Le gouvernement du Nunavut, Tourisme Nunavut et l’Association touristique autochtone du Canada signent un protocole d’ententeNunavut Kavamangat, Aullaaqtut Nunavunmi imaalu the Nunaqaqqaaqtut Katimayingit Kanatami atiliuqtut Naunaitkut Angiqatigiingnirmut
Tuhaqtitauyukhaq
Nunavut Kavamangat, Aullaaqtut Nunavunmi imaalu the Nunaqaqqaaqtut Katimayingit Kanatami atiliuqtut Naunaitkut Angiqatigiingnirmut (MOU)
Iqaluit, Nunavut (Qitiqqautiyuq 17, 2019) – Nunavut Kavamangat (GN), Aullaaqtut Nunavunmi Katimayiit, Nunaqaqqaaqtut Katimayingit Kanatami ublumi atiliuqtat Naunaitkut Angiqatigiingnirmut (MOU) piliuqhutik havaqatikhamingnik havaakhainik, imaalu piliurnikkut ikayuutikhainiklu aquinikkut ukuat Inuit Nunavunmi.
“Inuit ilauvallialiqtut aquinikkut havagviuyuni migaigyuumilirmata aquivaktut takuyumaplutik aadjikutaitumik Ukiuqtaqtumi takkuyakhanik,” uqaqtuq Minista Akeeagok. “GN-kut tunihiniaqtut iliharvikhainik upalungauyautikhanik Nunavummiut ihuaqtunik havaakhainik imaalu una Naunaitkut Angiqatigiingnirmut (MOU) ihuaqhaiyut tun'ngavikhanik pinahuarutikhaniklu takuyumayamingnik.”
Naunaitkut Angiqatigiingnirmut (MOU) naunaiyaqhimayait qanuriliurutikhainut hivulliuyukhat pingahunut timiuyunut havaqatgiiklutik, ilauyut ikayuutikhainik piliurnikkut Nunaqaqqaaqtut aquinikkut tamayakhainik atuqtakhainiklu; nallaumayunik aquinikkut qanuriliurutikhanik amigaigyuumitikhainik manikhainik; iliharnikkut ayuiqhavikhainiklu piqarlutik; amigaigyuumiyangini qauyihaidjutikhat takuyaqturumalugullu Nunaqaqqaaqtut aquinikkut; imaalu akhuuharlugit ikayurlugit pivalliadjutikhainik Inuit piliurnikkut turnikhaniklu Nunaqaqqaaqtut aquinikkut.
“Ublumi quvianaqtuq aquinirkkut Nunavunmi!” uqaqtuq Patrick Akpalialuk, Katimayiini Ikhivautalik ukuat Aullaaqtut Nunavunmi Havaakhanik Katimayingit. “Aullaaqtut Nunavunmi quviahuktut havaqtigiplugit Nunaqaqqaaqtut Katimayingit Kanatami ukuallu Havagviat Pivalliayuliqiyitkut Ingilrayuliqiyitkullu piliurnirmik havagvikhanik. Atiliurninga Naunaitkut Angiqatigiingnirmut (MOU) ikayuutauqpiarniaqtuq atulirnikhanut havagvikhat, niuvvavikhaniklu, nivvalutiklu iniriiqhimayunik atuqtakhainik.”
“Hamna quvianaqpiaktuq piliuriami ikayuutauqpiarniaqtunik qauyimatikhanik Nunaqaqqaaqtut Katimayingit Nunavunmi,” akallaktuq Keith Henry, Angiyuqqaaq imaalu Atanilluaq
Aulapkaiyiingat Nunaqaqqaaqtut Katimayingit Kanatami. “Amigaigyuumidjutikhanik Nunaqaqqaaqtut atuqpagainik Kanatami, ikayurniaqtavut angiglivalliadjutikhanik Nunaqaqqaaqtut aquinikkut havagvikhanik Nunavunmi havaqatigiikluta.”
Aullaaqtut Nunavunmiilauyunut naunairiiqhimayunut havagviuyut katudjiqatigiit. Akhuuqhaiyut aquinikkut pivalliadjutikhanik naunaiyautikhaniklu ilauyut havakhimayainik hanahimayainik ikayuutikhainiklu nunaryuami niuvvanikkut, qauyhihainikkut tuhaqtidjutinun, niuviktauyukhaniklu hanaiyautikhainik ikayuutikhainiklu. Nunaqaqqaaqtut Katimayingit Kanatami akhuuqtut ihuaqhiyuumirumaplugit maniliurutikhainik Nunaqaqqaaqtut inungnut Kanatami.
###
Tuhaqtidjutikhanut Uqarvikhaq:
Matthew Illaszewicz
Atannguyaq, Tuhaqtidjutinun
Pivalliayuliqiyitkut Ingilrayuliqiyitkullu
Nunavut Kavamanga
867-975-7818
867-222-0122 (cell)
@email
Jenna Hickman
Beattie Tartan
Inungnun Havaqatigiingnikkut Havagvikhanik
Nunaqaqqaaqtut Katimayingit Kanatami
250-592-3838,
250-514-3480 (cell)
@email
Kevin Kelly
Atanilluaq Tukimuaqti Havaktip
Aullaaqtut Nunavunmi
867-979-3781
@email