ᕿᑎᒃᑐᓕᕆᔨᒃᑯᑦ ᐱᙳᐊᖅᑐᓕᕆᔨᒃᑯᓪᓗ ᐊᑐᐃᓐᓇᒐᒃᓴᖏᑦ
ᒐᕙᒪᒃᑯᓐᓂ ᐃᓄᖕᓄᑦ ᑐᓴᒐᒃᓴᖅ
ᕿᑎᒃᑐᓕᕆᔨᒃᑯᑦ ᐱᙳᐊᖅᑐᓕᕆᔨᒃᑯᓪᓗ ᐊᑐᐃᓐᓇᒐᒃᓴᖏᑦ
ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᑦ, ᕿᑎᒃᑯᓕᕆᔨᒃᑯᑦ ᐱᙳᐊᖅᑐᓕᕆᔨᒃᑯᓪᓗ ᐱᔪᓐᓇᖅᓯᖕᒪᑕ ᐱᓇᔫᑎᓂᒃ ᐊᒥᓱᒐᓚᖕᓄᑦ ᐊᓕᐊᓇᐃᑦᑐᓂᒃ ᐱᓕᕆᐊᒃᓴᓂᑦ ᖃᓄᐃᓕᐅᒐᒃᓴᓂᒡᓗ!
1. ᒪᒃᑯᒃᑐᓄᑦ ᑭᒡᒐᖅᑐᐃᔨᓄᑦ ᐱᓕᕆᐊᒃᓴᑦ −ᒪᒃᑯᒃᖢᑎᒃ ᓯᕗᓕᖅᑎᐅᕕᑦ ᓄᓇᓕᖕᓂᑦ ᐅᑭᐅᖃᖅᖢᑎᒃ 16−ᓗ 21−ᓗ ᐊᑯᓐᓂᖓᓂᑦ? ᕿᑎᒃᑐᓕᕆᔨᒃᑯᑦ ᐱᙳᐊᖅᑐᓕᕆᔨᒃᑯᓪᓗ ᐃᖅᑲᓇᐃᔭᖅᑎᑖᕈᒪᖕᒪᑕ ᒪᒃᑯᒃᑐᓂᑦ ᓯᕗᓕᖅᑎᓂᒃ ᐃᓚᒋᔭᐅᓂᐊᕐᓗᑎᒃ ᓄᓇᕗᒻᒥᑦ ᒪᒃᑯᒃᑐᓄᑦ ᑭᒡᒐᖅᑐᐃᔨᓄᑦ ᐱᓕᕆᐊᒃᓴᓄᑦ!
2. ᐱᓕᕆᐊᒃᓴᓄᑦ ᐃᖅᑲᓇᐃᔭᖅᑏᑦ: ᐅᑭᐅᖅᑕᖅᑐᒥ ᐅᑭᐅᒃᑯᑦ ᐱᙳᐊᕕᒡᔪᐊᕐᓃᑦ – ᐅᑭᐅᖃᖅᐱᑦ 25 ᐅᖓᑖᓂᑦ, ᐃᓚᒋᔭᐅᓪᓚᕆᒡᓗᑎᒡᓗ ᕿᑎᖕᓂᖕᓂᑦ ᐱᙳᐊᖕᓂᖕᓂᓪᓗ ᓄᓇᓕᖕᓂᑦ ᐃᓱᒪᒋᔭᖃᕐᓗᑎᓪᓗ ᐃᑲᔪᖅᑐᐃᓂᖕᒥᑦ ᓄᓇᕗᒻᒥᑦ ᐃᓕᒌᓂᑦ ᐱᕙᒌᔭᖅᐸᓪᓕᐊᓕᖅᑎᓪᓗᒋᑦ 2020 ᐅᑭᐅᖅᑕᖅᑐᒥ ᐅᑭᐅᒃᑯᑦ ᐱᙳᐊᕕᒡᔪᐊᕐᓂᖕᓂᑦ? ᕿᑎᒃᑐᓕᕆᔨᒃᑯᑦ ᐱᙳᐊᖅᑐᓕᕆᔨᒃᑯᓪᓗ ᐱᔪᓐᓇᕐᓯᖕᒪᑕ ᐃᑲᔪᕈᒪᓇᔭᖅᑐᓂᑦ ᓄᓇᕗᑦ ᐃᓕᒌᑦ ᐱᓕᕆᐊᒃᓴᓄᑦ ᐃᖅᑲᓇᐃᔭᖅᑎᖏᓐᓄᑦ 2020 ᐅᑭᐅᖅᑕᖅᑐᒥ ᐅᑭᐅᒃᑯᑦ ᐱᙳᐊᕕᒡᔪᐊᕐᓂᖕᓂᑦ ᐅᐊᐃᑦᕼᐅᐊᔅ, ᔫᑳᓐᒥᑦ!
3. ᕿᑎᖕᓂᖕᒧᑦ ᑐᓐᓂᖅᑯᓯᐊᑦ − ᖃᐅᔨᒪᔭᖃᖅᐱᑦ ᐊᔪᙱᑦᑐᒻᒪᕆᖕᒥᑦ ᕿᑎᒃᑎᒥᑦ, ᐱᙳᐊᕐᑎᓄᑦ ᑲᒪᔨᒥᑦ ᐃᑲᔪᓲᒥᒡᓘᓐᓃᑦ ᓄᓇᔅᓯᓐᓂᑦ? ᓂᕈᐊᒐᒃᓴᓕᐅᖕᓂᖅ ᐅᒃᑯᐃᖓᔪᖅ ᐃᓕᓴᕆᔭᐅᖁᓪᓗᒋᑦ ᐃᓄᐃᑦ ᐃᑲᔪᒃᑲᒻᒪᕆᐅᓂᖏᓐᓄᑦ ᐱᙳᐊᖕᓂᖕᒧᑦ ᐱᕙᓪᓕᐊᑎᑦᑎᓂᖕᒥᑦ ᓄᓇᕗᒻᒥᑦ.
4. ᐃᓕᓐᓂᐊᕆᐊᖕᓂᖕᒧᑦ ᐱᓕᕆᐊᒃᓴᑦ − ᓄᓇᕗᒥᑦ ᐃᓕᓐᓂᐊᖅᑎᐅᕖᑦ ᓯᓚᑦᑐᖅᓴᕐᕕᖕᒥᑦ ᐃᓕᓐᓂᐊᕆᐊᕈᕕᑦ ᐃᖃᐃᓕᓴᕐᕕᖕᒥᑦ ᐃᓕᓐᓂᐊᖅᖢᑎᑦ/ᑎᒥᓕᕆᓂᕐᒥ, ᐃᖃᐃᓕᓴᕐᓂᕐᒥᑦ ᑎᑎᕋᖅᑎᐅᓂᖅ, ᐃᖃᐃᓕᓴᕐᓂᕐᒥᑦ ᖃᐅᔨᓴᕐᓂᖅᒥᑦ ᐅᕝᕙᓘᓐᓃ ᑭᐱᖑᐃᔭᕐᓂᖅ, ᐃᓕᓴᕆᔭᐅᓯᒪᔪᒥ ᓯᓚᑦᑐᖅᓴᕐᕕᖕᒥᑦ ᐅᕝᕙᓘᓐᓃ ᓯᓚᑐᖅᓴᕐᕕᔾᔪᐊᒥᑦ? ᒫᓐᓇ ᐱᓇᔪᒋᑦ!
ᑐᒃᓯᕋᐅᑎᑦ ᐱᔭᐅᓯᒪᔭᕆᐊᓖᑦ ᓇᒡᒐᔾᔭᒥᑦ, ᒪᐃ 6, 2019-ᒥᑦ. ᑐᑭᓯᒋᐊᒃᑲᓐᓂᕈᒪᔪᑦ, ᖃᐅᔨᒋᐊᕐᓗᑎᒃ @email.
###
ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:
ᓈᔅᕋ ᐃᓴᒃ
ᑐᓴᒐᒃᓴᓕᕆᔨᓄᑦ ᖃᐅᔨᒪᔨᑕᖅ
ᓄᓇᓕᖕᓂ ᒐᕙᒪᒃᑯᓂᓪᓗ ᐱᔨᑦᓯᕋᖅᑎᒃᑯᑦ
867-975-5342
@email