ᐅᖃᓚᐅᑎᓯᐅᑏᑦ

You are here

ᐱᕙᓪᓕᐊᔪᓕᕆᓂᕐᒧᑦ ᖃᐅᔨᒪᔨᑕᖅ

Groups: 
ᐋᓐᓂᐊᖃᖕᓇᙱᑦᑐᓕᕆᔨᒃᑯ
ᓄᓇᓕᒃ: 
ᐃᖃᓗᖕᓂ
ᓇᓗᓇᐃᒃᑯᑖ: 
10-503779
ᐃᒪᓐᓇᐃᑦᑑᓂᖓ ᐃᖃᓇᐃᔭᖅ: 
ᐃᖃᓇᐃᔭᖅᑎᐅᑲᐃᓇᖅᑐᖅ
ᑲᑐᔨᖃᑎᒋᑦ ᖃᓄᐃᓕᖓᒡᒪᖔᑕ: 
ᑕᓐᓇ ᐃᖃᓇᐃᔮᖅ ᐃᓚᒋᔭᐅᕗᖅ ᓄᓇᕗᑦ ᐃᖃᓇᐃᔭᖅᑎᐅᖃᑎᒋᑦ ᑲᑐᔨᖃᑎᒋᖏᓂ
ᑮᓐᓇᐅᔭᒃᓵᖓ: 
$ 80,282.00 ᐊᕐᕌᒍᒧᑦ, 37.5 ᐃᑲᕐᕋᑦ/ᐱᓇᓱᐊᕈᓯᕐᒥᑦ
ᑐᓴᕆᐊᕐᕕᒃᓴᖅ: 
$15,016.00 ᐊᕐᕌᒍᒧᑦ
ᑖᓐᓇ ᐃᖅᑲᓇᐃᔮᖅ ᐃᒡᓗᖃᖅᑎᑕᐅᔪᖅ
Closing Date: 
ᐊᒃᑐᐸ 27, 2017

ᐅᓇ ᐃᖅᑲᓇᐃᔮᒃᓴᖅ ᐅᒃᑯᐃᖓᔪᖅ ᑭᓇᓕᒫᓄᑦ.

ᐅᖃᕐᕕᖃᖅᐸᒡᓗᓂ ᑐᓴᖅᑕᐅᔭᕆᐊᓕᖕᓂᒃ ᐊᐅᓚᑦᑎᔨᒧᑦ, ᐱᕙᓪᓕᐊᔪᓕᕆᓂᕐᒧᑦ ᖃᐅᔨᒪᔨᑕᖅ ᐱᓕᕆᖃᑎᖃᖃᑦᑕᕐᓂᐊᖅᐳᖅ ᑲᔪᓯᑎᑦᑎᑦᑎᐊᕐᓂᕐᒥᒃ ᐱᔾᔪᑎᒃᓴᓂᒃ ᐱᓕᕆᐊᒃᓴᓂᓪᓗ ᓴᖅᑭᑕᐅᕙᓪᓕᐊᔪᓂᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓄᑦ. ᓄᓇᕗᒻᒥᐅᑦ ᖃᓄᐃᙱᑦᑎᐊᕋᓱᖕᓂᖓ ᐋᖅᑭᒃᑕᐅᓯᒪᔪᒃᑯᑦ ᐊᒻᒪ ᓴᖅᑭᑕᐅᓂᒃᑯᑦ ᑭᒃᑯᑐᐃᓐᓇᕐᓄᑦ ᓂᐅᕐᕈᑎᖃᕐᓂᖅ ᐊᒻᒪ ᑐᓴᐅᒪᖃᑦᑕᐅᑎᔪᓐᓇᕐᓂᒃᑯᑦ ᐱᓕᕆᐊᖑᓂᐊᖅᑐᓄᑦ. ᑖᓐᓇ ᐃᓂᐅᔪᖅ ᐱᕙᓪᓕᐊᑎᑦᑎᕙᒃᐳᖅ ᑭᒃᑯᑐᐃᓐᓇᕐᓄᑦ ᓂᐅᕐᕈᑎᖃᕐᓂᕐᒧᑦ ᐱᓕᕆᐊᖑᕙᓪᓕᐊᔪᒪᔪᓂᑦ ᒪᓕᒡᓗᓂ ᐱᓕᕆᕝᕕᒃ (ᕖᑦ) ᓯᕗᓪᓕᖅᐸᐅᔾᔭᐅᕙᖕᓂᖏᓐᓂᒃ ᓄᓇᕗᓕᒫᒧᑦ; ᐊᐅᓚᑦᑎᕙᒡᓗᓂ, ᐅᕝᕙᓘᓐᓃᑦ ᐃᑲᔪᖅᑎᐅᕙᒡᓗᓂ ᐊᐅᓚᑦᑎᔨᒧᑦ, ᐊᔾᔨᒌᙱᑦᑐᓂᒃ ᐃᓗᓕᖃᐅᖅᑐᓂᒃ ᐊᔾᔨᐅᙱᑦᑐᓂᓪᓗ ᑐᓴᐅᒪᖃᑦᑕᐅᑎᔪᓐᓇᕐᓂᒃᑯᑦ ᐱᔾᔪᑕᐅᔪᓄᑦ, ᐱᕕᖃᖅᑎᑦᑎᕙᒡᓗᓂ ᐅᓄᖅᑐᓂᑦ ᑐᓴᐅᒪᖃᑦᑕᐅᑎᔾᔪᑎᒃᓴᓂᒃ ᐊᐅᓚᑦᑎᔾᔪᑎᒃᓴᓂᒃ ᐱᔨᑦᑎᕋᕈᑎᒃᓴᓂᒡᓗ ᐱᓕᕆᕝᕕᖕᒧᑦ.

ᑖᓐᓇ ᓂᕈᐊᖅᑕᐅᔪᖅ ᐃᑲᔪᖃᑦᑕᕐᓂᐊᖅᐳᖅ ᐊᐅᓚᑦᑎᓂᕐᒥᒃ ᐋᓐᓂᐊᖅᑐᓕᕆᓂᕐᒧᑦ ᑐᕌᖓᔪᓄᑦ ᓴᖅᑭᑦᑎᔪᓐᓇᕐᓂᒃᑯᑦ ᐊᖏᖃᑎᒌᒍᑎᒃᑰᖅᓯᒪᔪᓂᑦ, ᑭᓯᐊᓂ ᑭᒡᓕᖃᙱᖦᖢᓂ ᑭᒃᑯᑐᐃᓐᓇᕐᓄᑦ ᓂᐅᕐᕈᑎᖃᕐᓂᕐᒧᑦ ᐱᓕᕆᐊᖑᑎᑕᐅᓂᐊᖅᑐᓄᑦ, ᑭᒃᑯᑐᐃᓐᓇᓂᑦ ᑐᓴᐅᒪᑎᑦᑎᓂᒃᑯᑦ ᐱᔪᓐᓇᕐᓂᐅᕙᒃᑐᑦ, ᐱᕙᓪᓕᐊᔪᓕᕆᓂᕐᒧᑦ ᖃᐅᔨᒪᔨᑕᖅ ᖃᐅᔨᒪᔾᔪᑕᐅᕙᒃᐳᖅ ᐱᓕᕆᕝᕖᑦ ᐃᖅᑲᓇᐃᔭᖅᑎᖏᓐᓄᑦ ᑲᔪᓯᓂᖃᑦᑎᐊᖅᑐᒃᑯᑦ ᐊᑐᕐᓂᖃᑦᑎᐊᖅᑐᒃᑯᓪᓗ ᑐᓴᒐᒃᓴᓕᕆᓂᕐᒥᒃ ᓄᓇᕗᒻᒥᐅᓄᑦ ᐃᓱᒪᒋᔭᐅᔪᓂᑦ ᐱᐊᓂᒃᑕᐅᓂᖏᓐᓄᑦ ᐃᑲᔪᖅᑕᐅᓗᑎᒃ ᐊᖏᖃᑎᒌᒍᑎᒃᑰᖅᓯᒪᔪᒃᑯᑦ ᐱᒻᒪᕆᐅᓂᖓᓄᑦ ᑖᔅᓱᒪ ᐃᓂᐅᔫᑉ.

ᐱᕙᓪᓕᐊᔪᓕᕆᓂᕐᒧᑦ ᖃᐅᔨᒪᔨᑕᖅ ᐱᓕᕆᐊᖃᖃᑦᑕᕐᓂᐊᖅᐳᖅ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐃᑭᐊᖅᑭᕖᑦ ᐊᒻᒪ ᖃᕋᓴᐅᔭᒥ ᑐᖅᑯᖅᑐᐃᕖᑦ ᐅᓪᓗᒥᒨᖓᓯᒪᒐᓗᐊᕐᒪᖔᑦ ᑲᒪᒋᔭᐅᑦᑎᐊᕋᓗᐊᕐᒪᖔᓪᓗ ᐊᑲᐅᓂᖅᓴᒃᑯᑦ ᐱᓕᕆᕝᕕᒋᔭᐅᔪᓂᖔᖅᑐᓂᑦ ᑐᓴᐅᒪᖃᑎᒌᖕᓂᕐᒧᑦ ᐊᑐᖅᑕᐅᕙᑦᑐᓕᕆᓂᕐᒥᒃ. ᑎᑎᕋᖅᐸᒡᓗᓂ, ᐱᕙᓪᓕᐊᑎᑦᑎᕙᒡᓗᓂ, ᑲᔪᓯᑎᑦᑎᕙᓪᓗᓂᓗ ᑭᒃᑯᑐᐃᓐᓇᓂᑦ ᑐᓴᐅᒪᑎᑦᑎᓂᒃᑯᑦ ᐅᓪᓗᖅᓯᐅᑎᖓᓂᒃ ᓄᓇᕗᑦ ᒐᕙᒪᖓᑦᑕ ᑭᒃᑯᑐᐃᓐᓇᓄᑦ ᑐᓴᒐᒃᓴᓕᕆᔨᓄᑦ ᒪᒃᐱᖅᑐᒐᕐᓄᑦ ᖁᕝᕙᕆᐊᖅᑎᑦᑎᓂᕐᒧᑦ ᐃᑲᔪᖅᓱᐃᓂᕐᒧᓪᓗ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓄᑦ ᐱᓕᕆᐊᖑᕙᓪᓕᐊᔪᒪᔪᓂᑦ ᐃᓕᓐᓂᐊᖅᑎᑦᑎᓂᖏᓐᓂᒡᓗ ᐊᕐᕌᒍᓕᒫᖅ.

ᑖᓐᓇ ᓂᕈᐊᖅᑕᐅᔪᖅ ᓇᓗᓇᐃᖅᓯᓯᒪᔭᕆᐊᖃᖅᑐᖅ ᑲᔪᓯᓂᖃᑦᑎᐊᕐᓗᓂ ᐱᓕᕆᔪᓐᓇᕐᓂᖓᓂᒃ ᐱᓕᕆᕝᕕᒋᔭᐅᔪᓂᖔᖅᑐᓂᒃ ᐱᓕᕆᕝᕕᒋᔭᐅᔪᓂᖔᙱᑦᑐᓂᒡᓗ ᑭᓱᖃᖅᑎᑦᑎᕙᒃᑐᓂᑦ; ᐱᓕᕆᕝᕕᒃ(ᕖᑦ), ᑎᒥᐅᔪᓂᓪᓗ. ᐃᓅᖃᑎᖃᑦᑎᐊᕈᓐᓇᕐᓗᓂ, ᐊᑐᖅᑕᐅᓇᔭᖅᑐᓂᑦ ᖃᓄᐃᓕᐅᕈᑕᐅᔭᕆᐊᓕᖕᓄᑦ, ᐋᔩᖃᑎᒌᒃᑎᑦᑎᔪᓐᓇᕐᓗᓂ ᐊᖏᖃᑎᒌᙱᓐᓂᕆᔭᐅᔪᓂᑦ, ᑐᓵᔨᐅᔪᓐᓇᕐᓂᖃᕐᓗᓂ, ᐊᓯᒥᓂᒃ ᖃᓄᐃᓕᐅᖅᑎᑦᑎᔪᓐᓇᕐᓗᓂ ᐅᖃᐅᓯᕆᔭᒥᒍᑦ, ᐅᖃᓪᓚᒍᓐᓇᑦᑎᐊᕐᓗᓂ ᑎᑎᕋᕈᓐᓇᑦᑎᐊᕐᓗᓂᓗ. ᖃᐅᔨᒋᐊᕐᕕᐅᔪᑦ ᐃᒻᒥᒃᑰᖅᑐᑦ, ᐅᐸᒡᓗᒋᑦ ᐅᕝᕙᓘᓐᓃᑦ ᐅᖄᓚᐅᑎᒃᑯᑦ, ᑎᑎᖅᑲᒃᑯᓪᓘᓐᓃᑦ. ᖃᐅᑕᒫᑦ ᖃᐅᔨᒋᐊᕐᕕᖃᕐᓂᐊᖅᐳᑎᑦ ᐊᐅᓚᑦᑎᔨᒻᒪᕆᖕᓂᑦ ᑕᒪᐃᓐᓄᑦ/ᐊᔾᔨᒌᙱᑦᑐᓄᑦ ᒐᕙᒪᒃᑯᑦ ᐱᓕᕆᖕᕕᖏᓐᓄᑦ ᓯᓚᑖᓂᓪᓗ ᐱᓕᕆᔨᖏᓐᓄᑦ, ᓲᕐᓗ ᑐᓴᒐᒃᓴᓕᕆᓂᒃᑯᑦ ᐊᒻᒪ ᓴᙱᔪᒥᒃ ᓯᕗᓕᖅᑎᐅᔪᓐᓇᕐᓂᕐᒥᒃ ᐊᔪᙱᑕᐅᔭᕆᐊᖃᖅᑐᑦ ᑖᔅᓱᒧᖓ ᐃᓂᐅᔪᒧᑦ.

ᖃᐅᔨᒪᓂᖃᕐᓃᑦ, ᐊᔪᕈᓐᓃᖅᓴᖅᓯᒪᓃᑦ, ᐊᒻᒪ ᐊᔪᙱᑕᐅᔭᕆᐊᓖᑦ ᑕᕝᕙᓂ ᐃᓂᐅᔪᒥᑦ ᐱᔭᐅᒐᔪᒃᐳᑦ ᐃᓕᓴᕆᔭᐅᓯᒪᔪᒃᑯᑦ ᐃᓕᓐᓂᐊᒃᑲᓐᓂᕐᓂᕐᒧᑦ ᐃᓱᓕᑦᑎᓂᕐᒧᑦ ᐃᓕᓴᕆᔭᐅᔾᔪᑎᑖᖅᓯᒪᓂᒃᑯᑦ, ᐅᕝᕙᓘᓐᓃᑦ ᓯᓚᑦᑐᖅᓴᕐᕕᒡᔪᐊᒥ ᐃᓕᓐᓂᐊᕈᑎᑖᖅᓯᒪᓂᒃᑯᑦ ᐋᓐᓂᐊᖅᑐᓕᕆᓂᕐᒧᑦ, ᓇᖕᒥᓂᖃᕐᓂᕐᒧᑦ, ᐃᓕᓐᓂᐊᖅᑐᓕᕆᓂᕐᒧᑦ, ᑐᓴᐅᒪᖃᑦᑕᐅᑎᑎᑦᑎᔪᓐᓇᖅᓯᓂᖅ, ᑐᓴᒐᒃᓴᓕᕆᓂᖅ, ᐋᖅᑭᒃᓱᐃᓂᖅ, ᓂᐅᕐᕈᑎᖃᕋᓱᐊᕐᓂᖅ/ᐱᔪᒥᓇᖅᓴᐅᑎᓕᕆᓂᖅ.

ᐊᑕᐅᓯᐅᙱᑦᑐᒥᒃ ᐅᖃᕈᓐᓇᕐᓗᓂ ᓄᓇᕗᒻᒥ ᐅᖃᐅᓯᕆᓪᓗᐊᑕᖅᑕᖏᓐᓂᒃ ᐃᑲᔫᑎᖃᑦᑎᐊᕋᔭᖅᐳᖅ.

ᐊᕐᕌᒍᓄᑦ ᒪᕐᕈᓪᓗᐊᑕᐸᓗᖕᓄᑦ ᐱᓕᕆᖃᑦᑕᖅᓯᒪᓂᑰᓗᓂ ᐃᓚᒌᓂᑦ ᑲᒪᔨᐅᓂᕐᒥᒃ ᐃᓗᓕᖃᐅᖅᑐᒻᒪᕆᖕᓂᒃ ᐱᓕᕆᐊᓂᒃ, ᓂᕈᐊᕆᔭᐅᓂᖅᓴᐅᓪᓗᑎᒃ ᓇᓕᐊᖕᓂᑐᐃᓐᓇᖅ ᑐᓴᒐᒃᓴᓕᕆᔨᓂᑦ, ᑭᒃᑯᑐᐃᓐᓇᓄᑦ ᓂᐅᕐᕈᑎᖃᕐᓂᕐᒧᑦ ᐱᓕᕆᐊᖑᔪᓄᑦ ᐅᕝᕙᓘᓐᓃᑦ ᐋᓐᓂᐊᖃᕐᓇᖏᑦᑐᓕᕆᓂᕐᒨᖓᔪᓂᒃ ᐱᕚᓪᓕᖅᑎᑦᑎᓂᕐᒧᑦ ᐱᓕᕆᐊᖑᕙᓪᓕᐊᔪᒪᔪᑦ, ᐃᓚᓕᐅᔾᔨᓯᒪᓗᓂ ᐊᕐᕌᒍᓕᒫᒧᑦ ᐱᓕᕆᓯᒪᓂᑯᖏᑦ ᐊᐅᓚᑦᑎᔨᐅᓂᕐᒥᑦ, ᐊᖏᖃᑎᒌᒍᑎᒃᑰᖅᓯᒪᔪᓂᑦ ᐊᐅᓚᑦᑎᓂᕐᒥᒃ, ᑮᓇᐅᔭᖅᑐᕈᑎᒃᓴᑦ ᐊᒻᒪ/ᐅᕝᕙᓘᓐᓃᑦ ᒐᕙᒪᒃᑯᑦ ᐊᐅᓚᓂᕆᕙᒃᑕᖏᓐᓂᒃ. ᐊᔾᔨᑲᓴᖏᓐᓂᑦ ᐱᓕᕆᓂᑰᒍᕕᑦ ᐃᓱᒪᒋᔭᐅᑦᑎᐊᕐᓂᐊᖅᑐᑦ ᐃᓚᒋᔭᐅᔪᓐᓇᕐᒪᖔᖅᐱᑦ.

ᐱᓕᕆᖃᑦᑕᖅᓯᒪᓂᑰᓂᖅ Drupalᒃᑯᓐᓂᑦ ᐅᕝᕙᓘᓐᓃᑦ ᐊᓯᖏᓐᓂᑦ ᐃᓗᓕᓕᖕᓂᒃ ᐊᐅᓚᑦᑎᔾᔪᑕᐅᓲᓂᒃ, ᐱᓕᕆᖃᑦᑕᖅᓯᒪᓂᑰᓗᓂ InDesignᒥᑦ, ᑎᑎᕋᐅᔭᖅᑎᐅᓗᓂ, ᐱᓕᕆᖃᑦᑕᖅᓯᒪᓂᑰᓗᓂ ᐅᓄᖅᑐᓂᑦ ᐅᖃᐅᓯᕐᓂᒃ, ᖃᐅᔨᒪᓂᖃᕐᓂᖅ ᓄᓇᖃᖅᑳᖅᓯᒪᔪᑦ/ᐅᑭᐅᖅᑕᖅᑐᒥᐅᑦ ᑐᓴᐅᒪᖃᑦᑕᐅᑎᓂᖏᓐᓂᑦ, ᖃᐅᔨᒪᓂᖃᕐᓂᖅ ᓄᓇᖃᖅᑳᖅᓯᒪᔪᑦ/ᐅᑭᐅᖅᑕᖅᑐᒥᐅᑦ ᖁᙱᐊᕆᐊᖅᓯᒪᔪᖁᑎᖏᓐᓂᒃ, ᖃᐅᔨᒪᓂᖃᕐᓂᖅ ᓄᓇᕗᒻᒥᐅᓂᑦ ᖁᙱᐊᕆᐊᖅᓯᒪᔪᓂᑦ/ᐃᓄᐃᑦ ᐱᒻᒪᕆᐅᒋᔭᖏᑦ ᐃᓱᒪᒋᔭᐅᓂᐊᖅᐳᑦ ᐃᑲᔪᕐᓂᖃᕐᓂᕐᒥᒃ.

ᖃᐅᔨᒪᓂᖃᕐᓂᖅ ᐃᓄᐃᑦ ᐅᖃᐅᓯᖓᓂᒃ, ᓄᓇᓕᖕᓂᑦ, ᐃᓕᖅᑯᓯᖏᓐᓂᒃ, ᓄᓇᒥᑦ ᐊᒻᒪ ᐃᓄᐃᑦ ᖃᐅᔨᒪᔭᑐᖃᖏᓐᓂᑦ ᐃᑲᔫᑎᖃᑦᑎᐊᕋᔭᕐᒥᔪᖅ.

ᐱᔪᒥᓴᐅᑎᒥᒃ ᓇᓗᓇᐃᔭᖅᑎᓪᓗᑎᑦ ᐃᑲᔪᖅᑕᐅᔪᒪᒍᕕᑦ ᐅᕝᕙᓘᓐᓃᑦ ᐊᐱᖅᓱᖅᑕᐅᓂᕐᒧᑦ ᐱᕙᒌᔭᕈᒪᒍᕕᑦ ᑮᓇᐅᔭᓕᕆᔨᒃᑯᑦ ᐃᖅᑲᓇᐃᔭᖅᑎᒃᓴᖅᓯᐅᑎᑦ ᑎᑎᕋᕐᕕᖓᓄᑦ ᖃᐅᔨᒋᐊᕐᓂᐊᖅᐳᑎᑦ ᐊᑖᓂ ᓇᓗᓇᐃᖅᓯᒪᔪᓂᑦ.

 

  • ᓄᓇᕗᒻᒥ ᒐᕙᒪᒃᑯᑦ ᓴᖅᑭᑎᓯᒪᔪᒪᖕᒪᑕ ᑭᒡᒐᖅᑐᐃᓂᖅᓴᐅᔪᓂᒃ ᐱᓕᕆᔨᐅᔪᓂᒃ ᑐᑭᓯᐅᒪᒃᑲᓐᓂᕈᒪᓪᓗᑎᒃ ᐊᒻᒪᓗ ᐱᔨᑦᑎᕈᒪᓪᓗᑎᒃ ᐱᔭᐅᔪᒪᕙᒃᑐᑦ ᓄᓇᕗᒻᒥᐅᓂᑦ. ᑲᔪᓯᑦᑎᐊᖁᓪᓗᒋᑦ, ᓯᕗᓪᓕᖅᐸᐅᔾᔭᐅᓇᔭᖅᑐᑦ ᓄᓇᕗᒻᒥ ᓄᓇᖃᖃᑕᐅᔪᑦ
  • ᓂᕈᐊᒐᒃᓴᐅᔪᑦ ᓇᓗᓇᐃᖅᓯᑦᑎᐊᕆᐊᓖᑦ ᐱᔪᓐᓇᖅᑎᑕᐅᓂᕐᒥᖕᓂᒃ ᓯᕗᓕᐅᔾᔭᐅᔪᒪᒍᑎ
  • ᐃᓱᒪᒋᔭᐅᔪᒪᓂᕐᒧᑦ ᑖᔅᓱᒨᓇ ᓄᓇᕘᒥ ᓯᕗᓪᓕᐅᔾᔨᑎᑦᑎᓂᕐᒧᑦ ᐃᖅᑲᓇᐃᔭᖅᑎᑖᕐᓂᕐᒧᑦ ᐊᑐᐊᒐᒃᑯᑦ. ᐱᕋᔭᒃᓯᒪᓂᕐᒧᑦ ᐸᐃᐹᒥᒃ ᐱᓯᒪᔪᑦ ᐱᔭᐅᔾᔮᖏᓐᓂᕋᖅᑕᐅᔪᓐᓇᙱᓚᑦ ᐃᓱᒪᒃᓴᖅᓯᐅᕈᑕᐅᓇᔭᖅᑐᑦ ᑭᓯᐊᓂ.
  • ᐃᖅᑲᓇᐃᔮᒧᑦ ᓇᓗᓇᐃᔭᖅᓯᒪᔪᑦ ᑭᓱᓕᕆᖃᑦᑕᕋᔭᕐᓂᕐᒧᑦ ᐱᔭᐅᔪᓐᓇᖅᑐᑦ ᓱᒃᑲᔪᒃᑯᑦ ᐅᕝᕙᓘᓐᓃᑦ ᐃᕐᖐᓐᓈᕈᑎᒃᑯᑦ ᐅᕝᕙᓘᓐᓃᑦ ᐃᑭᐊᖅᑭᕕᐊᒍᑦ.
  • ᑕᐃᒃᑯᐊ ᓂᕈᐊᖅᑕᐅᔪᑦ ᐊᐱᖅᓱᖅᑕᐅᔪᒃᓴᖑᖅᖢᑎᒃ ᐅᖃᕐᕕᒋᔭᑐᐊᕆᓇᔭᖅᑕᕗᑦ ᐊᐱᕐᓱᕐᓂᐊᕐᓗᑎᒍ
ᑐᓴᕆᐊᕐᕕᒃᓴᖅ: 
ᑮᓇᐅᔭᓕᕆᔨᒃᑯᑦ (Department of Finance Iqaluit)

ᓄᓇᕗᑦ ᒐᕙᒪᒃᑯᑦ
PO Box 1000, Station 430, Iqaluit, Nunavut X0A 0H0
ᐅᖃᓘᑖ: (867) 975-6222
ᐊᑭᖃᙱᑦᑐᖅ: 1-888-668-9993
ᓱᒃᑲᔪᖅ: (867) 975-6220
ᐃᕐᖐᓐᓇᖅ: gnhr@gov.nu.ca
www.gov.nu.ca/finance