ᐃᓕᓐᓂᐊᖅᑏᑦ ᖃᓄᐃᙱᑦᑎᐊᖁᓪᓗᒋᑦ ᐊᒻᒪᓗ ᐃᑲᔪᖅᓱᖅᑕᐅᓂᖏᑦ
ᐃᓕᓐᓂᐊᖅᑐᑦ ᐱᓕᕆᐊᖑᖃᑦᑕᖅᓯᒪᔭᖏᑦ ᑲᒪᒋᔭᕆᐊᖃᖅᐳᑦ ᐊᑐᐃᓐᓇᐅᑎᑦᑎᓗᑎᒃ ᐱᖃᓯᐅᑎᓯᒪᔪᓂᒃ ᐃᓕᓐᓂᐊᖅᑐᓕᕆᓂᕐᒥᒃ ᐋᕿᒃᓱᖅᑕᐅᔪᒥᒋᔭᐅᔪᒥᑦ ᐋᕿᒃᓱᖅᑕᐅᓯᒪᔪᖅ ᓈᒻᒪᒃᓯᓕᖅᑕᐅᓯᒪᓪᓗᑎᒃ ᓄᓇᕘ ᐃᓕᓐᓂᐊᖅᑎᖏᓐᓄᑦ. ᐱᔨᑦᑎᕋᐃᔪᑦ ᓄᑕᕋᕐᓄᑦ ᐃᓕᓐᓂᐊᖅᑐᓄᑦ ᐱᒻᒪᕆᐅᕗᑦ ᐊᒻᒪ ᐃᓚᖃᓯᐅᑎᓯᒪᔪᑦ ᐃᑲᔪᖅᑐᐃᔪᓐᓇᖅᐳᑦ, ᐱᓕᕆᐊᒃᓴᓂᑦ, ᐊᑐᒐᒃᓴᓂᒃ, ᖃᐅᔨᓴᕐᓂᖅ, ᐅᖃᐅᔾᔨᒋᐊᕐᓂᖅ ᐊᒻᒪ ᐱᓕᒻᒪᒃᓴᐃᓂᖅ. ᐊᕕᒃᑐᖅᓯᒪᔪᑦ ᑲᒪᒋᔭᕆᐊᖃᖅᑕᖏᑦ ᖃᐅᔨᑎᑦᑎᕙᒡᓗᑎᑦ ᒪᓕᒐᓂᒃ, ᐊᑐᖅᑕᐅᔾᔪᓯᖏᑦ ᐊᒻᒪ ᐊᑐᐊᒐᓂᒃ ᐃᓕᓐᓂᐊᕐᕖᑦ ᐊᔪᖏᓐᓂᖏᑦ ᐃᓕᓐᓂᐊᖅᑎᐅᑉ ᐱᔭᕆᐊᖃᖅᑕᖏᓐᓂ ᐊᒻᒪ ᑲᔪᓯᑦᑎᐊᖁᓪᓗᒋᑦ ᐃᖃᓇᐃᔭᖅᑏ ᐃᑲᔪᖅᑐᖅᑕᐅᒐᓗᐊᕐᒪᖔᑕ ᐊᑐᓕᖅᑎᑕᐅᕙᓪᓕᐊᓗᑎᒡᓗ ᐃᓚᖃᓯᐅᔾᔭᐅᓯᒪᔪᓂᒃ ᐊᑐᖅᑕᐅᕙᓪᓕᐊᓇᔭᖅᑐᓂᒃ ᐃᓕᓐᓂᐊᖅᑐᓕᕆᓂᕐᒥ.
ᐊᕕᒃᑐᖅᓯᒪᔪᑦ ᐱᓕᕆᖃᑎᖃᓲᖑᕗᑦ ᐊᖓᔪᖄᖏᓐᓂᑦ, ᐊᔾᔨᒌᖏᕈᓘᔭᖅᑐᓄᑦ ᐃᓚᒋᔭᐅᔪᓄᑦ, ᐱᐅᓯᑎᑉᐹᓪᓕᖁᓪᓗᒍ ᐃᓕᓐᓂᐊᕐᕕᐅᑉ ᐊᓂᒍᖅᑎᑉᐸᒃᑕᖏᑦ ᐃᓕᓐᓂᐊᖅᑐᓕᒫᓄᑦ. ᐃᓕᓐᓂᐊᖅᑐᓕᕆᓂᕐᒧᑦ ᐊᕕᒃᑐᖅᓯᒪᓂᖏᑎᒍᑦ ᐱᓕᕆᕙᓪᓕᐊᕗᑦ ᓴᕿᑎᑦᑎᕙᓪᓕᐊᓪᓗᑎᒃ ᖁᑦᑎᖕᓂᓕᕇᒃᑐᓂᑦ, ᓄᑕᕋᕐᓄᑦ ᐱᔾᔪᑎᖃᓗᐊᖃᑦᑕᖅᖢᑎᒃ, ᐊᔾᔨᒌᖏᑦᑐᓂᒃ ᐋᕿᒃᓱᐃᓯᒪᔪᓂᒃ ᐱᔨᑦᑎᕋᖅᑎᓂᒃ ᑲᒪᒋᔭᖃᕐᓂᕐᒧᑦ ᐊᑐᖅᑕᐅᔭᕆᐊᓖᑦ ᐱᔨᑦᑎᕋᖅᑎᐅᕙᒃᑐᓂᒃ ᐃᓕᓐᓂᐊᖅᑐᓕᒫᓄᑦ ᓄᓇᕗᒻᒥᐅᑦ. ᐱᒻᒪᕆᐅᕗᖅ ᐃᓕᓐᓂᐊᖅᑐᓕᕆᔨᒃᑯᑦ ᐱᔭᒃᓴᖃᖅᐳᑦ ᖁᕝᕙᕆᐊᖅᑎᑦᑎᓗᑎᒃ ᐃᓕᓐᓂᐊᖅᑎᐅᑉ ᐃᓱᓕᑦᑎᓂᖏᑦ ᐊᒻᒪ ᖃᓄᐃᓕᐅᕆᐊᖃᖅᑕᖏᑦᑕ ᑲᔪᓯᑦᑎᐊᖅᓯᒪᓗᑎᒃ.