ᐅᕙᒍᑦ ᒥᑦᓵᓄᑦ
ᐋᓐᓂᐊᖃᕐᓇᖏᑦᑐᓕᕆᔨᒃᑯᓐᓄᑦ ᑐᙵᓱᒋᑦ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐋᓐᓂᐊᖅᑐᓕᕆᓂᕐᒧᑦ ᐱᔨᑦᑎᕋᐅᑎᓂᒃ ᓄᓇᕗᒻᒥ ᐱᓕᕆᐊᒃᓴᖃᖅᐳᑦ.
ᐊᓐᓂᐊᖃᕐᓇᙱᑦᑐᓕᕆᔨᒃᑯᑦ ᐃᖅᑲᓇᐃᔭᖅᑎᖏᑦ ᐋᖅᑭᒋᐊᖅᑎᑦᑎᓇᓱᖃᑦᑕᖅᐳᑦ ᓄᓇᕗᒻᒥᐅᑦ ᐃᓅᓯᖃᑦᑎᐊᖁᓪᓗᒋᑦ ᖃᓄᐃᙱᑦᑎᐊᖁᓪᓗᒋᓪᓗ ᐊᔾᔨᒌᙱᑦᑐᑦ ᐊᑐᓂ ᓄᓇᓕᖕᓂ ᐱᔭᐅᔭᕆᐊᓖᑦ ᑲᒪᒋᓪᓗᒋᑦ ᐃᓕᖅᑯᓯᑐᖃᖅᑎᒎᖓᔪᓂᒃ ᐱᓕᕆᐊᒃᓴᓂᒃ ᐱᔨᑦᑎᕋᐅᑎᓂᓪᓗ.
ᑐᕌᒐᕗᑦ ᓴᖅᑭᑎᑕᐅᖁᓪᓗ ᒋᑦ ᓄᓇᑦᑎᓐᓂ, ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐅᑯᓂᖓ ᐱᓕᕆᐊᒃᓴᓂᒃ ᑕᐅᑐᖅᑰᖅᑕᐅᓯᒪᔪᓂᓪᓗ ᑎᑎᕋᖅᓯᒪᔪᓂᒃ ᒪᓕᖃᑦᑕᖅᐳᑦ.
ᐱᓕᕆᐊᒃᓴᑦ
ᐃᑲᔪᖅᑐᕐᓗᒋᑦ, ᓴᐳᑎᓗᒋᑦ ᐱᐅᓯᒋᐊᖅᑎᓪᓗᒋᓪᓗ ᓄᓇᕗᒻᒥᐅᑦ ᐃᓅᓯᖃᑦᑎᐊᕈᓐᓇᕐᓂᖏᑦ ᖃᓄᐃᙱᓐᓂᖏᓪᓗ, ᐃᓄᐃᑦ ᖃᐅᔨᒪᔭᑐᖃᖏᑦ ᐃᓚᓕᐅᔾᔭᐅᕙᒡᓗᑎᒃ ᓇᓂᑐᐃᓐᓇᑦᑎᐊᖅ ᐱᔨᑦᑎᕋᐅᑎᓂᒃ ᐋᖅᑭᒃᓯᒪᓂᖏᓐᓂᒡᓗ.
ᑕᐅᑐᖅᑰᖅᑕᐅᓯᒪᔪᑦ
ᑕᐅᑐᖅᑰᖅᐳᒍᑦ ᓄᓇᕗᒻᒥᐅᑦ ᖃᓄᐃᙱᑦᑎᐊᕈᓐᓇᕐᓂᖏᓐᓂᒃ, ᐃᓄᐃᑦ ᐱᓕᕆᔪᓐᓇᑦᑎᐊᕐᓗᑎᒃ ᐃᓅᓯᕐᒥᓂ ᐃᒻᒥᒃᑰᕈᓐᓇᕐᓗᑎᒃ ᖃᓄᐃᙱᑦᑎᐊᖅᑐᒥᓪᓗ ᓄᓇᖃᕐᓗᑎᒃ ᓄᓇᕘᓕᒫᒥ.