ᐅᖃᓚᐅᑎᓯᐅᑏᑦ

You are here

ᐃᖅᑲᓇᐃᔭᖅᑎᓂᒃ ᐃᓚᒌᓂᒡᓗ ᐃᑲᔪᖅᑐᐃᓂᖅ

ᑭᓲᕙ ᐃᖅᑲᓇᐃᔭᖅᑎᓂᒃ ᐃᓚᒌᓂᒡᓗ ᐃᑲᔪᖅᑐᐃᓂᕐᒧᑦ ᐱᓕᕆᐊᖑᖃᑦᑕᖅᑐᖅ?
ᐃᖅᑲᓇᐃᔭᖅᑎᓂᒃ ᐃᓚᒌᓂᒡᓗ ᐃᑲᔪᖅᑐᐃᓂᖅ ᐋᖅᑭᒃᓱᖅᑕᐅᓯᒪᕗᖅ ᐃᑲᔪᕈᑕᐅᔪᒪᓪᓗᓂ ᓄᓇᕗᑦ ᒐᕙᖓᑕ ᐃᖅᑲᓇᐃᔭᖅᑎᖏᓐᓂᒃ ᐃᓚᖏᓐᓂᒡᓗ ᑲᔪᓯᑎᑦᑏᓐᓇᖁᓪᓗᒋᑦ ᐊᒻᒪᓗ/ᐅᕝᕙᓘᓐᓃᑦ ᐱᐅᓯᒋᐊᖅᑎᑦᑎᖁᓪᓗᒋᑦ ᖃᓄᑐᐃᓐᓇᖅ ᖃᓄᐃᙱᓐᓂᕆᔭᒥᓂᒃ.
ᐃᖅᑲᓇᐃᔭᖅᑏᑦ ᐃᓚᖏᓪᓗ ᐅᖄᓚᔪᓐᓇᖅᑐᑦ ᐊᑭᖃᙱᑦᑐᒧᑦ ᐅᕗᖓ 1-800-663-1142 ᐅᖃᐅᔾᔪᖅᑕᐅᔪᒪᓐᓂᕈᑎᒃ ᓇᖕᒥᓂᖅ. ᐃᓱᒪᖅᓲᑎᒋᔭᐃᑦ ᑖᓐᓇ ᐱᔨᑦᑎᕋᖅᑕᐅᓂᖅ ᐊᑐᕈᒪᓐᓂᕈᕕᐅᒃ ᐊᑐᕈᒪᙱᒃᑯᕕᐅᓪᓘᓐᓃᑦ.
ᑭᓱᓂᒃ ᑖᓐᓇ ᐱᔨᑦᑎᕋᖅᑕᐅᕝᕕᐅᕙᒃᐸ?

  • ᐊᑭᖃᙱᑦᑐᒥᒃ ᑐᓴᖅᑕᐅᕈᓘᔭᔾᔮᙱᑦᑐᒥᒡᓗ ᐱᔨᑦᑎᕋᖅᐸᒃᑐᑦ
  • ᒪᓂᒪᑎᑕᐅᖃᑦᑕᖅᑐᖅ ᐃᖅᑲᓇᐃᔭᖅᑎᓄᑦ, ᐊᐃᑉᐸᖏᓐᓄᑦ ᐱᓯᒪᔭᖏᓐᓄᓪᓗ
  • ᒪᓂᒪᖃᑦᑕᖅᑐᖅ 24-ᓄᑦ ᐃᑲᕐᕋᓄᑦ ᐅᓪᓗᑕᒫᑦ, 7-ᓄᑦ ᐅᓪᓗᓄᑦ ᐱᓇᓱᐊᕈᓯᕐᒥ
  • ᐱᓕᕆᐊᖑᑎᑕᐅᕙᒃᑐᖅ ᐊᔪᙱᓐᓂᖃᑦᑎᐊᖅᑐᓂᑦ ᐱᓕᕆᓕᒪᓂᑯᓂᓪᓗ ᐅᖃᐅᔾᔪᐃᔨᓂᑦ ᐊᔾᔨᒌᙱᑦᑐᓄᑦ ᐃᓱᒪᒋᔭᒃᓴᓄᑦ
  • ᒪᓂᒪᑎᑕᐅᖃᑦᑕᖅᑐᑦ ᐃᓄᒃᑎᑑᖓᓗᑎᒃ ᐃᓄᐃᓐᓇᖅᑑᖓᓗᑎᒡᓗ ᑐᓵᔨᑕᖃᖅᐸᒃᖢᑎᒃ
  • ᒪᓂᒪᑎᑕᐅᖃᑦᑕᖅᑐᑦ ᖃᓪᓗᓈᑎᑐᑦ ᐅᐃᐅᐃᑎᑐᓪᓗ
  • ᐃᓚᖃᖅᑐᖅ 8-ᓂᒃ ᐱᓕᕆᖃᒌᖕᓂᕐᓂᒃ ᐊᑐᓂᑦ ᐃᓱᒪᒋᔭᒃᓴᓄᑦ
  • ᓂᕈᐊᕆᔭᖃᕐᓇᖅᑐᖅ ᐅᖄᓚᐅᑎᒃᑯᑦ ᐊᒻᒪᓗ/ᐅᕝᕙᓘᓐᓃᑦ ᑏᕖᒃᑯᑦ ᐃᓗᐊᖅᓴᖅᑕᐅᓂᕐᒧᑦ ᓄᓇᓕᖕᓂᐅᙱᑦᑐᖅ ᐱᔨᑦᑎᕋᖅᑕᐅᓂᕐᒥᑦ

ᑏᕖᒃᑯᑦ ᐃᓗᐊᖅᓴᖅᑕᐅᓂᖅ

ᐊᓯᐊᑦᑕᐅᖅ ᐊᑐᖅᑕᐅᖔᕈᓐᓇᖅᑐᖅ ᐊᑐᕈᒪᓗᓂ ᐅᖃᐅᔾᔪᐃᔨᓂᑦ ᓄᓇᓕᔅᓯ ᓯᓚᑖᓂ ᐅᓇᐅᕗᖅ, ᑏᕖᒃᑯᑦ ᐃᓗᐊᖅᓴᖅᑕᐅᓂᕐᒧᑦ ᐱᓕᕆᐊᖑᖃᑦᑕᖅᑐᖅ. ᑏᕖᒥᒡᓗ ᐊᔾᔨᓕᐅᕈᑎᓂᒡᓗ ᐋᖅᑭᒃᓯᔪᖃᖅᖢᓂ ᐅᐸᒃᑕᐅᔪᓐᓇᙱᑦᑐᒥᒃ ᑭᒃᑯᑐᐃᓐᓇᓄᑦ ᐋᓐᓂᐊᕕᖕᒥ ᐊᑦᑕᑕᖅᑎᑕᐅᕙᕐᒃᖢᑎᒃ ᑏᕖᒧᑦ ᐊᔾᔨᓕᐅᕈᑎᒧᓪᓗ ᓄᓇᓖᑦ ᐊᓯᐊᓃᑦᑐᒧᑦ. ᑏᕖᒃᑯᑦ ᐃᓗᐊᖅᓴᖅᑕᐅᓂᖅ ᐊᐅᓚᓂᖃᖅᐸᒃᐳᑦ ᑕᓚᕘᑎᑐᑦ, ᑭᓯᐊᓂ ᑖᒃᑯᐊᒃ ᑕᐃᒪᐃᓕᐅᖅᑐᒃ ᑕᑯᖃᑦᑕᐅᑎᔪᓐᓇᖅᖢᑎᒃ ᑐᓵᖃᑦᑕᐅᑎᔪᓐᓇᖅᖢᑎᒡᓗ. ᑕᒪᓐᓇ ᑕᐃᒪᐃᓕᐅᕐᓂᖅ ᑭᒃᑯᑐᐃᓐᓇᓄᑦ ᑕᑯᔭᐅᔪᓐᓇᖃᑦᑕᙱᑦᑐᖅ ᑐᓴᖅᑕᐅᔪᓐᓇᕋᓂᓗ, ᓲᕐᓗ ᐊᔾᔨᐸᓗᒋᓪᓗᓂᐅ ᑕᑯᔭᖅᑐᖅᓯᔭᕌᖓᕕᑦ ᐋᓐᓂᐊᓯᐅᑎᒥᒃ ᐅᐸᒃᖢᒍ ᓄᓇᔅᓯᓐᓂ.