ᐊᖓᔪᖅᑳᖃᕐᕕᖕᒥ ᐊᐅᓚᑦᑎᕕᒃ
ᐊᐅᓚᑦᑎᕕᒃ ᑲᒪᔨᐅᕗᖅ ᐱᓕᕆᕝᕕᐅᑉ ᐊᐅᓚᑕᐅᓂᖓᓂᒃ ᐊᒻᒪ ᐊᐅᓚᔾᔪᑎᖏᓐᓂᒃ. ᐊᐅᓚᑦᑎᕕᒃ ᑕᒪᐃᓐᓂᒃ ᓯᕗᓕᖅᑎᒋᔭᐅᕗᖅ ᐊᒻᒪ ᑐᑭᒧᐊᒃᑎᐅᓪᓗᑎᒃ, ᑮᓇᐅᔭᓂᒃ ᐊᐅᓚᑦᑎᓂᕐᒥᒃ, ᐊᑐᐊᒐᓕᐅᕐᓂᕐᒥᒃ, ᑎᒥᐅᔪᒧᑦ ᐊᒻᒪ ᐃᖅᑲᓇᐃᔭᖅᑐᓕᕆᓂᕐᒧᑦ ᐊᐅᓚᑦᑎᓂᕐᒥᒃ, ᑐᓴᐅᒪᖃᑦᑕᐅᑎᓂᕐᒥᒃ ᐊᒻᒪ ᐃᑲᔪᕐᓗᑎᒃ ᑲᒪᔨᐅᓪᓗᑎᒡᓗ ᓄᓇᕗᑦ ᒐᕙᒪᒃᑯᑦ ᐊᑐᓕᖅᑎᑦᑎᓂᕆᔭᖓᓂᑦ ᓄᓇᕗᒻᒥ ᓇᖕᒥᓂᖃᖅᑐᓂᒃ ᐃᑲᔫᑎᑦ ᐱᖁᔭᕐᒥᑦ.
ᐊᐅᓚᑦᑎᕕᒃ ᖃᐅᔨᓴᖃᑦᑕᕆᐊᖃᖅᐳᖅ ᐱᓕᕆᕝᕕᐅᑉ ᑲᔪᓯᓂᖓᓂᒃ ᐱᕙᓪᓕᐊᔪᓐᓇᖁᓪᓗᒋᑦ ᒐᕙᒪᒃᑯᑦ ᓯᕗᓪᓕᐅᑎᔪᒪᓗᐊᖅᑕᖏᓐᓂᒃ, ᐱᖃᓯᐅᑎᓗᒋᑦ ᐊᑐᓕᖅᑎᓪᓗᒋᑦ ᑐᕌᖅᑕᕗᑦ, ᐃᓄᐃᑦ ᖃᐅᔨᒪᔭᑐᖃᖏᓐᓂᑦ, ᐱᓕᕆᕝᕕᐅᑉ ᐃᓄᖕᓂᒃ ᐃᖅᑲᓇᐃᔭᖅᑎᑦᑎᓂᕐᒧᑦ ᐸᕐᓇᐅᑎᖓᓐᓂᑦ. ᐊᐅᓚᑦᑎᕕᒻᒥ ᒪᑯᓂᖓ ᐱᓕᕆᕝᕕᖃᖅᑐᑦ ᐊᖓᔪᖅᑲᐅᑎᖃᕐᕕᖕᒥᑦ; ᑲᒪᑦᑎᐊᕐᓂᒃᑯᑦ ᐱᕚᓪᓕᖅᑎᑦᑎᔩᑦ; ᐊᑐᐊᒐᓕᕆᓂᕐᒧᑦ, ᐸᕐᓇᐅᑎᓕᐅᓂᕐᒧᑦ ᐊᒻᒪ ᑐᓴᐅᒪᖃᑦᑕᐅᑎᓂᕐᒧᑦ ᐱᓕᕆᕝᕕᖓ; ᓄᓇᕗᒻᒥ ᓇᖕᒥᓂᖃᖅᑐᓂᒃ ᐃᑲᔫᑎ ᑎᑎᕋᕐᕕᖓᑦ; ᐊᒻᒪᓗ ᑮᓇᐅᔭᓕᕆᓂᕐᒧᑦ ᐊᒻᒪ
ᐊᐅᓚᑦᑎᓂᕐᒧᑦ ᐱᓕᕆᕝᕕᒃ.
ᑎᒥᐅᔪᒧᑦ ᐊᐅᓚᑦᑎᔨᑦ ᐊᐅᓚᑦᑎᖃᑦᑕᖅᐳᑦ ᓄᓇᕗᑦ ᒐᕙᒪᒃᑯᑦ ᑮᓇᐅᔭᓄᑦ ᐊᖏᖃᑎᒌᒍᑎᖏᓐᓂᒃ ᓄᓇᕗᒻᒥ ᐱᕙᓪᓕᐊᔪᓕᕆᓂᕐᒧᑦ ᑯᐊᐳᕇᓴᒃᑯᑦ ᐊᒻᒪ ᓄᓇᕗᒻᒥ ᓇᖕᒥᓂᓕᖕᓄᑦ ᑯᐊᐳᕇᓴᓐ ᐃᓚᒋᓪᓗᒋᑦ.