ᐅᖃᓚᐅᑎᓯᐅᑏᑦ

You are here

ᖃᐅᔨᑎᑦᑎᒋᐊᖅᑐᑦ ᐅᐸᒍᒥᓇᖅᑎᑦᑎᓂᕐᒥᒃ ᓄᓇᕗᒻᒧ

ᔫᓂ 08, 2017

ᐱᕙᓪᓕᐊᔪᑦ ᓴᖅᑭᑎᑕᐅᔪᑦ

ᓴᖅᑭᑎᑕᐅᑲᐅᑎᒋᔭᕆᐊᓕᒃ

ᖃᐅᔨᑎᑦᑎᒋᐊᖅᑐᑦ ᐅᐸᒍᒥᓇᖅᑎᑦᑎᓂᕐᒥᒃ ᓄᓇᕗᒻᒧ

ᐃᖃᓗᐃᑦ, ᓄᓇᕗᑦ (ᔪᓂ 8, 2017) - ᐱᕙᓪᓕᐊᔪᓕᕆᔨᒃᑯᑦ ᐃᖏᕐᕋᔪᓕᕆᔨᒃᑯᓪᓗ ᑐᓴᕈᒥᓇᖅᑐᒥᒃ ᑐᓴᕋᒃᓴᖃᕐᒪᑕ ᖃᐅᔨᑎᑦᑎᒋᐊᖅᑐᑦ ᐅᐸᒍᒥᓇᖅᑎᑦᑎᓂᕐᒥᒃ ᓄᓇᕗᒻᒧ, ᓄᑖᖅ ᑐᙵᓱᒃᑎᑦᑎᔪᑎ ᐱᔪᒥᓇᖅᓯᑎᑦᑎᓂᕐᒥᑦ ᒐᕙᒪᒃᑯᖏᑦ ᓄᓇᕗᑦ ᓴᕿᑎᑦᑎᒻᒪᑕ ᐳᓚᕋᑉᐸᑦᑐᓄᑦ ᓴᕿᔮᖅᑎᑕᐅᑦᑎᐊᕐᓗᑎᒃ ᐱᔪᒥᓇᖅᓯᑦᑎᐊᕐᓗᒍ ᓄᓇᕗᑦ.

ᐱᕙᓪᓕᐊᓕᓚᐅᖅᑐᖅ ᐊᑯᓂᑲᓪᓚᒃ ᖃᐅᔨᓴᓚᐅᖅᑐᑎᒃ ᐊᒻᒪᓗ ᓄᓇᕗᒻᒥᐅᓄᑦ ᐅᖃᐅᓯᐅᓯᒪᔪᓂᑦ, ᑮᓇᐅᔭᓕᐅᕋᓱᐊᖅᑐᓂᒃ ᑲᒪᔨᐅᔪᑦ ᐊᒻᒪᓗ ᓄᓇᓕᒡᓂᑦ ᑲᒪᒋᔭᖃᓪᓗᐊᑕᑉᐸᑦᑐᑦ, ᐅᐸᒍᒥᓇᖅᑎᑦᑎᓂᕐᒥᒃ ᓄᓇᕗᒻᒧ ᓴᕿᑎᑕᐅᓯᒪᔪᖅ ᐃᓕᓴᕆᔭᐅᓯᒪᓪᓗᓂ ᑎᒥᕈᖅᑎᑕᖅ ᐊᒻᒪᓗ ᐊᒃᑐᐊᓂᖃᖅᑐᖅ "ᐅᑭᐅᖅᑕᖅᑑᑉ ᑕᕐᓂᖓ". ᓄᓇᓕᓐᓂᑦ ᐅᖃᐅᓯᐅᓯᒪᔪᓂ, ᑲᑎᒪᔨᓂᑦ, ᐱᔪᒥᓇᖅᑎᑦᑎᓇᓱᐊᕐᓂᕐᑯᑦ ᖃᓄᐃᓕᐅᖅᑕᐅᕙᓪᓕᐊᔪᒪᔪᓂᑦ, ᓄᑖᒥᒡᓗ ᐃᑭᐊᕿᕕᖃᓕᖅᑐᑦ, DestinationNunavut.ca, ᑐᕌᕋᓱᐊᖅᑐᑦ ᑭᒃᑯᑐᐃᓇᕐᓂᑦ ᖃᐅᔨᒃᑲᐃᓇᓱᐊᖅᑐᑦ ᐱᔪᒥᓇᖅᑎᓪᓗᒍ ᐳᓚᕋᖃᑦᑕᕋᔭᖅᑐᓂᒃ ᓄᓇᕗᒻᒧᑦ ᓇᓚᐅᑦᑖᖅᑕᐅᔪᒥᑦ ᓄᓇᕗᒻᒥᐅᓄᑦ.

"ᐳᓚᕋᑦᑐᓕᕆᓂᖅ ᐱᒻᒪᕆᐅᒻᒪᑦ ᓄᓇᕗᒻᒧᑦ ᒪᑭᒪᔾᔪᑎᑦᑎᐊᕙᐅᒻᒪᑦ," ᐅᖃᓚᐅᖅᑐᖅ ᓄᓇᕗᑦ ᒥᓂᔅᑕᖓ ᐱᕙᓪᓕᐊᔪᓕᕆᔨᒃᑯᑦ ᐃᖏᕐᕋᔪᓕᕆᔨᒃᑯᓪᓗ, ᒫᓂᑲ ᐃᐅᓪ−ᑲᓇᔪᖅ. ᐃᖅᑲᓇᐃᔮᓴᓂᑦ ᓴᖅᑭᑦᑎᒐᔭᖅᑐᖅ, ᐱᓕᒻᒪᓴᓂᕐᒥᑦ ᐊᒻᒪᓗ ᓄᓇᓕᓐᓄᑦ ᐱᕈᖅᐸᓪᓕᐊᔪᑎᑦᑎᐊᕙᐅᓂᐊᖅᑐᑦ ᓄᓇᕗᒻᒥᐅᓄᑦ. ᖁᕕᐊᓲᑎᒋᑦᑎᐊᕐᓚᕗᑦ ᐊᒻᒪᓗ ᐃᖅᑲᓲᑎᒋᓗᑎᒍ ᐃᓂᖅᑯᓯᖅᐳᑦ ᓴᖏᔫᓂᖓᓂᑦ, ᒐᕙᒪᖓ ᓄᓇᕗᑦ ᐃᖃᓱᑦᑎᑦᑎᔪᑦ ᓄᓇᕐᔪᐊᕐᒥᐅᖑᖃᑎᑦᑎᓐᓂᑦ ᖃᐃᖁᔨᓗᑎᑦ ᖃᐅᔨᓂᐊᕐᒪᑕ "ᐅᑭᐅᖅᑕᖅᑑᑉ ᑕᕐᓂᖓᓂ."

ᐃᓚᒋᔭᐅᑦᑎᐊᓕᕇᖅᑐᖅ ᐊᔾᔨᒌᖏᑦᑐᓄᑦ ᐱᔪᒥᓇᖅᓴᐅᑎᓄᑦ ᐱᓕᕆᐊᖑᓚᐅᖅᑐᖅ ᓄᓇᕗᑦ ᐳᓚᕋᑦᑐᓕᕆᓂᖓ ᐊᖏᒡᓕᑎᑕᐅᒋᐊᖅᑐᖅ ᓂᐅᕕᐊᓴᖃᕐᓂᒃᑯᑦ ᐱᔨᑦᑎᕋᕐᓂᒃᑯᓪᓗ, ᐱᓕᕆᕝᕕᐅᔪᖅ ᐃᑲᔪᕆᓪᓗᓂ ᐊᐅᓪᓚᕈᔾᔨᔨᓂᑦ ᐱᔪᒥᓴᖅᓯᑎᑦᑎᑲᓐᓂᖁᓪᓗᒋᑦ ᐳᓚᕋᑦᑐᓕᕆᓂᕐᒧᑦ. ᓄᓇᕗᒻᒥᐅᓂᒃ ᓴᕿᔮᖅᑎᑦᑎᓂᒃᑯᑐᐃᓐᓇᐅᖏᑦᑐᖅ, ᐃᑭᐊᕿᕕ ᑐᓴᐅᒪᑎᑦᑎᔾᔪᑎᓂᒃ ᐱᑕᖃᐅᖅᑐᖅ ᓄᓇᓕᓐᓂᑦ ᐳᓚᕋᕈᒪᔪᓄᑦ ᐊᐅᓪᓚᖅᑎᑦᑎᔪᓐᓇᖅᑐᓂᒃ ᐊᒻᒪᓗ ᖃᓄᐃᓕᐅᖅᑎᑦᑎᖃᑦᑕᕋᔭᕐᒪᖔᑕ ᓇᓗᓇᐃᖅᓯᒪᔪᓂᒃ. ᐱᓕᕆᕝᕕᕗᑦ ᓴᕿᑎᑦᑎᕙᓪᓕᐊᒥᔪᑦ ᑐᓴᐅᒪᑎᑦᑎᔪᑎᓂᒃ ᖃᕆᓴᐅᔭᒃᑯᑦ ᓴᕿᑲᐅᑎᒋᔪᓐᓇᖅᑐᓂᒃ, ᐱᕙᓪᓕᐊᑲᐅᑎᒋᔪᑎᒍ ᐱᖃᓐᓇᕆᔭᖅᑖᕐᕕᒃᑯᓪᓗ (Twitter and Facebook).

ᐅᐸᒍᒥᓇᖅᑎᑦᑎᓂᕐᒥᒃ ᓄᓇᕗᒻᒧ ᒫᓐᓇ ᓴᖅᑭᔮᖅᑎᑎᔪ ᓄᓇᕗᒻᒥᐅᑦ ᓄᓇᓕᖏᓐᓄᑦ ᑲᔪᖏᖅᓴᐃᓂᕐᒥᑦ, ᐃᖅᑲᓇᐃᔮᖓᑕ ᒥᒃᓵᓄᑦ ᑕᑯᒃᓴᐅᑎᑦᑎᓛᖅᑐᑦ ᐋᑐᕙᒥᑦ ᒪᐃ 20ᒥ ᓯᑎᐱᕆ 4, 2017ᒥ. ᐱᓕᕆᕝᕕᑉᐳᑦ ᐱᓕᕆᖃᑎᖃᖃᑦᑕᖅᑐᑦ ᐊᔾᔨᒌᖏᑦᑐᓂᑦ ᐱᓕᕆᖃᑎᒋᔭᒥᓂᑦ ᐃᓚᒋᔭᐅᓪᓗᑎᒃ ᐃᓕᖅᑯᓯᓕᕆᔨᒃᑯᑦ, ᓄᓇᕗᒻᒥ ᓴᓇᐅᒐᓕᕆᔨᒃᑯᑦ ᑲᑐᔾᔨᖃᑎᒌᑦ, ᐊᓕᐊᓇᐃᑦ, ᓄᓇᕗᑦ ᓯᕗᓂᒃᓴᕗᑦ, ᐊᒻᒪᓗ ᓄᓇᕗᒻᒥ ᐳᓚᕋᖅᑐᓕᕆᔩ ᐱᓕᕆᖃᑎᒌᓪᓗᑎᒃ ᓴᕿᔮᖅᑎᑦᑎᓛᖅᑐᑦ ᓄᓇᕗᒻᒥ ᐱᔪᒥᓇᖅᑎᑦᑎᓗᑎᒃ. ᐃᓱᒪᒋᔭᐅᔪᖅ ᐃᒻᒪᖃ 11ᒥᓕᔾᔭᑦ ᑕᑯᔭᖅᑐᕋᔭᕆᐊᖏᓐᓂᑦ ᐃᖅᑲᓇᐃᔮᖓᑕ ᒥᒃᓵᓄᑦ ᑕᑯᒃᓴᐅᑎᑦᑎᓕᖅᐸᑕ ᐅᐸᒍᒥᓇᖅᑎᑦᑎᓂᕐᒥᒃ ᓄᓇᕗᒻᒧ ᓴᕿᔮᖅᑎᐅᔪᖅ ᓄᓇᕗᒻᒥᐅᓂᑦ ᑕᑯᑦᓴᐅᑎᑦᑎᓛᕐᒪᑦ ᐳᓚᕆᐊᕈᒥᓇᕐᓂᖅᐸᐅᓗᓂ.

###

ᐱᕙᓪᓕᐊᔪᓄᑦ ᖃᐅᔨᒋᐊᕐᕕᒃᓴᖅ

ᐃᐅᔩᓂ ᑯᐅᐊᒃ
ᐊᐅᓚᑦᑎᔨᐅᑲᐃᓐᓇᖅᑐᖅ ᑐᓴᒐᒃᓴᓕᕆᓂᕐᒧᑦ
ᐱᕙᓪᓕᐊᔪᓕᕆᔨᒃᑯᑦ ᐃᖏᕐᕋᔪᓕᕆᔨᒃᑯᓪᓗ
(867) 975-7867
ekwok@gov.nu.ca