Hivuliqti Savikataaq quviahuutigijaa 20nguqninganik nalliutaanik piliurninganik Nunavut
Tuhaqtidjut
Hivuliqti Savikataaq quviahuutigijaa 20nguqninganik nalliutaanik piliurninganik Nunavut
Hivuliqti Joe Savikataaq ublumi tuhaqtijait uumuuna uqautikkut:
“20ni ukiuni ublumi, nunagijaa Kanadaup aallanguqtuq taimungaraalungmun, qujagidjutaanun mahulingaininginnun, ajungidjutinginnun qanuriliurumadjautainnunlu Nunavunmiutanin Inuinnarnin.
Ilaani uppirnaittuq qaangiqhimajun 20ngujut ukiut talvannga piliuqninganin nunaptiknik. 20ngujut ukiut talvannga pininganin hakugiktumin tautukhimanirmin, quviahungnianin pijaarunarhininganinlu, unalu kahaktauttaaqtutun ittutun minghingnarninganik niriuknirmi.
Piuqpiarninga hivumuunirni Nunavunmi kajumingittut niriugijaraluaptikni. Kihimi takuhimajugun nakuujunik inirutinik, naudjutinik pijumaqpiarutiniklu, ilitturihimaliqpiaqtugullu amigaittunik 1999min.
Hivumuuqpiaqhimajugun talvannga aullaqtirutiptiknin. Angiklijuummiliqtugun- pittaarutiptikni, taapkunannga ajuiqtauhimajukhanin ajuiqnirnin, paannariirutiptiknin uvaptikninlu.
Ublumi, niriuktunga ihumagitquplutin ukunani nakuujunik inirutiptiknik – pijumalarhaarutainnin nanmiliuqtinirnin, hanaujaqtinin huqullaaqtiuqtinin, piqpiarumadjutainnin Inirnighanin akhuuqhaijininlu Inuinnait uqauhianin, pitquhianin uppirijainninlu, nunallaaptiknilu tahapkunni pipkaidjutiptikni ikajurutinik, kangiqhihimanirnik inirutiniklu. Una Nunavutikput. Quviahuutiqaqtugun, havagumajugullu pinikkut pittaaqtaptinik turaangajaptikniklu.”
###
Tuhaqtipkainikkut Uqaqvigijakhaq:
Cate Macleod
aigualiuqtiinni Titiraqtia
Havagvia Hivuliqti Savikataaq
867-975-5059
[email protected]