ᐅᖃᓚᐅᑎᓯᐅᑏᑦ

You are here

ᐃᖅᑲᓇᐃᔮᒃᓴᐃᑦ ᐊᑐᐃᓐᓇᐅᓂᖏᓐᓄᑦ ᐊᖏᕈᑏᑦ

ᐃᖅᑲᓇᐃᔮᒃᓴᐃᑦ ᐊᑐᐃᓐᓇᐅᓂᖏᓐᓄᑦ ᑮᓇᐅᔭᓄᑦ ᐊᖏᕈᑏᑦ ᑲᓇᑕᒥ ᒐᕙᒪᖓᓐᓄᑦ (GoC) ᐃᑲᔪᖅᓱᐃᓂᕐᒧᑦ ᑎᑎᕋᕐᕕᒃ ᐃᖅᑲᓇᐃᔮᒃᓴᐃᑦ ᐊᑐᐃᓇᐅᓂᖏᓐᓄᑦ ᐃᓕᓐᓂᐊᒐᒃᓴᓂ ᐱᔨᑦᑎᕋᕈᑎᓂᒡᓗ ᑐᓂᔭᐅᓲᑦ ᓄᓇᕗᒻᒥ. ᑖᒃᑯᐊ ᐊᖏᕈᑏᑦ ᐱᑎᑦᑎᓇᓱᓲᑦ ᐅᓄᕐᐸᑕ ᓄᓇᕗᒻᒥᐅᑦ ᐊᔪᕐᓇᕋᔭᖖᒋᑦᑐᖅ ᓄᓇᕗᒻᒥ ᒐᕙᒪᖓᑦ ᑮᓇᐅᔭᖃᖅᑎᑦᑎᓂᕐᒥᒃ ᐃᓄᑑᓗᑎᒃ ᐱᔪᓐᓇᕐᓗᑎᒃ ᐱᓕᒻᒪᒃᓴᐃᓂᕐᒥᒃ ᐃᓕᓐᓂᐊᖅᑎᑦᑎᓂᕐᒥᒡᓗ, ᐱᐅᓯᑎᒋᐊᕐᓗᓂᔾᔪᒃ ᐃᖅᑲᓇᐃᔮᒥᓄᑦ ᑐᕌᒐᑎᒃ ᐊᒻᒪᓗ ᑐᓗᕈᑎᒃᓴᐃᑦ ᐊᓂᒍᕐᓗᒋᑦ ᐃᓚᐅᖃᑕᐅᓂᒃᑯᑦ ᐃᖅᑲᓇᐃᔮᒃᓴᐃᑦ ᐊᑐᐃᓐᓇᐅᓂᖏᓐᓄᑦ.

 

ᒫᓐᓇᐅᔪᖅ, ᓄᓇᕗᒻᒥ ᒐᕙᒪᖓᑦ ᐱᓯᒪᔪᑦ ᐱᖓᓱᓂᒃ ᐃᖅᑲᓇᐃᔮᒃᓴᐃᑦ ᐊᑐᐃᓐᓇᐅᓂᖏᓐᓄᑦ ᐊᖏᕈᑎᓂᒃ ᑕᐃᑲᖖᒐᑦ ᑲᓇᑕᒥ ᒐᕙᒪᒃᑯᖏᓐᓂ:

 

ᑲᓇᑕᒥ-ᓄᓇᕗᑦ ᐃᖅᑲᓇᐃᔮᒃᓴᐃᑦ ᐊᑐᐃᓐᓇᐅᓂᖏᓐᓄᑦ ᐱᕙᓪᓕᐊᓂᕐᒥ ᐊᖏᕈᑎ (LMDA) ᐱᑎᑦᑎᓲᑦ ᓄᓇᕗᒻᒥ ᑐᓂᓯᓗᑎᒃ ᐃᖅᑲᓇᐃᔮᒃᓴᐃᑦ ᐊᑐᐃᓐᓇᐅᓂᖏᓐᓄᑦ ᐱᕈᖅᐸᓪᓕᐊᓂᕐᒧᑦ ᐃᓕᓐᓂᐊᒐᒃᓴᑦ ᑕᐃᑯᖓ ᐃᖅᑲᓇᐃᔭᓚᐅᕐᓂᕐᒧᑦ ᓇᓪᓕᐅᑯᒫᓕᕆᔨᓄᑦ (EI) ᐱᔪᓐᓇᖅᑐᑦ ᐱᔨᑦᑎᕋᖅᑕᐅᔪᑦ ᓄᓇᕗᒻᒥ ᑎᒍᓯᔪᓐᓇᖅᓯᖁᓪᓗᒋᑦ ᐱᓯᒪᒃᖡᓐᓇᓕᕐᓗᑎᒡᓗ ᐃᖅᑲᓇᐃᔭᕐᓂᕐᒥᒃ. ᐃᖅᑲᓇᐃᔮᒃᓴᐃᑦ ᐊᑐᐃᓐᓇᐅᓂᖏᓐᓄᑦ ᐱᕙᓪᓕᐊᓂᕐᒥ ᐊᖏᕈᑎ ᐊᑎᓕᐅᖅᑕᐅᓚᐅᖅᓯᒪᔪᖅ 2000-ᒥ.

 

ᐃᖅᑲᓇᐃᔮᒃᓴᐃᑦ ᐊᑐᐃᓐᓇᐅᓂᖏᓐᓄᑦ ᐱᕙᓪᓕᐊᓂᕐᒥ ᐊᖏᕈᑎ ᑮᓇᐅᔭᖏᑦ ᐱᑎᑦᑎᓲᑦ:

 

  • ᐊᔪᕈᓐᓃᕐᓂᖅ ᐱᕙᓪᓕᐊᓂᐅᔪᓄᑦ  ᐊᑐᕐᓗᑎᒍᑦ ᐃᓐᓇᕐᓄᑦ ᐃᓕᑦᑎᕙᓪᓕᐊᓂᕐᒥ ᐱᓕᒻᒪᒃᓴᓂᕐᒥᓪᓗ ᐃᑲᔪᖅᓱᐃᔾᔪᑎ (ALTS) ᐃᓕᓐᓂᐊᒐᒃᓴᖅ;
  • ᐃᖅᑲᓇᐃᔭᕐᓂᕐᒧᑦ ᑐᕐᓂᑰᓗᓂ ᐊᑐᕐᓗᒍ ᐱᓕᒻᒪᒃᓴᓂᖅ ᐃᖅᑲᓇᐃᔭᖅᓯᒻᒫᑦ (TOJ) ᐃᓕᓐᓂᐊᒐᒃᓴᖅ;
  • ᐃᖅᑲᓇᐃᔮᒃᓴᓄᑦ ᐃᓚᐅᖃᑕᐅᓂᖅ ᐊᒻᒪᓗ ᐃᖅᑲᓇᐃᔭᕐᓂᕐᒧᑦ ᐱᒋᐊᕈᓐᓇᖅᓯᓂᖅ ᐊᑐᕐᓗᒍ ᐃᖅᑲᓇᐃᔮᒧᑦ ᐃᑲᔪᖅᑕᐅᓂᕐᒥ ᐱᔨᑦᑎᕋᖅᑏᑦ (NEI) ᐃᓕᓐᓂᐊᒐᒃᓴᖅ ᐱᓕᒻᒪᒃᓴᓂᕐᓄ ᐊᑐᕐᓗᒍ ᑐᕌᕆᔭᕗᑦ ᐱᓕᒻᒪᒃᓴᓂᕐᒧᑦ ᐊᑐᓕᖅᑎᑦᑎᓂᖅ (TTI) ᐃᓕᓐᓂᐊᒐᒃᓴᖅ.

 

ᑲᓇᑕᒥ-ᓄᓇᕗᑦ ᐃᖅᑲᓇᐃᔮᒧᑦ ᑮᓇᐅᔭᓄᑦ ᐊᖏᕈᑎ (CNJF) ᑐᓂᓯᓲᖅ ᒪᕐᕉᖕᓂᒃ ᐱᓕᒻᒪᒃᓴᓂᕐᒧᑦ ᐱᕝᕕᒃᓴᓂᒃ.

 

ᑲᓇᑕᒥ-ᓄᓇᕗᑦ ᐃᖅᑲᓇᐃᔮᒧᑦ ᑐᓂᔭᐅᓂᖅ ᑐᕌᖓᔪᖅ ᑎᓕᐅᕆᓂᕐᒥᒃ ᐃᖅᑲᓇᐃᔭᖅᑎᑦᑎᔨᒧᑦ ᐃᓚᐅᖃᑕᐅᕐᔪᐊᕐᓂᕐᒥᒃ ᐱᒻᒪᒃᓴᓂᕐᒧᑦ. CNJG ᑲᓇᑕᒥ-ᓄᓇᕗᑦ ᐃᖅᑲᓇᐃᔮᒧᑦ ᑕᐅᑐᓪᓗᐊᑕᖅᑐᖅ ᐱᔪᓐᓇᖅᑐᓂᑦ ᐱᕚᓪᓕᕈᑎᒃᓴᓄᑦ ᐊᑐᐃᓐᓇᐅᑎᑦᑎᓗᓂ ᐃᖅᑲᓇᐃᔭᖅᑎᑦᑎᔨᓄᑦ ᐱᓕᒻᒪᒃᓴᓂᕐᒧᑦ ᑐᓂᔭᐅᓂᕐᒥ ᐃᖅᑲᓇᐃᔭᖅᑎᖁᑎᖏᓐᓄᑦ ᐃᓚᐅᖃᑕᐅᖁᓪᓗᒋᑦ ᐱᓕᒻᒪᒃᓴᓂᕐᒧᑦ ᑐᕌᖅᑎᑦᑎᓂᐊᖅᑐᒥᑦ ᐱᐅᓂᖅᓴᒥᒃ ᐃᖅᑲᓇᐃᔮᒥᒃ ᐊᖏᓂᖅᓴᒥᑦ ᐊᑭᓕᖅᓱᖅᑕᐅᓗᑎᒃ ᐃᓗᐊᓂ ᐃᖅᑲᓇᐃᕐᕕᐅᑉ:

 

CNJF ᑲᓇᑕᒥ-ᓄᓇᕗᑦ ᐃᖅᑲᓇᐃᔮᒧᑦ ᑐᓂᔭᐅᓂᖅ ᑮᓇᐅᑎᒍᑦ ᐃᑲᔪᖅᓱᐃᖕᒥᔪᖅ ᐱᓕᒻᒪᒃᓴᓂᕐᒥᒃ ᐊᑐᓕᖅᑎᑦᑎᓂᕐᒥ ᐃᓕᓐᓂᐊᒐᒃᓴᓂᒡᓗ ᐊᒻᒪᓗ ᐱᔨᑦᑎᕋᕐᓂᕐᒥᒃ ᐃᓄᖕᓄᑦ ᑕᐃᒃᑯᓄᖓ ᐃᖅᑲᓇᐃᔭᖖᒋᑦᑐᖅᓯᐅᑎᑖᓲᓄᑦ ᐱᑖ)ᖑᖖᒋᑦᑐᓄᓪᓗ ᐱᔪᓐᓇᖅᑐᓄᑦ 1. CNJG ᑲᓇᑕᒥ-ᓄᓇᕗᑦ ᐃᖅᑲᓇᐃᔮᒧᑦ ᑐᓂᔭᐅᓂᖅ ᐊᑎᓕᐅᖅᑕᐅᓚᐅᖅᑐᖅ 2014-ᒥ ᑭᖑᕝᕕᕐᖢᒍᓗ ᐊᑯᓵᓚᐅᖅᑐᖅ ᑲᓇᑕᒥ-ᓄᓇᕗᑦ ᐃᖅᑲᓇᐃᔮᒃᓴᐃᑦ ᐱᑕᖃᐅᕐᓂᖏᓐᓄᑦ ᐊᖏᕈᑎᒥᑦ (LMA).

 

ᑲᓇᑕᒥ-ᓄᓇᕗᑦ ᐃᖅᑲᓇᐃᔮᒃᓴᐃᑦ ᐱᑕᖃᐅᕐᓂᖏᓐᓄᑦ ᐊᖏᕈᑎᒥᑦ ᐃᓄᖕᓄᑦ ᑎᒥᒥᒍᑦ ᐊᔪᕈᑎᓕᖕᓄᑦ (LMAPD) ᑐᕌᖅᑐᖅ ᐱᐅᓯᒋᐊᖅᑎᑦᑎᓂᕐᒥᒃ ᐃᖅᑲᓇᐃᔭᕐᓂᕐᒧᑦ ᐊᑐᖅᑕᐅᕙᒃᑐᓂ ᐃᓄᖕᓄᑦ ᑎᒥᒥᒍᑦ ᐊᔪᕈᑎᓕᖕᓄᑦ ᓄᓇᕗᒻᒥ. LMAPD ᐃᖅᑲᓇᐃᔮᒃᓴᐃᑦ ᐱᑕᖃᐅᕐᓂᖏᓐᓄᑦ ᐊᖏᕈᑎ ᐃᓄᖕᓄᑦ ᑎᒥᒥᑎᒍᑦ ᐊᔪᕈᑎᖃᖅᑐᓄᑦ ᐊᑎᓕᐅᖅᑕᐅᓚᐅᖅᑐᖅ 2014-ᒥ.

 

ᐱᖓ)ᑦ ᑐᕌᕋᕆᔭᐅᔪᑦ ᐊᑕᔪᑦ ᑕᒡᕙᓂ ᐊᖏᕈᑎᒥ. ᑖᒃᑯᐊ ᐱᒪᐅᑎᑕᐅᔪᑦ:

  • ᐱᐅᓯᒋᐊᖅᑎᑦᑎᓂᖅ ᐃᖅᑲᓇᐃᔭᕈᓐᓇᕐᓂᖏᓐᓄᑦ ᐃᓄᐃᑦ ᑎᒥᒥᑎᒍᑦ ᐊᔪᕈᑎᖃᖅᑐᓄᑦ;
  • ᐅᓄᖅᓯᒋᐊᕐᓗᒋᑦ ᐃᖅᑲᓇᐃᔮᒃᓴᑦ ᐱᕕᒃᓴᐅᔪᑦ ᐊᑐᐃᓐᓇᐅᓗᑎᒃ ᐃᓄᖕᓄᑦ ᑎᒥᒥᑎᒍᑦ ᐊᔪᕈᑎᖃᖅᑐᓄᑦ, ᑐᓂᓯᑦᑎᐊᕐᓂᒃᑯᑦ ᐃᖅᑲᓇᐃᔭᖅᑎᑦᑎᔩᑦ ᐱᔭᕆᐊᖃᖅᑕᖏᓐᓂᒃ; ᐊᒻᒪᓗ;
  • ᐱᓕᕆᓂᒃᑯᑦ ᐱᐅᓛᖑᔪᑎᒍᑦ ᐊᔪᕐᓇᖖᒋᓐᓂᓕᒫᖓᓂ ᐱᕙᕇᖅᑎᓪᓗᒋᑦ ᑲᓇᑕᒥᐅᓄᑦ ᑖᒃᑯᓇᖖᒐᑦ ᑮᓇᐅᔭᓕᐅᕈᑎᓂᑦ ᖃᐅᔨᔭᐅᓯᒪᔪᖅ ᐅᓄᖅᓯᒋᐊᕐᓂᒃᑯᑦ ᐃᖅᑲᓇᐃᔮᒃᓴᐃᑦ ᐱᑕᖃᐅᕐᓂᖏᓐᓄᑦ ᐃᓚᐅᖃᑕᐅᓂᕐᒥ ᐃᓄᖕᓄᑦ ᑎᒥᒥᑎᒍᑦ ᐊᔪᕈᑎᖃᖅᑐᓄᑦ.

 

ᐃᐃᑦ ᐱᔪᓐᓇᖅᑐᑦ ᑮᓇᐅᔭᓂᒃ ᐊᑐᕐᓗᒋᑦ ᐊᓯᖏᑦ ᐃᓕᓐᓂᐊᒐᒃᓴᑦ ᐊᑐᓕᖅᑎᑕᐅᔪᓂᑦ, ᐱᖃᕐᐸᑕ ᓇᖕᒥᓂᖅ-ᐃᓕᓴᕆᓂᖅ ᐃᓅᓗᓂ ᑎᒥᒥᒍᑦ ᐊᔪᕈᑎᖃᕐᓂᕐᒥᒃ.

 

ᐃᖅᑲᓇᐃᔭᕐᕖᑦ ᐱᔪᒪᓂᖃᖅᑐᑦ ᑎᒍᓯᓂᕐᒥᒃ ᑮᓇᐅᔭᓂᒃ ᐃᓕᓐᓂᐊᒐᒃᓴᓂᑦ ᐊᑐᕐᓂᕐᒧᑦ ᑐᕌᕇᓗᓂᔾᔪᒃ ᐃᓄᐃᑦ ᐃᓅᔪᑦ ᑎᒥᒥᑎᒍᑦ ᐊᔪᕈᑎᖃᖅᑐᓄᑦ ᑕᐃᑰᓇ ᐃᖅᑲᓇᐃᔮᒃᓴᐃᑦ ᐊᑐᐃᓐᓇᐅᓂᖏᓐᓄᑦ ᐊᖏᕈᑎᒥᑦ ᐃᓄᖕᓄᑦ ᑎᒥᒥᑎᒍᑦ ᐊᔪᕈᑎᓕᖕᓄᑦ ᐅᖃᕈᓐᓇᖅᑐᑦ ᑐᕌᖅᑕᐅᔪᑦ ᐱᓕᒻᒪᒃᓴᓂᕐᒧᑦ ᐊᑐᓕᖅᑎᑦᑎᔨᓄᑦ (TTI) ᐃᓕᓐᓂᐊᒐᒃᓴᓂ.

 

ᖃᐅᔨᒋᐊᒃᑲᓐᓂᕈᒪᒍᕕᑦ ᐃᖅᑲᓇᐃᔮᒃᓴᐃᑦ ᐊᑐᐃᓐᓇᐅᓂᖏᓐᓄᑦ ᐊᖏᕈᑎᓂᑦ, ᐅᖃᓕᒫᕈᒪᒍᕕᓪᓘᓐᓃᑦ ᐊᕐᕌᒍᑕᒫᖅᓯᐅᒻᒥᒃ ᐸᕐᓇᐃᓂᕐᒥᒃ ᐊᒻᒪᓗ ᐊᕐᕌᒍᑕᒫᖅᓯᐅᑦ ᐅᓂᒃᑳᑦ, ᑕᑯᓗᒍ ᐊᑖᓃᑦᑐᖅ.

 

ᐃᖅᑲᓇᐃᔮᒃᓴᐃᑦ ᐊᑐᐃᓐᓇᐅᓂᖏᓐᓄᑦ ᐊᖏᕈᑏᑦ (ᐊᑕᔪᑦ ᑎᑎᖅᑲᓕᐊᕆᓯᒪᔪᓄᑦ)

ᑲᓇᑕᒥ-ᓄᓇᕗᑦ ᐃᖅᑲᓇᐃᔮᒃᓴᐃᑦ ᐊᑐᐃᓐᓇᐅᓂᖏᓐᓄᑦ ᐱᕙᓪᓕᐊᓂᕐᒥ ᐊᖏᕈᑎ (LMDA)

ᑲᓇᑕᒥ-ᓄᓇᕗᑦ ᐃᖅᑲᓇᐃᔮᒧᑦ ᑮᓇᐅᔭᓄᑦ ᐊᖏᕈᑎ (CNJF)

ᑲᓇᑕᒥ-ᓄᓇᕗᑦ ᐃᖅᑲᓇᐃᔮᒃᓴᐃᑦ ᐱᑕᖃᐅᕐᓂᖏᓐᓄᑦ ᐊᖏᕈᑎᒥᑦ ᐃᓄᖕᓄᑦ ᑎᒥᒥᒍᑦ ᐊᔪᕈᑎᓕᖕᓄᑦ (LMAPD)

 

ᐃᖅᑲᓇᐃᔮᒃᓴᐃᑦ ᐱᑕᖃᐅᕐᓂᖏᓐᓄᑦ ᐊᖏᕈᑎ ᐊᕐᕌᒍᑕᒫᖅᓯᐅᑦ ᐸᕐᓇᐃᓂᖅ

2011/2012

2012/2013

 

ᐃᖅᑲᓇᐃᔮᒃᓴᐃᑦ ᐱᑕᖃᐅᕐᓂᖏᓐᓄᑦ ᐊᖏᕈᑎ ᐊᕐᕌᒍᑕᒫᖅᓯᐅᑦ ᐅᓂᒃᑳᑦ

2011/2012

2012/2013

 

Back to Top