ᐅᖃᓚᐅᑎᓯᐅᑏᑦ

You are here

ᐃᓕᓐᓂᐊᕈᑎᑦ ᐃᓕᓐᓂᐊᕈᑎᓪᓗ ᐊᑐᖅᑕᐅᔪᑦ

ᓄᓇᕗᒻᒥ ᐃᓕᓴᐃᔨᓄᑦ ᐊᖓᔪᖅᑳᒧᑦ ᓇᓗᓇᐃᒃᑯᑕᖅᑖᕐᓂᑦ

ᐃᓚᒋᔭᐅᒻᒥᔪᑦ ᓄᓇᕗᒥ ᐃᓕᓴᐃᔩᑦ ᓇᓗᓇᐃᒃᑯᑕᖃᕆᐊᖃᕐᓂᖏᓐᓄᑦ ᐃᓕᓴᕕᒻᒥ ᐃᓕᓴᐃᖃᑦᑕᓂᐊᕐᓂᕐᒧᑦ ᓇᓗᓇᐃᒃᑯᑕᖃᕐᓂᕐᒧᑦ ᐃᓕᓴᕕᒻᒥ ᐊᖏᔪᖅᑳᕐᓄᑦ ᐊᒻᒪᓗ ᐊᖏᔪᖅᑳᑉ−ᑐᖏᓕᖏᓐᓄᑦ ᓄᓇᕗᒥ ᓇᓗᓇᐃᒃᑯᑕᖅᑖᖃᑦᑕᕆᐊᖃᕐᒥᔪᑦ ᐃᓕᓴᕕᒻᒥ ᐊᖏᔪᖅᑳᖑᓂᕐᒧᑦ ᓄᓇᕗᒥ ᐱᖓᓱᑦ ᐊᕐᕌᒍᑦ ᑐᖔᓂ ᐱᒋᐊᓚᐅᖅᑎᓪᓗᒋᑦ ᐃᓕᓴᕕᒻᒥ ᐊᖏᔪᖅᑳᖑᓂᕐᒧᑦ ᐅᕝᕙᓘᓐᓃᑦ ᐊᖏᔪᖅᑳᒧᑦ−ᑐᖏᓕᐅᓂᕐᒧᑦ. ᑖᓐᓇ ᓇᓗᓇᐃᒃᑯᑕᖅ ᐱᓇᓱᐊᕋᔅᓴᖃᕈᑕᐅᖃᑦᑕᓂᐊᖅᑐᖅ ᐃᓕᓐᓂᐊᕐᓂᕐᒧᑦ ᓯᕗᓕᕐᓯᓂᕐᒥᒃ ᓄᓇᕗᒥ ᐃᓱᒪᓇᖅᑐᓂᑦ ᐊᒻᒪᓗ ᑲᒪᔾᔪᑕᐅᔭᕆᐊᓕᓐᓂᑦ ᐱᓕᕆᖃᑦᑕᕐᓗᓂ. ᒪᑯᓂᖓ ᐊᑐᖃᑦᑕᕆᐊᖃᕐᓂᐊᖅᑐᖅ ᒪᕐᕉᓐᓂᒃ 500ᓂᑦ−ᑐᖏᓕᕇᓂᑦ ᐃᓕᓐᓂᐊᕈᑎᓂᑦ (ED 509 and ED 511) ᑕᕝᕙᙵᑦ ᓇᓗᓇᐃᒃᑯᑕᖅᑖᕈᒻᒥᑦ ᐃᓕᓐᓂᐊᕐᓂᓕᕆᓂᕐᒧᑦ ᓯᕗᓕᕐᓯᔨᐅᓂᕐᒥᒃ ᓄᓇᕗᒥ ᐃᓕᓐᓂᐊᖅᑕᐅᕙᑦᑐᒥ, ᐃᓕᓐᓂᐊᑎᑦᑎᒍᑕᐅᕙᑦᑐᒥ ᓄᓇᕗᒥ ᑖᒃᑯᓇᙵᑦ ᓯᓚᑦᑐᓴᕐᕕᔾᔪᐊᖓᓐᓂ ᐳᕆᓐᔅ ᐄᑐᐊᖅ ᐊᐃᓚᓐ (UPEI). ᑕᒪᕐᒥᓕᒫᐸᓗᒃ ᐃᓕᓴᕕᒻᒥ ᐊᖏᔪᖅᑳᖅᑖᖅᑲᐅᖑᕙᑦᑐᑦ ᐊᒻᒪᓗ ᐊᖏᔪᖅᑳᕐᒧᑦ−ᑐᖏᓕᖅᑖᖅᑲᐅᖑᕙᑦᑐᑦ ᐱᔭᕇᕐᓯᕙᑦᑐᑦ ᐃᓕᓐᓂᐊᕐᓯᒪᔭᕆᐊᓕᖏᓐᓂᒃ ᓯᕗᓪᓕᕐᐹᖏᓐᓂᒃ ᒪᕐᕉᓐᓂᒃ ᐊᕐᕌᒎᓐᓂᒃ ᐃᖅᑲᓇᐃᔭᓕᕋᐃᒻᒪᑕ. ᑐᑭᓯᒋᐊᒃᑲᓐᓂᕈᓐᓇᖅᑐᓯ ᑕᒪᒃᑯᓂᖓ ᐃᓕᓐᓂᐊᖅᑕᐅᓲᓂᑦ ᕿᒥᕐᕈᓗᓯ ᐃᓕᓐᓂᐊᕈᑕᐅᓲᒥᑦ ᖃᕋᓴᐅᔭᒃᑯᑦ (ᐱᖃᓯᐅᑎᓯᒪᓪᓗᓂ ᐊᑖᓂ) ᐅᕝᕙᓘᓐᓃᑦ ᑐᑭᓯᒋᐊᕐᕕᒋᓗᒋᑦ ᐊᕕᑦᑐᕐᓯᒪᕕᔅᓯᓐᓂ ᐃᓕᓴᕕᓕᕆᔨᓄᑦ ᐅᕝᕙᓘᓐᓃᑦ ᑲᑐᔾᔨᖃᑎᒌᖏᑦ ᐃᓕᓴᕕᖓᑕ ᐅᐃᕖᑦ ᓄᓇᕗᒥ (RSO/CSFN).

CELN Program Outline

ᓄᓇᕗᒻᒥ ᐃᓕᓴᐃᓂᐊᖅᑐᓄᑦ ᑐᑭᓯᒋᐊᕈᒃᓴᐃᑦ

ᐃᓕᓐᓂᐊᑎᑦᓯᔩᑦ ᐊᖓᔪᖅᑲᖓ ᓇᓗᓇᐃᒃᑯᑕᖃᕐᕕᐅᑉ ᒪᑉᐱᖅᑐᒐᖓᓃᖏᑉᐸᑦ ᖁᓛᓂᑦ ᑲᓱᕐᕕᒻᒥᑦ ᐱᔪᓐᓇᓚᖓᖏᑦᑐᖅ ᐃᓕᓐᓂᐊᑎᑦᓯᔩᑦ ᐊᖓᔪᖅᑳᖓᑦ ᐃᓯᖅᓯᒪᑉᐸᑦ ᑭᓯᐊᓂ ᓄᓇᕗᒻᒥᑦ ᐃᓕᓐᓂᐊᑎᑦᓯᔨᑦᓴᓄᑦ ᐃᓕᓐᓂᐊᕋᑦᓴᓄᑦ ᐃᑭᐊᖅᑭᕕᖓᓃᑉᐸᑦ.

ᓄᓇᕗᒻᒥᑦ ᐃᓕᓐᓂᐊᕐᑎᑦᑎᔨᐅᔪᓄᑦ ᓇᓗᓇᐃᒃᑯᑕᓕᕆᔨᒃᑯᑦ

ᓄᓇᕗᒻᒥᑦ ᐃᓕᓐᓂᐊᕐᑎᑦᑎᔨᐅᔪᓄᑦ ᓇᓗᓇᐃᒃᑯᑕᓕᕆᔨᒃᑯᑦ  (NECS) ᑲᒪᒋᔭᖃᖕᒪᑕ ᐃᓕᓴᐃᓂᖕᒧᑦ ᓇᓗᓇᒃᑯᑕᓕᐅᖕᓂᖕᓂᑦ ᓄᓇᕗᒻᒥᐅᓕᒫᓄᑦ ᐃᓕᓐᓂᐊᖅᑎᑦᑎᔨᐅᔪᓄᑦ.  ᓇᓗᓇᐃᒃᑯᑕᐃᑦ ᑎᑎᕋᖅᑕᐅᖃᑦᑕᖅᐳᑦ ᒪᓕᒃᖢᑎᒃ ᐊᔪᙱᓐᓂᕆᔭᐅᔪᓂᑦ ᐃᓕᓐᓂᐊᕐᑎᑦᑎᔨᐅ ᐊᒻᒪᓗ ᑮᓇᐅᔾᔭᒃᓵᖓᓄ ᐋᖅᑭᒍᑕᐅᕙᒃᖢᓂ ᐃᓕᓐᓂᐊᖅᑎᑦᑎᔨ ᓂᕈᐊᖅᑕᐅᑎᓪᓗᒍ.  ᐊᔾᔨᒌᙱᑦᑑᑎᑦ ᓇᓗᓇᐃᒃᑯᑕᐃᑦ ᐃᓕᓐᓂᐊᕐᑎᑦᑎᔨᓂ ᐱᔪᓐᓇᖅᑎᑦᑎᕙᒃᐳᑦ ᐊᔾᔨᒌᙱᑦᑑᑎᓂ ᐃᓕᓐᓂᐊᕐᑎᑦᑎᓂᖕᒥᑦ ᖁᑦᑎᖕᓂᖏᓐᓂᒃᓗ.

ᓄᓇᕗᒻᒥᑦ ᐃᓕᓴᐃᒍᕕᑦ, ᐊᑐᖅᑐᒥᑦ ᓄᓇᕗᒻᒥᑦ ᐃᓕᓐᓂᐊᖅᑎᑦᑎᔾᔪᑎᒥ ᓇᓗᓇᐃᒃᑯᑕᖃᕆᐊᖃᖅᐳᑎᑦ.  ᐱᖃᙱᒃᑯᕕᑦ ᓇᓗᓇᐃᒃᑯᑕᐃᓪᓘᓐᓃᑦ ᐃᓱᓕᓐᓂᐊᓕᖅᐸᑦ, ᑎᑎᕋᕐᕕᒃᓴᒥᑦ ᓴᖅᑭᑦᑎᓗᑎᑦ ᑎᑎᕋᕐᕕᒋᓗᒍᓗ ᐱᓇᔫᑖ.

ᓄᓇᕗᒻᒥᑦ ᐃᓕᓐᓂᐊᕐᑎᑦᑎᔨᐅᔪᓄᑦ ᓇᓗᓇᐃᒃᑯᑕᓕᕆᔨᒃᑯᑦ  ᑎᑎᕋᖅᓯᓲᖑᖕᒥᔪᑦ ᓇᓕᖅᑲᓕᐅᖅᖢᑎᒃ ᐱᓕᕆᔨᒻᒪᕆᐅᓂᖕᒧᑦ ᐃᓕᖓᓂᖏᓐᓂᑦ (SOPS) ᐃᓕᓐᓂᐊᖅᑎᑦᑎᔨᐅᓚᐅᖅᓯᒪᔪᓄᑦ ᓄᓇᕗᒻᒥᑦ ᓅᑉᐸᓪᓕᐊᔪᑦ ᓅᓕᖅᑐᓄᓪᓘᓐᓃᑦ ᓄᓇᑦᑎᓐᓂᑦ ᐊᓯᖏᓐᓄᑦ ᐱᔪᓐᓇᖕᓂᓕᖕᓄᑦ.  ᑖᓐᓇ ᓇᓕᖅᑲᓕᐅᖅ ᐱᓕᕆᔨᒻᒪᕆᐅᓂᖕᒧᑦ ᐃᓕᖓᓂᖓᓂ ᑎᑎᕋᕐᕕᒃᓴᒥ ᓴᖅᑭᑦᑎᔪᓐᓇᕆᕗᑎᒃ ᑐᒃᓯᕋᖕᓂᐊᕐᓗᑎᒃ.

 

ᑎᑎᕋᖅᑕᐅᑎᑦᑎᔨ ᐃᓕᓐᓂᐊᕐᑎᓄᑦ - TeacherRegistrar@gov.nu.ca

 

ᑮᓇᐅᔾᔭᒃᓵᓂᑦ ᖃᐅᔨᓴᐃᒃᑲᓐᓂᖕᓂᖅ​

ᑎᑎᕋᖅᑕᐅᑎᑦᑎᔨ, ᓄᓇᕗᒻᒥᑦ ᐃᓕᓐᓂᐊᖅᑎᑦᑎᔨᓄᑦ ᓇᓗᓇᐃᒃᑯᑕᓕᕆᔨᒃᑯᑦ, ᑲᒪᒋᔭᖃᖅᐳᑦ ᑮᓇᐅᔾᔭᒃᓴᙵᐅᑎᒋᔭᓄᑦ ᐃᓕᖓᓂᖏᓐᓂᑦ ᑮᓇᐅᔾᔭᒃᓵᓂᑦ ᖃᐅᔨᓴᐃᒃᑲᓐᓂᖕᓂᒃᓗᑦᑕᐅᖅ ᒪᓕᒃᖢᑎᒃ ᓄᑖᓂ ᐃᓕᓴᕆᔭᐅᔾᔪᑕᐅᓯᒪᓕᖅᑐᓂᑦ.  ᐃᓕᓐᓂᐊᖅᑎᑦᑎᔨ ᑐᒃᓯᕋᕈᓐᓇᖅᑐᖅ ᑮᓇᐅᔾᔭᒃᓵᓂᑦ ᖃᐅᔨᓴᐃᒃᑲᓐᓂᕈᑎᒃᓴᓂᑦ ᐃᓕᓐᓂᐊᒃᑲᓐᓂᖅᓯᒫᓂᓕᕈᓂ ᐱᔪᓐᓇᐅᑎᑖᖅᓯᒪᒃᑲᓐᓂᓕᕐᓗᓂᓗ ᐃᓕᓐᓂᐊᕇᕈᓯᐊᖅᓯᒪᓕᕈᓂᓘᓐᓃᑦ.  (ᖃᐅᔨᒪᔭᐅᓂᐊᖅᐳᖅ ᐅᓇ:  ᑭᓯᐊᓂ ᐃᓕᓴᕆᔭᐅᓯᒪᔪᑐᐊᓂᑦ ᓯᓚᑦᑐᓴᕐᕕᖕᒥᑦ ᓯᓚᑦᑐᓴᕐᕕᒃᔪᐊᒥᙶᖅᑐᓂᑦ ᑭᓯᐊᓂ ᐱᔪᓐᓇᖅᑐᒍᑦ ᐃᓕᓐᓂᐊᕇᕈᓯᐊᖏᓐᓂᑦ.)

 

ᑮᓇᐅᔾᔭᒃᓵᓂᑦ ᖃᐅᔨᓴᐃᒃᑲᓐᓂᖕᓂᖅ ᑎᓴᒪᐃᓕᖓᕗᖅ​

ᓯᕗᓪᓕᖅᐹᖅ: ᑖᓐᓇ ᐃᓕᓐᓂᐊᖅᑎᑦᑎᔨ ᑐᒃᓯᕋᕐᓗᓂ ᑮᓇᐅᔾᔭᒃᓵᓂᑦ ᖃᐅᔨᓴᐃᒃᑲᓐᓂᕈᑎᒃᓴᒥ. ᑕᒪᓐᓇ ᐱᓕᕆᐊᖑᕙᒃᐸᑦ ᑎᑎᕋᖅᑕᐅᓪᓗᑎᒃ ᑮᓇᐅᔾᔭᒃᓵᓂᑦ ᖃᐅᔨᓴᐃᒃᑲᓐᓂᖕᓂᖅ ᑎᑎᕋᕐᕕᒃᓴᒥᑦ ᓇᒃᓯᐅᑎᓗᒍᓗ ᑎᑎᕋᖅᑕᐅᑎᑦᑎᔨᒧ ᑎᑎᖅᑲᖃᐅᕐᓗᓂ ᐃᑲᔪᖅᑐᐃᔾᔪᑎᓂᑦ ᓲᕐᓗ ᐃᓕᓐᓂᐊᕐᕕᖕᒥᖔᖅᓯᒪᔪᓂᑦ.  ᑎᑎᖅᑲᐃᑦ ᐃᓕᓴᕆᔭᐅᓯᒪᔪᑐᐊᑦ ᓇᒃᓯᐅᔾᕙᐅᔪᑦ ᓄᓇᕗᒻᒥᑦ ᐃᓕᓐᓂᐊᖅᑎᑦᑎᔨᑦ ᓇᓗᓇᐃᒃᑯᑕᓕᕆᔨᒃᑯᖏᓐᓄᑦ ᑎᑎᕋᖅᑐᓂᑦ ᐃᓕᓐᓂᐊᕐᕕᖕᓂᖔᖅᑐᓂ ᐱᓂᐊᖅᑐᑦ.  (ᖃᐅᔨᒪᔭᐅᓂᐊᖅᐳᖅ ᐅᓇ:  ᑖᒃᑯᐊᓕ ᑕᒡᕙ ᓄᓇᕗᒻᒥᑦ ᐃᓕᓐᓂᐊᕐᑎᑦᑎᔨᐅᔪᓄᑦ ᓇᓗᓇᐃᒃᑯᑕᓕᕆᔨᒃᑯᑦ ᑎᑎᖅᑲᖃᙱᑉᐸᑕ ᐊᑐᖅᑕᐅᓲᓂ ᓇᓗᓇᐃᒃᑯᑕᙵᕆᔭᓂᑦ, ᑖᓐᓇ ᐃᓕᓐᓂᐊᖅᑎᑦᑎᔨ ᑐᒃᓯᕋᕆᐊᖃᖕᓂᐊᖅᑐᖅ ᑎᑎᖅᑲᓂᑦ ᐃᓕᓐᓂᐊᕐᕕᒋᓚᐅᖅᒪᔭᓕᒫᖏᓐᓂᑦ.)

ᐊᐃᑉᐸᖓ: ᑎᑎᕋᖅᑕᐅᑎᑦᑎᔨ ᖃᐅᔨᓴᒃᑲᓐᓂᖃᑦᑕᖅᐳᖅ ᑮᓇᐅᔾᔭᒃᓵᖓᓄᐊᖅᑕᐅᔪᒥᑦ ᐅᓪᓗᑦ 15 ᐃᓗᐊᓐᓂᑦ ᑎᑎᖅᑲᐃᑦ ᐱᓚᐅᖅᑳᖅᑎᓪᓗᓂᒋᑦ.  ᐋᖅᑭᒃᓯᐊᓂᒃᑳᖓᒥᒃ, ᑎᑎᕋᓕᕋᔭᖕᒥᔪᖅ ᑮᓇᐅᔾᔭᒃᓵᓄᑦ ᐃᓕᖓᔭᐅᓂᖓᓂ ᐃᓕᓐᓂᐊᕐᑎᑦᑎᔨᒃᑯᑦ ᐃᖅᑲᓇᐃᔭᖅᑐᖅᓯᐅᑎᓂ ᑎᑎᕋᕐᕕᒃᓴᓂᑦ.  ᑎᑎᕋᕐᕕᒃᓴᖅ ᓱᑲᑦᑐᒃᑯᑦ ᐊᕕᒃᑐᖅᓯᒪᕝᕕᐅᔪᓄᑦ ᐃᓕᓐᓂᐊᕐᕖᑦ ᐊᐅᓚᑦᑎᔨᖏᓐᓄᑦ ᑖᓐᓇᓪᓚᑦᑖᕐᓗ ᓇᒃᓯᐅᑎᔭᐅᓪᓗᓂᓗ ᑎᑎᖅᑲᒃᑯᕕᒃᑯᑦ ᐃᓕᓐᓂᐊᖅᑎᑦᑎᔨᒧᑦ.

ᐱᖓᔪᖓᓐ: ᑖᓐᓇ ᐃᓕᓐᓂᐊᖅᑎᑦᑎᔨ ᓈᒻᒪᒃᓴᕈᓂ ᖃᐅᔨᓴᖅᑕᐅᒃᑲᓐᓂᕈᑎᒥᑦ, ᖃᓄᐃᓕᐅᒃᑲᓐᓂᕈᓐᓃᖅᖢᑎᒃ.

ᑎᓴᒪᖓᓐ: ᑖᓐᓇᓕ ᐃᓕᓐᓂᐊᖅᑎᑦᑎᔨ ᐊᖏᖃᑎᖃᙱᑉᐸᑦ ᑮᓇᐅᔾᔭᒃᓵᓂᑦ ᖃᐅᔨᓴᐃᒃᑲᓐᓂᖕᓂᖕᓂᑦ,  ᐊᔪᐃᓐᓇᕆᐊᒃᑲᓐᓂᕈᓐᓇᖅᑐᖅ ᐋᖅᑭᒃᑕᐅᔪᕕᓂᖕᒧᑦ.

 

ᐊᔪᐃᓐᓇᕆᐊᒃᑲᓐᓂᖕᓂᖅ ᑮᓇᐅᔾᔭᒃᓵᓄᑦ​

ᐃᓕᓴᐃᔨᐅᔪᖅ, ᑎᑎᕋᕈᓐᓇᖅᑐᖅ ᑎᑎᕋᖅᑕᐅᑎᑦᑎᔨ, ᕿᒥᕐᕈᔭᐅᖁᔨᓗᓂ ᐋᖅᑭᒃᑕᐅᔪᕕᓂᖕᒥ ᑮᓇᐅᔾᔭᒃᓵᓕᐊᕆᑎᑕᐅᔪᒧᑦ.  ᑎᑎᕋᖅᑕᐅᑎᑦᑎᔨᐅᔪᖅ ᑎᑎᖅᑲᑦ ᐱᒍᓂᒋᑦ ᑐᕌᖅᑎᓐᓂᐊᖅᐸᖏᑦ ᑕᒪᖕᒥᑦᑎᐊᖅ ᐱᓯᒪᔭᓂ ᑎᑎᖅᑲᓕᒫᓂ ᐃᒃᓯᕙᐅᑕᐅᔪᒧᑦ ᓄᓇᕗᒻᒥᑦ ᐃᓕᓐᓂᐊᖅᑎᑦᑎᔨᑦ ᐊᔪᙱᓐᓂᓕᕆᔨᒃᑯᓐᓄᑦ.

ᑖᒃᑯᐊ ᓄᓇᕗᒻᒥᑦ ᐃᓕᓐᓂᐊᖅᑎᑦᑎᔨᑦ ᐊᔪᙱᓐᓂᓕᕆᔨᒃᑯᖏᑦ ᕿᒥᕐᕈᓂᐊᖅᐳᑦ ᓇᒃᓯᐅᔾᔪᓯᐊᒥᓂᑦ ᑎᑎᕋᖅᑕᐅᑎᑦᑎᔨᒥ, ᖃᐅᔨᒃᑲᐃᑲᐅᑎᒋᓗᑎᒃᓗ ᖃᓄᐃᓕᐅᕈᑎᒋᖔᕐᓗᓂᔾᔪᒃᓗ ᐋᖅᑭᒃᑕᐅᔪᑦ ᑎᑎᕋᖅᑕᐅᑎᑦᑎᔨᒧᑦ.  ᑖᓐᓇ ᐃᒃᓯᕙᐅᑕᖅ ᑐᓴᖅᑎᑦᑎᓂᐊᖅᐳᖅ ᑎᑎᕋᖅᑕᐅᑎᑦᑎᔨᒥ, ᑎᑎᖅᑲᑎᒍᑦ, ᐋᖅᑭᒃᑕᐅᔪᒥᑦ ᑎᑎᖅᑲᑎᒍᓪᓗᒍ ᓇᓗᓇᐃᔭᐃᓗᑎᒃ ᐱᔾᔪᑕᐅᔪᓂᑦ. ᑎᑎᕋᖅᑕᐅᑎᑦᑎᔨ ᓇᒃᓯᐅᔾᔨᓂᐊᖅᐳᑦ ᐃᓕᓴᐃᔨᒧᑦ ᑎᑎᖅᑲᑎᒍᑦ ᐋᖅᑭᒃᑕᐅᔪᒥ ᐱᔾᔪᑕᐅᔪᓂᒃᓗ ᓄᓇᕗᒻᒥᑦ ᐃᓕᓐᓂᐊᖅᑎᑦᑎᔨᑦ ᐊᔪᙱᓐᓂᓕᕆᔨᒃᑯᓐᓄᑦ.  ᐋᖅᑭᒃᑕᐅᔪᑦ ᓄᓇᕗᒻᒥᑦ ᐃᓕᓐᓂᐊᖅᑎᑦᑎᔨᑦ ᐊᔪᙱᓐᓂᓕᕆᔨᒃᑯᓐᓄᑦ ᑖᓐᓇᐅᕗᖅ.

 

ᑐᑭᓯᒋᐊᒃᑲᓐᓂᕈᒪᒍᕕᑦ ᐃᓕᓴᐃᓂᖕᒧᑦ ᓇᓗᓇᐃᒃᑯᑕᓂᑦ, ᓇᓕᖅᑲᓕᐅᖅᖢᑎᒃ ᐱᓕᕆᔨᒻᒪᕆᐅᓂᖕᒧᑦ ᐃᓕᖓᓂᖏᓐᓂᑦ, ᑮᓇᐅᔾᔭᒃᓵᑦ ᖃᐅᔨᓴᖅᑕᐅᕙᖕᓂᖏᓐᓂᒃᓘᓐᓃᑦ, ᐅᑯᐊ ᖃᐅᔨᒋᐊᕐᕕᒋᓗᒍ:

ᓄᓇᕗᒻᒥᑦ ᐃᓕᓐᓂᐊᖅᑎᑦᑎᔨᑦ ᓇᓗᓇᐃᒃᑯᑕᓕᕆᔨᒃᑯᖏᑦ
ᐃᓕᓐᓂᐊᒐᒃᓴᓕᕆᔨᒃᑯᑦ ᐃᓕᓐᓂᐊᕐᕕᓕᕆᔨᒃᑯᓪᓗ
ᐃᓕᓐᓂᐊᕐᓂᓕᕆᔨᒃᑯᑦ
PO Box 1000, Station 900
ᐃᖃᓗᐃᑦ, ᓄᓇᕗᑦ, X0A 0H0
ᐅᖄᓚᐅᑖ: (867) 975-5600 (EST)