ᐅᖃᓚᐅᑎᓯᐅᑏᑦ

You are here

ᐅᐸᓗᖓᐃᔭᐅᑎᓂᒃ ᐃᓕᓐᓂᐊᕈᑎᑦᓴᓂᒃ ᐸᕐᓇᓂᕐᒧᑦ ᐅᖃᐅᔾᔨᒋᐊᖅᑎ

Groups: 
ᐃᓕᓐᓂᐊᕐᓂᓕᕆᔨᒃᑯᑦ
ᓄᓇᓕᒃ: 
ᐃᖃᓗᖕᓂ
ᓇᓗᓇᐃᒃᑯᑖ: 
09-504052
ᐃᒪᓐᓇᐃᑦᑑᓂᖓ ᐃᖃᓇᐃᔭᖅ: 
ᐃᖃᓇᐃᔭᖅᑎᐅᑲᐃᓇᖅᑐᖅ
ᑲᑐᔨᖃᑎᒋᑦ ᖃᓄᐃᓕᖓᒡᒪᖔᑕ: 
ᑕᓐᓇ ᐃᖃᓇᐃᔮᖅ ᐃᓚᒋᔭᐅᕗᖅ ᓄᓇᕗᑦ ᐃᖃᓇᐃᔭᖅᑎᐅᖃᑎᒋᑦ ᑲᑐᔨᖃᑎᒋᖏᓂ
ᑮᓐᓇᐅᔭᒃᓵᖓ: 
$ 92,196.00 ᐊᕐᕌᒍᑕᒫᑦ, 37.5 ᐃᑲᕐᕋᖅ/ᐱᓇᓱᐊᕈᓯᖅ
ᑐᓴᕆᐊᕐᕕᒃᓴᖅ: 
$ 15,016.00 ᐊᕐᕌᒍᑕᒫᑦ
ᑖᓐᓇ ᐃᖅᑲᓇᐃᔮᖅ ᐃᒡᓗᖃᖅᑎᑕᐅᔪᖅ
Closing Date: 
ᐊᒃᑐᐸ 27, 2017

ᑖᓐᓇ ᐃᖅᑲᓇᐃᔮᖅ ᐃᑉᐱᓐᓇᕆᐊᑭᑦᑐᓕᕆᓲᖅ ᖃᐅᔨᓴᖅᑕᐅᓂᖃᕆᐊᓕᒃ ᐱᕋᔭᑦᓯᒪᐅᑎᖃᓐᖏᒃᑲᓗᐊᕐᒪᖔᖅ ᖃᐅᔨᓴᖅᑕᐅᓂᖃᕐᓗᓂᓗ ᐃᖅᑲᓇᐃᔭᕈᓐᓇᑦᓯᐊᕋᓗᐊᕐᒪᖔᖅ.

ᐅᓇ ᐃᖅᑲᓇᐃᔮᑦᓴᖅ ᒪᑐᐃᖓᔪᖅ ᐃᖅᑲᓇᐃᔮᖅᑖᕋᓱᐊᕈᒪᔪᓕᒫᓄᑦ.

ᐊᖓᔪᖅᑳᖃᕐᓗᓂ ᐊᖓᔪᖅᑳᖓᓐᓂᒃ, ᐸᕐᓇᓐᓂᕐᒧᑦ, ᐅᓂᒃᑳᓕᐅᕐᓂᕐᒧᑦ ᐊᒻᒪᓗ ᕿᒥᕐᕈᓂᕐᒧᑦ (ᐊᖓᔪᖅᑳᖅ), ᐅᐸᓗᖓᐃᔭᐅᑎᓂᒃ ᐃᓕᓐᓂᐊᕈᑎᑦᓴᓂᒃ ᐸᕐᓇᓂᕐᒧᑦ ᐅᖃᐅᔾᔨᒋᐊᖅᑏᑦ (ᐅᖃᐅᔾᔨᒋᐊᖅᑎ) ᑎᒍᒥᐊᖅᑐᖅ ᖃᐅᔨᕐᓴᕐᓂᕐᒥᒃ ᒥᓂᔅᑕᐅᕕᐅᑉ ᐃᓕᓐᓂᐊᕈᑎᓂᒃ ᑭᓐᖒᒪᔭᖏᓐᓂᒃ ᓴᓐᖏᓕᖅᐹᓪᓕᖁᓪᓗᒍ ᐃᓕᓐᓂᐊᕋᑦᓴᓂᒃ ᐱᔨᑦᓯᕋᐅᑎᓂᓪᓗ ᑲᔪᓯᑎᑦᓯᓂᖅ ᐊᒻᒪᓗ ᒥᓂᔅᑕᐅᕕᒻᒥ ᐊᐅᓚᓂᐅᔪᓂᒃ. ᐅᖃᐅᔾᔨᒋᐊᖅᑎ ᐱᓕᕆᐊᖃᓲᖅ ᓇᓗᓇᐃᔭᐃᓂᕐᒥᒃ ᐃᓕᓐᓂᐊᕋᑎᑦᓴᓂᒃ ᐊᒥᒐᕈᑕᐅᔪᓂᒃ ᐃᓕᓐᓂᐊᖅᑐᓕᕆᔨᒃᑯᑦ ᐃᓕᓐᓂᐊᕋᑦᓴᐅᑎᑕᖏᓐᓂᒃ, ᐱᔨᑦᓯᕋᐅᑎᓂᒃ ᐊᐅᓚᓂᐅᔪᓂᓪᓗ. ᐅᖃᐅᔾᔨᒋᐊᖅᑎ ᓇᓗᓇᐃᔭᐃᓲᖅ ᐊᒥᒐᖅᓯᒍᑕᐅᔪᓂᒃ ᐃᓕᓐᓂᐊᑎᑦᓯᒍᑎᓂᒃ ᐃᓕᓐᓂᐊᖅᑐᓕᕆᔨᒃᑯᑦ ᐃᓕᓐᓂᐊᕋᑦᓴᐅᑎᑕᖏᓐᓂᒃ, ᐱᔨᑦᓯᕋᐅᑎᖏᓐᓂᒃ ᐊᐅᓚᓂᖏᓐᓂᓪᓗ; ᐃᓱᒪᓕᐅᕆᓲᖑᑦᓱᑎᓪᓗ ᐃᓕᐅᖅᑲᖅᑕᐅᓂᖏᓐᓄᑦ ᐃᓕᓐᓂᐊᑎᑦᓯᒍᑎᑦᓴᐃᑦ ᐱᕚᓪᓕᕈᑕᐅᓂᐊᖅᑎᓪᓗᒋᑦ ᐃᓕᓐᓂᐊᖅᑐᓕᕆᓂᐅᑉ ᐊᐅᓚᓂᖓᓄᑦ ᐊᒻᒪᓗ ᐊᖏᓂᖅᐹᓂᒃ ᐅᑎᕐᕕᐅᓲᖑᑦᓱᑎᒃ. ᐅᖃᐅᔾᔨᒋᐊᖅᑎ ᐃ?ᔪᖅᓯᖃᑦᑕᖅᑐᖅ ᑎᑭᐅᑎᒋᐊᕐᓂᕐᒧᑦ ᑖᒃᑯᓄᖓ ᑎᑭᐅᑎᔭᐅᒍᒪᔪᓄᑦ ᕿᒥᕐᕈᓂᐅᒃᑯᑦ ᐊᑐᐃᓐᓇᐅᔪᓂᒃ ᓯᐊᒻᒪᖅᑎᖅᑕᐅᓂᖏᓐᓄᓪᓗ ᐃᓕᓐᓂᐊᖅᑐᓕᕆᔨᒃᑯᓐᓂ ᐃᓕᓐᓂᐊᑎᑦᓯᒍᑎᑦᓴᐃᑦ ᑕᑯᓐᓈᒐᖃᖅᓱᑎᒃ ᐊᖏᓪᓕᑎᕆᓂᕐᒥᒃ ᑲᔪᓯᑦᓯᐊᕈᓐᓇᕐᓂᕐᒥᒃ, ᐊᑦᑐᐃᓂᖏᓐᓂᓪᓗ ᐃᓕᓐᓂᐊᖅᑐᓕᕆᔨᒃᑯᑦ ᐃᓕᓐᓂᐊᕋᑦᓴᐅᑎᑕᖏᑦᑕ, ᐱᔨᑦᓯᕋᐅᑎᖏᑦᑕ ᐊᐅᓚᓂᖏᑦᑕᓗ.  

ᐅᖃᐅᔾᔨᒋᐊᖅᑎ ᐃᓚᒋᔭᐅᖃᑦᑕᕐᓂᐊᖅᑐᖅ ᐃᓕᓐᓂᐊᖅᑐᓕᕆᔨᒃᑯᓐᓂ ᐅᐸᓗᖓᐃᔭᐅᑎᓂᒃ ᐸᕐᓇᐅᑎᖃᖅᑎᓪᓗᒋᑦ ᑐᑭᓯᓯᒪᓂᖃᕐᓗᓂ ᐃᓕᓐᓂᐊᖅᑐᓕᕆᔨᒃᑯᑦ ᓂᕆᐊᒋᔭᖏᓐᓂᒃ, ᑎᑭᐅᑎᒍᒪᔭᖏᓐᓂᒃ, ᓯᕗᓪᓕᐅᑎᔭᖏᓐᓂᒃ, ᐊᐅᓚᓂᕆᒍᒪᔭᖏᓐᓂᒃ ᐊᒻᒪᓗ ᐊᑐᐃᓐᓇᐅᑎᑦᓯᓂᒃᑯᑦ ᖃᐅᔨᒪᓂᕐᒥᒃ ᐃᓕᓐᓂᐊᕈᑎᑦᓴᐅᒋᐊᓕᓐᓂᒃ ᑎᑭᐅᑎᒍᑎᒋᓗᒋᑦ ᓯᕗᓂᑦᑎᓐᓂ ᑎᑭᐅᑎᔭᐅᒍᒪᔪᓄᑦ, ᓯᕗᓪᓕᐅᑎᔭᐅᔪᓄᓪᓗ. ᐃᖅᑲᓇᐃᔮᖅᑖᖅᑐᖅ ᑐᓴᐅᒪᑎᑦᓯᖃᑦᑕᕐᓗᓂ ᐊᐅᓚᓂᕐᒧᑦ ᑭᓐᖒᒪᓇᖅᑐᓂᒃ ᑕᑯᓐᓈᕐᓗᒋᑦ ᑭᓐᖑᒪᓇᖅᑐᓂᒃ ᖃᐅᔨᓴᕐᓂᐅᔪᑦ ᐱᐅᓯᑦᓯᐊᕙᐅᓂᖅᐹᓂᓪᓗ ᖃᐅᔨᓴᕐᓂᕐᒧᑦ ᑲᔪᓯᑎᑕᐅᓯᒪᔪᓂᒃ ᐊᔾᔨᒐᓚᖏᓐᓄᑦ ᕿᒥᕐᕈᒐᑦᓴᐅᔪᓄᑦ ᑲᓇᑕᒥ ᐊᓯᖏᓐᓂᓗ. ᐅᖃᐅᔾᔨᒋᐊᖅᑎ ᑎᒍᒥᐊᕐᓂᐊᖅᑐᖅ ᓴᖅᑮᓂᕐᒥᒃ ᐊᕐᕌᒍᑕᒫᖅᓯᐅᑎᒥᒃ ᐊᓯᖏᓐᓂᓪᓗ ᑲᑎᒪᔨᓄᑦ ᐅᓂᒃᑳᓂᒃ, ᑐᓴᖅᑎᑦᓯᔾᔪᑎᓂᓪᓗ ᑐᑦᓯᕌᖑᒐᐃᑉᐸᑕ. ᐊᒻᒪᓗ ᐅᖃᐅᔾᔨᒋᐊᖅᑎ ᖃᐅᔨᓴᑦᓯᐊᕐᓂᐊᕐᒥᔪᖅ ᐊᐅᓚᓂᐅᔪᓂᒃ ᐊᐅᓚᑕᐅᔪᓂᒃ ᐃᓗᐊᓐᓂ ᑮᓇᐅᔭᖅᑑᑎᑦᓴᐃᑦ ᐱᔭᕇᖅᑕᐅᕙᒃᑲᓪᓕᐊᕐᒪᖔᑕ ᐱᕕᖃᕐᓂᐅᑉ ᐃᓗᐊᓂ. ᐃᖅᑲᓇᐃᔮᖅᑖᖅᑐᖅ ᐃᓚᐅᑎᖃᑦᑕᕐᓂᐊᖅᑐᖅ ᑲᑎᒪᔨᕋᓛᓄᑦ ᑭᒡᒐᖅᑐᐃᓗᓂ ᐃᓕᓐᓂᐊᖅᑐᓕᕆᔨᒃᑯᓐᓂᒃ ᑲᑎᒪᓂᐅᔪᓂ, ᐃᓕᓐᓂᐊᕐᓂᐅᔪᓂ, ᑲᑎᒪᓂᕐᔪᐊᕐᓂᓗ ᐱᓕᕆᐊᖃᖅᐸᓪᓗᓂ ᐊᑦᑐᐊᔪᓂᒃ ᑲᔪᓯᑦᓯᐊᖅᑐᒥᒃ ᐃᓕᓐᓂᐊᕈᑎᑦᓴᖃᖅᑎᑦᓯᓂᕐᒧᑦ ᐃᓕᓐᓂᐊᕋᑦᓴᐅᔪᓄᑦ ᐱᔨᑦᓯᕋᐅᑎᓄᓪᓗ.

ᐃᖅᑲᓇᐃᔮᖅᑕᖅᑐᑦ ᖃᐅᔨᒪᓂᖃᕐᓂᐊᖅᑐᖅ ᑐᑭᓯᓯᒪᓗᓂ ᐊᐅᓚᓂᖓᓂᒃ ᐃᓕᓐᓂᐊᖅᑐᓕᕆᓂᐅᑉ ᓄᓇᕗᒻᒥ ᐊᒻᒪᓗ ᐅᐸᓗᖓᐃᔭᐅᑎᓅᖓᔪᓂᒃ ᐊᑦᓱᕈᕐᓇᖅᑐᓂᒃ. ᐊᒻᒪᓗ ᓱᓕ, ᐅᖃᐅᔾᔨᒋᐊᖅᑎ ᖃᐅᔨᒪᓂᖃᕆᐊᓕᒃ ᑐᑭᓯᓯᒪᓗᓂᓗ ᐃᓕᓐᓂᐊᖅᑐᓕᕆᔨᒃᑯᑦ ᐃᓱᒻᒪᓯᖓᓐᓂᒃ, ᐃᓕᓐᓂᐊᕐᓂᕐᒧᑦ ᑐᓐᖓᕕᐅᔪᓂᒃ, ᐅᑉᐱᕆᔭᐅᔪᓂᒃ ᐊᒻᒪᓗ ᐃᓕᓐᓂᐊᕐᓂᕐᒥᒃ. ᐊᐅᓚᓂᐅᔪᓂᒃ ᐊᐅᓚᑦᓯᒍᓐᓇᕐᓗᓂ, ᐊᐅᓚᑦᓯᒍᓐᓇᕐᓗᓂ ᐊᑕᐅᓯᐅᓐᖏᑦᑐᒥᒃ ᐊᐅᓚᓂᕐᒥᒃ, ᑭᖑᕙᐅᖅᑲᖏᓪᓗ, ᒪᓕᑦᓯᐊᕐᓗᓂ ᑮᓇᐅᔭᖅᑑᑎᑦᓴᓂᒃ, ᐱᕕᖃᖅᑎᑦᓯᓯᐊᖅᐸᓪᓗᓂᓗ ᐊᐅᓚᓂᕐᒧᑦ ᐱᕙᓪᓕᐊᓂᐅᒋᐊᓕᓐᓂᒃ ᑕᕝᕙᓂ ᐃᖅᑲᓇᐃᔮᒥ. ᑕᒪᑦᓱᒪ ᖄᖓᒍᑦ, ᐃᖅᑲᓇᐃᔮᖅᑖᖅᑐᖅ ᓴᖅᑮᒍᓐᓇᕆᐊᓕᒃ ᑐᓴᕈᑎᑦᓴᓂᒃ ᐊᑑᑎᓕᓐᓂᓪᓗ ᐅᓂᒃᑳᓕᐅᕐᓗᓂ ᐃᑲᔪᖅᓯᔪᓂᒃ ᑎᒥᐅᔪᒧᑦ ᐊᓯᔾᔨᐸᓪᓕᐊᓂᕐᒥᒃ ᕿᒥᕐᕈᒍᓐᓇᕆᐊᖃᖅᓱᓂᓗ ᑕᒪᒃᑮᓐᓂᒃ ᐊᒥᓱᓂᖏᓐᓂᒃ ᐱᐅᓂᖏᓐᓂᓪᓗ ᑲᑎᓱᖅᑕᐅᔪᑦ ᐊᑐᕐᓗᓂ ᑖᒃᑯᓇᓐᖓᓪᓗᐊᖅ ᐊᐅᓚᓂᐅᒋᐊᓕᓐᓂᒃ.

ᐱᔪᓐᓇᕐᓂᐅᔪᑦ, ᖃᐅᔨᒪᓂᐅᔪᑦ, ᐱᓕᒻᒪᑦᓯᒪᓃᑦ ᐱᔭᕆᐊᓖᑦ ᐊᐅᓚᔾᔭᒋᐊᕈᑕᐅᓗᑎᒃ ᐱᔭᕆᐊᓕᓐᓄᑦ ᑕᕝᕙᓂ ᐃᖅᑲᓇᐃᔮᒥ ᐱᔭᐅᒐᔪᓲᑦ ᐃᓕᓐᓂᐊᕐᓂᖃᕐᓂᒃᑯᑦ ᑕᐃᔭᐅᔪᒥᒃ Bachelor’s Degree ᐊᓪᓚᕝᕕᓕᕆᓂᕐᒧᑦ, ᐱᓇᓱᐊᕐᕕᓐᓂᒃ ᐊᐅᓚᑦᓯᓂᕐᒧᑦ, ᐅᕝᕙᓗ ᐊᔾᔨᒐᓚᖏᓐᓅᖓᔪᓂᒃ. ᐃᖅᑲᓇᐃᔮᖅᑖᖅᑐᖅ ᐃᖅᑲᓇᐃᔭᖅᓯᒪᒋᐊᓕᒃ ᐊᕐᕌᒍᓂᒃ ᐱᖓᓱᓂᒃ ᐃᓕᓐᓂᐊᕈᑎᑦᓴᓂᒃ ᐸᕐᓇᐅᑎᖃᕐᓂᒥᒃ. ᐊᔾᔨᒐᓚᖏᖏᑦ ᐃᓗᓕᖃᖅᑐᑦ ᓈᒻᒪᒋᔭᐅᓂᒃ ᐃᓕᓐᓂᐊᖅᓯᒪᓂᕐᒥᒃ, ᐱᓕᒻᒪᑦᓯᒪᓂᕐᒥᒃ, ᖃᐅᔨᒪᓂᕐᒥᒃ, ᐱᔪᓐᓇᕐᓂᐅᔪᓂᓪᓗ ᐃᓱᒪᒋᔭᐅᑐᐃᓐᓇᕆᐊᓕᒃ.  

ᐃᓕᓐᓂᐊᖅᓯᒪᓂᖃᕐᓂᖅ ᑕᐃᔭᐅᔪᒥᒃ Master’s degree ᖃᐅᔨᒪᑦᓯᐊᕐᓗᓂᓗ ᓄᓇᕗᒻᒥ ᐃᓕᓐᓂᐊᖅᑐᓕᕆᓂᕐᒥᒃ ᑕᑯᓐᓈᖅᑕᐅᒐᔭᖅᑐᖅ ᐊᑑᑎᖃᕆᐊᖓ. ᐅᖃᕈᓐᓇᑦᓯᐊᕐᓂᖅ ᐊᑕᐅᓯᐅᓐᖏᑦᑐᒥᒃ ᐅᖃᐅᓯᕐᒥᒃ ᐃᓕᑕᕆᔭᐅᓯᒪᔪᒥᒃ ᓄᓇᕗᒻᒥ ᐊᒻᒪᓗ ᖃᐅᓕᒪᓂᖅ ᐃᓄᐃᑦ ᐅᖃᐅᓯᖓᓐᓂᒃ, ᓄᓇᓕᖏᓐᓂᒃ, ᐱᖅᑯᓯᖓᓐᓂᒃ, ᓄᓇᒥᒃ ᐊᒻᒪᓗ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ ᐊᑑᑎᖃᖅᑑᑎᒋᔭᐅᒻᒥᔪᖅ. 

  • ᓄᓇᕗᒻᒥ ᒐᕙᒪᒃᑯᑦ ᓴᖅᑭᑎᓯᒪᔪᒪᖕᒪᑕ ᑭᒡᒐᖅᑐᐃᓂᖅᓴᐅᔪᓂᒃ ᐱᓕᕆᔨᐅᔪᓂᒃ ᑐᑭᓯᐅᒪᒃᑲᓐᓂᕈᒪᓪᓗᑎᒃ ᐊᒻᒪᓗ ᐱᔨᑦᑎᕈᒪᓪᓗᑎᒃ ᐱᔭᐅᔪᒪᕙᒃᑐᑦ ᓄᓇᕗᒻᒥᐅᓂᑦ. ᑲᔪᓯᑦᑎᐊᖁᓪᓗᒋᑦ, ᓯᕗᓪᓕᖅᐸᐅᔾᔭᐅᓇᔭᖅᑐᑦ ᓄᓇᕗᒻᒥ ᓄᓇᖃᖃᑕᐅᔪᑦ
  • ᓂᕈᐊᒐᒃᓴᐅᔪᑦ ᓇᓗᓇᐃᖅᓯᑦᑎᐊᕆᐊᓖᑦ ᐱᔪᓐᓇᖅᑎᑕᐅᓂᕐᒥᖕᓂᒃ ᓯᕗᓕᐅᔾᔭᐅᔪᒪᒍᑎ
  • ᐃᓱᒪᒋᔭᐅᔪᒪᓂᕐᒧᑦ ᑖᔅᓱᒨᓇ ᓄᓇᕘᒥ ᓯᕗᓪᓕᐅᔾᔨᑎᑦᑎᓂᕐᒧᑦ ᐃᖅᑲᓇᐃᔭᖅᑎᑖᕐᓂᕐᒧᑦ ᐊᑐᐊᒐᒃᑯᑦ. ᐱᕋᔭᒃᓯᒪᓂᕐᒧᑦ ᐸᐃᐹᒥᒃ ᐱᓯᒪᔪᑦ ᐱᔭᐅᔾᔮᖏᓐᓂᕋᖅᑕᐅᔪᓐᓇᙱᓚᑦ ᐃᓱᒪᒃᓴᖅᓯᐅᕈᑕᐅᓇᔭᖅᑐᑦ ᑭᓯᐊᓂ.
  • ᐃᖅᑲᓇᐃᔮᒧᑦ ᓇᓗᓇᐃᔭᖅᓯᒪᔪᑦ ᑭᓱᓕᕆᖃᑦᑕᕋᔭᕐᓂᕐᒧᑦ ᐱᔭᐅᔪᓐᓇᖅᑐᑦ ᓱᒃᑲᔪᒃᑯᑦ ᐅᕝᕙᓘᓐᓃᑦ ᐃᕐᖐᓐᓈᕈᑎᒃᑯᑦ ᐅᕝᕙᓘᓐᓃᑦ ᐃᑭᐊᖅᑭᕕᐊᒍᑦ.
  • ᑕᐃᒃᑯᐊ ᓂᕈᐊᖅᑕᐅᔪᑦ ᐊᐱᖅᓱᖅᑕᐅᔪᒃᓴᖑᖅᖢᑎᒃ ᐅᖃᕐᕕᒋᔭᑐᐊᕆᓇᔭᖅᑕᕗᑦ ᐊᐱᕐᓱᕐᓂᐊᕐᓗᑎᒍ
ᑐᓴᕆᐊᕐᕕᒃᓴᖅ: 
ᑮᓇᐅᔭᓕᕆᔨᒃᑯᑦ (Department of Finance Iqaluit)

ᓄᓇᕗᑦ ᒐᕙᒪᒃᑯᑦ
PO Box 1000, Station 430, Iqaluit, Nunavut X0A 0H0
ᐅᖃᓘᑖ: (867) 975-6222
ᐊᑭᖃᙱᑦᑐᖅ: 1-888-668-9993
ᓱᒃᑲᔪᖅ: (867) 975-6220
ᐃᕐᖐᓐᓇᖅ: gnhr@gov.nu.ca
www.gov.nu.ca/finance