ᕿᒥᕐᕈᓂᕐᒧᑦ ᑮᓇᐅᔭᐃᑦ ᑐᓐᓂᖅᑯᑕᐅᕙᒃᑐᑦ ᓄᓇᕗᒻᒥ ᐃᓕᓐᓂᐊᖅᑎᓄᑦ
ᑭᒃᑯᑐᐃᓐᓇᓄᑦ ᑐᓴᒐᒃᓴᖅ
ᕿᒥᕐᕈᓂᕐᒧᑦ ᑮᓇᐅᔭᐃᑦ ᑐᓐᓂᖅᑯᑕᐅᕙᒃᑐᑦ ᓄᓇᕗᒻᒥ ᐃᓕᓐᓂᐊᖅᑎᓄᑦ
ᐃᓕᓐᓂᐊᕐᓂᓕᕆᔨᒃᑯᑦ ᕿᓂᕐᒪᑕ ᐃᓕᓐᓂᐊᕐᑎᐅᔪᓂᑦ ᖁᑦᑎᖕᓂᓕᖕᒥᐅᑕᓂᑦ 11, 12 ᐃᓕᓐᓂᐊᕆᐊᒃᑲᓐᓂᕐᓯᒪᔪᓂᒡᓗ ᐱᓇᔪᖁᓪᓗᒋᑦ $2,800 ᐃᓕᓐᓂᐊᕐᕈᑎᒃᓴᓂᑦ ᑲᓇᑕᐅᑉ ᒐᕙᒪᒃᑯᖏᑦ ᖃᐅᔨᓇᓱᒐᒃᓴᖏᓐᓄᑦ ᐱᓕᕆᐊᒃᓴᓂᑦ.
ᖃᐅᔨᓇᓱᒐᒃᓴᒃᑯᑦ ᐱᔭᕆᑐᓪᓗᓂ ᐱᓇᓱᐊᕈᓯᕐᓄᑦ ᑕᓪᓕᒪᓄᑦ ᐅᐃᕖᑐᑦ ᐅᖃᐅᓯᕐᒧᑦ ᐃᓕᓐᓂᐊᒐᒃᓴᐅᕗᖅ ᐃᓕᓐᓂᐊᖅᑕᐅᓲᖑᓪᓗᓂ ᐅᐱᕐᖔᒃᑯᑦ ᐊᐅᔭᒃᑯᓪᓗ. ᐃᓕᓐᓂᐊᕈᑎᒧᑦ ᐊᑭᓕᐅᑎᒃᓴᑦ, ᑐᓐᓂᖅᑯᑕᐅᕙᒃᑐᑦ ᐊᒧᓯᓂᖅᑎᒍᑦ, ᐊᑭᓖᔾᔪᑕᐅᔪᓐᓇᖅᐳᑦ ᐃᓕᓐᓂᐊᕈᑎᓄᑦ ᐊᑭᓕᖅᓱᕆᐊᓕᖕᓄᑦ ᐃᓕᓐᓂᐊᖅᑕᐅᔪᒃᓴᓄᑦ, ᐃᓕᓐᓂᐊᕈᑎᒃᓴᓄᑦ, ᓂᕆᔾᔪᑎᓄᑦ ᐊᒻᒪ ᑐᔪᕐᒥᔾᔪᑎᓄᑦ, ᐃᓕᓐᓂᐊᖅᓯᓐᓇᕐᓗᑎᒡᓗ ᑲᑎᒪᓯᓐᓈᕈᑎᓄᑦ, ᐊᓯᖏᓐᓄᓪᓗ ᐊᑐᖅᑕᐅᔭᕆᐊᖃᖅᑐᓄᑦ ᐱᓕᕆᔾᔪᑎᓄᑦ. ᐃᓕᓐᓂᐊᖅᑎᑕᐅᓂᕐᒧᑦ ᐃᓂ ᐱᑎᑕᐅᓯᑲᐅᑎᒋᕙᒃᐳᖅ ᑖᒃᑯᓂᖓ ᑮᓇᐅᔭᓂᒃ ᐃᓕᓐᓂᐊᕈᑕᐅᔪᓂᒃ.
ᓄᓇᕗᒻᒥ ᐃᓕᓐᓂᐊᖃᑕᐅᔪᑦ ᖃᖓᑦᑕᐅᑎᓄᑦ ᐊᑭᓕᐅᑎᖏᑦ ᐅᑎᖅᑎᑕᐅᔪᓐᓇᖅᐳᑦ ᑐᓐᓂᖅᑯᓯᐊᕐᓗᑎᒡᓗ ᑕᓪᓕᒪᓂᒃ ᐊᖓᔪᒃᖡᑦ ᐃᓕᓐᓂᐊᕐᕕᖓᓐᓂᒃ ᐱᕚᓪᓕᕈᑎᓄᑦ ᐃᓚᐅᔾᔪᑎᖏᓐᓄᑦ ᐃᓕᓐᓂᐊᖃᑕᐅᔪᓄᑦ.
ᑐᒃᓯᕋᐅᑎᒥᒃ ᑐᓂᓯᔪᒪᔪᑦ ᕕᕝᕗᐊᕆ 15, 2019-ᒥ ᐃᓱᓕᕝᕕᒃᓴᖃᖅᑐᖅ. ᑐᑭᓯᒋᐊᒃᑲᓐᓂᕈᒪᒍᕕᑦ, ᖃᐅᔨᒋᐊᕆᑦ ᓄᓇᕘᑉ ᑐᑭᒧᐊᒃᑎᑦᑎᔨᐊᓄᑦ, ᔫᓯᐋᓐ ᐴᒫᓐᑦ, ᐅᕗᖓ 867-975-5652 @email. ᖃᕆᑕᐅᔭᒃᑯᑦ ᐱᓇᔪᖕᓂᐊᕈᕕᑦ, ᐅᕗᙵᐅᓗᑎᑦ www.myexplore.ca.
ᐱᖓᓱᐊᕈᓯᑦ ᐱᖓᓱᓄᑦ ᐃᖏᕐᕋᑎᑦᑎᔪᒪᖕᒥᔪᑦ ᐊᐅᔭᒃᑯᑦ ᐃᓕᓐᓂᐊᖅᑎᓄᑦ ᐅᑭᐅᓖᑦ 13-15.
###
ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:
ᔫᓯᐋᓐ ᐱᐅᒫᓐ
ᐅᐃᕖᑐᑦ ᐅᖃᐅᓯᓕᕆᔨ
ᐃᓕᓐᓂᐊᕐᓂᓕᕆᔨᒃᑯᑦ
867-975-5652
@email