ᐅᖃᓚᐅᑎᓯᐅᑏᑦ

You are here

ᐃᓕᓐᓂᐊᖅᑐᓕᕆᔨᒃᑯᑦ

ᐃᓕᓐᓂᐊᖅᑐᓕᕆᔨᒃᑯᑦ (DEA) ᓄᓇᓕᖕᓂ ᓂᕈᐊᖅᑕᐅᓯᒪᓪᓗᑎᒃ ᑎᒥᐅᔪᑦ ᓄᓇᓕᖕᓂᙶᖅᖢᑎᒃ ᑲᑎᒪᔨᐅᔪᑦ ᐃᓕᓐᓂᐊᖅᑐᓕᕆᓂᕐᒥᒃ ᐱᓕᕆᔪᒪᓪᓗᑎᒃ. ᐃᓕᓐᓂᐊᖅᑐᓕᕆᔨᒃᑯᑦ ᐃᓕᓐᓂᐊᕐᕕᐅᑉ ᐃᖅᑲᓇᐃᔭᖅᑎᖏᓐᓂᒃ ᐱᓕᕆᖃᑎᖃᖃᑦᑕᖅᐳᑦ ᐊᒻᒪᓗ ᐊᕕᒃᑐᖅᓯᒪᔪᑦ ᐃᓕᓐᓂᐊᕐᕕᓕᕆᔨᑦ ᐃᖅᑲᓇᐃᔭᖅᑎᖏᓐᓂᒃ. ᑲᑐᔾᔨᓪᓗᑎᒃ, ᑖᒃᑯᐊ ᑎᒥᐅᔪᑦ ᐅᓄᖅᑐᓂᒃ ᐃᓕᓐᓂᐊᕐᕕᑦ ᑲᑎᒪᔨᖏᑕ ᐊᐅᓚᓂᕆᔭᖏᓐᓂᒃ ᐱᔨᑦᑎᕋᖃᑦᑕᖅᐳᑦ ᐊᒻᒪᓗ ᑲᒪᒋᔭᒃᓴᖃᖅᖢᑎᒃ ᐃᓕᓐᓂᐊᕐᕖᑦ ᐊᐅᓚᑦᑎᔾᔪᑎᖏᓐᓂᒃ ᓄᓇᕗᒻᒥ. ᓂᕈᐊᖅᑕᐅᔪᑦ ᐅᑭᐅᓄᑦ ᐱᖓᓱᓄᑦ ᑲᑎᒪᔨᐅᖃᑦᑕᖅᐳᑦ.

 

ᐃᓕᓐᓂᐊᖅᑐᓕᕆᔨᒃᑯᑦ ᐱᓕᕆᐊᒃᓴᖃᖅᐳᑦ ᐱᒻᒪᕆᐅᔪᓂᒃ ᐃᓱᒪᓕᐅᕆᔨᐅᓪᓗᑎᒃ ᐃᓕᓐᓂᐊᕈᑎᒃᓴᑦ ᐊᑐᐃᓐᓇᕈᖅᑎᑕᐅᕙᒃᑐᑦ ᐱᔾᔪᑎᒋᓪᓗᒋᑦ. ᐅᑯᐊ ᐆᒃᑑᑎᒋᔭᐅᔪᑦ ᐱᒻᒪᕆᐅᓪᓗᑎᒃ ᐃᓱᒪᓕᐅᕈᑕᐅᕙᒃᑐᑦ:

  • ᓂᕈᐊᕐᓂᖅ ᐅᖃᐅᓯᕐᒥᒃ ᐃᓕᓐᓂᐊᖅᑎᑦᑎᔾᔪᑕᐅᓂᐊᖅᑐᒥᒃ ᐊᒻᒪᓗ ᐅᖃᐅᓯᖅᑕᕆᔭᐅᓂᐊᖅᑐᒥᒃ ᐃᓕᓐᓂᐊᕐᕕᖕᒥ;
  • ᓴᖅᑭᑦᑎᓗᑎᒃ ᐃᓕᓐᓂᐊᕐᕕᐅᑉ ᐅᓪᓗᖅᓯᐅᑎᖓᓂᒃ;
  • ᐋᖅᑭᒃᓱᐃᓗᑎᒃ ᐊᑎᓕᐅᖅᑕᐅᓂᕐᒧᑦ ᐃᓕᓐᓂᐊᕆᐊᖅᐸᒃᑐᓄᓪᓗ ᐊᑐᐊᒐᕐᒥᒃ;
  • ᐋᖅᑭᒃᓱᐃᓗᑎᒃ ᐃᓅᖃᑎᒌᑦᑎᐊᕐᓂᖅ (ᐅᖃᐅᔾᔪᐃᓂᖅ) ᐊᑐᐊᒐᕐᒥᒃ;
  • ᓄᖅᑲᖓᑎᑕᐅᓚᐅᑲᒃᑐᓂᒃ ᐊᒻᒪᓗ ᐊᓂᑕᐅᔪᓂᒃ ᑲᒪᕙᒡᓗᑎᒃ;
  • ᐊᕕᒃᑐᖅᓯᒪᔪᑦ ᐃᓕᓐᓂᐊᕐᕕᓕᕆᔨᖏᓐᓂᒃ ᐱᓕᕆᖃᑎᖃᖅᐸᒡᓗᑎᒃ (RSO) ᐃᓕᓐᓂᐊᕐᕕᖕᒥ ᐃᖅᑲᓇᐃᔭᖅᑎᒃᓴᖅᓯᐅᖅᑎᓪᓗᒋᑦ (ᐱᖃᓯᐅᑎᓪᓗᒋᑦ ᐃᓕᓴᐃᔨᑦ ᐊᒻᒪ ᐃᓕᓴᐃᔨᑦ ᐊᖓᔪᖅᑳᖏᑦ); ᐊᒻᒪᓗ
  • ᐃᑲᔪᖃᑦᑕᖅᖢᑎᒃ ᐃᓕᓐᓂᐊᕆᐅᖅᓴᓕᓵᖅᑐᓄᑦ ᐃᓕᓐᓂᐊᕈᑎᒃᓴᓂᒃ ᐃᓄᐃᑦ ᐅᖃᐅᓯᖓᓂᒃ ᐃᓕᖅᑯᓯᖓᓂᒡᓗ ᓴᖅᑭᔮᖅᑎᑦᑎᔪᓂᒃ.

 

 

ᐊᔾᔨᒌᙱᑦᑐᑦ ᐃᓂᒃᓴᐃᑦ/ᐅᑯᐊ ᐃᓕᓐᓂᐊᖅᑐᓕᕆᔨᓄᑦ ᐃᓚᒋᔭᐅᓕᕈᓐᓇᖅᑐᑦ:

  • ᐃᓕᓐᓂᐊᖅᑐᓕᕆᔨᑦ 7-ᓂᒃ ᑲᑎᒪᔨᖃᖃᑦᑕᖅᐳᑦ (CSFN-ᑯᑦ ᑕᓪᓕᒪᓂᒃ ᑲᑎᒪᔨᖃᖅᖢᑎᒃ);
  • ᑕᒪᕐᒥᒃ ᑲᑎᒪᔩᑦ ᐅᑭᐅᓄᑦ ᐱᖓᓱᓄᑦ ᓂᕈᐊᖅᑕᐅᖃᑦᑕᖅᐳᑦ;
  • ᐃᓕᓐᓂᐊᖅᑐᓕᕆᔨᑦ ᑲᑎᒪᔨᖏᑕ ᐃᓱᓕᕝᕕᒃᓴᖏᑦ ᐊᑕᐅᑦᑎᒃᑰᖃᑦᑕᙱᓚᑦ ᐊᓯᔾᔨᖅᑕᙱᓐᓂᖅᓴᐅᖁᓪᓗᒋᑦ ᑲᑎᒪᔩᑦ;
  • ᑲᑎᒪᔩᑦ ᐊᑕᐅᓯᕐᒥᒃ ᐃᒃᓯᕙᐅᑕᖃᖃᑦᑕᖅᐳᑦ ᐊᒻᒪᓗ ᐊᑕᐅᓯᕐᒥᒃ ᐃᒃᓯᕙᐅᑕᐅᑉ ᑐᖓᓕᐊᓂᒃ;
  • ᐃᓕᓐᓂᐊᖅᑐᓕᕆᔩᑦ ᐅᑯᓂᖓ ᑲᑎᒪᔨᕋᓛᖃᖅᐳᑦ ᐃᖅᑲᓇᐃᔭᖅᑐᓕᕆᓂᖅ, ᑮᓇᐅᔭᓕᕆᓂᖅ, ᐃᓅᖃᑎᒌᑦᑎᐊᕐᓂᖅ (ᐅᖃᐅᔾᔪᐃᓂᕐᒧᑦ ᐊᑐᐊᒐᑦ) ᐊᒻᒪᓗ ᐃᓕᓐᓂᐊᕆᐊᖃᑦᑕᖅᑐᓄᑦ; ᐊᒻᒪᓗ
  • ᐃᓕᓐᓂᐊᖅᑐᓕᕆᔨᑦ ᑕᖅᑭᖅ ᐊᑕᐅᓯᐊᖅᖢᒍ ᑲᑎᒪᖃᑦᑕᕆᐊᖃᖅᐳᑦ.

 

 

ᐅᑯᐊ ᑐᑭᓯᒋᐊᕐᕕᒃᓴᒃᑲᓐᓃᑦ:

ᑭᓇ ᐃᓕᓐᓂᐊᖅᑐᓕᕆᔨᒃᑯᓐᓄᑦ ᑲᑎᒪᔨᐅᖃᑕᐅᔪᓐᓇᖅᐸ?

ᖃᓄᐃᒻᒪᑦ ᐃᓕᓐᓂᐊᖅᑐᓕᕆᔨᒃᑯᓐᓄᑦ ᑲᑎᒪᔨᙳᕋᔭᖅᐱᑦ?

ᖃᐅᔨᒋᐊᕐᕕᒋᓗᒍ ᓄᓇᔅᓯᓐᓂ ᐃᓕᓐᓂᐊᖅᑐᓕᕆᔨᒃᑯᑦ ᑎᑎᕋᕐᕕᖓ

ᓄᓇᓕᓐᓂ ᐃᓕᓐᓂᐊᕐᓂᓕᕆᓂᕐᒧᑦ ᑲᑎᒪᔨᖏᑦ/ᐅᐃᕖᑦ ᐃᓕᓐᓂᐊᖅᑐᓕᕆᓂᕐᒧᖅ ᑲᑎᒪᔨᖏᓐᓄᑦ ᐃᓕᓐᓂᐊᕈᑎᒃᓴᓂᒃ ᐱᓕᒻᒪᒃᓴᕈᑎᓂᓪᓗ