ᐅᖃᓚᐅᑎᓯᐅᑏᑦ

You are here

ᐊᐱᖁᓯᐅᒐᔪᑦᑐᑦ ᓱᖁᐊᕿᐅᑉ ᒥᔅᓵᓄᑦ

ᑭᓲᒻᒪᑦ ᐃᓱᒪᖅᓴᖅᓯᐅᕈᑎᑦᑎᐊᕙᐃᑦ?

ᐃᓱᒪᖅᓴᖅᓯᐅᕈᑎᑦᑎᐊᕙᐃᑦ ᐊᕿᖅᑕᐅᓚᐅᖅᑐᖅ ᑕᒪᑯᓄᖓ ᖃᓄᐃᓕᐅᕈᑕᐅᖃᑦᑕᑐᓄᑦ ᐃᑲᔪᓂᖃᓂᐊᖅᑎᓗᓂ ᓄᓇᓕᐅᔪᓄᑦ ᐅᕙᓗᓐᓂᑦ ᐃᓕᑉᐹᓕᕈᑎᒋᓂᐊᓗᒍ ᐃᕕᑦ ᐱᔪᓐᓇᓂᕆᔭᖓᓂᑦ ᓇᒥᓂᖅᓱᕈᓇᕈᑎᒋᓂᐊᓕᓗᒍ. ᐃᓱᒪᖅᓴᖅᓯᐅᕈᑎᑦᑎᐊᕙᐃᑦ ᐱᖃᓯᐅᑎᓯᒪᒍᒻᓇᖓᑕ ᐱᓕᒻᒪᓴᕋᓱᓐᓂᕐᒧᑦ, ᐃᓕᓐᓂᐊᕐᓂᕐᒧᑦ, ᐃᖃᓇᐃᔭᖃᐃᓐᓇᖃᑦᑕᓂᒧᓪᓗ ᐊᒻᒪᓗ ᐊᖓᔪᖅᑳᖑᖅᐸᓪᓕᐊᔪᑦ ᐊᖓᔪᖅᑳᑦᑎᐊᕙᙳᕆᐅᖅᓴᕈᑎᒋᓕᓗᒍ.

ᓱᒻᒪᑦ ᐊᔨᒋᖃᑦᑕᖏᓚᑦ ᓯᑭᑖᕆᖃᑦᑕᑕᑲ ᑕᕿᒥ?

ᓯᒃᑭᑖᕆᔭᐅᕙᑦᑐᑦ ᐊᓯᔨᖃᑦᑕᓐᓂᖏᓐᓄᑦ ᑕᑭᑕᒫᑦ ᐊᔨᒋᑉᐸᖏᑦᑐᑦ ᑮᓇᐅᔭᓵᒥᓂᕆᔭᓐᑎᑦ ᑕᕙᓂ ᑕᕿᒥ ᑕᑯᐊᓗ, ᐃᓪᓗᒧᑦ, ᖃᐅᒪᓯᐅᑎᓄᑦ ᐊᒻᒪᓗ ᐊᖏᓂᖏᓐᓄᑦ ᐃᓗᒥᐅᖃᑎᒌᑦ ᐱᔪᑎᒋᓪᓗᖏᑦ.

ᑭᓲᒻᒪᑦ ᐊᑭᓕᐅᑎᓗᐊᖅᓯᒪᔪᖅ ᐊᒻᒪᓗ ᐊᑭᓕᖅᓱᐃᕙᓕᐊᓂᕐᒧᑦ ᐸᓐᓇᐅᑎ?

ᐃᓛᓐᓂᑯᒃ ᐊᑭᓕᖅᑕᐅᔭᕆᐊᖃᖅᓯᒪᔪᖅ ᐃᓕᓐᓄᑦ ᑕᕙᓂ ᑕᕿᒥ ᐊᖏᓂᓴᐅᑎᑕᐅᓂᕈᓂ ᐱᒋᐊᖃᖅᑕᒥᓂᖏᓂᑦ, ᑕᒪᓐᓇ ᑕᐃᒪᐃᓲᖅ ᓇᓗᓇᐃᑎᐊᓯᒪᓂᖏᑯᕕᒋᑦ ᑮᓇᐅᔭᖅᑖᕆᔭᒥᓂᖅᑎᑦ ᐊᑭᓕᔅᓴᖅᑖᕆᓪᓗᒍ, ᐊᑭᓕᖅᑕᐅᓐᓂᕈᓂ ᐊᑭᓕᖅᑕᐅᔭᕆᐊᖃᖅᑎᓐᓇᒍ ᐅᕙᓗᓐᓂᑦ ᑲᑎᑎᖅᑕᐅᑲᒻᒪᑐᒥᓂᐅᑉᐸᑕ. ᓱᖁᐊᕿᑎᑦᑎᔨ ᐊᕿᔅᓱᐃᖃᑎᖃᕈᓐᓇᑐᖅ ᐃᓕᓐᓂᑦ ᐊᑭᓕᖅᐸᓕᐊᓂᕐᒧᑦ ᐊᑭᓕᓴᕆᔭᓐᓂᑦ.

ᓱᒻᒪᑦ ᑮᓇᐅᔭᖅᑖᕈᑎᒋᔭᒥᓂᒃᑲ ᐃᖃᓇᐃᔭᕈᑎᒥᓂᑲ ᐱᖅᑕᐅᖃᑦᑕᖃᑦ ᓯᑭᑖᕆᔭᓐᓂᑦ?

ᕿᑐᖓᖃᕈᕕᑦ , ᓯᕗᓪᓕᖅᐸᖅ 400.00 ᐱᖅᑕᐅᒐᔭᖏᑦᑐᖅ ᐃᕕᑦ ᓯᑭᑖᖓᓂᑦ. ᑕᓐᓇ ᐃᑲᔫᑎᒋᓂᐊᖅᓯᒪᒻᒪᑦ ᐊᑲᐅᓯᑎᒋᐊᖅᓯᒪᓪᓗᒍ ᐃᓕᓐᓄᑦ ᐊᒻᒪᓗ ᑮᓇᐅᔭᖅᑖᒥᓂᖏᓐᓄᑦ. ᑮᓇᐅᔭᖅᑖᖃᑦᑕᓕᕈᕕᑦ $400 ᐅᖓᑖᓄᑦ ᑭᑭᑕᐅᓯᒪᔪᖅ, ᓯᑭᑖᕆᔭᐃᑦ ᑕᐃᒪᓐᓇ ᐃᓚᖓᖅᑕᐅᒐᔭᖅᑐᖅ.

ᓱᒻᒪᓪᓕ ᐃᖃᓇᐃᔭᕆᐊᖃᖅᑯᖓ ᐃᓚᖓᖅᑕᐅᖃᑦᑕᓐᓂᐊᖅᑎᓗᒍ ᐅᕙᖓ ᓱᖁᐊᕿᑖᕆᓂᐊᖅᑕᖓᓐᓂ?

ᐃᕕᑦ ᐱᔪᓐᓇᕆᐊᖃᕋᕕᑦ ᐃᑲᔪᕈᓐᓇᓯᓗᑎᒃ ᐃᓗᓐᓄᑦ ᐊᒻᒪᓗ ᐃᓗᒥᐅᑕᐅᖃᑎᖏᓐᓄᑦ ᐃᕕᑦ ᐱᔪᓐᓇᓂᖓᓄᑦ ᐃᖃᓇᐃᔭᕈᕕᑦ ᓄᐊᑦᑎᕙᓪᓕᐊᒍᓐᓇᕋᕕᑦ ᐃᖃᕋᓂᑦ ᑕᑯᓄᖓ ᐃᖃᓇᐃᔭᖏᑐᓯᐅᑎᓕᕆᔨᑯᓐᓄᑦ.

ᓱᒻᒪᑦ ᓱᕈᓯᐊᕿᑖᕈᑏᑦ ᐃᓚᖓᖅᑕᐅᖃᑦᑕᖃᑦ ᐅᕙᖓ ᓯᑭᑖᖏᓐᓂᑦ?

ᑕᑯᐊ ᐊᑕᖏᖅᑐᒋᑦ ᓱᕈᓯᐊᕿᑖᕆᔭᐅᕙᑦᑕᑦ ᐃᓚᖓᐅᑎᔪᐃᓐᓇᐅᕙᖏᑦᑐᑦ ᐃᕕᑦ ᓱᖁᐊᕿᑖᖏᓐᓂᑦ. ᑭᓯᐊᓂ ᑲᒪᒋᔭᖃᕐᓂᕐᒧᑦ ᐃᓚᐃᓐᓇᖏᑦ ᐃᓚᖓᐅᑎᖃᑦᑕᖅᑐᖅ. ᑭᓇᐅᔭᐃᑦ ᐊᑭᓕᐅᑕᐅᖃᑦᑕᖓᑕ ᐊᓯᖏᓐᓄᑦ ᐃᕕᒃᑰᖓᔪᓄᑦ.

ᐃᓚᒋᔭᐅᖃᑦᑕᕆᐊᖃᓐᓂᐊᖁᖓ ᑕᑯᓄᖓ ᐊᑑᑎᖃᑦᑎᐊᕐᓗᓂ ᐱᓕᕆᔪᓐᓇᐅᑎᖓ?

ᓱᖁᐊᕿᓇᖃᑦᑕᕈᒪᓂᐊᕈᕕᑦ ᐅᖓᑎᑲᓐᓂᐊᒍᑦ ᐱᒐᓲᑎᕕᑦ, ᐱᒐᓱᖃᑕᕆᐊᖃᕋᕕᑦ ᐃᖃᓇᐃᔭᕆᐅᖅᓴᕋᔅᓴᖅᑕᖃᓐᓂᕈᓂ, ᐃᓕᓐᓂᐊᕋᓴᖅᑕᖃᑦᑎᓗᒍᓪᓗᓐᓂᑦ ᐅᕙᓗᓐᓂᑦ ᐃᖃᓇᐃᔮᓴᖅᑕᖃᓐᓂᖃᑦ ᓄᓇᓕᒋᔭᓐᓂᑦ, ᐱᔪᑎᖃᑦᑎᐊᓂᕈᕕᑦ ᐃᓐᓇᑐᖃᐅᓂᕐᒧᑦ ᐅᕙᓗᓐᓂᑦ ᐃᖃᓇᐃᔭᕈᓐᓇᖏᔪᑎᖃᕈᕕᓪᓗᓐᓂᑦ.

ᐃᖃᓇᐃᔭᕆᐅᕋᓴᕈᓐᓇᖁᖓ?

ᐄ, ᑮᓇᐅᔭᓴᐅᑎᓄᑦ ᐃᑲᔫᑎᑕᖃᖅᑐᖅ ᓱᖁᐊᕿᑦᑎᑦᑎᔨᑯᑦ ᐅᕙᓗᓐᓂᑦ ᐊᓯᐊᒍᑦ. ᐅᖃᖃᑎᒋᔪᓐᓇᖅᑕᐃᑦ ᓱᖁᐊᕿᑎᑦᑎᔨ ᐅᕙᓗᓐᓂᑦ ᐃᖃᓇᐃᔭᖅᑐᓕᕆᔨ ᖃᓄᐃᑦᑐᓂᑦ ᑭᓇᐅᔭᖅᑕᖃᒻᒪᖓᑕ ᐃᑲᔫᑎᓂᑦ.

ᐃᖃᓇᐃᔭᕈᓐᓇᑦᑎᐊᖅᑐᖓ ᑭᓯᐊᓂ ᐸᐃᕆᔨᓴᒧᑦ ᐊᑭᓕᐅᑎᓴᖃᖃᑦᑕᖏᓐᓇᒪ.

ᐸᐃᕆᕕᒻᒧᑦ ᐃᑲᔫᑕᑎᖃᖃᑦᑕᒥᔪᖅ. ᐃᕕᒃ ᓄᓇᓕᖓᓐᓂᑦ ᓱᖁᐊᕿᑎᑦᑎᔨ ᐅᖃᖃᑎᒋᒍᕕᐅᒃ ᑐᑭᓯᑎᑎᐊᑲᓐᓂᕈᓐᓇᕌᑎᑦ.

ᓱᖁᐊᕿᖃᑦᑕᑐᐃᓐᓇᕈᒪᖏᑲᓗᐊᖅᑐᖓ, ᑭᓯᐊᓂ ᐱᔪᓐᓇᕐᓂᖃᖏᓗᐊᕋᒪ ᑭᓯᐊᓂ ᐃᖃᓇᐃᔭᕐᓂᒧᑦ.

ᓄᓇᓕᒋᔭᓐᓂᑦ ᓱᖁᐊᕿᑎᑦᑎᔨ ᐃᑲᔪᕈᓐᓇᕌᑎᑦ ᐃᖃᓇᐃᔭᖅᑐᓕᕆᔨᒧᑦ ᑐᑭᓯᕙᓪᓕᐊᒐᓱᓪᓗᒍ ᖃᓄᖅ ᐱᔪᓐᓇᐅᑎᖃᒻᒪᖔᖅᐱᑦ.

ᖃᓄᓪᓕ ᐃᓗᒥᐅᖃᑎᖃ ᐃᑲᔪᕈᓐᓇᕋᔭᕋᑭᑦ ᐱᓕᒻᒪᒃᓴᓕᓐᓂᕈᒪ?

ᐊᖏᑦᑕᐅᓯᒪᓂᕈᕕᑦ ᐱᓕᒻᒪᓴᓂᕐᒧᑦ ᑕᕘᓇ ᓯᕗᓂᒃᓴᓕᐅᕐᓂᒃᑯᑦ ᐊᒻᒪᓗ ᓄᓇᒋᙱᑕᓐᓂᓂᐊᕈᕕᑦ ᓱᖁᐊᕿᖃᑦᑕᕈᓐᓇᕋᔭᖅᑐᑦ ᐃᓗᒥᐅᖃᑎᑎᑦ ᐊᐅᓚᓯᒪᑎᓪᓗᑎᑦ.

ᐊᖏᖃᑎᒋᓯᒪᖏᓐᓇᑯ ᓱᖁᐊᕿᑎᑦᑎᔨ ᐊᑭᒋᐊᕈᑎᒋᔭᖓᓐᓄᑦ. ᓱᒍᓐᓇᖁᖓᓕ?

ᓴᖑᓐᓂᐊᕈᓐᓇᕐᒥᔭᐃᑦ ᐃᓱᒪᓕᐊᖑᔪᒥᓂᖅ ᓱᖁᐊᕿᑎᑎᔨᒧ ᑕᑯᓄᖓ ᓄᓇᓕᐅᔪᓂᑦ ᓴᖑᓐᓂᐊᕈᓐᓇᑎᓄᑦ ᑲᑎᒪᔨᕋᓛᖏᓐᓄᑦ. ᓱᖁᐊᕿᑎᑦᑎᔨ ᐃᑲᔪᕈᓐᓇᖅᑐᑦ ᐃᓕᓐᓂ ᑕᓱᒪ ᒥᔅᓵᓄᑦ.

ᐸᓂᒐ ᐊᑖᑕᖓᓂᖃᑦᑕᖓᑦ, ᑭᓇᐅᔭᒥᓪᓗ ᑐᔪᐃᖃᑦᑕᑐᖓ ᑕᑭᑕᒫᖅ ᐸᓂᒐ ᓱᖁᐊᕿᑖᕆᖃᑦᑕᖅᑕᖏᓐᓄᑦ ᐃᓚᓕᐅᓯᒪᒍᓐᓇᖃ ᐅᕙᖓ ᐱᒐᓲᑎᖏᓐᓄᑦ?

ᐊᒐ. ᓱᕈᓰᑦ ᐃᕕᑦ ᐃᓪᓗᖓᓂᑦᑐᑦ ᐱᓯᒪᔭᑎᑦ ᑭᓯᐊᓂ ᐱᖃᓯᐅᑎᓯᒪᖃᑦᑕᕆᐊᓖᑦ.  ᐸᓂᒋᔭᐃᑦ ᐊᑖᑕᖓᑕ ᐱᒐᓲᑎᖓᓄᑦ ᐃᓚᓕᐅᑎᓯᒪᒋᐊᓕᒃ.

ᐃᕐᓂᕋ 18-ᖑᒻᒪᑦ. ᓱᖁᐊᕿᒍᓐᓇᖅᓯᕙ ᐃᒻᒥᓂᒃ?

ᐄ, ᕿᑐᖓᕆᔭᐅᔪᖅ 18-ᕈᕋᐃᒐᒥ , ᓇᒻᒥᓂᖅ ᐱᒐᓱᒍᓐᓇᓯᖃᑦᑕᖅᑐᖅ. ᑕᓐᓇ ᓱᖁᐊᕿᑕᕆᔭᐅᖃᑦᑕᖅᑐᖅ ᐱᔪᑎᔅᓴᖅᑕᖃᖅᑎᓐᓇᒍ ᐊᑐᐃᓐᓇᐅᒻᒪᑦ, ᕿᑐᖓᕆᔭᐃᑦ ᑕᑯᓄᖓ ᓂᕆᐅᒋᔭᐅᓂᐊᖅᑐᖅ ᐃᓱᒪᖅᓴᖅᓯᐅᕈᑎᑦᑎᐊᕙᐃᑦ ᓇᒻᒥᓂᖅ ᑭᓇᐅᔭᓴᕈᓐᓇᓯᓂᐊᓗᓂ ᐱᕙᓪᓕᐊᒍᓐᓇᓐᑎᐊᖅᑐᖅ.

ᐅᐃᒐ ᑮᓇᐅᔭᓴᔪᖅ. ᑕᓐᓇ ᐱᖃᓯᐅᑎᒐᔭᖃ ᐅᕙᖓ ᐱᒐᓲᑎᖓᓄᑦ?

ᐄ, ᐃᓗᒥᐅᖃᑎᒋᔭᕕᑦ ᑭᓇᐅᔭᓴᕆᔭᖏᑦ ᐱᖃᓯᐅᑎᒐᔭᖅᑐᑦ ᐃᕕᑦ ᐱᒐᓲᑎᖓᓄᑦ.

ᐃᓐᓇᑐᖃᐅᔪᓯᐊᖃᑦᑕᑐᖓ, ᐃᖑᑕᒃᑲ ᓂᕆᑎᖃᑦᑕᕆᐊᖃᕋᑭᑦ. ᐱᒐᓱᐊᕈᓐᓇᕆᕗᖓ?

ᐄ, ᑭᓇᑐᐃᓐᓇᖅ ᐊᕌᒍᖃᑐᐊᕈᓂ 18 ᐅᖓᑖᓄᑦ ᐱᒐᓱᐊᕈᓐᓇᖓᑦ. ᐃᖑᑕᕆᔭᑎᑦ ᓂᕆᑎᖃᑦᑕᕆᐊᖃᕈᕕᒋᑦ ᐃᕕᑦ ᐱᒐᓲᑎᖓᓄᑦ ᑎᑎᖃᓯᐅᑎᓯᒪᒍᓐᓇᖅᑐᑦ, ᐊᒻᒪᓗ ᐱᒐᓱᐊᖅᓯᓈᕈᓐᓇᕐᒥᔪᑎᒃ ᓱᕈᓯᐊᕿᓄᑦ ᓇᓗᓇᐃᓪᓗᒋᓪᓗ ᐃᕕᒃ ᐃᑲᒻᑖᓯᖏᓐᓄᑦ ᐅᕐᑳᓚᓗᑎᑦ ᐅᕐᑳᓚᐅᑎᒧᑦ ᐊᑭᖃᖏᑦᑐᒧᑦ 1-800-387-1193.