ᐅᖃᓚᐅᑎᓯᐅᑏᑦ

You are here

ᐃᖅᑲᓇᐃᔭᖅᑎᓄᑦ ᐱᓕᕆᖃᑎᖃᓂᕐᒧᑦ ᖃᐅᔨᓴᖅᑎ

Groups: 
ᑮᓇᐅᔭᓕᕆᔨᒃᑯᑦ
ᓄᓇᓕᒃ: 
ᐃᖃᓗᖕᓂ
ᓇᓗᓇᐃᒃᑯᑖ: 
03-503996
ᐃᒪᓐᓇᐃᑦᑑᓂᖓ ᐃᖃᓇᐃᔭᖅ: 
ᐃᖃᓇᐃᔭᖅᑎᐅᑲᐃᓇᖅᑐᖅ
ᑲᑐᔨᖃᑎᒋᑦ ᖃᓄᐃᓕᖓᒡᒪᖔᑕ: 
ᑕᓐᓇ ᐃᖃᓇᐃᔮᖅ ᐃᓚᒋᔭᐅᖖᒋᓚᖅ ᓄᓇᕗᑦ ᐃᖃᓇᐃᔭᖅᑎᐅᖃᑎᒋᑦ ᑲᑐᔨᖃᑎᒋᖏᓄᑦ
ᑮᓐᓇᐅᔭᒃᓵᖓ: 
$88,608 ᐊᕐᕌᒍᒧ ᐊᑕᐅᓯᕐᒧᑦ 37.5 ᐃᑲᕐᕋᐃᑦ/ᐱᓇᓱᐊᕈᓯᕐᒥᑦ
ᑐᓴᕆᐊᕐᕕᒃᓴᖅ: 
$15,016 ᐊᕐᕌᒍᒧ ᐊᑕᐅᓯᕐᒧᑦ
ᐃᒡᓗᒃᓴᖅᑕᖃᙱᑦᑐᖅ ᐃᖅᑲᓇᐃᔭᓕᕐᓂᐊᖅᑐᒧᑦ
Closing Date: 
ᐊᒃᑐᐸ 23, 2017

ᑖᓐᓇ ᐃᖅᑲᓇᐃᔮᔅᓴᖅ ᐊᑦᑐᖅᑕᐅᓴᕋᐃᑦᑐᒦᑦᑐᖅ ᐊᒻᒪ ᖃᐅᔨᓴᖅᑕᐅᔭᕆᐊᓕᒃ.

ᒪᓕᑦᑐᒍ ᐃᖅᑲᓇᐃᔭᖅᑐᓕᕆᓂᕐᒧᑦ ᑐᑭᒧᐊᕈᑦ 518, ᐅᓇ ᐃᖅᑲᓇᐃᔮᔅᓴᖅ ᒪᑐᐃᖓᔪᖅ ᓄᓇᕗᑦ ᒐᕙᒪᒃᑯᑦ ᐃᖅᑲᓇᐃᔭᖅᑎᑐᐊᖏᓐᓄᑦ.

ᐃᖅᑲᓇᐃᔭᖅᑎᓄᑦ ᐱᓕᕆᖃᑎᖃᓂᕐᒧᑦ ᖃᐅᔨᓴᖅᑎ ᐅᖃᐅᔨᒋᐊᖃᑦᑕᖅᑐᖅ, ᐃᓕᓐᓂᐊᑎᑦᑎᔪᖅ ᐊᒻᒪ ᑐᑭᒧᐊᖅᑎᑦᑎᔪᖅ ᐱᓕᕆᕕᓐᓄᑦ ᐊᐅᓚᑦᑎᔪᓂᑦ ᐃᖅᑲᓇᐃᔭᖅᑎᑦᑎᔪᒥ/ᐃᖅᑲᓇᐃᔭᖅᑎᓄᑦ ᐱᓕᕆᐊᓄᑦ, ᓈᒻᒪᓴᖏᓂᕐᒧᑦ ᐊᒻᒪ ᖃᓄᐃᓕᒋᐊᕈᑏᑦ ᐱᒻᒪᕆᐅᔪᑦ ᐱᕙᓪᓕᐊᑎᑦᑎᓂᕐᒧᑦ ᐊᒻᒪ ᒪᑭᒪᑎᑦᑎᓂᕐᒧᑦ ᐱᔪᓐᓇᑎᐊᖅᑐᒥᑦ ᐃᖅᑲᓇᐃᔭᖃᑎᒌᑦᑎᐊᓂᕐᒥᑦ ᓄᓇᕗᑦ ᒐᕙᒪᒃᑯᑦ (GN) ᐱᓕᕆᕕᓐᓂᑦ, ᑲᑎᒪᔨᓂᑦ ᐊᒻᒪ ᑎᒥᐅᔪᓂᑦ. ᐃᖅᑲᓇᐃᔮᔅᓴᖅ ᓴᖅᑭᔮᖅᑎᑦᑎᔪᖅ ᐱᓕᕆᖃᑎᒌᑦᑎᐊᓂᕐᒥᑦ ᐋᔩᖃᑎᒌᑦᑐᓂᑦ ᑎᒥᐅᔪᓂᑦ ᐊᒻᒪ ᒐᕙᒪᒃᑯᑦ ᐱᓕᕆᕕᖏᓐᓄᑦ, ᑲᑎᒪᔨᓂᑦ ᐊᒻᒪ ᑎᒥᐅᔪᓂᑦ. ᓇᓗᓇᐃᖅᓯᑦᑎᐊᕈᓐᓇᕐᓂᖅ ᒪᓕᒐᕐᓂᑦ, ᐊᖏᕈᑏᑦ ᐊᒻᒪ ᐃᓄᓐᓄᑦ ᐱᔪᓐᓇᐅᑏᑦ ᒪᓕᒐᕐᓂᑦ ᐊᑦᑐᐃᓂᖃᖅᑐᑦ ᐃᖅᑲᓇᐃᔭᖅᑎᑦᑎᔪᒥ/ᐃᖅᑲᓇᐃᔭᖅᑎᓂᑦ ᐱᓕᕆᖃᑎᒌᓐᓂᖏᓐᓄᑦ ᐊᒥᓱᓂᑦ ᐊᑦᑐᐃᓂᖃᖅᑐᑦ ᒐᕙᒪᒃᑯᑦ ᐃᖅᑲᓇᐃᔭᖅᑎᖏᓐᓂᑦ, ᐱᓗᐊᖅᑐᒥᑦ ᐊᑭᖏᓐᓂᑦ ᐊᒻᒪ ᐱᕙᓪᓕᐊᑎᐊᕐᓂᖏᓐᓂᑦ. ᐊᓯᐊᒍᑦ ᐋᖅᑭᒍᑏᑦ, ᐊᖏᖃᑎᒌᒐᓱᐊᕈᑏᑦ ᐊᒻᒪ ᖃᐅᔨᓴᓂᕐᒧᑦ ᐱᔨᑦᑎᖅᑕᑦ ᐱᓕᕆᕕᓐᓄᑦ ᐱᒻᒪᕆᐅᔪᖅ ᒐᕙᒪᒃᑯᓐᓄᑦ ᐋᖅᑭᔅᓯᒪᓂᖓᓄᑦ, ᑐᓂᓯᕙᑦᑐᖅ GN−ᑯᓐᓄᑦ ᐃᖅᑲᓇᐃᔭᖅᑎᑦᑎᔨᐅᓪᓗᓂ, ᐃᖅᑲᓇᐃᔭᖅᑎᖃᖅᑐᓂ ᐊᒻᒪ ᐸᕕᓴᐃᖏᑎᑦᑎᓪᓗᓂ ᐃᖅᑲᓇᐃᔭᕐᕕᐅᔪᒥᑦ.

ᖃᐅᔨᓴᖅᑎ ᑐᓂᓯᔪᖅ ᐱᕙᓪᓕᐊᑎᑦᑎᓂᕐᒥᑦ ᐊᒻᒪ ᒪᑭᒪᑎᑦᑎᓂᕐᒥᑦ ᐱᐅᔪᓂᑦ ᐃᖅᑲᓇᐃᔭᕐᕕᐅᔪᓂᑦ ᐱᓂᕆᖃᑎᒌᓐᓂᕐᒥᑦ ᓄᓇᕗᑦ ᒐᕙᒪᒃᑯᓐᓄᑦ ᒪᓕᓐᑐᑎ ᒪᓕᒐᕐᓂᑦ ᒪᓕᑦᑕᐅᒋᐊᓕᓐᓂᑦ, ᐊᖏᕈᑎᓂᑦ, ᐊᒻᒪ ᐃᓄᐃᑦ ᐅᑉᐱᕆᔭᖏᑦ. ᐃᖅᑲᓇᐃᔭᖅᑎᓄᑦ ᐱᓕᕆᖃᑎᖃᓂᕐᒧᑦ ᖃᐅᔨᓴᖅᑎ ᐃᓚᒋᔭᐅᔪᖅ ᑎᓴᒪᓂᑦ ᖃᐅᔨᓴᖅᑎᓂᑦ ᐊᖏᔪᖅᑳᖃᖅᑐᓂ  ᐊᐅᓚᑦᑎᔨᒥᑦ ᐃᕿᖅᑲᓇᐃᔭᖅᑎᓄᑦ ᐱᓕᕆᐊᓄᑦ. ᐃᖅᑲᓇᐃᔮᖅᑖᖅᑐᖅ ᐅᖃᐅᔾᔨᒋᐊᖅᑐᖅ, ᐃᓕᓐᓂᐊᑎᑦᑎᔪᖅ ᐊᒻᒪ ᑐᑭᒧᐊᖅᑎᑦᑎᔪᖅ ᐱᓕᕆᕕᓐᓄᑦ ᐱᔾᔪᑎᖃᖅᑐᓂᑦ ᐃᖅᑲᓇᐃᔭᖅᑎᓄᑦ ᐱᓕᕆᐊᓄᑦ, ᓇᓗᓇᐃᖅᑕᐅᓂᖏᓐᓄᑦ ᐊᖏᕈᑏᑦ, ᐅᖃᖅᓯᒪᓂᖏᑦ ᐊᒻᒪ ᖃᓄᐃᓐᓂᕆᒋᐊᓕᖏᑦ ᐃᖅᑲᓇᐃᔮᖑᔪᑦ, ᐊᒻᒪ ᐊᓯᒍᑦ ᐋᖅᑭᒍᑎᐅᔪᑦ. ᐃᖅᑲᓇᐃᔮᑖᖅᑐᖅ ᖃᐅᔨᓴᖃᑦᑕᖅᑐᖅ ᐊᒻᒪ ᐊᖏᖃᑎᒌᒐᓱᐊᖅᑎᐅᓪᓗᓂ ᐊᑲᐅᖏᓕᐅᕈᑎᐅᔪᓂᑦ ᐊᐃᕙᔾᔪᑕᐅᔪᓂᑦ ᑲᑎᒪᓂᐅᔪᓂᑦ ᐊᒻᒪ ᐊᓯᖏᓐᓄᑦ ᓈᓚᓐᓂᐅᔪᓂᑦ ᐱᓕᕆᐊᖑᒋᐊᓕᓐᓂᑦ.

ᐃᖅᑲᓇᐃᔮᑖᖅᑐᖅ ᑭᒡᒐᖅᑐᐃᔪᖅ ᓄᓇᕗᑦ ᒐᕙᒪᒃᑯᓐᓂᑦ ᐋᔩᖃᑎᒌᑦᑐᓂᑦ ᐊᒻᒪ ᐃᓄᓐᓄᑦ ᐱᔪᓐᓇᐅᑎᓄᑦ ᑲᑎᒪᓂᖃᖅᑎᓪᓗᒋᑦ, ᐊᒻᒪ ᓂᕆᐅᒋᔭᐅᔪᖅ ᐋᖅᑭᖃᑎᖃᕐᓗᓂ, ᓈᒻᒪᖏᒍᑎᓂᑦ, ᐊᒻᒪ ᐊᐃᕙᔾᔪᑕᐅᔪᓂᑦ ᐊᑐᖅᑐᓂ ᐊᓯᐊᒍᑦ ᐋᖅᑭᒍᑎᔅᓴᐃᑦ’. ᑕᐃᒪᐃᓐᓂᖓᓄᑦ, ᖃᐅᔨᓴᖅᑎ ᓇᓗᓇᐃᖅᓯᓯᒪᔭᕆᐊᓕᒃ ᑎᑎᕋᖅᓯᒪᔪᓂᑦ ᐃᓄᓐᓄᑦ ᓈᓚᑦᑕᐅᔪᓄᑦ ᑲᑎᒪᑎᑦᑎᓂᕐᒥᑦ (ᓲᕐᓗ, ᐋᔨᖃᑎᒌᓐᓂᕐᒥᑦ ᐊᒻᒪ ᐃᓄᓐᓄᑦ ᐱᔪᓐᓇᐅᑎᓄᑦ ᑲᑎᒪᑎᑦᑎᓂᕐᒥᑦ) ᐃᖅᑲᓇᐃᔮᑖᖅᑐᖅ ᐱᓯᒪᑦᑎᔭᕆᐊᓕ: ᖃᐅᔨᒪᓂᖃᑦᑎᐊᓂᕐᒥᑦ, ᐋᖅᑭᔅᓯᒍᓐᓇᓂᕐᒥᑦ, ᖃᐅᔨᓴᕐᓂᖅ ᐊᒻᒪ ᖃᐅᔨᓴᐃᖃᑦᑕᖅᓯᒪᓗᓂ ᐊᔾᔨᒌᖏ  ᑦᑐᓂᑦ ᐊᑲᐅᖏᓕᐅᕈᑎᓂᑦ ᖃᓄᐃᓕᖓᓂᕆᔭᖏᓐᓂᑦ; ᑐᓴᐅᒪᔾᔪᑎᓕᕆᔪᓐᓇᑎᐊᕐᓗᓂ ᐅᖃᐅᓯᒃᑯᑦ ᑎᑎᕋᖅᓯᒪᔪᒃᑯᓪᓗ; ᐃᖅᑲᓇᐃᔭᖃᑕᐅᑦᑎᐊᕈᓐᓇᕐᓗᓂ, ᐊᓯᒌᖏᑦᑑᑎᓂᑦ ᐊᐅᓚᑦᑎᔨᓂᑦ ᐊᒻᒪ ᒪᓕᒐᕐᓂᑦ ᐅᖃᐅᔾᔨᒋᐊᖅᑎᓂᑦ, ᖃᐅᔨᓴᕈᓐᓇᕐᓗᓂ ᑎᑎᕋᕐᓗᒋᑦ ᖃᐅᔨᔭᐅᔪᑦ ᒪᓕᒐᕐᓅᖓᔪᓂᑦ. ᐊᑕᖏᖅᑐᒍᓕ, ᐱᑕᖃᕆᐊᖃᖅᑎᑕᐅᔪᖅ ᐃᖅᑲᓇᐃᔭᖅᑎᓄᑦ ᐱᓕᕆᖃᑎᖃᓂᕐᒧᑦ ᖃᐅᔨᓴᖅᑎ ᐊᐅᓚᓂᖃᖅᑐᖅ ᐃᓱᒪᖅᓱᖅᑐᓂ ᐊᒻᒪ ᑲᓐᖑᓇᖅᑎᑏᓐᓇᖅᑐᓂ.

ᐃᖅᑲᓇᐃᔮᖅᑖᖁᒥᓇᖅᑎᑕᐅᔪᖅ ᓇᓗᓇᐃᒃᑯᑕᖃᕐᓗᓂ ᐃᓕᓐᓂᐊᕕᒃᔪᐊᒥᑦ ᓇᓗᓇᐃᒃᑯᑕᖃᕐᓗᓂᓘᓐᓃᑦ (IR, HR ᐅᕝᕙᓘᓐᓃᑦ ᐊᑦᑐᐊᓂᓕᓐᓄᑦ ᐃᓅᖃᑎᒌᓂᕐᒧᑦ ᖃᐅᔨᓴᓂᕐᒧᑦ) ᐊᕐᒍᒥ ᐊᑕᐅᓯᕐᒥᑦ (1) ᐃᖅᑲᓇᐃᔭᖅᑐᓕᕆᓂᕐᒧᑦ ᐱᑕᖃᕆᐊᖃᖅᑎᑕᐅᔪᖅ.

ᖃᐅᔨᒪᓂᖃᕆᐊᓕᒃ ᐊᑐᖃᑦᑕᖅᑐᓂᑦ ᐱᓕᕆᕕᓐᓂᑦ, ᑲᑎᒪᔨᓂᑦ ᐊᒻᒪ ᑎᒥᐅᔪᓂᑦ ᓄᓇᕗᒻᒥ ᐊᒻᒪ ᑐᑭᓯᐅᒪᓂᖃᑦᑎᐊᕐᓗᓂ ᐊᑭᓕᖅᑕᐅᓂᕐᒧᑦ ᐊᑐᐊᒐᕐᓂᑦ ᐊᒻᒪ ᐊᑐᖅᑕᐅᕙᑦᑐᓂᑦ. ᖃᐅᔨᒪᓂᖃᕆᐊᓕᒃ ᐃᓄᐃᑦ ᐅᖃᐅᓯᖏᓐᓂᑦ, ᓄᓇᓕᖏᓐᓂᑦ, ᐱᖅᑯᓯᖏᓐᓂᑦ, ᓄᓇᖓᓂ ᐊᒻᒪ ᐃᓄᐃᑦ ᖃᐅᔨᒪᔭᑐᖃᖏᓐᓂᑦ.

ᐱᓇᓱᐊᕈᓐᓇᖅᑎᑕᐅᔪᑦ ᓴᖅᑭᖅᑕᐅᔪᓐᓇᖅᑐᑦ ᓯᕗᓂᔅᓴᒥ ᐃᓐᓄᐃᔪᓐᓇᖅᑐᓂᑦ.

  • ᓄᓇᕗᒻᒥ ᒐᕙᒪᒃᑯᑦ ᓴᖅᑭᑎᓯᒪᔪᒪᖕᒪᑕ ᑭᒡᒐᖅᑐᐃᓂᖅᓴᐅᔪᓂᒃ ᐱᓕᕆᔨᐅᔪᓂᒃ ᑐᑭᓯᐅᒪᒃᑲᓐᓂᕈᒪᓪᓗᑎᒃ ᐊᒻᒪᓗ ᐱᔨᑦᑎᕈᒪᓪᓗᑎᒃ ᐱᔭᐅᔪᒪᕙᒃᑐᑦ ᓄᓇᕗᒻᒥᐅᓂᑦ. ᑲᔪᓯᑦᑎᐊᖁᓪᓗᒋᑦ, ᓯᕗᓪᓕᖅᐸᐅᔾᔭᐅᓇᔭᖅᑐᑦ ᓄᓇᕗᒻᒥ ᓄᓇᖃᖃᑕᐅᔪᑦ
  • ᓂᕈᐊᒐᒃᓴᐅᔪᑦ ᓇᓗᓇᐃᖅᓯᑦᑎᐊᕆᐊᓖᑦ ᐱᔪᓐᓇᖅᑎᑕᐅᓂᕐᒥᖕᓂᒃ ᓯᕗᓕᐅᔾᔭᐅᔪᒪᒍᑎ
  • ᐃᓱᒪᒋᔭᐅᔪᒪᓂᕐᒧᑦ ᑖᔅᓱᒨᓇ ᓄᓇᕘᒥ ᓯᕗᓪᓕᐅᔾᔨᑎᑦᑎᓂᕐᒧᑦ ᐃᖅᑲᓇᐃᔭᖅᑎᑖᕐᓂᕐᒧᑦ ᐊᑐᐊᒐᒃᑯᑦ. ᐱᕋᔭᒃᓯᒪᓂᕐᒧᑦ ᐸᐃᐹᒥᒃ ᐱᓯᒪᔪᑦ ᐱᔭᐅᔾᔮᖏᓐᓂᕋᖅᑕᐅᔪᓐᓇᙱᓚᑦ ᐃᓱᒪᒃᓴᖅᓯᐅᕈᑕᐅᓇᔭᖅᑐᑦ ᑭᓯᐊᓂ.
  • ᐃᖅᑲᓇᐃᔮᒧᑦ ᓇᓗᓇᐃᔭᖅᓯᒪᔪᑦ ᑭᓱᓕᕆᖃᑦᑕᕋᔭᕐᓂᕐᒧᑦ ᐱᔭᐅᔪᓐᓇᖅᑐᑦ ᓱᒃᑲᔪᒃᑯᑦ ᐅᕝᕙᓘᓐᓃᑦ ᐃᕐᖐᓐᓈᕈᑎᒃᑯᑦ ᐅᕝᕙᓘᓐᓃᑦ ᐃᑭᐊᖅᑭᕕᐊᒍᑦ.
  • ᑕᐃᒃᑯᐊ ᓂᕈᐊᖅᑕᐅᔪᑦ ᐊᐱᖅᓱᖅᑕᐅᔪᒃᓴᖑᖅᖢᑎᒃ ᐅᖃᕐᕕᒋᔭᑐᐊᕆᓇᔭᖅᑕᕗᑦ ᐊᐱᕐᓱᕐᓂᐊᕐᓗᑎᒍ
ᑐᓴᕆᐊᕐᕕᒃᓴᖅ: 
ᑮᓇᐅᔭᓕᕆᔨᒃᑯᑦ (Department of Finance Iqaluit)

ᓄᓇᕗᑦ ᒐᕙᒪᒃᑯᑦ
PO Box 1000, Station 430, Iqaluit, Nunavut X0A 0H0
ᐅᖃᓘᑖ: (867) 975-6222
ᐊᑭᖃᙱᑦᑐᖅ: 1-888-668-9993
ᓱᒃᑲᔪᖅ: (867) 975-6220
ᐃᕐᖐᓐᓇᖅ: gnhr@gov.nu.ca
www.gov.nu.ca/finance