ᐅᖃᓚᐅᑎᓯᐅᑏᑦ

You are here

ᓚᐃᓴᓐᓯᖃᙱᑦᑐᑦ ᓇᓚᐅᑦᑖᕈᑎᑦ ᓵᓚᒃᓴᕋᓲᑎᓄᑦ − ᓂᐅᕕᖅᑐᖅ ᖃᐅᔨᒪᑦᑎᐊᕆᐊᕆᑦ

ᐊᒐᓯ 25, 2017

ᑭᒃᑯᑐᐃᓐᓇᕐᓄᑦ ᑐᓴᒐᒃᓴᖅ

ᓚᐃᓴᓐᓯᖃᙱᑦᑐᑦ ᓇᓚᐅᑦᑖᕈᑎᑦ ᓵᓚᒃᓴᕋᓲᑎᓄᑦ − ᓂᐅᕕᖅᑐᖅ ᖃᐅᔨᒪᑦᑎᐊᕆᐊᕆᑦ

ᓂᐅᕕᓚᐅᖅᓯᒪᕖᑦ ᓇᓚᐅᑦᑖᕈᑎᓂᒃ ᓵᓚᒃᓴᕋᓲᑎᓄᑦ ᓵᓚᒃᓴᕋᓱᒃᖢᑎᑦ ᐱᖁᑎᓂᒃ ᐃᑲᔪᖅᓱᕋᓱᒃᖢᑎᓪᓘᓐᓃᑦ ᑲᑐᔾᔨᖃᑎᒌᒥᑦ ᓄᓇᓕᔅᓯᓐᓂ? ᐊᖏᕈᕕᑦ, ᖃᐅᔨᒪᒋᐊᕐᓂᐊᖅᐳᑎᑦ ᐃᑲᔪᖅᓱᖅᑕᑐᐊᕆᓗᒋᑦ ᓚᐃᓴᓐᓯᖃᖅᑐᑦ ᓇᓚᐅᑦᑖᕈᑎᑦ ᓵᓚᒃᓴᕋᓲᑎᓄᑦ. ᒪᓕᒐᕐᒥᒃ ᓱᕋᐃᖕᒪᑦ ᐱᓯᒪᓗᓂ ᓚᐃᓴᓐᓯᖃᙱᑦᑐᒥᒃ ᓇᓚᐅᑦᑖᕈᑎᒥᒃ ᓄᓇᕗᒻᒥ.

ᓚᐃᓴᓐᓯ ᓴᐳᒻᒦᔪᖅ ᓂᐅᕕᖅᑎᒥᒃ ᐊᒻᒪᓗ ᑲᑐᔾᔨᖃᑎᒌᖑᔪᖅ ᐱᓯᒪᒃᖠᖅᑐᖅ ᓇᓚᐅᑦᑖᕈᑎᓂᒃ ᓵᓚᒃᓴᕋᓲᑎᒥᒃ. ᖃᓄᐃᓕᐅᖅᑐᒦᒃᑯᕕᑦ, ᓲᕐᓗ ᐱᙴᖅᑐᓂ, ᑕᑯᔪᓐᓇᓪᓗᐊᖅᑐᑎᑦ ᓇᓚᐅᑦᑖᕈᑎᓂᒃ ᓵᓚᒃᓴᕋᓲᑎ ᓚᐃᓴᓐᓯᒥᒃ ᓴᖅᑭᔮᖅᑎᑕᐅᔪᒥᒃ. ᐱᓇᔫᑎᒥᒃ ᓂᐅᕕᓚᐅᙱᓐᓂᕐᓂ ᓵᓚᒃᓴᕋᓲᑎᒥᒃ ᐱᖁᑎᑖᕋᓲᑎᒥᒃᓘᓐᓃᑦ ᐊᒧᔭᐅᔪᒃᓴᒥᒃ, ᖃᐅᔨᒪᒋᐊᕐᓗᑎᑦ ᓚᐃᓴᓐᓯᒥᒃ ᓈᓴᐅᑎᑕᖃᕐᒪᖔᑦ ᓵᓚᒃᓴᕋᓲᑎᖕᓂᒃ. ᑕᑯᔪᓐᓇᙱᒃᑯᕕᑦ ᓚᐃᓴᓐᓯ ᓈᓴᐅᑎᖓᓂᒃ, ᓇᓚᐅᑦᑖᕈᑎ ᓵᓚᒃᓴᕋᓲᑎ ᓚᐃᓴᓐᓯᖃᙱᑦᑐᖅ ᐃᑲᔪᖅᓱᖅᑕᐅᓪᓗᐊᙱᖦᖢᓂᓗ.

ᓄᓇᕗᒻᒥ ᓇᓚᐅᑦᑖᕈᑎᓂᒃ ᓵᓚᒃᓴᕋᓲᑎᓄᑦ ᐱᖁᔭᖅ ᐋᖅᑭᒃᓯᒪᑎᑦᑎᔪᖅ ᐅᒃᐱᖕᓂᓕᕆᔨᑐᐊᑦ ᐃᑲᔪᕋᓱᒃᐸᒃᑐᓪᓘᓐᓃᑦ ᑲᑐᔾᔨᖃᑎᒌᖏᑦ ᐱᔪᓐᓇᖅᑎᑕᐅᔪᑦ ᐱᓯᒪᒃᖠᕐᓗᑎᒃ ᓇᓚᐅᑦᑖᕈᑎᓂᒃ. ᓇᖕᒥᓂᕆᔭᐅᔪᑦ ᐱᔪᓐᓇᖅᑎᑕᐅᙱᑦᑐᑦ. ᐃᓱᒫᓘᑎᖃᕈᕕᑦ ᑮᓇᐅᔭᓄᑦ ᐱᕋᔭᒃᑐᓂᒃ ᐱᑎᑕᐅᔪᓄᑦ ᓚᐃᓴᓐᓯᖃᙱᑦᑐᓄᑦ ᓇᓚᐅᑦᑖᕈᑎᓂᒃ ᓵᓚᒃᓴᕋᓲᑎᓄᑦ, ᖃᐅᔨᒋᐊᕐᓗᒋᑦ ᐸᓖᓯᒃᑯᑦ.

ᑲᑐᔾᔨᖃᑎᒌᑦ ᐱᔪᒪᔪᑦ ᐱᓇᔫᑎᒥᒃ ᓇᓚᐅᑦᑖᕈᑎᓂᒃ ᓵᓚᒃᓴᕋᓲᑎᓄᑦ ᓚᐃᓴᓐᓯᒥᒃ ᖃᐅᔨᒋᐊᖅᓯᔪᓐᓇᖅᑐᑦ ᓂᐅᕕᖅᑐᓕᕆᔨᒃᑯᓐᓄᑦ ᐊᑭᖃᙱᑦᑐᖅ ᐅᕗᖓ (866) 223-8139 ᐃᕐᖐᓐᓈᕈᑎᒃᑯᓪᓘᓐᓃᑦ ᐅᕗᖓ nunavutlotteries@gov.nu.ca.

ᑐᓴᕆᐊᒃᑲᓐᓂᕈᑎᓄᑦ, ᐅᐸᒃᓗᒍ ᓂᐅᕕᖅᑐᓕᕆᔨᒃᑯᑦ ᐃᖅᑲᓇᐃᔭᕐᕕᖓ ᓄᓇᓕᖕᓂ ᒐᕙᒪᒃᑯᓐᓂᓗ ᐱᔨᑦᑎᕋᖅᑎᒃᑯᑦ ᐃᑭᐊᖅᑭᕕᖓ ᐅᕙᓂ http://www.gov.nu.ca/community-and-government-services.

###

ᐱᕙᓪᓕᐊᔪᓄᑦ ᑐᓴᕆᐊᕐᕕᒃᓴᖅ:

ᑯᕆᔅ ᒧᓪᓚᓕ
ᐊᑐᐊᒐᓄᑦ ᖃᐅᔨᓴᖅᑎ/ᑐᓴᐅᒪᔪᓕᕆᔨ
ᓄᓇᓕᖕᓂ ᒐᕙᒪᒃᑯᓐᓂᓗ ᐱᔨᑦᑎᕋᖅᑎᒃᑯᑦ
867-975-5342
kmullaly@gov.nu.ca