ᓄᓇᓕᖕᓂ ᒐᕙᒪᒃᑯᓂᓪᓗ ᐱᔨᑦᑎᖅᑏᑦ ᒥᓂᔅᑕᖓᑦ
ᒥᓂᔅᑕ ᑕᓂᐊ ᖃᕝᕕᒃ
ᒥᓂᔅᑕ ᐊᕙᑎᓕᕆᔨᒃᑯᓐᓄᑦ
ᑖᓂᐅᓪ ᖃᕝᕕᒃ ᓂᕈᐊᖅᑕᐅᓚᐅᖅᑐᖅ ᓂᕈᐊᕕᔾᔪᐊᕐᓇᐅᑎᓪᓗᒍ ᐊᒃᑑᕝᕙ 25, 2021-ᒥ, ᑭᒡᒐᖅᑐᐃᓂᐊᕐᓗᓂ ᑕᓯᐅᔭᕐᔪᐊᑉ ᓂᕈᐊᖅᑕᐅᓯᒪᕕᖓᓂᑦ 6-ᒋᔭᖓᓂ ᓄᓇᕗᑦ ᒪᓕᒐᓕᐅᖅᕕᖓᓂᑦ.
ᓂᕈᐊᖅᑕᐅᓚᐅᕋᓂ ᓱᓕ, ᒥᔅᑕ ᖃᕝᕕᒃ ᐃᖅᑲᓇᐃᔮᖃᓚᐅᖅᑐᖅ ᐆᒪᔪᕐᓂᐊᖅᑎᐅᓪᓗᓂ ᓄᓇᕗᑦ ᒐᕙᒪᖓᑕ ᐃᑦᑕᕐᓂᓴᓕᕆᓂᕐᒧᑦ ᐱᓕᕆᕕᖓᓂ. ᒥᔅᑕ ᖃᕝᕕᒃ ᐱᔭᕇᕐᓂᑰᔪᖅ ᐃᓕᓐᓂᐊᖅᑕᒥᓂᒃ ᓄᓇᕗᑦ ᓯᓚᑦᑐᓴᖅᕕᒻᒥ ᐊᕙᑎᓕᕆᓂᕐᒧᑦ ᐃᓕᓐᓂᐊᑎᑦᑎᕕᖓᓂ. ᒥᔅᑕ ᖃᕝᕕᒃ ᐊᑯᓂᐊᓗᒃ ᑮᓇᐅᔾᔭᒃᓴᓇᓂ ᐸᖅᓴᐃᔨᐅᖃᑕᐅᖃᑦᑕᖅᓯᒪᔪᖅ ᐊᒻᒪᓗ ᐊᖑᓇᓱᑦᑎᐅᖃᑕᐅᓪᓗᓂ ᓄᓇᓕᖓᓂ. ᑖᓂᐅᓪ ᐊᒻᒪᓗ ᒫᒡᒍᕋᑦ ᖃᕝᕕᒃ ᐅᐱᒋᔭᒥᓂᒃ ᕿᑐᕐᖓᖃᖅᑑᒃ ᐅᑯᓂᖓ ᑖᓂᐅᓪ, ᔭᖁᐃᓐᑕ, ᒫᑕᓕ, ᔅᑎᐊᓚ ᐊᒻᒪᓗ ᕉᓴᓕᓐᑕ. ᒥᔅᑕ ᖃᕝᕕᐅᑉ ᐃᒻᒥᓂᒃ ᐱᓕᕆᐊᕆᒋᐊᖏᑕ ᖁᕕᐊᒋᔭᖏᑦ ᐃᓚᖃᖅᑐᑦ ᐊᖑᓇᓱᓐᓂᕐᒥᒃ ᐊᒻᒪᓗ ᐊᓯᖏᓐᓂᑦ ᓯᓚᒥ ᐱᓕᕆᕈᓘᔭᕐᓂᕐᒥᒃ.