ᓄᓇᓕᖕᓂ ᒐᕙᒪᒃᑯᓂᓪᓗ ᐱᔨᑦᑎᖅᑏᑦ ᒥᓂᔅᑕᖓᑦ
ᑕᐃᕕᑎ ᐊᕿᐊᕈᖅ
ᑕᐃᕕᑦ ᐊᕿᐊᕈᖅ ᓂᕈᐊᖅᑕᐅᓚᐅᖅᑐᖅ ᓂᕈᐊᖕᓇᐅᑎᓪᓗᒍ ᐅᑐᐱᕆ 30, 2017−ᒥᑦ, ᑭᒡᒐᖅᑐᐃᓂᐊᖅᖢᓂ ᖁᑦᑎᒃᑐᒥᑦ ᑕᓪᓕᒪᓄᑦ ᒪᓕᒐᓕᐅᕐᕕᖕᒥᑦ ᓄᓇᕗᒻᒥᑦ.
ᐊᕿᐊᕈᖅ ᓂᕈᐊᖅᑕᐅᓚᐅᖅᑐᖅ ᓯᕗᓕᖅᑏᑦ ᑲᑎᒪᔨᖏᓐᓄᑦ ᓄᕕᐱᕆ 17, 2017−ᒥᑦ ᑲᑎᒪᑎᓪᓗᒋᑦ ᓄᓇᕗᒻᒥᑦ ᓯᕗᓕᖅᑎᐅᔪᑦ. ᒥᓂᔅᑕ ᐊᕿᐊᕈᖅ ᐊᖏᖅᑎᑕᐅᓚᐅᖅᑐᖅ ᒪᓕᒐᓕᐅᕐᕕᖕᒧᑦ ᓄᕕᐱᕆ 21, 2017−ᒥᑦ. 5-ᒋᓕᖅᑕᖓᓐᓂ ᒪᓕᒐᓕᐅᕐᕕᖕᒥ, ᓯᕗᓕᖅᑎᐅᑉ ᑐᒡᓕᕆᓚᐅᖅᖢᓂᐅᒃ, ᒥᓂᔅᑕ ᐱᕙᓪᓕᐊᔪᓕᕆᔨᒃᑯᓐᓄᑦ ᐃᖏᕐᕋᔪᓕᕆᔨᒃᑯᓐᓄᓪᓗ, ᒥᓂᔅᑕ ᑲᒪᒋᔭᓕᒃ ᐅᔭᕋᖕᓂᐊᕐᕕᖕᓄᑦ, ᒥᓂᔅᑕ ᑲᒪᒋᔭᓕᒃ ᓄᓇᕗᒻᒥ ᓇᖕᒥᓂᖃᖅᑐᓄᑦ ᐊᑐᖅᑐᐊᕐᕕᖕᒧᑦ ᐊᒻᒪ ᒥᓂᔅᑕ ᑲᒪᒋᔭᓕᒃ ᓄᓇᕗᒻᒥ ᐱᕙᓪᓕᐊᔪᓕᕆᓂᕐᒧᑦ ᑯᐊᐳᕇᓴᒃᑯᓐᓄᑦ.
ᐊᕿᐊᕈᖅ ᓂᕈᐊᖅᑕᐅᒃᑲᓐᓂᓚᐅᖅᑐᖅ ᑭᒡᒐᖅᑐᐃᓪᓗᓂ ᖁᑦᑎᒃᑐᕐᒥᐅᓂᒃ 6-ᒋᔭᖓᓐᓂ ᒪᓕᒐᓕᐅᕐᕕᖕᒥ ᓄᓇᕗᒻᒥ. ᐊᕿᐊᕈᖅ ᓂᕈᐊᖅᑕᐅᓚᐅᖅᑐᖅ ᓯᕗᓕᖅᑏᑦ ᑲᑎᒪᔨᖏᓐᓄᑦ ᓄᕕᐱᕆ 17, 2021−ᒥᑦ, ᑲᑎᒪᑎᓪᓗᒋᑦ ᓄᓇᕗᒻᒥᑦ ᓯᕗᓕᖅᑎᐅᔪᑦ. ᒥᓂᔅᑕ ᐊᕿᐊᕈᖅ ᐊᖏᖅᑎᑕᐅᓚᐅᖅᑐᖅ ᒪᓕᒐᓕᐅᕐᕕᖕᒧᑦ ᓄᕕᐱᕆ 19, 2021−ᒥᑦ. ᒥᓂᔅᑕᕆᔭᐅᔪᖅ ᒪᓕᒐᓕᕆᔨᒃᑯᓐᓄᑦ, ᒥᓂᔅᑕ ᐱᕙᓪᓕᐊᔪᓕᕆᔨᒃᑯᓐᓄᑦ ᐃᖏᕐᕋᔪᓕᕆᔨᒃᑯᓐᓄᓪᓗ, ᒥᓂᔅᑕ ᑲᒪᒋᔭᓕᒃ ᐃᖅᑲᓇᐃᔭᖅᑎᓄᑦ, ᒥᓂᔅᑕ ᑲᒪᒋᔭᓕᒃ ᐅᔭᕋᖕᓂᐊᖅᑐᓕᕆᓂᕐᒧᑦ, ᒥᓂᔅᑕ ᑲᒪᒋᔭᓕᒃ ᐃᓄᐃᑦ ᐱᔪᓐᓇᐅᑎᖏᓐᓄᑦ ᑭᒡᒐᖅᑐᐃᔩᑦ, ᒥᓂᔅᑕ ᑲᒪᒋᔭᓕᒃ ᓄᓇᕗᒻᒥᑦ ᓇᖕᒥᓂᖃᖅᑐᓄᑦ ᑮᓇᐅᔭᒃᑯᕖᑦ ᑲᑐᔾᔨᖃᑎᒌᖏᑦ, ᒥᓂᔅᑕ ᑲᒪᒋᔭᓕᒃ ᓄᓇᕗᒻᒥᑦ ᐱᕙᓪᓕᐊᔪᓕᕆᔨᒃᑯᑦ ᑯᐊᐳᕇᓴᒃᑯᓐᓂᑦ, ᒥᓂᔅᑕᓗ ᑲᒪᒋᔭᓕᒃ ᑕᐅᖅᓰᔪᓕᕆᓂᕐᒧᑦ.
ᐊᕿᐊᕈᖅ ᐱᕈᖅᓴᓚᐅᖅᑐᖅ ᐊᐅᓱᐃᑦᑐᒥ, ᑲᓇᑕᐅᑉ ᐅᑭᐅᖅᑕᖅᑐᒦᓛᖑᓪᓗᓂ. ᖃᔅᓯᑲᓪᓚᖕᓂᒃ ᐱᓕᕆᔨᒻᒪᕆᖕᓂᒃ ᐃᖅᑲᓇᐃᔮᖃᖃᑦᑕᖅᓯᒪᕗᖅ, ᐃᓚᒋᔭᐅᓪᓗᓂ ᐊᔾᔨᒌᙱᑦᑐᑦ ᐊᖓᔪᖅᑲᐅᑎᑦ ᑎᒃᑯᐊᖅᑕᐅᔪᑦ ᓄᓇᕗᑦ ᒐᕙᒪᒃᑯᓐᓂ. ᑖᒃᑯᐊ ᐃᓚᖃᖅᑐᑦ ᐃᖅᑲᓇᐃᔮᓂᑦ ᓇᖕᒥᓂᖅᓱᖕᓂᖕᒧᑦ ᐋᔩᖃᑎᒌᒃᑎᒥᑦ, ᒥᓂᔅᑕᐅᑉ ᑐᒡᓕᐊ ᓄᓇᓕᖕᓂᑦ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᓐᓄᑦ, ᒥᓂᔅᑕᐅᑉ ᑐᒡᓕᐊ ᐊᕙᑎᓕᕆᔨᒃᑯᓐᓄᑦ ᒥᓂᔅᑕᐅᑉ ᑐᒡᓕᐊᓗ ᓯᕗᓕᖅᑎᓂᑦ ᑎᑎᕋᖅᑎᓂᒡᓗ ᒥᓂᔅᑕᐅᖃᑎᒌᓄᑦ.
ᐊᕿᐊᕈᖅ ᓄᓇᓕᖕᓂ ᐊᑭᓕᖅᓱᖅᑕᐅᙱᖦᖢᓂ ᐃᑲᔪᖃᑦᑕᖅᓯᒪᔪᖅ ᐱᖏᖕᓇᖅᑐᓕᕆᔪᓂᒃ ᐊᒻᒪ ᐊᐅᓱᐃᑦᑐᕐᒥ ᐆᒪᔪᕐᓂᐊᖅᑎᒃᑯᓐᓂ ᐱᓕᕆᖃᑕᐅᖃᑦᑕᖅᓯᒪᓪᓗᓂ.
ᐊᕿᐊᕈᖅ ᓇᖕᒥᓂᖅ ᐊᓕᐊᓇᐃᒋᔭᖃᑦᑎᐊᖅᑐᖅ ᐊᖑᓇᓱᖕᓂᕐᒥᒃ ᐃᖃᓗᒐᓱᖕᓂᕐᒥᒡᓗ.
ᑕᐃᕕᑦ ᐊᒻᒪ ᑭᐅᕈ ᐊᕿᐊᕈᖅ ᐅᐱᒋᔭᐅᔫᒃ ᐊᖓᔪᖅᑳᖏᒃ ᐊᐃᒥ, ᑯᕆᔅᑏᓐ, ᒐᒪᓕᐊᓪ, ᕼᐆᑉ, ᒥᓂ, ᐱᓖᓇ ᐊᒻᒪ ᓵᒻᓴᓐ.