊᖃᕐᓇᙱᑦᑐᓕᕆᓂᕐᒥᒃ ᐱᔨᑦᑎᕋᐅᑎᓂᒃ ᑎᓕᐅᕆᓗᒋᓪᓗ ᐃᓕᑦᑎᕙᓪᓕᐊᖏᓐᓇᕐᓂᕐᒥᒃ. ᐃᖃᓗᖕᓂ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐱᔨᑦᑎᕋᐅᑏᑦ ᐱᓪᓗᓂ ᐊᕐᕌᒍᓄᑦ ᑎᓴᒪᓄᑦ ᐃᓚᐅᖃᑕᐅᔾᔪᑎᒥᒃ ᑐᕌᖓᔪᒥᒃ 2015−ᒥ ᐊᒻᒪ ᐱᓕᕆᐊᖃᖅᓯᒪᓪᓗᑎᒃ ᐱᐅᓯᒋᐊᕈᑎᓂᒃ ᑭᐅᓗᒍ 2015 ᐃᓚᐅᖃᑕᐅᔾᔪᑎᒥᒃ ᐱᖁᔭᐅᔪᓂᒃ.

ᖃᕆᑕᐅᔭᒃᑯᑦ ᐆᒃᑐᕋᖅᑎᓪᓗᒋᑦ, ᐃᓚᐅᖃᑕᐅᔾᔪᑎᒥᒃ ᑲᓇᑕᒥ ᐆᒃᑐᕋᖅᑎᑦ ᐅᖃᖃᑎᖃᕈᒪᑐᐃᓐᓇᕆᐊᓕᑦ ᐃᖅᑲᓇᐃᔭᖅᑎᓂᒃ, ᐱᓕᕆᖃᑎᖏᓐᓂᒃ ᑲᑐᔾᔨᖃᑎᒌᓂᑦ, ᐋᓐᓂᐊᕕᓕᐊᖅᐸᒃᑐᓂᒃ ᐊᒻᒪᓗ ᓄᓇᓕᐅᔪᓂᒃ ᐊᖏᖅᐸᑕ ᐃᓚᐅᔪᒪᓗᑎᒃ. ᐅᖃᖃᑎᖃᕐᓂᖅ ᐃᓚᐅᖃᑕᐅᔾᔪᑎᒥᒃ ᑲᓇᑕᒥ ᐆᒃᑐᕋᖅᑎᒧᑦ ᐱᔪᒪᔭᒃᑰᖅᑐᖅ. ᑲᒪᒋᔭᐃᑦ ᐊᒃᑐᖅᑕᐅᔾᔮᙱᑦᑐᖅ ᓇᐅᒃᑯᑐᐃᓐᓇᖅ ᖃᓄᑐᐃᓐᓇᕐᓗ ᐅᓚᕕᓐᓇᖅᑐᖃᔾᔮᙱᖦᖢᓂ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᔨᑦᑎᕋᐅᑎᓂᑦ.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᕗᐊᓐᑎ ᕼᐊᓗᓐᐃᓐ
ᑐᓴᒐᒃᓴᓕᕆᔨᒻᒪᕆᒃ
ᒐᕙᒪᓕᕆᔨᒃᑯᑦ
867-975-6048
@email