T5007 ᑖᒃᓰᔭᕈᑎᓄᑦ ᓇᓕᖅᑲᑦ
ᑭᒃᑯᓕᒫᓄᑦ ᑐᓴᒐᒃᓴᖅ
T5007 ᑖᒃᓰᔭᕈᑎᓄᑦ ᓇᓕᖅᑲᑦ
ᓂᖃᐃᓲᑎᑖᖃᑦᑕᓚᐅᕈᕕᑦ ᐃᓐᓇᐅᔾᔪᓯᐊᑦ ᖄᒃᑲᓐᓂᐊᒍᑦ ᐱᕚᓪᓕᕈᑎᒃᓴᖏᓐᓄᑦ ᐃᑲᔫᓯᐊᓂᒡᓘᓐᓃᑦ, 2018−ᒧᑦ T5007 ᑖᒃᓰᔭᕈᑎᓄᑦ ᓇᓕᖅᑲᐃᑦ ᓇᒃᓯᐅᔾᔭᐅᖃᑦᑕᖅᐸᓪᓕᐊᓂᐊᓕᖕᒪᑕ ᐱᒋᐊᖕᓂᖓᓂ ᐱᓇᓱᐊᕈᓯᐅᑉ ᕕᕗᐊᕆ 11, 2019−ᒥᑦ.
ᑖᒃᑯᐊ ᑖᒃᓰᔭᕈᑎᓄᑦ ᓇᓕᖅᑲᐃᑦ ᐊᑐᕐᑕᐅᓲᑦ ᐅᓂᒃᑳᓕᐊᖑᓪᓗᑎᒃ ᐊᒥᓲᓂᖏᓐᓂᑦ ᐃᑲᔫᓯᐊᖅᑖᕆᓚᐅᖅᑕᖕᓄᑦ ᐊᕐᕌᓂᐅᓚᐅᖅᑐᒧᑦ ᓂᖃᐃᓲᑎᑖᕕᓂᖕᓄᑦ ᐃᓐᓇᐅᔾᔪᓯᐊᑦ ᖄᒃᑲᓐᓂᐊᒍᑦ ᐱᕚᓪᓕᕈᑎᒃᓴᖏᓐᓄᑦ ᐃᑲᔫᓯᐊᓄᓪᓘᓐᓃᑦ. ᑖᒃᑯᐊ T5007 ᑖᒃᓰᔭᕈᑎᓄᑦ ᓇᓕᖅᑲᐃᑦ ᓴᓇᔭᐅᓲᑦ ᓂᐊᖁᕆᔭᒧᑦ ᐃᒡᓗᒥᐅᖃᑎᒌᓄᑦ ᓇᒃᓯᐅᑎᔭᐅᓂᐊᖅᖢᑎᒡᓗ ᑭᖑᓪᓕᖅᐹᒥᑦ ᖃᐅᔨᒪᔭᒧᑦ ᑐᕌᕈᑎᒧᑦ ᑎᑎᖅᑲᖕᓂᑦ.
ᐱᓚᐅᕈᕕᑦ $500−ᓂᑦ ᑐᖔᓂᓪᓘᓐᓃᑦ 2018−ᒥᑦ, ᐱᑎᑕᐅᔾᔮᙱᑦᑐᑎᑦ T5007 ᑖᒃᓰᔭᕈᑎᓄᑦ ᓇᓕᖅᑳᓂᑦ. ᑎᑎᕋᐅᓯᕆᔭᕆᐊᖃᐃᓐᓇᖕᓂᐊᖅᑕᐃᑦ ᓂᖃᐃᓲᑎᕕᓂᑦ ᐃᓐᓇᐅᔾᔪᓯᐊᑦ ᖄᒃᑲᓐᓂᐊᒍᑦ ᐱᕚᓪᓕᕈᑎᒃᓴᖏᓐᓄᑦ ᐃᑲᔫᓯᐊᓪᓘᓐᓃᑦ ᑖᒃᓯᓄᑦ ᐅᑎᕐᕕᐅᔾᔪᑎᒃᓴᖕᓂᑦ, ᒪᓕᒃᖢᒋᑦ ᑲᓇᑕᒥᑦ ᑖᒃᓯᓕᕆᔨᓄᑦ ᒪᓕᒋᐊᓕᖏᓐᓄᑦ.
ᐱᓕᕆᐊᓂᒡᓗᒋᑦ ᑖᒃᓯᔭᕈᑎᕕᓂᑎᑦ ᐱᒻᒪᕆᐅᕗᑦ ᑕᐃᒫᒡᓗ ᐃᑲᔫᓯᐊᕈᓐᓇᕈᑎᐅᕗᖅ ᓲᕐᓗ ᑲᓇᑕᒥᑦ ᓄᑕᖅᑲᓄᑦ ᐃᑲᔫᓯᐊᑦ, ᐱᖁᑎᓄᑦ ᐱᔨᑦᑎᕋᐅᑎᓄᓪᓗ ᑖᒃᓯᔭᕈᑎᓄᑦ, ᒐᕙᒪᑐᖃᒃᑯᓐᓂᑦ ᐃᑲᔫᓯᐊᓂᑦ, ᓄᓇᕗᒻᒥᑦ ᐃᓐᓇᐅᔾᔪᓯᐊᑦ ᖄᒃᑲᓐᓂᐊᒍᑦ ᐱᕚᓪᓕᕈᑎᒃᓴᖏᓐᓄᑦ ᐃᑲᔫᓯᐊᓂᑦ.
ᐊᐱᖅᑯᑎᒃᓴᖃᕈᕕᑦ T5007 ᑖᒃᓰᔭᕈᑎᓄᑦ ᓇᓕᖅᑲᖕᓂᑦ, ᖃᐅᔨᒋᐊᕐᕕᒋᓗᒍ ᓄᓇᔅᓯᓐᓂᑦ ᐃᑲᔫᓯᐊᖅᑐᓕᕆᔨᒧᑦ.
###
ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ
ᑐᕆᓯ ᕗᑦ
ᐊᑐᐊᒐᓕᕆᔨ
ᐃᓄᓕᕆᔨᒃᑯᑦ
867-975-5250
@email