ᐅᕐᓱᐃᑦ ᐊᑭᖏᑦ ᐋᖅᑭᒋᐊᖅᑕᐅᔪᑦ
ᑭᒃᑯᑐᐃᓐᓇᓄᑦ ᑐᓴᒐᒃᓴᖅ
ᐅᕐᓱᐃᑦ ᐊᑭᖏᑦ ᐋᖅᑭᒋᐊᖅᑕᐅᔪᑦ
ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᑦ, ᐅᖅᓱᐊᓗᓕᕆᔨᒃᑯᑦ, ᓄᓇᕗᒻᒥᐅᓂᒃ ᑐᓴᖅᑎᑦᑎᕗᑦ ᐅᖅᓱᐊᓘᑉ, ᑎᖕᒥᓲᖅᓯᐅᑦ ᐊᒻᒪ ᒑᓴᓖᓐ ᓂᐅᕕᐊᒃᓴᐃᑦ ᐊᑭᖏᑦ ᐋᖅᑭᒋᐊᖅᑕᐅᓂᖏᓐᓂᒃ, ᐊᔾᔨᒌᒍᓐᓃᖅᑕᕐᓂᖏᓐᓂᒃ ᓄᓇᕐᔪᐊᕐᒥ ᐅᖅᓱᐊᓗᖕᒥᑦ ᓂᐅᕐᕈᑎᖃᖅᐸᒃᑐᑦ ᐊᑭᖏᑦ.
ᓂᐅᕕᐊᒃᓴᑦ ᐊᑭᖏᑦ ᓄᓇᕗᑦ ᓄᓇᓕᓕᒫᖏᓐᓂᒃ ᐊᔾᔨᒌᓕᖅᑎᑕᐅᓂᐊᓕᖅᐳᑦ ᐃᖃᓗᐃᑦ ᐱᙱᖦᖢᓂ. ᓂᐅᕕᐊᒃᓴᐃᑦ ᐊᑭᖏᑦ ᓱᐴᔫᖅᓯᐅᑦ ᐊᓯᔾᔨᔾᔮᙱᑦᑐᑦ ᓄᓇᕘᓕᒫᒥ $8.00−ᑐᕐᓗᓂ ᐊᑕᐅᓯᖅ.
ᐅᑯᐊ ᐊᑭᖏᑦ ᐋᖅᑭᒋᐊᖅᑕᐅᔪᑦ ᓖᑕ ᐊᑕᐅᓯᖅ ᐊᑐᓯᒋᐊᕐᓂᐊᖅᐳᑦ ᐊᐃᕐᕆᓕ 1, 2019−ᒥ:
- ᐅᖅᑰᓴᐅᑦ ᐃᒐᓯᐅᑦ, ᓄᓇᕗᒻᒥ ᓄᓇᓕᓕᒫᑦ ᐃᖃᓗᐃᑦ ᐱᙱᖦᖢᒍ: $1.0390.
- ᐅᖅᓱᐊᓗᒃ ᓄᓇᓯᐅᒻᒧᑦ, ᓄᓇᕗᒻᒥ ᓄᓇᓕᓕᒫᑦ ᐃᖃᓗᐃᑦ ᐱᙱᖦᖢᒍ: $1.1847.
- ᐅᖅᓱᐊᓗᒃ ᖃᖓᑕᓲᖅᓯᐅᑦ, ᓄᓇᕗᒻᒥ ᓄᓇᓕᓕᒫᑦ ᐃᖃᓗᐃᑦ ᐱᙱᖦᖢᒍ: $1.4253.
- ᐅᖅᓱᖅ, ᓄᓇᕗᒻᒥ ᓄᓇᓕᓕᒫᑦ ᐃᖃᓗᐃᑦ ᐱᙱᖦᖢᒍ: $1.0964.
- ᑎᖕᒥᓲᖅᓯᐅᑦ, ᓄᓇᕗᒻᒥ ᓄᓇᓕᓕᒫᑦ ᐃᖃᓗᐃᑦ ᐱᙱᖦᖢᒍ: $1.5014.
2018−ᒥ, ᐅᖅᓱᐊᓗᓕᕆᔨᒃᑯᑦ ᑐᓂᓯᓚᐅᖅᐳᑦ ᐅᖅᓱᐊᓗᒃᑖᖅᑎᑦᑎᔨᓂᑦ ᐊᑕᐅᓯᕐᒥᒃ ᑳᑦᑐᓛᒥᒃ ᓄᓇᕘᓕᒫᒥ. ᐊᔾᔨᒌᓕᖅᑎᑕᐅᔪᖅ ᐊᑭᖓ ᓴᖅᑭᔮᖅᑎᑦᑎᔪᖅ ᐊᔾᔨᒌᓕᖅᑎᑦᑎᔪᒥᑦ ᐅᖅᓱᐊᓗᖕᒥᑦ ᐊᒻᒪ ᐅᓯᔭᐅᔾᔪᑎᖓᑕ ᐊᑭᖓᓂᒃ ᓄᓇᓕᖕᓄᑦ ᓄᓇᕗᒻᒥ. ᐅᖅᓱᐊᓗᓕᕆᔨᒃᑯᑦ ᓯᕗᓂᐊᓂ ᓂᐅᕕᖅᑎᑦᑎᕙᒃᑐᑦ ᓴᓂᕐᕙᐃᓚᐅᖅᐳᑦ 59-ᐳᓴᒥᑦ ᐅᖅᓱᐊᓗᑦ ᓂᐅᕕᐊᒃᓴᓂᑦ 2018/19-ᒥ ᐅᑭᐅᖑᑎᓪᓗᒍ, ᐊᐅᔭᒃᑯᑦ 2019-ᒥ ᓄᓇᓕᖕᓄᐊᖅᑕᐅᓂᐊᖅᑐᓂᒃ ᐊᑭᒃᖠᒋᐊᖅᓯᒪᓗᑎᒃ.
ᐅᖅᓱᐊᓗᓕᕆᔨᒃᑯᑦ ᓄᓇᕗᒻᒥᐅᓄᑦ ᐊᑐᐃᓐᓇᐅᑎᑦᑎᔪᒪᓪᓚᑦᑖᖅᐳᑦ ᐱᐅᓂᖅᐹᓂᒃ ᓂᐅᕕᐊᒃᓴᓂᒃ ᐊᕙᑎᑦᑎᓐᓄᑦ ᓈᒻᒪᓛᓂᒃ, ᐊᒻᒪ ᓂᐅᕐᕈᑎᖃᖅᐸᒃᖢᑎᒃ ᐱᐅᓛᓂᒃ ᓂᐅᕕᐊᒃᓴᓂᒃ ᐊᑐᐃᓐᓇᐅᔪᓂᑦ ᑲᓇᑕᒥ:
- ᐅᖅᓱᖅ: ᐱᓪᓚᕆᐅᓂᖅᓴᖅ ᐃᓚᓯᒪᙱᑦᑐᖅ ᐅᖅᓱᐊᓗᒃ
- ᐃᒐᓯᐅᑎᑦ: ᑕᖅᓴᖃᙱᑦᑐᖅ ᐃᒐᓯᐅᑦ
- ᓱᒃᑲᔪᕐᔪᐊᖅᓯᐅᑎ: ᑎᖕᒥᓲᖅᓯᐅᑦ A1
ᓄᓇᕗᒻᒥ ᐊᑭᑭᓐᓂᖅᐹᖑᖃᑕᐅᕗᑦ ᑲᓇᑕᒥ ᐅᖅᓱᐊᓗᒃᑖᕋᓱᐊᕐᓂᖅ.
###
ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:
ᓈᔅᕋ ᐃᓴᒃ
ᑐᓴᒐᒃᓴᓕᕆᔨᓄᑦ ᖃᐅᔨᒪᔨᑕᖅ
ᓄᓇᓕᖕᓂ ᒐᕙᒪᒃᑯᓂᓪᓗ ᐱᔨᑦᓯᕋᖅᑎᒃᑯᑦ
867-975-5342
@email