ᐅᖃᓚᐅᑎᓯᐅᑏᑦ

You are here

ᓄᓇᕗᒻᒥᑦ ᐅᖃᓕᒫᒐᓕᕆᔨᑦ

ᓄᓇᕘᒥ ᐅᖃᓕᒫᒐᖃᕐᕕᖕᒥ ᐱᔨᑦᑎᕈᑎᑦ   

ᑭᒃᑯᑐᐃᓐᓇᕐᓄᑦ ᐅᖃᓕᒫᒐᖃᕐᕖᑦ ᐱᒻᒪᕆᐊᓘᖕᒪᑕ ᐅᐸᒃᑕᖅᕕᐅᓗᑎᒃ ᐃᑲᔫᑎᖃᖅᖢᑎᒃ ᓇᖕᒥᓂᕐᒧᑦ ᐱᕚᓕᐅᑎᒃᓴᐅᔪᓐᓇᖅᑐᓂᒃ ᐊᒻᒪᓗ ᖃᓄᑦᑎᐊᖅ ᐊᓯᔾᔩᔪᒪᓂᕐᒧᑦ ᓄᓇᓕᖕᓂ. ᓄᓇᕘᒥ ᑭᒃᑯᑐᐃᓐᓇᕐᓄᑦ ᐅᖃᓕᒫᒐᖃᕐᕖᖕᓂ ᐱᔨᑦᑎᕐᓃᑦ ᐱᑎᑦᑎᕙᒃᑐᑦ ᐅᖃᓕᒫᒐᒃᓴᓂᒃ, ᐱᓕᕆᔾᔪᑎᓄᑦ ᐃᑲᔪᖅᑐᐃᓂᕐᒧᑦ ᐊᒻᒪᓗ ᐱᓕᕆᐊᑐᒍᑦ ᐃᑲᔫᑎᒃᓴᓂᒃ 11-ᖑᔪᓄᑦ ᓄᓇᓕᐅᔪᓂ ᐅᖃᓕᒫᖃᖃᕐᕕᓕᕆᓂᕐᓄᑦ ᐱᐅᓯᑎᑦᑎᒋᐊᕐᓂᕐᒧᑦ ᑕᒪᒃᑯᑎᒎᓇᖅ ᐱᓕᕆᐊᖑᕙᒃᑐᑎᒍᑦ ᐱᓂᐅᔪᓂᑦ.  ᖃᐅᔨᒪᑎᑦᑎᕙᓪᓕᐊᕙᒃᑐᒍᑦ ᐊᒻᒪᓗ ᐱᔪᓐᓇᕐᓂᖅᑎᒍᑦ ᖃᐅᔨᒪᑎᑕᐅᕙᒃᖢᑕ  ᓄᓇᓕᖕᓂ ᐱᕕᐅᔪᓐᓇᖅᑐᑦ ᑭᒃᑯᑐᐃᓐᓇᕐᓂᑦ ᑕᒪᒃᑯᑎᒎᓇᖅ ᑭᒃᑯᑐᐃᓐᓇᕐᓄᑦ ᐅᖃᓕᒫᒐᖃᕐᕕᒃᑎᒍᑦ. 

ᓄᓇᕘᒥ ᑭᒃᑯᑐᐃᓐᓇᕐᓄᑦ ᐅᖃᓕᒫᒐᖃᕐᕕᑦ ᖁᐊᖅᓵᕐᓇᖏᑦᑐᑦ, ᑐᙵᓇᖅᑐᑦ ᐊᕙᑎᖏᑦ ᑭᒃᑯᑐᐃᓐᓇᑦᑎᐊᓄᑦ ᓇᓂᕐᒥᐅᑕᐅᒐᓗᐊᖅᐸᑕ, ᑕᐅᑐᖏᑦᑎᒍᑦ, ᐅᒃᐱᕐᓂᖏᑦᑎᒍᑦ, ᑮᓲᓂᖏᑦᑎᒍᑦ, ᖃᓅᔪᒪᓂᖏᑦᑎᒍᑦ, ᓇᓂᕐᒥᐅᑕᐅᓂᖏᑦᑎᒍᑦ ᐅᕝᕙᓘᓐᓃᑦ ᐱᔪᓐᓇᕐᓂᖏᑦᑎᒍᑦ. ᐃᑲᔪᖃᑦᑕᖅᑕᕗᑦ ᐅᐸᒃᑎᒋᕙᒃᑕᕗᑦ ᐱᔪᓐᓇᖅᖢᑦ ᐃᓅᑎᐊᖅᐹᓕᕈᑎᒃᓴᓂᒃ ᐃᓅᓯᖏᓐᓂ ᓄᓇᒧᒻᒥᐅᑕᐅᑎᓪᓗᒋᑦ ᐊᒻᒪᓗ ᓄᓇᖃᖅᑎᐅᑎᓪᓗᒋᑦ ᓄᓇᕐᔪᐊᕐᒥ ᓄᓇᓕᐅᔪᒥ. ᐱᓕᕆᓇᓱᐊᖃᑦᑕᕋᑦᑕ ᓄᓇᓕᖕᓂ ᐊᐅᓚᑕᐅᔪᓂᒃ ᐱᓕᕆᐊᓂᒃ ᐃᑲᔫᑎᔪᓐᓇᖅᑐᓂᒃ ᓄᓇᕘᒥ ᐃᓄᖕᓂᒃ, ᑮᓇᐅᔭᓕᐅᕋᓱᖕᓂᕐᒧᑦ ᐊᒻᒪᓗ ᐃᓕᖅᑯᓯᒃᑯᑦ ᖃᓄᐃᖁᔨᙱᓐᓂᕐᒧᑦ ᖃᐅᔨᒪᖃᑦᑕᐅᑎᓂᒃᑯᑦ ᖃᐅᔨᒪᔭᐅᔭᕆᐊᓕᖕᓂᒃ ᑕᒪᐃᓂᑦ ᓄᓇᕐᔪᐊᕐᒥ ᑭᓯᐊᓂ ᑕᐅᑐᒃᑕᐅᔪᓂᑦ ᐅᑭᐅᖅᑕᖅᑐᒥ ᐃᓱᒪᒋᔭᐅᔪᑎᒍᑦ ᐅᖃᓪᓚᐅᓯᖃᕆᐊᖃᕐᓂᖅ ᐊᒻᒪᓗ ᐅᖃᖃᑎᒌᖕᓂᒃᑯᑦ ᐃᓕᑦᑎᕙᓪᓕᐊᔪᒪᓂᕐᒧᑦ ᑕᐃᒪᖓᑦ ᐅᖃᓕᒫᖃᑦᑕᕐᓂᒃᑯᑦ.   

ᓄᓇᕘᒥ ᑭᒃᑯᑐᐃᓐᓇᕐᓄᑦ ᐅᖃᓕᒫᒐᖃᕐᕕᒃ ᒪᓂᒪᑎᑦᑎᓲᖑᔪᑦ ᖃᓄᐃᑦᑐᑐᐃᓐᓇᕐᓂᒃ ᐅᖃᓕᒫᒐᕐᓂᒃ, ᐊᔨᖑᐊᓖᑦ, ᑕᕐᕆᔮᒃᓴᑦ ᐊᒻᒪᓗ ᐊᓯᖏᑦᑎᒍᑦ ᐱᔨᑦᑎᕈᑎᑦ ᐅᐸᒍᑎᕙᒃᑐᓄᑦ. ᐊᓯᖏᑦᑕᐅᖅ ᐱᔨᑦᑎᕐᓃᑦ ᒪᑯᐊᖑᔪᓐᓇᕐᒥᔪᑦ ᖃᕋᓴᐅᔭᕐᓄᑦ ᐊᔪᕈᓐᓃᖅᓴᕐᓂᖅ, ᓄᑕᖅᑲᓄᑦ ᐱᓕᕆᐊᑦ, ᐊᑭᖃᙱᑦᑐᑎᒍᑦ ᖃᕋᓴᐅᔭᓕᕆᔪᓐᓇᖅᑎᑕᐅᓂᖅ, ᐃᑲᔫᑎᒃᓴᑦ, ᖃᐅᔨᓇᓲᑎᑦ, ᐊᑐᖅᑐᐊᒐᒃᓴᐅᔪᓐᓇᖅᑐᑦ ᐅᖃᓕᒫᒐᑦ, ᐊᒻᒪᓗ ᐊᕐᕌᒎᑉ ᐃᓚᖓᓂ ᖃᓄᐃᓕᐅᖅᑎᑦᑎᓂᐅᕙᒃᑐᑦ ᐱᕚᓕᖅᑎᑦᑎᓇᓱᐊᕐᓂᕐᒧᑦ ᓄᓇᕘᒥ ᐃᓕᖅᑯᓯᐅᔪᓂᒃ, ᑎᑎᖅᑭᕆᓂᒃᑯᑦ ᐊᒻᒪᓗ ᐅᖃᓕᒫᒐᑎᒍᑦ ᐊᒻᒪᓗ ᐃᑲᔫᑎᔪᓐᓇᕐᓂᖏᑦᑎᒍᑦ. 

ᓄᓇᕘᒥ ᑭᒃᑯᓕᒫᓄᑦ ᐅᖃᓕᒫᒐᖃᕐᕕᖕᒧᑦ ᐱᔨᑦᑎᖅᑏᑦ ᐃᑭᐊᖅᑭᕕᖃᖅᑐᑦ ᐅᕙᓂ http://www.publiclibraries.nu.ca ᐱᑕᖃᖅᖢᓂ ᐊᒥᓱᒻᒪᕆᐊᓗᖕᓂᒃ ᑎᑎᕋᖅᑕᐅᓯᒪᔪᑦ ᓄᓇᕘᒥ ᓄᓇᐃᑦ ᐊᒻᒪᓗ ᖃᕋᓴᐅᔭᒃᑯᑦ ᐃᑲᔫᑎᔪᓐᓇᖅᑐᑦ ᐱᔭᒃᓴᐅᔪᓪᓗ ᖃᕋᓴᐅᔭᑎᒍᑦ ᑭᒃᑯᑐᐃᓐᓇᕐᓂᑦ ᑎᑭᓴᐃᕕᐅᔪᓐᓇᖅᑐᑦ ᐊᒻᒪᓗ ᖃᔅᓯᒐᓴᐃᑦ ᓇᓗᓇᐃᖅᑕᐅᓯᒪᔪᑦ ᖃᐅᔨᓇᓱᒡᕕᐅᔪᓐᓇᖅᑐᑦ ᓄᐊᑕᐅᓯᒪᔪᓂᑦ. ᖃᐅᔨᒋᐊᕈᒪᕙᒃᑐᑦ ᐱᔪᓐᓇᕈᒪᒍᑎᒃ ᓄᓇᕘᒥ ᑭᒃᑯᑐᐃᓐᓇᕐᓄᑦ ᐅᖃᓕᒫᒐᖃᕐᕕᖕᓄᑦ ᐱᔨᑦᑎᕈᑎᑎᒍᑦ ᑕᑯᒋᐊᕈᓐᓇᖅᑐᑦ ᐅᕘᓈᕐᓗᑎᒃ http://catalogue.publiclibraries.nu.ca. 

 

 

ᐅᖃᕐᕕᖃᕈᒪᓗᓂ ᓇᓕᐊᖕᓂᑐᐃᓐᓇᖅ ᓄᓇᓕᖕᓂ ᐅᖃᓕᒫᖃᖃᕐᕕᐅᔪᒧᑦ...  

ᐅᖃᕐᕕᖃᕈᒪᓗᓂ ᓄᓇᕘᒥ ᑭᒃᑯᑐᐃᓐᓇᕐᓄᑦ ᐅᖃᓕᒫᒐᓕᕆᓂᕐᒧᑦ ᐱᔨᑦᑎᕈᑎᓄᑦ ᖃᒪᓐ'ᑐᐊᕐᒥ  

ᓯᕙᓂᐅᑕ: (867) 793-3353
ᓱᒃᑲᔪᒃᑯᑦ: (867) 793-3360
ᐃᕐᖐᓐᓈᖅᑕᐅᑖ: rknowling@gov.nu.ca

ᐅᕝᕙᓘᓐᓃᑦ ᑎᑎᖅᑲᒃᑯᕕᒃᑯᑦ:

Nunavut Public Library Services
P.O. Box 270
Baker Lake, Nunavut
X0C 0A0

Contact Name: 
ᕋᓐ ᓄᓕᖕ, ᐊᐅᓚᑦᓯᔨ, ᐅᖃᓕᒫᒐᓕᕆᔾᔪᑎᓄᑦ ᐃᓕᖅᑯᓯᓕᕆᔨᒃᑯᑦ
Phone: 
867-975-5500
I Am: 
the media
a researcher/scientist
I Need: 
community info
research
travel maps