ᐃᖏᕐᕋᔪᓕᕆᔨᒃᑯᑦ
ᐃᖏᕐᕋᔪᓕᕆᔨᒃᑯᑦ ᐊᕕᒃᑐᖅᓯᒪᓂᖏᑦ ᓄᓇᕗᒥᐅᓂᑦ ᐱᔨᑦᑎᖃᑦᑕᖅᑐᑦ ᑲᓲᖅᓯᒪᑎᑦᑎᓪᓗᑎᑦ ᑲᓇᑕᐅᒥᐅᖃᑎᑦᑎᓐᓄᑦ. ᑖᓐᓇ ᐱᓕᕆᕝᕕᐅᔪᖅ ᑲᒪᔨᐅᔪᖅ ᐊᑐᒻᒪᕆᒃᑐᓂᑦ ᓄᓇᕗᒻᒥ ᐃᖏᕐᕋᔪᓕᕆᓂᕐᒥᑦ, ᓯᓚᒃᑯᑦ, ᓄᓇᒃᑯᑦ ᐊᒻᒪ ᐃᒪᒃᑯᑦ ᐃᖏᕐᕋᔾᔪᑎᑎᒍᑦ ᐊᔾᔨᒌᙱᑦᑐᑎᒍᑦ. ᐱᓕᕆᐊᖏᑦ ᐃᓚᖃᖅᑐᑦ ᓄᓇᓕᖕᓂᑦ ᐊᒻᒪ ᓄᓇᐃᑦ ᐊᕕᒃᑐᖅᓯᒪᔪᑦ ᑐᑦᑕᕐᕕᖏᓐᓂᑦ ᒥᑦᑕᕐᕕᖕᓂᑦ, ᐊᐅᓚᑦᑎᔨᐅᓪᓗᑎᑦ ᐃᖏᕐᕋᔪᓂᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᐱᖁᔭᕐᒥᑦ ᐊᒻᒪ ᑕᒪᒃᑯᓄᖓ ᐱᓕᕆᐊᒃᓴᓂᑦ, ᐃᑲᔪᖅᖢᑎᓪᓗ ᓄᓇᓕᖕᓂ−ᐱᓯᒪᔪᓂᑦ ᐊᒻᒪ ᓄᓇᕗᒻᒥ ᖃᓄᖅᑑᕈᑏᑦ ᓯᕗᓪᓕᖅᐸᐅᑎᔭᕆᐊᓖᑦ ᐊᖅᑯᓯᐅᕐᓂᕐᒧᑦ ᐊᒻᒪ ᐃᒪᕐᒦᑦᑐᓄᑦ ᒪᑭᒪᔾᔪᑎᒃᓴᓄᑦ.
ᑕᒪᒃᑯᐊ ᑎᓴᒪᐃᓕᖓᕗᑦ: ᐃᖏᕐᕋᔪᓕᕆᓂᕐᒧᑦ ᐊᑐᐊᒐᓕᕆᔩᑦ ᐱᕙᒌᔭᐅᑎᓕᕆᔩᓪᓗ, ᓄᓇᓯᐅᑎᓕᕆᔨᒃᑯᑦ, ᓄᓇᕗᒻᒥ ᒥᑦᑕᕐᕖᑦ ᐊᒻᒪᓗ ᐃᖃᓗᓐᓂ ᓯᓚᕐᔪᐊᒥᐅᓄᑦ ᒥᑦᑕᕐᕕᒃ.
ᐃᖏᕐᕋᔪᓕᕆᓂᕐᒧᑦ ᐊᑐᐊᒐᓕᕆᓂᕐᒧᑦ ᐊᒻᒪᓗ ᐸᕐᓇᐃᓂᕐᒧᑦ
ᐃᖏᕐᕋᔪᓕᕆᓂᕐᒧᑦ ᐊᑐᐊᒐᓕᕆᔨᒃᑯᑦ ᐊᒻᒪᓗ ᐸᕐᓇᐃᔨᒃᑯᑦ ᐱᔭᒃᓴᐅᑎᖃᖅᑐᑦ ᐸᕐᓇᐃᓂᕐᒧᑦ ᐊᖅᑯᑎᓂᒃ, ᐃᒪᕐᒥᑦ ᐊᒻᒪᓗ ᓯᓚᒥᑦ ᐱᖁᑎᓂᒃ ᓄᓇᕗᒻᒥ. ᑖᒃᑯᐊ ᐱᔨᑦᑎᕋᖅᐳᑦ ᐃᑲᔪᖅᑐᐃᓪᓗᑎᒃ ᓄᓇᕗᒻᒥ ᐊᔾᔨᐅᙱᑦᑐᑦ ᐱᔭᕆᐊᓕᒥᖕᓂᑦ ᒐᕙᒪᑐᖃᒃᑯᑦ ᐃᖏᕐᕋᔪᓕᕆᓂᕐᒧᑦ ᐊᑐᐊᒐᖏᓐᓄᑦ ᖃᓄᐃᓕᐅᕈᑎᒋᔭᒥᖕᓂᑦ. ᑖᒃᑯᐊ ᑲᒪᒋᔭᒃᓴᖃᖅᑐᑦ ᐊᐅᓚᑦᑎᓂᕐᒥᑦ ᐃᖏᕐᕋᔪᓕᕆᓂᕐᒧᑦ ᐅᐸᓗᖓᐃᔭᐅᑎᒥᑦ ᐊᒥᓱᓪᓗ ᒐᕙᒪᑐᖃᒃᑯᓐᓂᑦ ᑮᓇᐅᔭᖃᖅᑎᑕᐅᔪᑦ ᐱᓕᕆᐊᒃᓴᓂᑦ.
-
ᓄᓇᓕᖕᓂ ᐃᖏᕐᕋᔪᓕᕆᓂᕐᒧᑦ ᐱᓕᕆᐊᖑᕙᓪᓕᐊᔪᒪᔪᑦ ᐱᓕᕆᐊᒃᓴᑦ
ᓄᓇᓕᖕᒥ ᐃᖏᕐᕋᔪᓕᕆᓂᕐᒧᑦ ᐱᓕᕆᐊᒃᓴᓄᑦ ᑐᕌᖓᔪᖅ ᐃᑲᔪᐃᓪᓗᓂᑦ ᓄᓇᓕᖕᓂᑦ ᐱᕙᓪᓕᐊᑎᑦᑎᓂᒃᑯᑦ ᓄᓇᓕᖕᓂ ᐃᖏᕐᕋᔭᒃᑐᓕᕆᓂᕐᒧᑦ ᐃᒡᓗᕐᔪᐊᑦ ᐊᒻᒪᓗ ᐱᖁᑏᑦ ᐊᒃᑐᐊᓂᖃᖃᑎᒌᖕᓂᐊᕐᓗᑎᒃ ᓄᓇᓖᑦ, ᓄᓇᕗᒻᒥ ᐱᕝᕕᐅᔪᓂᒃ ᐱᕙᓪᓕᐊᓂᖃᕈᓐᓇᕐᓂᕐᒧᑦ ᐊᒻᒪᓗ ᐱᖅᑯᓯᒃᑯᑦ ᐃᓅᓯᕆᔭᐅᔪᓄᑦ ᖃᓄᐃᓕᐅᕐᓂᐅᔪᓄᑦ.
ᓄᓇᒃᑰᕈᑎᓕᕆᔨᒃᑯᑦ
ᐊᑦᑕᓇᖅᑐᒦᒋᐊᖃᖏᓐᓂᖏᑦ ᐃᖏᕐᕋᔾᔪᑎᒃᑰᖅᑐᑦ ᐊᒻᒪ ᐱᓱᒃᑎᑦ ᓄᓇᕗᑦ ᐊᖅᑯᑎᖏᓐᓂᑦ ᓯᕗᓪᓕᐅᔾᔭᐅᓗᑎᒃ ᓄᓇᒃᑰᕈᑎᓕᕆᔨᒃᑯᓐᓂ. ᓄᓇᒃᑰᕈᑎᓕᕆᔨᒃᑯᑦ ᐃᑲᔪᕈᑎᓂᒃ ᐊᒻᒪ ᑐᕌᖓᔪᓂᒃ ᑲᒪᖃᑦᑕᖅᑐᑦ ᐃᖏᕐᕋᔪᓕᕆᓂᕐᒧᑦ ᒪᓕᒐᕋᓛᑦ ᐊᒻᒪ ᐊᑦᑕᓇᖅᑐᖃᖅᑕᐃᓕᓂᕐᒧᑦ ᐱᔭᕆᐊᖃᖅᑐᑦ ᐊᑐᖅᑕᐅᓗᑎᒃ ᐊᖅᑯᓯᐅᖅᐸᒃᑐᓄᑦ ᐊᑐᖅᑕᐅᑎᓪᓗᒋᑦ ᐱᔭᕆᐊᖃᕐᓂᖅ ᐊᑐᕐᓗᒍ. ᑕᕝᕙᓂ ᐊᐅᓚᑦᑎᕙᒃᑐᑦ ᑕᒪᐃᓐᓂᒃ ᐊᖁᓐᓂᕐᒧᑦ ᓚᐃᓴᓐᓯᖃᕆᐊᖃᓂᕐᒧᑦ ᐊᒻᒪ ᐊᑐᐊᒐᖃᕆᐊᖃᕐᓂᕐᒧᑦ ᐃᖏᕐᕋᔾᔪᑎᓄᑦ ᐊᒻᒪ ᐋᖅᑭᐅᒪᑎᑦᑎᓂᒃᑯᑦ ᐱᓂᕐᓗᐊᕿᔪᖃᕐᓂᖅᐸᑦ ᑐᓴᖅᑎᑦᑎᒋᐊᖃᕐᓂᕐᒧᑦ. ᑖᒃᑯᐊ ᐱᓕᕆᖃᑎᖃᓲᖑᕗᑦ ᐃᑲᔪᖅᐸᒃᖢᑎᒡᓗ ᑐᑦᑕᕐᕕᖕᓂᑦ ᑕᒪᐃᓐᓂᑲᓴᒃ ᓄᓇᕗᒻᒥ ᓄᓇᓕᖕᓂᑦ ᐱᔨᑦᑎᕋᐅᑏᑦ ᓄᓇᒃᑰᕈᑎᓄᑦ ᐊᑐᐃᓐᓇᐅᖁᓪᓗᒋᑦ ᓄᓇᕗᓕᒫᒥᑦ. ᐱᓕᕆᐊᖃᖅᖢᑎᓪᓗ ᓄᓇᒃᑰᕈᑎᓂᒃ ᕿᒥᕐᕈᖃᑦᑕᕆᐊᖃᓂᕐᒧᑦ ᐊᒻᒪ ᐃᑲᔪᕈᑎᖃᕆᐊᖃᓂᕐᒧᑦ ᑕᒪᐃᓐᓄᐊᖓᔪᓂᒃ ᐊᖅᑯᑎᓂᒃ ᐊᑐᖅᐸᒃᑐᓄᑦ.
ᓄᓇᕗᒻᒥ ᒥᑦᑕᕐᕕᓕᕆᔨᑦ
ᒥᑦᑕᕐᕕᓕᕆᔨᑦ ᑲᒪᒋᔭᖃᖅᐳᑦ ᐊᐅᓚᑕᐅᓂᖏᓐᓂᒃ ᐊᒻᒪ ᐋᖅᑭᐅᒪᑎᑦᑎᒋᐊᖃᕐᓂᕐᒥ ᐅᑯᓂᖓ 24 ᖃᖓᑕᔫᓕᕆᓂᕐᒧᑦ ᐃᖃᓗᐃᑦ ᓯᓚᑖᓂ. ᑕᕝᕙᓂ ᐱᓕᕆᕝᕕᖕᒥ ᐊᒻᒪᓗ ᓄᓇᓕᖕᓂ ᓈᓚᒡᕕᖕᒥ (CARS) ᐃᒃᐱᒍᓱᑦᑎᐊᕆᐊᖃᖅᑐᑦ ᒪᓕᒐᐃᑦ ᒪᓕᒃᑕᐅᑦᑎᐊᕐᒪᖔᑕ ᐊᒻᒪ ᐃᖅᑲᓇᐃᔭᖅᑎᑦ ᒪᓕᑦᑎᐊᕐᒪᖔᑕ ᒐᕙᒪᑐᖃᒃᑯᑦ ᒪᓕᒐᖏᓐᓂᒃ. ᑖᓐᓇ ᐱᖃᓯᐅᔾᔨᕗᖅ ᐱᓕᕆᖃᑎᖃᖃᑦᑕᕐᓂᖅ ᐃᖏᕐᕋᔪᓕᕆᔨᒃᑯᑦ ᑲᓇᑕᒥ, ᖃᖓᑕᓲᓕᕆᔩᑦ ᑲᓇᑕᒥ, ᐊᒻᒪᓗ ᓄᓇᓕᖕᓂ ᒐᕙᒪᐅᔪᑦ ᑳᓐᑐᕌᒃᑎᐅᔪᓪᓗ ᐱᔨᑦᑎᕋᖅᑎᐅᕙᒃᑐᑦ ᐃᖏᕐᕋᑎᑦᑎᓂᕐᒧᑦ ᑲᔪᓯᑎᑦᑎᓂᕐᒧᓪᓗ ᒥᑦᑕᕐᕕᖕᓂᑦ ᓈᓚᒡᕕᖕᒥᓗ. ᐱᓕᕆᖃᑎᖃᖃᑦᑕᕆᕗᑦ ᖃᐅᔨᒪᔨᑕᕐᓂᑦ ᑳᓐᑐᕌᒃᑎᓂᓪᓗ ᓴᓇᔭᒃᓴᓄᑦ ᐱᓕᕆᐊᒃᓴᖃᖅᑎᓪᓗᒋᑦ.
-
ᓴᐃᒪᑕ ᐱᑦᓯᐅᓛᖅ ᖃᖓᑕᓲᓕᕆᓂᕐᒧᑦ ᐃᓕᓐᓂᐊᕈᑎᓄᑦ ᐃᑲᔫᑎᑦ
ᑐᕌᖓᔪᖅ ᑐᓂᓯᖃᑦᑕᖅᑐᖅ ᐃᓕᓐᓂᐊᕆᐊᖅᑐᓄᑦ ᐃᑲᔫᑎᓂᒃ ᓄᓇᕗᒻᒥᙶᖅᑐᓂᒃ, ᐊᒻᒪᓗ ᓄᓇᕗᒻᒥ ᐃᓄᖕᓄᑦ, ᐃᓕᓐᓂᐊᕆᐊᕈᒪᔪᓄᑦ ᐅᑭᐅᖅᑕᖅᑐᒥᑦ ᖃᖓᑕᓲᒥᑦ ᐃᖅᑲᓇᐃᔮᖃᕈᒪᓪᓗᑎᒃ.
ᐃᖃᓗᖕᓂ ᓄᓇᕐᔪᐊᕐᒥᐅᓄᑦ ᒥᑦᑕᕐᕕᒃ
ᐃᖃᓗᖕᓂ ᓯᓚᕐᔪᐊᒥᐅᓄᑦ ᒥᑦᑕᕐᕕᒃ ᐱᒻᒪᕆᐅᔪᒥᒃ ᐱᓕᕆᐊᖃᖅᑐᑦ ᐃᑲᔪᖅᑐᐃᓪᓗᑎᒃ ᖃᖓᑕᑲᑕᒃᐸᒃᑐᓂᒃ ᓄᓇᕗᒻᒥ, ᖃᖓᑕᓲᕐᔪᐊᓂᒃ ᐊᖅᑯᑎᒋᔭᐅᕙᒃᑐᑦ, ᐅᑭᐅᖅᑕᖅᑐᒥ ᐊᖅᑯᑎᒋᔭᐅᕙᒃᑐᑦ ᐊᒻᒪ ᐊᒥᐊᓕᑲᒥᐅᑦ ᐅᐊᖕᓇᖓᑕ ᐅᓇᑕᖅᑐᒃᓴᖏᑦ. 26-ᓂᒃ ᒥᑦᑕᕐᕕᖕᓂ ᐃᓚᒋᔭᐅᓪᓗᓂ ᐃᓚᓕᐅᔾᔭᐅᓯᒪᔪᖅ ᑲᓇᑕᓕᒫᒥ ᒥᑦᑕᕐᕕᖕᓄᑦ ᐋᖅᑭᐅᒪᔪᖏᓐᓂᑦ, ᐃᖃᓗᐃᑦ ᒥᑦᑕᕐᕕᖓ ᐃᓱᒪᒋᔭᐅᔪᖅ ᐱᒻᒪᕆᐅᔪᒥᒃ ᖃᓄᖅᑑᕆᓂᕐᒧᑦ ᑲᓇᑕᒧᑦ. ᒥᑦᑕᕐᕕᒃ ᑲᒪᔭᖃᖅᑐᖅ ᐱᒻᒪᕆᐅᔪᒥᒃ ᓄᓇᕐᔪᐊᕐᒧᑦ ᐱᓕᕆᐊᕐᒥᒃ ᐱᔨᑦᑎᕋᐃᓂᒃᑯᑦ ᐊᑦᑕᕐᓇᖅᑐᖃᙱᓐᓂᕐᒧᑦ ᐊᑐᖅᑕᐅᖔᕈᓐᓇᖅᖢᓂ ᒥᕝᕕᐅᓂᐊᕐᓗᓂ ᐱᓇᓱᐊᕈᓯᑕᒫᒃᑯᑦ ᕼᐊᓇᓚᖏᓐᓃᑦᑐᓂᒃ ᖃᖓᑕᓲᓄᑦ. ᒥᑦᑕᕐᕕᒃ ᐱᒻᒪᕆᐅᔪᒥᒃ ᐱᓕᕆᐊᖃᕐᒥᔪᖅ ᓄᓇᕗᒻᒧᑦ, ᐱᔨᑦᑎᕋᐃᔪᖅ ᐅᑭᐅᖅᑕᖅᑐᒥᑦ ᐃᓂᐅᓪᓗᓂ ᑎᑭᑦᑕᕐᕕᐅᓂᕐᒧᑦ ᐃᓄᖕᓄᑦ ᐊᒻᒪᓗ ᐱᖁᑎᓄᑦ.