ᐅᖃᓚᐅᑎᓯᐅᑏᑦ

You are here

ᐱᓕᕆᐊᒃᓴᓂᒃ ᐱᕙᓪᓕᐊᑎᑦᑎᓂᖅ ᐊᒻᒪ ᐊᐅᓚᑦᑎᓂᖅ

ᐱᓕᕆᐊᒃᓴᓂᒃ ᐱᕙᓪᓕᐊᑎᑦᑎᓂᖅ ᐱᓕᕆᔾᔪᑎᓄᓪᓗ ᐱᔨᑦᑎᕋᖅᑏᑦ ᒐᕙᒪᒃᑯᓐᓂ ᐃᑲᔪᖃᑦᑕᖅᑐᑦ ᐃᒡᓗᓕᐅᖅᑎᓪᓗᒋᑦ ᐊᒻᒪ ᓄᓇᓕᖕᓂ ᐊᐅᓚᔪᓐᓇᐅᑎᖏᓐᓂᒃ ᐱᓕᕆᐊᒃᓴᓄᑦ ᑎᑎᕋᐅᔭᖅᑕᐅᓂᖓᓂ ᐱᒋᐊᖅᖢᓂ ᐱᔭᕇᕋᓱᖕᓂᖓᓄᑦ.

ᐱᓕᕆᐊᒃᓴᓂᒃ ᐊᐅᓚᑦᑎᓂᖅ

ᐱᓕᕆᐊᒃᓴᓂᒃ ᐊᐅᓚᑦᑎᓂᖅ ᐃᑲᔪᖅᑐᐃᖃᑦᑕᖅᑐᑦ ᐊᕕᒃᑐᖅᓯᒪᔪᓂ ᐱᓕᕆᑎᓪᓗᒋᑦ, ᐊᐅᓚᑦᑎᓂᖏᓐᓂ, ᑮᓇᐅᔭᖅᑐᕈᑎᒃᓴᖏᓐᓂ, ᖃᖓᒃᑰᕋᔭᕐᓂᖏᓐᓂ, ᐱᐅᓂᖏᓐᓂ ᐅᓗᕆᐊᓇᖅᑐᒦᒍᓐᓇᕐᓂᖏᓐᓂᒡᓗ ᐱᓕᕆᐊᒃᓴᑦ ᐊᑐᓕᖅᑎᑕᐅᓂᖏᑦ. ᐱᓕᕆᐊᒃᓴᓂᒃ ᐊᐅᓚᑦᑎᓂᖅ ᐊᐅᓚᑦᑎᖃᑦᑕᖅᐳᑦ ᑳᑦᑐᓛᓂᒃ ᑎᑎᖅᑐᒐᖅᑎᓂᒃ ᐊᒻᒪ ᐋᖅᑭᒃᓱᖅᑕᐅᕙᓪᓕᐊᓂᖓᑕ ᐅᖃᐅᔾᔪᐃᔨᖏᓐᓂᒃ ᐊᒻᒪ ᐃᒡᓗᓕᐅᖅᑎᑦ ᑳᑦᑐᓛᒃᑎᖏᓐᓂᒃ. ᐊᖏᖅᑎᐅᕗᑦ ᐊᑭᓕᐅᑎᓂᒃ, ᐊᓯᔾᔨᖅᑕᐅᔪᓂᒃ ᐊᒻᒪ ᐅᓂᒃᑳᓕᐅᖅᐸᒃᖢᑎᒃ ᑕᐅᑦᑐᖓᑕ ᐊᒻᒪ ᑮᓇᐅᔭᐃᑦ ᖃᓄᐃᓕᖓᓂᖏᓐᓂᒃ ᐱᔨᑦᑎᕋᖃᑦᑕᖅᑐᓂᒃ ᐊᒻᒪ ᓄᓇᕗᒻᒥ ᓄᓇᓕᖏᓐᓄᑦ. 

ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᑦ ᐃᖅᑲᓇᐃᔭᖅᑎᖏᑦ ᓇᓗᓇᐃᖅᓯᖃᑦᑕᖅᐳᑦ ᒐᕙᒪᒃᑯᑦ ᐃᖅᑲᓇᐃᔭᕐᕕᖏᑦ ᓄᓇᕗᑦ ᒐᕙᒪᒃᑯᑦ ᐃᖅᑲᓇᐃᔭᖅᑎᖏᑕ ᐱᔭᕆᐊᖃᖅᑕᖏᓐᓂᒃ ᓴᖅᑭᑦᑎᔭᕆᐊᖃᕐᓂᖏᓐᓂᒃ. ᑕᒪᓐᓇ ᐱᓕᕆᐊᖑᖃᑦᑕᖅᐳᖅ ᐱᓕᕆᐊᒃᓴᖏᓐᓂᒃ ᐃᑲᔪᖅᑐᐃᓪᓗᑎᒃ ᐊᒻᒪ ᓴᓇᔭᐅᓂᐊᖅᑐᑦ ᐊᑭᖏᑦ ᓇᓚᐅᑦᑖᖅᑕᐅᓪᓗᑎᒃ.

ᒪᕐᕉᖕᓂᒃ ᐱᒻᒪᕆᐅᔪᖅᑕᖃᖅᐳᖅ ᐱᓕᕆᐊᒃᓴᓂᒃ ᐊᐅᓚᑦᑎᓂᖅ; ᐅᑯᐊᖑᓪᓗᑎᒃ ᐱᓕᕆᐊᒃᓴᓂᒃ ᐃᑲᔪᖅᑐᐃᓂᖅ ᐊᒻᒪ ᓴᓇᔭᐅᓂᖏᓐᓄᑦ ᐊᑭᖏᓐᓂᒃ ᐋᖅᑭᒃᓱᐃᔨᓄᑦ.

ᐱᓕᕆᐊᒃᓴᓂᒃ ᐃᑲᔪᖅᑐᐃᔨᓄᑦ ᐃᓱᒪᒋᔭᐅᒋᐊᖃᖅᑐᑦ:

- ᒫᓐᓇ ᐃᓂᒋᔭᐅᔭᕆᐊᓖᑦ ᐊᒻᒪ ᓯᕗᓂᒃᓴᒥ ᐃᓂᒋᔭᐅᔭᕆᐊᖃᓛᖅᑐᑦ;
- ᐃᒡᓗᕐᔪᐊᑉ ᐃᓂᒃᓴᖓ, ᐊᖏᓂᖓ ᐊᒻᒪ ᐋᖅᑭᒃᓯᒪᓂᖓ; 
- ᓄᓇᒃᑰᕈᑎᑦ ᓄᖅᑲᖔᕐᕕᒃᓴᖏᑦ; 
- ᐱᒻᒪᕆᐅᔪᑦ ᐃᑲᔪᖅᑐᐃᔾᔪᑎᑦ ᐱᔨᑦᑎᕋᐅᑎᖏᑦ ᐊᒻᒪ ᐊᑐᖅᑕᐅᕙᒃᑐᑦ; 
- ᐱᕙᓪᓕᐊᔪᓕᕆᓂᕐᒧᑦ, ᐃᓅᖃᑎᒌᓄᑦ, ᐊᕙᑎᓕᕆᓂᕐᒧᑦ ᐊᒻᒪ ᐃᓄᖕᓄᑦ ᐊᒃᑐᐃᕙᒃᑐᑦ;
- ᖃᓄᑎᒋ ᐃᓄᖕᓄᑦ ᐊᑐᖅᑕᐅᕙᖕᓂᖏᑦ; 
- ᐱᓕᕆᐊᒃᓴᓄᑦ ᐊᑭᖏᑦ ᓇᓚᐅᑦᑖᖅᑕᐅᓯᒪᔪᑦ ᐊᒻᒪ ᑮᓇᐅᔭᖅᑖᕐᕕᐅᔪᓐᓇᖅᑐᑦ; 
- ᐱᑖᕈᑎᒋᕙᒃᑕᖏᑦ (ᓴᓇᔭᐅᓂᖓ ᐅᕝᕙᓘᓐᓃᑦ ᐊᑐᖅᑐᐊᖅᑕᐅᔪᖅ); 
- ᐱᓕᕆᐊᒃᓴᐅᑉ ᐱᒋᐊᖅᑕᐅᕝᕕᒃᓴᖓ; 
- ᐱᓕᕆᕝᕕᐅᔪᑦ ᐃᓂᖏᑦ, ᑎᑎᕋᕐᕖᑦ, ᐃᑲᔪᕐᕕᐅᔪᑦ, ᐱᒻᒪᕆᐅᔪᑦ ᐃᓂᒋᔭᐅᔪᑦ ᐊᒻᒪ   ᓇᒧᙵᖅᐸᓪᓕᐊᓂᖏᑦ; 
- ᐃᒡᓗᒥᐅᑕᑦ ᐱᖁᑎᑦ ᐊᒻᒪ ᓱᓇᒃᑯᑖᖏᑦ; 
- ᐃᓂᖓᑕ ᐊᕙᓗᐊ; ᐊᒻᒪᓗ
- ᐃᓂᒋᔭᐅᑲᐃᓐᓇᖅᑐᑦ ᐱᓕᕆᔾᔪᑎᒋᔭᕆᐊᖃᖅᑕᖏᑦ.

ᐊᑭᑦᑐᕋᐅᑕᐅᔪᓐᓇᖅᑐᑦ

ᓴᓇᔭᐅᓂᐊᖅᑐᑦ ᐊᑭᖏᑦ ᓇᓚᐅᑦᑖᖅᑕᐅᓯᒪᔪᑦ ᐅᑯᐊᖑᕗᑦ:

- ᐃᓗᓕᖏᑦ ᖃᐅᔨᓴᖅᑕᐅᓗᑎᒃ ᐱᓕᕆᐊᖑᓂᐊᖅᑑᑉ ᐊᑭᖏᓐᓂᒃ ᐊᒃᑐᐃᓂᐊᖅᑐᑦ ᖃᐅᔨᓇᓱᒡᓗᒋᑦ; 
- ᐱᓕᕆᐊᒃᓴᐅᑉ ᐱᓪᓗᐊᑕᐅᓂᖏᑦ ᐋᖅᑭᒃᓱᖅᑕᐅᔪᓐᓇᕐᒪᖔᑦ ᐃᓱᒪᓕᐅᕈᑎᒋᓗᒋᑦ; 
- ᖃᐅᔨᓴᕐᓗᒋᑦ ᐊᒻᒪ ᓄᑖᙳᕆᐊᖅᑕᐅᓂᐊᖅᑐᑦ ᐊᔾᔨᒌᙱᓐᓂᖏᑦ ᖃᐅᔨᓴᕐᓗᒋᑦ ᓄᑖᒧᑦ ᓴᓇᔭᐅᓂᐊᖅᑐᑦ ᐊᑭᖏᓐᓄᑦ; 
- ᐋᖅᑭᒃᓯᓗᑎᒃ ᐊᑭᖏᓐᓄᑦ ᐱᕚᓪᓕᕈᑕᐅᔪᓐᓇᖅᑐᓂᒃ ᐊᓯᔾᔨᖅᑕᐅᔪᓄᑦ; 
- ᓂᕆᐅᒋᔭᐅᔪᑦ ᐊᐅᓚᔾᔪᑎᓄᑦ ᐋᖅᑭᐅᒪᐃᓐᓇᕈᑎᓄᓪᓗ ᐊᑮᑦ ᐃᒡᓗᕐᔪᐊᖅ ᐊᑐᕐᓂᓕᒫᖓᓂ; 
- ᐋᖅᑭᒃᓯᓗᑎᒃ ᐊᑭᓪᓗᐊᖓᓂᒃ ᐋᔩᖃᑎᒌᒍᑕᐅᔪᓄᑦ ᑳᑦᑐᓛᓄᑦ; ᐊᒻᒪ
- ᖃᐅᔨᓴᕐᓗᑎᒃ ᖃᐅᔨᒃᑲᐃᔨᒥᒃ ᐊᑭᖏᓐᓂᒃ ᓇᓚᐅᑦᑖᖅᑕᐅᓯᒪᔪᓂᒃ.

ᐊᒃᑐᐊᓂᓖᑦ ᑎᑎᕋᖅᓯᒪᔪᑦ

ᐱᓕᕆᐊᒃᓴᓕᕆᓂᕐᒧᑦ ᖃᐅᔨᒪᔾᔪᑎ - 2006
ᐃᑲᔪᖃᑦᑕᖅᑐᑦ ᑲᒪᒋᔭᐅᒋᐊᓕᖕᓂᒃ ᐊᑐᕈᓐᓇᖅᑎᑦᑎᓪᓗᑎᒃ ᐱᔨᑦᑎᕋᐅᑎᓂᒃ ᐊᑐᐃᓐᓇᐅᑎᑕᐅᔪᓂᒃ ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᓐᓂ ᐱᓕᕆᐊᒃᓴᓂᒃ ᐸᕐᓇᐃᓂᕐᒧᑦ ᐊᒻᒪ ᐱᓕᕆᐊᒃᓴᖃᖅᑎᑦᑎᖃᑦᑕᕐᓂᕐᒧᑦ.

ᐃᒡᓗᒋᔭᐅᔪᓕᕆᓂᖅ ᐊᒻᒪ ᐱᖁᑎᒋᔭᐅᔪᓕᕆᓂᖅ

ᐃᒡᓗᒋᔭᐅᔪᓕᕆᓂᖅ ᐊᒻᒪ ᐱᖁᑎᒋᔭᐅᔪᓕᕆᓂᖅ ᐊᑐᐃᓐᓇᐅᑎᑦᑎᖃᑦᑕᖅᐳᑦ ᐋᖅᑭᒋᐊᖅᓯᒪᔪᓂᒃ ᓄᓇᖁᑎᖏᓐᓄᑦ ᐊᐅᓚᑦᑎᔾᔪᑎᓂᒃ ᓇᓗᓇᐃᖅᓯᖁᓪᓗᒋᑦ ᐊᑭᑐᓗᐊᙱᑦᑐᓂᒃ ᑮᓇᐅᔭᓕᐅᕈᑕᐅᓇᓱᒃᑐᓂᒃ ᐊᒻᒪ ᐊᐅᓚᑦᑎᔪᓐᓇᑦᑎᐊᖅᑐᓂᒃ ᓄᓇᕗᑦ ᒐᕙᒪᒃᑯᑦ ᐊᑐᖅᑐᐊᖅᑕᖏᓐᓂᒃ ᐊᒻᒪ ᓇᖕᒥᓂᖅ ᑎᑎᕋᕐᕕᖏᓐᓂᒃ ᓄᓇᕗᑦ ᒐᕙᒪᒃᑯᑦ ᐱᓕᕆᕝᕕᖏᓐᓄᑦ, ᑲᑎᒪᔨᓂᒃ ᑐᑦᑕᕐᕕᒋᔭᐅᔪᓂᒡᓗ.

ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᑦ ᐃᒡᓗᒋᔭᐅᔪᓕᕆᓂᖅ ᐊᒻᒪ ᐱᖁᑎᒋᔭᐅᔪᓕᕆᔨᑦ ᐊᐅᓚᑦᑎᖃᑦᑕᖅᐳᑦ ᐱᕙᓪᓕᐊᑎᑕᐅᔪᓂᒃ, ᐊᑐᓕᖅᑎᑕᐅᔪᓂᒃ ᐊᒻᒪ ᐊᐅᓚᑕᐅᔪᓂᒃ ᐋᖅᑭᒋᐊᖅᓯᒪᔪᓂᒃ ᓄᓇᖁᑎᖏᓐᓂᒃ ᐊᐅᓚᑦᑎᓂᕐᒧᑦ ᐊᑐᐊᒐᕐᓂᒃ, ᒪᓕᒃᑕᐅᕙᒃᑐᓂᒃ, ᐋᖅᑭᒃᓯᒪᓂᖏᓐᓂᒃ ᐊᒻᒪ ᐱᓕᕆᔾᔪᑕᐅᔪᓂᒃ, ᑎᑎᕋᕐᕖᑦ ᐃᓂᒋᔭᐅᓂᐊᖅᑐᑦ ᐸᕐᓇᒍᑎᖏᑦ ᐊᒻᒪ ᐸᕐᓇᒃᑕᐅᓯᒪᔪᑦ, ᑮᓇᐅᔭᖅᑑᑎᒃᓴᑦ, ᐃᒡᓗᖃᖅᑎᑦᑎᔩᑦ ᑮᓇᐅᔾᔭᒃᓴᕈᑎᖏᓐᓂᒃ ᖃᐅᔨᓴᕐᓂᖅ, ᐊᑐᕈᓐᓇᕐᓂᓕᒫᖓᑕ ᐊᑭᖏᑦ/ᑮᓇᐅᔭᖅᑑᑎᖏᓐᓂᒃ ᖃᐅᔨᓴᕐᓂᖅ, ᐊᑐᖅᑐᐊᒐᐅᓂᕆᔭᖏᓐᓂᒃ ᖃᐅᔨᓴᕐᓂᖅ, ᐱᖁᑎᒋᔭᐅᔪᑦ ᐊᑭᒋᒐᔭᙳᐊᖅᑕᖏᑦ, ᐊᑐᖅᑐᐊᒐᒃᓴᑦ ᑎᑎᕋᕐᕖᑦ ᐃᓂᑖᕆᔭᐅᔪᑦ ᐊᒻᒪ ᐊᐅᓚᑕᐅᔪᑦ, ᑮᓇᐅᔭᖅᑖᕆᔭᐅᕙᓪᓕᐊᔪᑦ ᐊᑐᖅᑐᐊᖅᑕᐅᔪᑦ ᐊᐅᓚᑕᐅᔪᑦ ᐊᒻᒪ ᐱᖁᑎᑐᖃᕆᔭᐅᔪᑦ ᐊᑐᖅᑕᐅᔪᓐᓃᖅᑐᑦ.

ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᑦ ᐃᒡᓗᒋᔭᐅᔪᓕᕆᓂᖅ ᐊᒻᒪ ᐱᖁᑎᒋᔭᐅᔪᓕᕆᓂᖅ ᐊᑐᐃᓐᓇᐅᑎᑦᑎᖃᑦᑕᕆᕗᑦ ᓈᒪᔪᓂᒃ ᐃᒡᓗᓂᒃ ᐊᐅᓚᑦᑎᔨᓂᒃ ᐋᖅᑭᒃᓱᐃᓪᓗᑎᒃ, ᐊᑐᓕᖅᑎᑦᑎᓪᓗᑎᒃ ᐊᒻᒪ ᐊᐅᓚᑦᑎᔨᐅᓪᓗᑎᒃ ᑲᔪᓯᓂᖓᓂᒃ ᓈᓴᖅᑕᐅᑎᑦᑎᖁᓪᓗᒋᑦ ᐊᑭᑐᔫᑎᑦ ᐱᖁᑎᖏᓐᓂᒃ ᓄᓇᕗᑦ ᒐᕙᒪᖓᓄᑦ ᓇᖕᒥᓂᕆᔭᐅᔪᓂᒃ ᓴᓇᕝᕕᖕᓂ ᒪᓕᒃᑕᐅᕙᒃᑐᒥᒃ ᐊᑐᕐᓗᑎᒃ ᐱᖁᑎᓄᑦ ᑐᕌᖓᔪᓂᒃ ᖃᓄᐃᑦᑐᓂᒃ, ᓄᑕᐅᙱᑦᑐᓂᒃ ᐊᒻᒪ ᖃᐅᔨᔭᐅᓯᒪᔪᑦ ᖃᓄᐃᓕᖓᓂᖏᑦ.

ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᓐᓂ ᐃᒡᓗᒋᔭᐅᔪᓕᕆᓂᖅ ᐊᒻᒪ ᐱᖁᑎᒋᔭᐅᔪᓕᕆᓂᖅ  ᑲᒪᒋᔭᒃᓴᖃᖅᐳᑦ ᓯᕐᓗᐊᑦ ᐊᒻᒪ ᐱᖁᑎᓕᕆᓂᕐᒧᑦ ᐱᔨᑦᑎᕋᖅᑎᑦ ᒪᓕᒋᐊᓕᖏᓐᓂᒃ, ᐱᓗᐊᖅᑐᒥ ᐊᐅᓚᑕᐅᓂᖏᑦ ᐊᑐᖅᑕᐅᔪᓐᓃᖅᑐᑦ ᐊᐅᓚᑕᒃᓴᐅᔪᑦ ᐱᖁᑎᑦ (ᐋᖅᑭᒃᑕᐅᓯᒪᙱᑦᑐᓂᒃ ᐊᑭᑐᔫᑎᓂᒃ ᐱᖁᑎᓂᒃ) ᐊᒻᒪ ᐊᓯᔾᔨᖅᐸᓪᓕᐊᕙᒃᑐᑦ ᐱᖁᑎᑦ ᐊᐅᓚᑕᐅᓂᖏᑦ.

ᐋᖅᑭᒋᐊᖅᓯᒪᔪᑦ ᓄᓇᖁᑎᖏᓐᓄᑦ ᐊᐅᓚᑦᑎᔨᒃᑯᑦ
ᐊᑐᖅᑐᐊᖅᑕᐅᔪᑦ ᑮᓇᐅᔭᓕᐅᕈᑕᐅᔪᑦ ᓄᓇᖁᑎᖏᓐᓂᒃ ᒪᓕᒃᖢᒋᑦ - ᑲᑎᖅᓱᖅᑕᐅᓯᒪᔪᑦ ᐊᑐᐊᒐᖅ, ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᑦ, ᐱᓗᐊᖅᑐᒥ ᐃᒡᓗᒋᔭᐅᔪᓕᕆᓂᖅ ᐊᒻᒪ ᐱᖁᑎᒋᔭᐅᔪᓕᕆᓂᑦ ᑳᑦᑐᓛᑖᖅᑎᑦᑎᔨᐅᕗᑦ ᑮᓇᐅᔭᓕᐅᕈᑎᓄᑦ ᓄᓇᖁᑎᖏᓐᓂᒃ ᐊᑐᖅᑐᐊᕐᓂᕐᒧᑦ ᑳᑦᑐᓛᓂᒃ. ᑎᑎᕋᕐᕕᖓ ᐱᔨᑦᑎᕋᕐᕕᐅᕗᖅ ᓄᓇᕗᑦ ᒐᕙᒪᒃᑯᑦ ᐱᓕᕆᕝᕕᓕᒫᖏᓐᓂᒃ ᐊᒻᒪ ᑐᑦᑕᕐᕕᖏᓐᓂᒃ ᒪᓕᒋᐊᓕᖏᓐᓂᒃ ᐊᑐᖅᖢᑎᒃ ᓄᓇᖁᑎᖏᓐᓄᑦ ᐊᐅᓚᑦᑎᔨᖏᓐᓂᒃ, ᐅᖃᐅᔾᔪᐃᔨᐅᔪᑦ ᐊᒻᒪ ᐱᓕᕆᔾᔪᑎᓂᒃ ᖃᐅᔨᒋᐊᖅᑎᑦᑎᕙᒃᖢᑎᒃ ᐱᕙᓪᓕᐊᑎᑕᐅᔪᓂᒃ ᐊᒻᒪ ᐊᐅᓚᑕᐅᖏᓐᓇᖅᑐᓂᒃ ᓄᓇᖁᑎᖏᓐᓄᑦ ᐱᓕᕆᐊᒃᓴᖏᓐᓂᒃ ᐱᓗᐊᖅᑐᒥ ᓄᓇᕗᑦ ᒐᕙᒪᖓᓂ ᐊᑐᖅᑐᐊᖅᑕᐅᔪᑦ ᐊᒻᒪ ᓇᖕᒥᓂᖅ ᑎᑎᕋᕐᕕᑦ ᐊᑐᖅᑕᐅᔪᑦ ᓈᓴᖅᑕᐅᓯᒪᔪᑦ ᐱᔾᔪᑎᒋᓪᓗᒋᑦ.
 
ᑖᔅᓱᒧᖓ ᐱᓕᕆᐊᖑᔪᒧᑦ ᐊᒃᑐᐊᓂᖃᖅᑐᑦ ᐊᒃᑐᐃᖃᑦᑕᖅᐳᑦ ᑕᖅᑲᒃᑯᓂᖓ ᑲᒪᔨᐅᔪᑦ ᐱᔪᓐᓇᕐᓂᖏᓐᓂᒃ ᐱᓕᕆᐊᒃᓴᖃᖅᑎᑦᑎᓪᓗᑎᒃ ᐊᒻᒪ ᐱᔨᑦᑎᕋᐅᑎᖃᖅᑎᑦᑎᓪᓗᑎᒃ. ᐃᒡᓗᒋᔭᐅᔪᓕᕆᓂᖅ ᐊᒻᒪ ᐱᖁᑎᒋᔭᐅᔪᓕᕆᓂᖅ ᐱᕕᒃᓴᖃᖅᑎᑦᑎᖃᑦᑕᖅᐳᑦ ᑕᖅᑲᒃᑯᓂᖓ ᓇᓗᓇᐃᖅᓯᔪᓐᓇᖁᓪᓗᒋᑦ ᓯᕗᓂᒃᓴᒥ ᓄᓇᖁᑎᖏᓐᓄᑦ ᐱᔭᕆᐊᓕᖏᓐᓂᒃ ᐱᓕᕆᐊᒃᓴᖏᑦ ᐱᔾᔪᑎᒋᓪᓗᒋᑦ ᕿᓚᒻᒥᐅᔪᖅ, ᐊᑯᓐᓂᖅᓱᖅᑐᑦ ᐊᒻᒪ ᐊᑯᓂᐊᓗᒃ ᐸᕐᓇᒃᑕᐅᓯᒪᔪᑦ. ᑕᖅᑲᒃᑯᓂᖓ ᐃᑲᔪᖅᑐᐃᕗᑦ ᖃᐅᔨᓴᕐᓂᐊᖅᑐᓂᒃ ᐃᑲᔪᖅᑕᐅᕙᒃᑐᑦ ᐱᔭᕆᐊᓕᖏᓐᓂᒃ ᐊᒻᒪ ᑐᑭᓕᐅᕐᓗᒋᑦ ᓄᓇᖁᑎᒋᔭᐅᓕᕐᓂᖓᓂᒃ ᐊᒻᒪ ᐊᑐᖅᑕᐅᔪᓐᓃᖅᑐᑦ ᐃᓱᒪᓕᐅᕈᑕᐅᔪᑦ.
 
ᐅᖃᐅᔾᔪᐃᔪᑦ ᐊᒻᒪ ᐃᓱᒪᓕᐅᕈᑕᐅᔪᑦ ᐊᒃᑐᐃᓂᖃᓪᓚᕆᒃᐳᑦ ᐊᑐᕈᓐᓇᕐᓂᓕᒫᖓᑕ ᐊᑭᖏᑦ ᐱᔾᔪᑎᒋᓪᓗᒋᑦ ᓄᓇᖁᑎᒋᔭᐅᔪᓄᑦ ᐊᒃᑐᐊᓂᖃᖅᑐᑦ. ᓄᓇᕗᑦ ᒐᕙᒪᒃᑯᑦ ᑲᔪᓯᑦᑎᐊᕐᓂᖓᓂᒃ ᐊᒃᑐᐃᖃᑦᑕᖅᐳᑦ ᓇᓗᓇᐃᖅᓯᓪᓗᑎᒃ ᑕᑎᒋᔭᐅᔪᓐᓇᕐᓂᖓᓂᒃ ᓄᓇᖁᑎᒋᔭᐅᔪᑦ ᐃᑲᔪᖅᑐᐃᓪᓚᕆᒃᑐᑦ ᐊᓯᖏᓐᓂᒃ ᐱᓕᕆᕝᕕᐅᔪᑦ ᐱᔨᑦᑎᕋᖅᑕᐅᔾᔪᑎᖏᓐᓂᒃ ᐊᒻᒪᓗᑦᑕᐅᖅ ᓄᓇᕗᒻᒥᐅᓄᑦ. ᐱᕙᓪᓕᐊᓂᖃᑦᑎᐊᖅᑐᒥᒃ ᐱᓕᕆᕝᕕᖃᖅᑎᑦᑎᙱᒃᑯᑎᒃ ᐊᓯᖏᓐᓂᒃ ᒐᕙᒪᒃᑯᑦ ᐱᓕᕆᕝᕕᖏᓐᓂᒃ ᑭᒃᑯᑐᐃᓐᓇᓂᓪᓗ ᐱᔨᑦᑎᕋᑦᑎᐊᕈᓐᓃᕋᔭᖅᑐᑦ. ᐱᕙᓪᓕᐊᑦᑎᐊᕐᓂᖏᑦ ᐊᒃᑐᐊᓂᖃᓪᓚᕆᒃᐳᑦ ᐃᒡᓗᖁᑎᖓᑕ ᖃᓄᐃᓕᖓᓂᖓᓄᑦ. ᐱᔨᑦᑎᕋᑦᑎᐊᕈᓐᓃᖅᐸᑕ ᐱᕙᓪᓕᐊᓂᖃᕈᓐᓃᑦᑎᐊᕋᔭᖅᐳᑦ. ᐃᒡᓗᓄᑦ ᐊᑐᖅᑕᐅᔪᓄᑦ ᑮᓇᐅᔾᔭᓕᐅᕈᓐᓇᖅᐳᑦ 92−ᐳᓴᖓᓂᒃ ᑲᑎᖦᖢᒋᑦ ᐃᒡᓗᕐᔪᐊᑉ ᐊᐅᓚᔾᔪᑎᖏᑕ ᐋᖅᑭᐅᒪᔾᔪᑎᖏᑕᓗ ᐊᑭᖏᓐᓂᒃ. ᐃᒡᓗᐃᑦ ᐊᑐᖅᑕᐅᙱᓐᓂᖅᓴᐅᓕᖅᐸᑕ ᐱᕙᓪᓕᐊᑦᑎᐊᕐᓂᕆᒐᔭᖅᑕᖓ ᓄᖅᑲᖓᑎᑦᑎᓕᕋᔭᖅᐳᖅ ᒐᕙᒪᒃᑯᑦ ᐱᓕᕆᐊᖏᓐᓂᒃ ᑲᔪᓯᑎᑕᐅᓇᔭᖅᑐᓂᒃ ᐊᒻᒪᐃᓛᒃ ᑭᒃᑯᑐᐃᓐᓇᓂᒃ ᐊᒃᑐᐃᓕᕐᒥᓗᓂ. ᓇᓗᓇᐃᖅᓯᕙᒡᓗᑎᒃ ᐃᒡᓗᒋᔭᐅᓂᐊᖅᑑᑉ ᐊᐅᓚᓂᕆᔭᖓᓂᒃ, ᐊᑦᑕᕐᓇᙱᓐᓂᖓᓂᒃ ᐊᒻᒪ ᐃᓂᑦᑎᐊᕙᐅᓂᖓᓂᒃ ᐃᓚᒋᔭᐅᓪᓚᕆᒃᐳᖅ ᐱᓕᕆᐊᕆᔭᐅᔪᒧᑦ.
 
ᐱᓇᔪᒃᑕᐅᔪᖅ ᐃᑲᔪᖅᑐᕈᒪᓪᓗᒍ ᐃᒡᓗᒋᔭᐅᔪᓕᕆᓂᖅ ᐊᒻᒪ ᐱᖁᑎᒋᔭᐅᔪᓕᕆᓂᖅ ᑲᔪᓯᑎᑦᑎᓂᐊᖅᐳᖅ ᑎᑎᕋᕐᕕᖕᓄᑦ ᒪᓕᒃᑕᐅᖃᑦᑕᕐᓂᐊᖅᑐᒥᒃ, ᐊᒻᒪ ᐱᓕᕆᔾᔪᑕᐅᓂᐊᖅᑐᒥᒃ ᑲᔪᓯᑦᑎᐊᖁᓪᓗᒋᑦ ᐊᒻᒪ ᐊᑑᑎᖃᖁᓪᓗᒍ ᐸᕐᓇᐃᔪᑦ, ᓂᐅᕕᖅᑐᑦ, ᐊᐅᓚᑦᑎᒧᑦ ᐊᒻᒪ ᐊᑐᖅᑕᐅᔪᓐᓃᖅᑐᑦ ᓄᓇᕗᑦ ᒐᕙᒪᖓᓂ ᑎᑎᕋᕐᕕᓖᑦ.

ᑐᑭᓯᒋᐊᒃᑲᓐᓂᕈᒪᒍᕕᑦ ᖃᐅᔨᒋᐊᕈᓐᓇᖅᐳᑎᑦ:

ᐊᐅᓚᑦᑎᔨ, ᐃᒡᓗᒋᔭᐅᔪᓕᕆᓂᕐᒧᑦ ᐱᖁᑎᓕᕆᓂᕐᒧᓪᓗ
ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᑦ
ᑎᑎᑲᕐᓂᐊᕐᕕᐊ 1000, ᐃᓂᖓ 630
ᐃᖃᓗᐃᑦ, ᓄᓇᕗᑦ X0A 0H0
ᐅᖃᓘᑖ: (867) 975-7135
ᓱᒃᑲᔪᒃᑯᑦ: (867) 975-7154
ᐃᕐᙲᓐᓈᖅᑕᐅᒃᑯᑦ: commercialleasing@gov.nu.ca

ᐃᒡᓗᕐᔪᐊᓕᕆᓂᖅ

ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᑦ ᑲᒪᒋᔭᒃᓴᖃᖅᐳᑦ ᐃᒡᓗᕐᔪᐊᓕᕆᓂᕐᒧᑦ ᐱᔨᑦᑎᕋᖅᑎᑦ ᒪᓕᒋᐊᓕᖏᓐᓂᒃ ᐃᒡᓗᕐᔪᐊᓕᕆᓂᕐᒧᑦ ᐱᓕᕆᐊᖑᔪᖅ ᒪᓕᒃᖢᒍ ᑎᒥᐅᔪᑦ ᐊᐅᓚᑦᑎᔾᔪᑎᖏᓪᓗ ᒪᓕᒃᑕᐅᑦᑎᐊᖁᓪᓗᒋᑦ ᐊᒻᒪ ᓈᒻᒪᑦᑎᐊᕐᓗᑎᒃ, ᐊᑭᑐᓗᐊᙱᓪᓗᑎᒃ ᐃᒡᓘᑉ ᐊᐅᓚᔾᔪᑎᖏᑦ ᐋᖅᑭᐅᒪᔾᔪᑎᖏᓪᓗ ᐃᑲᔪᖅᑐᐃᔪᓂᒃ ᐊᑲᐅᓂᖅᐹᓂᒃ, ᐊᑦᑕᕐᓇᙱᑦᑐᒥ ᐃᓂᖃᑦᑎᐊᖁᓪᓗᒋᑦ ᐱᓕᕆᓂᐊᖅᑐᓂᒃ.

ᐃᒡᓗᕐᔪᐊᓕᕆᓂᕐᒧᑦ ᐱᓕᕆᐊᖑᔪᖅ ᒪᓕᒃᖢᒍ, ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᑦ ᑲᒪᒋᔭᒃᓴᖃᖅᐳᑦ ᐊᐅᓚᔾᔪᑎᖏᑦ ᐋᖅᑭᐅᒪᔾᔪᑎᖏᑕᓗ ᐱᔨᑦᑎᕋᐅᑎᑦ ᒪᓕᒋᐊᓕᖏᓐᓂᒃ ᑕᖅᑲᒃᑯᐊ ᑭᒡᒐᖅᑐᖅᖢᒋᑦ ᑮᓇᐅᔭᖅᑖᕐᕕᒋᔭᒥᓂᒃ ᐊᒻᒪ ᑐᙵᕕᖃᖅᖢᑎᒃ ᐃᓛᒃᑰᖅᑐᑦ ᐊᖏᖃᑎᒌᒍᑎᖏᓐᓂᒃ. ᐅᔾᔨᕆᔭᐅᔭᕆᐊᖃᓪᓚᕆᒃᐳᖅ ᐃᒡᓗᕐᔪᐊᓕᕆᓂᕐᒧᑦ ᐱᓕᕆᐊᖑᔪᖅ ᑮᓇᐅᔭᖃᖅᑎᑕᐅᖃᑦᑎᕐᓂᖏᓐᓂᒃ ᐱᓕᕆᖁᓪᓗᒋᑦ ᓇᓗᓇᐃᖅᑕᐅᓯᒪᔪᒥᑦ ᐊᐅᓚᔾᔪᑎᖏᓐᓄᑦ ᐋᖅᑭᐅᒪᔾᔪᑎᖏᓐᓄᓪᓗ ᐱᓕᕆᐊᖑᔪᓂᒃ. ᐱᓕᕆᐊᖑᓂᐊᖅᑐᓕᒫᑦ ᑮᓇᐅᔭᖃᖅᑎᑕᐅᔪᓐᓇᖅᑐᑦ ᐃᓱᒪᒋᔭᐅᔭᕆᐊᖃᙱᑦᑐᑦ ᐊᐅᓚᔾᔪᑎᖏᑦ ᐋᖅᑭᐅᒪᔾᔪᑎᖏᑕᓗ ᑮᓇᐅᔭᖁᑎᖏᓐᓂᒃ ᑮᓇᐅᔭᖃᖅᑎᑕᐅᓂᐊᕐᒪᖔᑕ ᐃᒡᓗᕐᔪᐊᓕᕆᓂᕐᒧᑦ ᐱᓕᕆᐊᖑᔪᓂᒃ. ᑐᑭᓯᓇᖅᓯᑎᒃᑲᓐᓂᕈᒪᓪᓗᒍ ᐱᓕᕆᐊᒃᓴᖓ, ᐃᒡᓗᕐᔪᐊᓕᕆᓂᕐᒧᑦ ᑎᑎᕋᕐᕕᖓ ᓴᖅᑭᑦᑎᓚᐅᖅᐳᑦ ᐅᖃᓕᒫᒐᑯᓗᖕᒥᒃ ᐱᔨᑦᑎᕋᐅᑎᖏᓐᓂᒃ ᓇᓗᓇᐃᖅᓯᓯᒪᔪᓂᒃ ᒪᓂᒪᑎᑕᐅᔪᓂᒃ ᐃᒡᓗᕐᔪᐊᓕᕆᓂᕐᒧᑦ ᐱᓕᕆᐊᕆᔭᐅᔪᑦ ᐊᑐᖅᖢᒋᑦ.

ᐃᒡᓗᕐᔪᐊᓕᕆᓂᕐᒧᑦ ᐱᔨᑦᑎᕋᖅᑎᑦ ᐊᑐᐃᓐᓇᐅᑎᑕᐅᖃᑦᑕᖅᐳᑦ ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᑦ ᐊᕕᒃᑐᖅᓯᒪᔪᑦ ᑎᑎᕋᕐᕕᖏᑎᒍᑦ. ᓄᓇᕗᑦ ᒐᕙᒪᒃᑯᑦ ᐃᒡᓗᖁᑎᓕᒫᖏᓐᓄᑦ ᑐᕌᖓᔪᑦ ᐃᓱᒫᓘᑕᐅᔪᑦ ᐅᖃᐅᓯᐅᔭᕆᐊᖃᖅᐳᑦ ᐊᕕᒃᑐᖅᓯᒪᓂᖓᑕ ᑎᑎᕋᕐᕕᖓᓄᑦ. ᖃᐅᔨᒪᓂᐊᖅᐳᑎᑦ ᐃᒡᓗᕐᔪᐊᓕᕆᓂᕐᒧᑦ ᐱᓕᕆᐊᖑᔪᑦ ᐱᔨᑦᑎᕋᐅᑎᖏᓐᓂᒃ ᐊᑐᖅᐸᓪᓕᐊᓂᐊᖅᑐᑦ ᐊᔾᔨᒌᙱᓐᓇᔭᕐᒪᑕ ᐊᕕᒃᑐᖅᓯᒪᔪᓂ ᒫᓐᓇ ᐊᐅᓚᑦᑎᕕᖓᑕ ᐋᖅᑭᒃᓯᒪᓂᖓᓂᒃ ᐊᒻᒪ ᐱᔨᑦᑎᕈᑕᐅᓂᐊᖅᑐᓄᑦ ᐋᖅᑭᒃᓯᒪᔪᑦ ᓇᓗᓇᐃᖅᑕᐅᓯᒪᔪᒧᑦ ᓄᓇᓕᖕᒧᑦ. ᐊᕕᒃᑐᖅᓯᒪᔪᑦ ᑕᒪᕐᒥᒃ ᐱᔾᔪᑎᒋᓪᓗᒋᑦ, ᐅᑯᐊ ᖃᐅᔨᒋᐊᕐᕕᐅᔪᓐᓇᖅᐳᑦ ᑭᓯᐊᓂ ᐃᖅᑲᓇᐃᔭᕐᓇᐅᑎᓪᓗᒍ. 

ᐃᖃᓗᖕᓂ
ᐃᒡᓗᕐᔪᐊᓄᑦ ᐊᐅᓚᑦᓯᔨ
ᑎᑎᖅᑲᕐᓂᐊᕐᕕᐊ 1000 – ᐃᓂᖓ 630
ᐃᖃᓗᐃᑦ, ᓄᓇᕗᑦ
X0A 0H0
ᐅᖃᓗᑖ: (867) 975-7126
ᓱᒃᑲᔪᒃᑯᑦ: (867) 975-7154
ᐃᕐᙲᓐᓈᖅᑕᐅᒃᑯᑦ: iqaluitworkorders@gov.nu.ca

ᕿᑭᖅᑖᓗᖕᒥ
ᐃᒡᓗᕐᔪᐊᓄᑦ ᐊᐅᓚᑦᓯᔨ
ᑎᑎᖅᑲᕐᓂᐊᕐᕕᐊ 379
ᒥᑦᑎᒪᑕᓕᒃ, ᓄᓇᕗᑦ
X0A 0S0
ᐅᖃᓘᑖ: (867) 899-7321
ᓱᒃᑲᔪᒃᑯᑦ: (867) 899-7329
ᐃᕐᙲᓐᓈᖅᑕᐅᒃᑯᑦ: qikiqtaalukworkorders@gov.nu.ca

ᑭᕙᓪᓕᕐᒥ
ᐃᒡᓗᕐᔪᐊᓄᑦ ᐊᐅᓚᑦᓯᔨ
ᑎᑎᖅᑲᕐᓂᐊᕐᕕᐊ 002
ᑲᖏᖅᖠᓂᖅ, ᓄᓇᕗᑦ
X0C 0G0
ᐅᖃᓘᑖ: (867) 645-8154
ᓱᒃᑲᔪᒃᑯᑦ: (867) 645-8197
ᐃᕐᙲᓐᓈᖅᑕᐅᒃᑯᑦ: kivalliqworkorders@gov.nu.ca

ᕿᑎᕐᒥᐅᓂ
ᐃᒡᓗᕐᔪᐊᓄᑦ ᐊᐅᓚᑦᓯᔨ
15 Omingmak Street
Cambridge Bay, NU
X0B 0C0
ᐅᖃᓘᑖ: (867) 983-4153
ᓱᒃᑲᔪᒃᑯᑦ: (867) 983-4123
ᐃᕐᙲᓐᓈᖅᑕᐅᒃᑯᑦ: kitikmeotworkorders@gov.nu.caIqaluit
 

ᐃᒡᓗᕐᔪᐊᒥ ᐊᑐᖅᑎᐅᔪᑦ ᑐᑭᓯᓇᓱᒋᐊᖃᖅᐳᑦ ᖃᓄᐃᓕᐅᕆᐊᖃᕐᓂᕐᒥᒃ ᐃᒡᓗᕐᔪᐊᓕᕆᓂᕐᒧᑦ ᐱᔨᑦᑎᕋᐅᑎᓂᒃ ᐊᑐᕐᓂᐊᕐᓗᓂ ᐊᒻᒪ ᓇᓗᓇᐃᖅᓯᓗᑎᒃ ᖃᐅᔨᒋᐊᕐᕕᐅᒐᔪᒃᑐᓂᒃ, ᓄᓇᓕᖕᓂ ᐊᒻᒪ ᑐᐊᕕᕐᓇᖅᑐᓄᑦ ᖃᐅᔨᒋᐊᕐᕕᐅᕙᒃᑐᓂᒃ ᐃᒡᓗᕐᔪᐊᑉ ᒥᒃᓵᓄᑦ ᐃᓱᒫᓘᑎᖃᖅᑐᑦ ᐊᑐᐃᓐᓇᐅᑎᑕᐅᕗᑦ ᐃᒡᓗᕐᔪᐊᕐᒥᒃ ᐊᑐᖅᑐᓕᒫᓄᑦ. ᐃᒡᓗᕐᔪᐊᓕᕆᓂᕐᒧᑦ ᐱᓕᕆᐊᖑᔪᒥᒃ ᐊᑐᕐᓂᐊᖅᑐᑦ, ᐱᓕᕆᖁᔨᓪᓗᑎᒃ ᑐᒃᓯᕋᐅᑎᓕᒫᑦ ᑐᓂᔭᐅᔭᕆᐊᖃᖅᐳᑦ ᐱᓕᕆᖁᔨᓂᕐᒧᑦ ᑎᑎᕋᕆᐊᓕᖕᒥᒃ ᐊᑐᕐᓗᑎᒃ ᐊᒻᒪ ᐱᓕᕆᖁᔨᓂᕐᒧᑦ ᑐᒃᓯᕋᐅᑎᑦ ᐊᒻᒪᓗ ᐱᕙᓪᓕᐊᓂᕐᒧᑦ ᐱᓕᕆᔾᔪᑕᐅᔪᑦ ᐊᑐᐃᓐᓇᐅᑎᑕᐅᕗᑦ ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᑦ ᐊᕕᒃᑐᖅᓯᒪᔪᑦ ᑎᑎᕋᕐᕕᖓᓂ. ᑐᐊᕕᕐᓇᖅᑐᑦ ᐅᖃᐅᓯᐅᑲᐅᑎᒋᔭᕆᐊᖃᖅᐳᑦ ᑐᐊᕕᕐᓇᖅᑐᓄᑦ ᖃᐅᔨᒋᐊᕐᕕᐅᔪᓐᓇᖅᑐᑦ ᓄᓇᕗᑦ ᒐᕙᒪᒃᑯᑦ ᐃᒡᓗᖁᑎᖏᓐᓄᑦ ᐊᑐᕐᓗᒍ.

ᑐᑭᓯᒋᐊᒃᑲᓐᓂᕈᒪᒍᕕᑦ ᖃᐅᔨᒋᐊᕈᓐᓇᖅᐳᑎᑦ:

ᓄᓇᕘᒥ ᐋᖅᑭᒋᐊᕆᐊᓕᖕᓄᑦ ᐊᐅᓚᑦᑎᔨ
ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᑦ
ᑎᑎᖅᑲᒃᑯᕕᐊ 1000, ᐃᓂᖓ 630
ᐃᖃᓗᐃᑦ, ᓄᓇᕗᑦ X0A 0H0
ᐅᖃᓘᑖ: (867) 975-7131
ᓱᒃᑲᔪᒃᑯᑦ: (867) 975-7154

ᐱᖁᑎᓕᕆᓂᖅ ᐊᒻᒪ ᓯᕐᓗᐊᓕᕆᔨᒃᑯᑦ

ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᑦ ᑲᒪᒋᔭᒃᓴᖃᖅᐳᑦ ᐅᑯᐊ ᒪᓕᒋᐊᓕᖏᓐᓂᒃ *ᐱᖁᑎᓕᕆᓂᖅ ᐊᒻᒪ ᓯᕐᓗᐊᓕᕆᔨᒃᑯᑦ, ᐱᓗᐊᖅᑐᒥ ᐊᐅᓚᑦᑎᓂᖅ ᐊᒻᒪ ᐊᑐᖅᑕᐅᔪᓐᓃᖅᑐᓂᒃ ᐊᐅᓚᑕᒃᓴᐅᔪᑦ (ᐋᖅᑭᒃᑕᐅᓯᒪᙱᑦᑐᓂᒃ ᐊᑭᑐᔫᑎᓂᒃ ᐱᖁᑎᓂᒃ) ᓄᒃᑕᕈᓐᓇᖅᑐᑦ ᐱᖁᑏᑦ, ᐊᓯᔾᔨᖅᐸᓪᓕᐊᕙᒃᑐᑦ ᐱᖁᑎᑦ ᐊᐅᓚᑕᐅᓂᖏᑦ, ᐊᒻᒪ ᐊᑐᖅᑕᐅᒃᑲᓐᓂᕈᓐᓇᖅᑐᓂᑦ ᐱᓕᕆᔾᔪᑎᑦ ᐊᐅᓚᓂᖏᑦ ᐊᒻᒪ ᓯᕐᓗᐊᕆᔭᐅᒧᑦ ᐃᖃᓗᖕᓂ.

ᐊᓯᔾᔨᖅᐸᓪᓕᐊᕙᒃᑐᑦ ᐱᖁᑎᑦ

ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᓐᓂ ᐊᓯᔾᔨᖅᐸᓪᓕᐊᕙᒃᑐᑦ ᐱᖁᑎᑦ ᐱᓕᕆᐊᖑᖃᑦᑕᖅᐳᑦ ᓄᓇᓕᖕᑉᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᑦ ᐱᖁᑎᖏᓐᓄᑦ ᐊᐅᓚᑦᑎᕕᖏᑕ ᓯᕐᓗᐊᓕᕆᔨᖏᓐᓂᒃ ᐃᖃᓗᖕᓂ. ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᓐᓂ ᐊᓯᔾᔨᖅᐸᓪᓕᐊᕙᒃᑐᑦ ᐱᖁᑎᓄᑦ ᓯᕐᓗᐊᒃᑯᕕᖃᖅᑎᑕᐅᕙᒃᐳᑦ ᑮᓇᐅᔭᓂᒃ ᐊᐅᓚᑦᑎᓂᕐᒧᑦ ᒪᒃᐱᖅᑐᒐᖅ ᒪᓕᒃᖢᒍ 704 ᐊᒻᒪ 910 ᐊᐅᓚᑦᑎᓂᐊᕐᓗᑎᒃ, ᖃᐅᔨᓴᕐᓂᐊᕐᓗᑎᒃ ᐊᒻᒪ ᑐᖅᑯᖅᓯᓂᐊᕐᓗᑎᒃ ᓴᓇᐅᒐᓕᒫᓂᒃ ᐅᕝᕙᓘᓐᓃᑦ ᐊᔾᔨᒌᓂᒃ ᑐᖅᑯᖅᑕᐅᓯᒪᔪᓂᒃ ᐱᖁᑎᓂᒃ ᑭᒃᑯᑐᐃᓐᓇᓄᑦ ᐊᑐᖅᑕᐅᖃᑦᑕᖅᑐᓂᒃ ᓄᓇᕗᑦ ᒐᕙᒪᒃᑯᑦ ᐱᓕᕆᕝᕕᖏᓐᓂᒃ, ᑲᑎᒪᔨᖏᓐᓂᒃ, ᐃᓕᓐᓂᐊᕐᕕᖕᓂ ᐊᒻᒪ ᑐᑦᑕᕐᕕᖏᓐᓂᒃ ᓄᓇᕘᓕᒫᑦᑎᐊᖅ. ᐅᑯᐊ ᐱᖃᓯᐅᑎᓪᓗᒋᑦ ᖃᕆᓴᐅᔭᒃᑯᑦ ᐅᓄᖅᑐᓕᐅᖅᑕᐅᔪᑦ ᐊᒻᒪ ᖃᕆᓴᐅᔭᒃᑯᑦ ᑎᑎᕋᖅᑕᐅᔪᑦ. ᐅᑯᐊ ᑐᖅᑯᖅᑕᐅᓯᒪᒐᔪᒃᑐᑦ ᒐᕙᒪᒃᑯᑦ ᐊᑭᓕᕆᐊᓕᖏᑦ ᑎᑎᖅᑲᐃᑦ (ᑮᓇᐅᔭᐃᑦ ᑮᓇᐅᔭᐅᙱᑦᑐᓪᓗ), ᐱᔪᓐᓇᐅᑎᖃᖅᑎᑕᐅᔪᑦ ᐅᖃᓕᒫᒐᑦ, ᐴᒃᓴᐅᑎᑦ, ᑎᑎᕋᕐᕕᒃᓴᐃᑦ, ᖃᕆᓴᐅᔭᓕᕆᔾᔪᑎᑦ ᐊᒻᒪ ᐊᔾᔨᒋᔭᐅᙱᑦᑐᑦ ᖁᕕᐊᕈᑕᐅᓇᓱᐊᖅᑐᑦ ᓄᓇᕗᑦ ᒐᕙᒪᒃᑯᑦ ᐱᓕᕆᕝᕕᓕᒫᖏᑦ, ᑲᑎᒪᔨᑦ, ᑐᑦᑕᕐᕕᖏᑦ ᐊᒻᒪ ᐃᓕᓐᓂᐊᕐᕖᑦ ᐊᑐᕆᐊᖃᖃᑦᑕᖅᑕᖏᑦ ᖃᐅᑕᒫ ᐊᐅᓚᓂᕆᔭᖏᓐᓂ.  

ᐊᒥᐊᒃᑯᖏᑦ ᐋᖅᑭᒃᑕᐅᓯᒪᙱᑦᑐᑦ ᐊᒻᒪ ᓅᑎᑕᐅᔪᓐᓇᖅᑐᑦ ᐱᖁᑎᑦ

ᓄᓇᕗᑦ ᒐᕙᒪᒃᑯᑦ ᐱᓕᕆᕝᕕᓕᒫᖏᑦ, ᑐᑦᑐᕐᕕᖏᑦ, ᐃᓕᓐᓂᐊᕐᕖᑦ ᐊᒻᒪ ᓄᓇᕗᒻᒥ ᓯᓚᑦᑐᖅᓴᕐᕕᒃ ᐱᖃᑦᑕᖅᐳᑦ ᐊᒻᒪ ᐊᐅᓚᑦᑎᕙᒃᖢᑎᒃ ᐱᖁᑎᓂᒃ (ᐋᖅᑭᒃᑕᐅᓯᒪᙱᑦᑐᑦ ᑎᓯᔪᑦ ᐱᖁᑏᑦ) ᐃᑲᔪᖅᑐᐃᖁᓪᓗᒋᑦ ᐊᐅᓚᓂᕆᔭᖓᓄᑦ ᐊᑐᕆᐊᓕᖏᓐᓂᒃ ᐱᓕᕆᐊᒃᓴᓂᒃ ᑲᔪᓯᑎᑦᑎᓂᐊᖅᑐᓄᑦ. ᑎᓯᔪᑦ ᐊᑭᑐᔪᑦ ᐱᖁᑎᑦ ᐃᓚᓕᐅᔾᔨᕗᑦ ᐊᔾᔨᒌᙱᑦᑐᓂᒃ ᑭᓱᑐᐃᓐᓇᓂᒃ ᐃᒡᓗᒥᓯᐅᑎᓂᒃ ᐱᒋᐊᖅᖢᓂ ᖃᕆᓴᐅᔭᕐᓄᑦ ᑎᑭᖦᖢᒍ ᓄᓇᓯᐅᑎᓂᑦ ᐊᒻᒪ ᐱᖁᑎᓂᒃ. ᐊᑐᕈᓐᓇᕐᓂᕆᔭᖓ ᐃᓱᓕᓯᒪᓕᖅᑎᓪᓗᒍ, ᐋᖅᑭᒃᓱᖅᓯᒪᙱᑦᑐᓕᒫᑦ ᐱᖁᑎᑦ ᓇᓗᓇᐃᖅᑕᐅᔭᕆᐊᖃᖅᐳᑦ ᐊᒥᐊᒃᑯᒋᔭᐅᓂᖏᓐᓂᒃ ᐊᒻᒪ ᐊᑐᖅᑕᐅᔪᓐᓃᕐᓂᖏᓐᓂᒃ ᑮᓇᐅᔭᓂᒃ ᐊᐅᓚᑦᑎᓂᕐᒧᑦ ᐱᖁᔭᖅ ᒪᓕᒃᖢᒍ, ᑮᓇᐅᔭᓂᒃ ᐊᐅᓚᑦᑎᓂᕐᒧᑦ ᒪᒃᐱᖅᑐᒐᖅ ᐊᒻᒪ ᓄᓇᕗᑦ ᒐᕙᒪᒃᑯᑦ ᐊᒥᐊᒃᑯᖏᓐᓄᑦ ᐊᑐᐊᒐᖅ.

ᑮᓇᐅᔭᓂᒃ ᐊᐅᓚᑦᑎᓂᕐᒧᑦ ᒪᒃᐱᖅᑐᒐᖅ 704-3 ᒪᓕᒃᖢᒍ ᐃᓚᖓᓂ 3.4 “ᐱᖁᑎᓕᒫᑦ ᓇᓗᓇᐃᖅᑕᐅᔪᑦ ᐊᒥᐊᒃᑰᓂᕋᖅᑕᐅᓗᑎᒃ ᓅᑕᐅᔭᕆᐊᖃᖅᐳᑦ ᓄᓇᕗᑦ ᒐᕙᒪᒃᑯᑦ ᐱᔨᑦᑎᕋᖅᑎᒃᑯᓐᓄᑦ ᐊᑐᖅᑕᐅᔪᓐᓃᕐᓂᐊᖅᑐᓄᑦ. ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᑦ, ᐅᖃᖃᑎᖃᖅᖢᑎᒃ ᐱᓕᕆᕝᕕᖕᒥ ᓇᓗᓇᐃᖅᓯᓚᐅᖅᑐᓂᒃ ᐱᖁᑎᖓᓂ ᐊᒥᐊᒃᑰᔪᖃᕐᓂᖓᓂᒃ, ᐋᖅᑭᒃᓯᔪᓐᓇᖅᐳᑦ, ᐱᔾᔪᑎᒋᓪᓗᒍ ᑮᓇᐅᔾᔭᒃᓴᕋᓱᖕᓂᖅ, ᐊᓯᖔᖓᓂᒃ ᐊᑐᖅᑕᐅᔪᓐᓃᖅᑐᓄᑦ ᐱᓕᕆᔾᔪᓰᑦ ᓈᒻᒪᖕᓂᖅᓴᐅᓂᖓᓂᒃ “.

ᓄᓇᕗᑦ ᒐᕙᒪᒃᑯᑦ ᐊᒥᐊᒃᑯᖏᓐᓄᑦ ᐊᑐᐊᒐᖅ ᐊᒻᒪ ᑮᓇᐅᔭᓂᒃ ᐊᐅᓚᑦᑎᓂᕐᒧᑦ ᒪᒃᐱᖅᑐᒐᖅ 704-3-ᒥ ᑎᓕᐅᕆᔾᔪᑎ ᒐᕙᒪᒃᑯᑦ ᑯᐊᐳᕇᓴᖏᓐᓄᑦ ᓄᓇᕗᒻᒥ ᐆᒻᒪᖅᑯᑎᓕᕆᔨᒃᑯᓐᓄᑦ ᐊᒻᒪ ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᓐᓄᑦ ᐊᑐᙱᑦᑐᖅ.

ᐱᖁᑎᓂᒃ ᐱᑎᑕᐅᓂᐊᖅᑐᑦ ᐊᒻᒪ ᓯᕐᓗᐊᓕᕆᔨᒃᑯᑦ ᐃᖃᓗᖕᓂ

ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᑦ ᑭᒡᓕᖃᖅᑎᑕᐅᔪᓂᒃ ᐱᑎᑕᐅᖃᑦᑕᖅᐳᑦ ᐱᔨᑦᑎᕋᐅᑎᓂᒃ ᓄᓇᕗᑦ ᒐᕙᒪᒃᑯᓐᓄᑦ ᐅᑯᓄᖓᓗ:

  • ᖃᕆᓴᐅᔭᓕᕆᔨᒃᑯᑦ ᐱᖁᑎᖏᑦ ᐱᔭᐅᓂᐊᖅᑐᑦ ᐅᑯᓄᖓ ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᑦ IPS ᐊᒻᒪ ᐊᓯᖏᑦ ᐱᔨᑦᑎᕋᖃᑦᑕᖅᑐᑦ.
  • ᐅᒥᐊᕐᔪᐊᒃᑯᑦ ᐱᔭᐅᓂᐊᖅᑐᑦ ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᓐᓄᑦ ᐊᒻᒪ ᐊᓯᖏᓐᓄᑦ ᐱᔨᑦᑎᕋᖃᑦᑕᖅᑐᓄᑦ ᐃᖃᓗᖕᓂ.

ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᑦ ᓯᕐᓗᐊᓕᕆᔨᖏᑦ ᐃᖃᓗᖕᓂ:

  • ᕿᑐᑦᑐᒐᐅᔭᐃᑦ ᐊᒻᒪ ᑎᑎᕋᕐᕕᒃᓴᐃᑦ ᐊᑐᒃᑲᓐᓂᕈᓐᓇᖅᑐᓄᑦ ᐱᓕᕆᐊᑦ
  • ᐱᕈᓐᓇᒃᓴᐃᔨᐅᑉ ᓯᕐᓗᐊᖓ
  • ᖃᖓᑕᓲᒃᑰᖅᑐᓕᕆᔨᑦ (ᑲᓇᐃᑎᐊᓐ ᐊᒻᒪ ᕘᔅ ᐃᐅ)
  • ᐊᓯᔾᔨᖅᐸᓪᓕᐊᕙᒃᑐᑦ ᐱᖁᑎᑦ ᑎᑭᓴᖅᑕᐅᓯᒪᔪᑦ (ᒥᑭᑐᑦ ᑭᓯᐊᓂ )
  • ᒥᑭᑦᑐᑦ ᐴᖅᓯᒪᔪᑦ
  • ᐊᒥᐊᒃᑯᖏᑦ ᑎᑎᕋᕐᕕᐅᑉ ᐱᖁᑎᖏᑦ ᓈᓴᖅᑕᐅᓯᒪᒧᑦ ᐊᒻᒪ ᐱᔭᐅᔪᒪᔪᑦ
  • ᐊᒥᐊᒃᑯᖏᑦ ᓅᑎᑕᐅᔪᓐᓇᖅᑐᑦ ᐱᖁᑎᑦ ᐊᒻᒪ ᐊᖏᔪᑦ ᐱᖁᑎᑦᐊᑭᑦᑐᕋᐅᑎᒃᓴᑦ

ᑐᑭᓯᒋᐊᒃᑲᓐᓂᕈᒪᒍᕕᑦ ᖃᐅᔨᒋᐊᕐᕕᒋᓗᒍ:

Materiel Management Coordinator
Community and Government Services
P.O. Box 1000, Station 650
Iqaluit, Nunavut X0A 0H0
ᐅᖃᓘᑖ: (867) 975-7150
ᓱᒃᑲᔪᒃᑯᑦ: (867) 975-7154 
ᐃᕐᙲᓐᓈᖅᑕᐅᒃᑯᑦ: Cgs.warehouse.iq@gov.nu.ca

ᓄᓇᕗᑦ ᒐᕙᒪᒃᑯᑦ ᐃᖅᑲᓇᐃᔭᖅᑎᖏᑦ ᐃᕐᙲᓐᓈᖅᑕᐅᒃᑯᑦ ᑕᑯᒋᐊᕈᓐᓇᕆᕗᑦ.

ᐅᕙᑦᑎᓐᓄᑦ ᖃᐅᔨᒋᐊᕐᓗᑎᑦ:

ᐃᒡᓗᒋᔭᐅᔪᓕᕆᓂᖅ ᐊᒻᒪ ᐱᖁᑎᒋᔭᐅᔪᓕᕆᓂᖅ
ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᑦ
ᑎᑎᑲᕐᓂᐊᕐᕕᐊ 1000, ᐃᓂᖓ 630
ᐃᖃᓗᐃᑦ, ᓄᓇᕗᑦ 
X0A 0H0
ᐅᖃᓘᑖ: (867) 975-7100
ᓱᒃᑲᔪᒃᑯᑦ: (867) 975-7154
ᐃᕐᙲᓐᓈᖅᑕᐅᒃᑯᑦ: PAMD.general.inquiries@gov.nu.ca

ᓄᓇᕗᑦ ᒐᕙᒪᒃᑯᑦ ᐃᖅᑲᓇᐃᔭᖅᑎᖏᑦ ᐃᓯᕈᓐᓇᐅᑎᖓᓂᒃ ᐱᔾᔪᑎᖃᖅᑐᑦ, ᐃᓚᒋᐊᕆᐊᓕᖕᓂᒃ, ᐲᕆᐊᓕᖕᓂᒃ, ᐅᕝᕙᓘᓐᓃᑦ ᐋᖅᑭᒋᐊᕆᐊᓕᖕᓂᒃ:
ᐃᕐᙲᓐᓈᖅᑕᐅᒃᑯᑦ: keyscan@gov.nu.ca

ᓄᓇᕗᑦ ᒐᕙᒪᒃᑯᑦ ᐃᒡᓗᖁᑎᖏᓐᓄᑦ OMF−ᖓᓂ, ᐅᐊᔭᓕᕆᓂᕐᒧᑦ, ᐊᒻᒪ/ᐅᕝᕙᓘᓐᓃᑦ ᐃᒡᓗᕐᔪᐊᑉ ᖃᐅᔨᓴᖅᑕᐅᓂᖓᑕ ᐅᓂᒃᑳᖓᓂᒃ ᑐᓂᓯᔪᒪᔪᑦ:
ᐃᕐᙲᓐᓈᖅᑕᐅᒃᑯᑦ: Protectionservices-reports@gov.nu.ca

ᐃᖅᑲᓇᐃᔭᖅᑎᓂᒃ ᐊᑦᑕᕐᓇᖅᑐᓂᒃ ᓇᓪᓕᐅᒃᑯᒫᓂᓪᓗ ᖃᐅᔨᓴᖅᑏᑦ ᖃᐅᔨᓴᖅᑕᐅᔾᔪᑎᖏᑕ ᐅᓂᒃᑳᖓᓂᒃ ᑐᓂᓯᔪᒪᔪᑦ:

ᐃᕐᙲᓐᓈᖅᑕᐅᒃᑯᑦ: WSCC-Reports@gov.nu.ca

ᓄᓇᕗᑦ ᒐᕙᒪᒃᑯᑦ ᐊᑐᖅᑐᐊᖅᑕᖏᓐᓂᒃ ᖃᐅᔨᒋᐊᕈᒪᔪᑦ:
ᐃᕐᙲᓐᓈᖅᑕᐅᒃᑯᑦ: Commercialleasing@gov.nu.ca

ᓄᓇᕗᑦ ᒐᕙᒪᒃᑯᑦ ᐱᖁᑎᖏᑕ ᐸᕐᓇᐃᔨᖓ CMMS:
ᐃᕐᙲᓐᓛᖅᑕᐅᒃᑯᑦ: assetplanner@gov.nu.ca   Contact Us: