ᐅᖃᓚᐅᑎᓯᐅᑏᑦ

You are here

ᐃᓕᓐᓂᐊᕐᕕᖕᒥ ᑎᑎᕋᖅᑎ

Groups: 
ᐃᓕᓐᓂᐊᕐᓂᓕᕆᔨᒃᑯᑦ
ᓄᓇᓕᒃ: 
ᓴᓂᑭᓗᐊᖅᒥᑦ
ᓇᓗᓇᐃᒃᑯᑖ: 
09-504308
ᐃᒪᓐᓇᐃᑦᑑᓂᖓ ᐃᖃᓇᐃᔭᖅ: 
ᒪᑐᐃᖓᑎᑕᐅᒐᔭᖅᑐᖅ ᐊᑖᐅᓯᒃ ᐱᖓᓱᓄᑦ
ᑲᑐᔨᖃᑎᒋᑦ ᖃᓄᐃᓕᖓᒡᒪᖔᑕ: 
ᑕᓐᓇ ᐃᖃᓇᐃᔮᖅ ᐃᓚᒋᔭᐅᕗᖅ ᓄᓇᕗᑦ ᐃᖃᓇᐃᔭᖅᑎᐅᖃᑎᒋᑦ ᑲᑐᔨᖃᑎᒋᖏᓂ
ᑮᓐᓇᐅᔭᒃᓵᖓ: 
$63,804 ᐊᕐᕌᒍᒧᑦ 18.75 ᐃᑲᕐᕋᐃᑦ/ᐱᓇᓱᐊᕈᓯᕐᒧᑦ
ᑐᓴᕆᐊᕐᕕᒃᓴᖅ: 
$20,293 ᐊᕐᕌᒍᒧᑦ
ᐃᒡᓗᒃᓴᖅᑕᖃᙱᑦᑐᖅ ᐃᖅᑲᓇᐃᔭᓕᕐᓂᐊᖅᑐᒧᑦ
Closing Date: 
ᐊᒃᑐᐸ 27, 2017

ᑖᓐᓇ ᐃᓂᐅᔪᖅ ᐱᒻᒪᕆᐅᔪᖅ ᑐᓂᓯᓯᒪᔭᕆᐊᖃᖅᑐᖅ ᐊᑲᐅᔪᒥᒃ ᐸᓯᔭᒃᓴᙳᓚᐅᖅᓯᒪᙱᓐᓂᕋᐃᔪᒥᒃ ᖃᓄᐃᓕᖓᓂᖓᑕ ᐃᒻᒥᓂᒃ ᓇᓗᓇᐃᒃᑯᑕᖓ ᐃᓚᓕᐅᑎᓯᒪᔭᕆᐊᓕᒃ.

ᐃᖅᑲᓇᐃᔭᖅᑐᓕᕆᔨᒃᑯᑦ ᒪᓕᒐᖓ ᒪᓕᒃᖢᒍ ᑐᕌᖓᔪᖅ 518, ᑖᓐᓇ ᐃᖅᑲᓇᐃᔮᒃᓴᖅ ᒪᑐᐃᙶᖅᐳᖅ ᓄᓇᕘᒥ ᐊᖏᖃᑎᒌᒍᑎᒦᑦᑐᓄᑦ ᓴᓂᑭᓗᐊᕐᖕᒥᐅᑕᓄᑐᐊᕐᓗ.

ᐊᖓᔪᖅᑳᕐᒧᑦ ᓇᓗᓇᐃᖅᐸᒡᓗᓂ, ᐃᓕᓐᓂᐊᕐᕕᖕᒥ ᑎᑎᕋᖅᑎ ᑲᒪᔨᐅᕗᖅ ᐊᑐᐃᓐᓇᐅᑎᑦᑎᓂᕐᒥᒃ ᐃᓄᒋᐊᒃᑐᒃᑯᕕᖕᓄᑦ ᐃᓕᓐᓂᐊᕐᕕᖕᓄᓪᓗ, ᐊᐅᓚᑦᑎᔨᐅᓪᓗᓂᓗ ᖃᓄᐃᓕᐅᖅᐸᓪᓕᐊᔪᑦ ᑎᑎᖅᑲᖁᑎᖏᓐᓂᒃ ᓇᓗᓇᐃᑦᑎᐊᖅᓯᒪᓗᑎᒃ ᐃᓕᓐᓂᐊᖅᑐᓕᕆᔨᒃᑯᑦ ᑎᑎᕋᕐᕕᒡᔪᐊᖓᓄᑦ, ᕿᑭᖅᑕᓂ ᐃᓕᓐᓂᐊᕐᕖᑦ ᐊᐅᓚᑦᑎᔨᖏᓐᓄᑦ.  ᑖᓐᓇ ᐃᓂᐅᔪᖅ ᓂᕆᐅᓂᖃᖅᐳᖅ ᐊᑐᐃᓐᓇᐅᑎᑦᑎᓂᕐᒥᒃ ᐊᓕᓚᔪᓂᒃ/ᐸᐃᑉᐹᓂᒃ ᐃᓕᓐᓂᐊᕐᕕᖕᒧᑦ ᓴᓇᔨᖏᓐᓄᓪᓗ ᑐᕌᖓᔪᓂᒃ.

ᐃᓕᓐᓂᐊᕐᕕᖕᒥ ᑎᑎᕋᖅᑎ ᑎᑎᕋᕐᕕᖕᒦᓲᖑᕗᖅ ᐃᓯᕐᕕᐅᑉ ᓵᖓᓂ.  ᑭᐅᔨᐅᕙᒃᖢᓂ ᐅᖄᓚᐅᑎᒥᒃ, ᑐᓵᔨᐅᓗᓂ/ᑐᑭᓕᐅᕆᔨᐅᓗᓂ ᐃᓄᒃᑎᑐᑦ ᑲᑎᒪᑎᓪᓗᒋᑦ ᐊᖓᔪᖅᑳᑦ ᐃᓕᓴᐃᔩᓪᓗ, ᑐᑭᓕᐅᕆᔨᐅᕙᒡᓗᓂ ᑎᑎᖅᑲᑎᒍᑦ ᐊᓯᖏᓐᓄᓪᓗ ᐃᓕᓐᓂᐊᕐᕕᖕᒥᙶᖅᑐᓂᒃ ᑲᒪᔨᓪᓗᐊᑕᐅᕙᒡᓗᓂᓗ ᑎᑎᖃᕐᕕᖕᒥ ᐃᓚᒋᓗᒋᑦ ᖃᕋᓴᐅᔭᓕᕆᓂᕐᒥ, ᐃᓂᖏᓐᓄᐊᖅᑎᕆᕙᒡᓗᓂ ᑎᑎᖅᑲᓂᒃ, ᓇᓗᓇᐃᒃᑯᑕᕐᓂᒃ ᐱᓯᒪᐃᓐᓇᕆᐊᓕᖕᓂᒃ ᐊᓯᖏᓐᓂᒡᓗ ᐱᓕᕆᐊᒃᓴᓂᒃ  ᐃᓕᓐᓂᐊᕐᕕᐅᑉ ᐊᖓᔪᖅᖄᖓᑕ ᐱᓕᕆᖁᔭᖏᓐᓂᒃ. ᐃᓕᓐᓂᐊᕐᕕᖕᒥ ᑎᑎᕋᖅᑎ ᐊᑐᐃᓐᓇᐅᑎᑦᑎᔭᕆᐊᖃᖅᐳᖅ ᐃᓕᓐᓂᐊᕐᕕᐅᑉ ᖃᓄᐃᓕᐅᖅᐸᓪᓕᐊᓂᕆᔭᖏᓐᓂᒃ ᐃᓕᓐᓂᐊᕐᕕᖕᓄᑦ ᐃᓄᒋᐊᒃᑐᒃᑯᕕᖕᓄᑦ ᐃᓕᓐᓂᐊᖅᑎᓄᓪᓗ ᐃᖅᑲᓇᐃᔭᖅᑎᓄᓪᓗ ᑐᓴᖅᑕᐅᔭᕆᐊᓖᑦ ᒪᓕᒃᖢᒋᑦ. ᐱᓕᕆᔭᒃᓴᐃᑦ ᐃᓚᖃᖅᐳᑦ ᑎᑭᓴᐃᖃᑦᑕᕆᐊᖃᕐᓂᕐᒥᑦ ᐃᓕᓐᓂᐊᕐᕕᐅᑉ ᐊᑐᕐᓂᐊᖅᑕᖏᓐᓂᒃ, ᓄᖅᑲᖓᔾᔪᑎᓂᒃ ᐅᐸᒃᓯᒪᓂᖏᑦᑕᓗ ᓇᓗᓇᐃᒃᑯᑕᖏᓐᓂᒃ,  ᖃᕋᓴᐅᔭᒃᑯᓪᓗ ᓇᓗᓇᐃᖅᓯᒪᔪᑦ ᑎᑭᓴᖅᑕᐅᓂᑯᓂᒃ, ᐃᖅᑲᓇᐃᔭᖃᑦᑕᖅᑕᖏᑦᑕ ᓇᓗᓇᐃᒃᑯᑕᖏᑦ, ᐅᐸᔾᔮᖏᑦᑕᖏᑕ ᓇᓗᓇᐃᒃᑯᑕᖏᑦ ᐃᓕᓐᓂᐊᖅᑏᓪᓗ ᐅᐸᖃᑦᑕᕐᓂᕆᔭᖏᑦᑕ ᓇᓗᓇᐃᒃᑯᑕᖏᑦ . ᐃᓕᓐᓂᐊᕐᕕᖕᒥ ᑎᑎᕋᖅᑎ ᐱᓕᕆᐊᒃᓴᖃᕆᕗᖅ ᖃᐅᔨᒃᑲᐃᖃᑦᑕᕐᓂᕐᒥ ᐃᓇᖐᓯᒪᔪᓐᓇᖅᑐᒥᒃ ᐃᓕᓴᐃᔨᒥᒃ ᐊᓯᖏᓐᓂᒡᓗ ᐃᓕᓐᓂᐊᕐᕕᖕᒧ ᑐᕌᖓᔪᓂᒃ.

ᖃᐅᔨᒪᓂᖃᕆᐊᖃᖅᐳᖅ ᑎᑎᕋᕐᕕᖕᒥ/ᐃᓕᓐᓂᐊᕐᕕᐅᓪᓗ ᐊᐅᓚᓂᕆᕙᒃᑕᖓᓂᒃ, ᐃᓕᓐᓂᐊᕐᕕᖕᒥ ᐱᓇᓱᐊᒐᒃᓴᓂᒃ ᑎᑎᕋᕐᕕᖕᒥᓗ ᐊᑐᓪᓗᐊᑕᖅᑕᐅᕙᒃᑐᓂ ᖃᐅᔨᒪᓂᖃᑦᑎᐊᕐᓗᓂ ᐱᔭᕆᐊᓕᒃ. ᑖᓐᓇ ᓂᕈᐊᖅᑕᐅᔪᖅ ᑐᓴᐅᒪᑎᑦᑎᔪᓐᓇᑦᑎᐊᕆᐊᖃᖅᐳᖅ ᐊᓯᖏᓐᓂᒃ ᑎᒥᐅᔪᓂᒃ ᒐᕙᒪᒃᑯᓪᓗ ᐊᐅᓚᑦᑎᔨᖏᑦᑕ ᑐᑭᒧᐊᖅᑎᑦᑎᔨᖏᓐᓂᒃ ᖃᕋᓴᐅᔭᓕᕆᓂᕐᒥᒡᓗ ᖃᐅᔨᒪᓗᓂ ᐅᑯᓂᖓ (Word, Excel, SIS/Maple wood, Qaujisaut, FirstClass).

ᖃᐅᔨᒪᑦᑎᐊᕐᓂᖅ, ᐊᔪᙱᓐᓃᑦ, ᐱᔪᓐᓇᕐᓃᓪᓗ ᐊᔪᙱᓐᓂᖃᕆᐊᖃᕐᓂᖏᑦ ᓇᓗᓇᐃᒃᑯᑕᐅᕙᒃᐳᑦ ᑎᑎᕋᕐᕕᖕᒥ ᐱᓕᒻᒪᒃᓴᕐᓂᒃᑯᑦ ᓄᓇᕗᑦ ᓯᓚᑦᑐᖅᓴᕐᕕᖓᑎᒍᑦ ᐅᕝᕙᓘᓐᓃᑦ ᐃᓕᓐᓂᐊᕐᕕᖕᒥ ᖁᕝᕙᓯᖕᓂᖃᕐᓗᓂ 10 ᐊᔾᔨᐸᓗᖓᓂᒃ ᐊᑲᐅᔪᒥᒃ ᖃᐅᔨᒪᓂᖃᕐᓗᓂ ᐅᖃᓕᒫᕈᓐᓇᕐᓂᕐᒥᒃ ᐃᓄᒃᑎᑐᑦ ᖃᓪᓗᓈᑐᓪᓗ ᐊᑲᐅᒻᒪᕆᒃᐳᖅ ᒪᕐᕉᖕᓂᓪᓗ ᐅᑭᐅᓂᒃ ᐃᖅᑲᓇᐃᔭᓚᐅᖅᓯᒪᓂᑰᔭᕆᐊᖃᖅᑐᖅ.

ᖃᐅᔨᒪᓂᖃᕐᓂᖅ ᐃᓕᓐᓂᐊᕐᓂᕐᒥᒃ, ᐱᔪᓐᓇᕐᓂᕐᒥᒃ, ᖃᐅᔨᒪᓂᕐᒥᒃ, ᐱᕚᓪᓕᕈᑕᐅᓯᒪᓂᐊᖅᐳᑦ ᐱᓇᔪᒃᑐᓄᑦ.

ᐱᓕᕆᖃᑦᑕᖅᓯᒪᓂᑰᓂᖅ/ᖃᐅᔨᒪᓂᖃᕐᓂᖅ ᐃᖅᑲᓇᐃᔭᖅᑐᓕᕆᔨᓂᒃ ᐊᑐᖅᑕᐅᕙᒃᑐᓂᒃ ᐱᕚᓪᓕᕈᑕᐅᓯᒪᓂᐊᖅᐳᖅ ᐱᓇᔪᒃᑐᓄᑦ.

  • ᓄᓇᕗᒻᒥ ᒐᕙᒪᒃᑯᑦ ᓴᖅᑭᑎᓯᒪᔪᒪᖕᒪᑕ ᑭᒡᒐᖅᑐᐃᓂᖅᓴᐅᔪᓂᒃ ᐱᓕᕆᔨᐅᔪᓂᒃ ᑐᑭᓯᐅᒪᒃᑲᓐᓂᕈᒪᓪᓗᑎᒃ ᐊᒻᒪᓗ ᐱᔨᑦᑎᕈᒪᓪᓗᑎᒃ ᐱᔭᐅᔪᒪᕙᒃᑐᑦ ᓄᓇᕗᒻᒥᐅᓂᑦ. ᑲᔪᓯᑦᑎᐊᖁᓪᓗᒋᑦ, ᓯᕗᓪᓕᖅᐸᐅᔾᔭᐅᓇᔭᖅᑐᑦ ᓄᓇᕗᒻᒥ ᓄᓇᖃᖃᑕᐅᔪᑦ
  • ᓂᕈᐊᒐᒃᓴᐅᔪᑦ ᓇᓗᓇᐃᖅᓯᑦᑎᐊᕆᐊᓖᑦ ᐱᔪᓐᓇᖅᑎᑕᐅᓂᕐᒥᖕᓂᒃ ᓯᕗᓕᐅᔾᔭᐅᔪᒪᒍᑎ
  • ᐃᓱᒪᒋᔭᐅᔪᒪᓂᕐᒧᑦ ᑖᔅᓱᒨᓇ ᓄᓇᕘᒥ ᓯᕗᓪᓕᐅᔾᔨᑎᑦᑎᓂᕐᒧᑦ ᐃᖅᑲᓇᐃᔭᖅᑎᑖᕐᓂᕐᒧᑦ ᐊᑐᐊᒐᒃᑯᑦ. ᐱᕋᔭᒃᓯᒪᓂᕐᒧᑦ ᐸᐃᐹᒥᒃ ᐱᓯᒪᔪᑦ ᐱᔭᐅᔾᔮᖏᓐᓂᕋᖅᑕᐅᔪᓐᓇᙱᓚᑦ ᐃᓱᒪᒃᓴᖅᓯᐅᕈᑕᐅᓇᔭᖅᑐᑦ ᑭᓯᐊᓂ.
  • ᐃᖅᑲᓇᐃᔮᒧᑦ ᓇᓗᓇᐃᔭᖅᓯᒪᔪᑦ ᑭᓱᓕᕆᖃᑦᑕᕋᔭᕐᓂᕐᒧᑦ ᐱᔭᐅᔪᓐᓇᖅᑐᑦ ᓱᒃᑲᔪᒃᑯᑦ ᐅᕝᕙᓘᓐᓃᑦ ᐃᕐᖐᓐᓈᕈᑎᒃᑯᑦ ᐅᕝᕙᓘᓐᓃᑦ ᐃᑭᐊᖅᑭᕕᐊᒍᑦ.
  • ᑕᐃᒃᑯᐊ ᓂᕈᐊᖅᑕᐅᔪᑦ ᐊᐱᖅᓱᖅᑕᐅᔪᒃᓴᖑᖅᖢᑎᒃ ᐅᖃᕐᕕᒋᔭᑐᐊᕆᓇᔭᖅᑕᕗᑦ ᐊᐱᕐᓱᕐᓂᐊᕐᓗᑎᒍ
ᑐᓴᕆᐊᕐᕕᒃᓴᖅ: 
ᑮᓇᐅᔭᓕᕆᔨᒃᑯᑦ (Department of Finance Igloolik)

ᓄᓇᕗᑦ ᒐᕙᒪᒃᑯᑦ
PO Box 239, Igloolik, Nunavut X0A 0L0
ᐅᖃᓘᑖ: (867) 934-2025
ᐊᑭᖃᙱᑦᑐᖅ: 1-800-682-9033
ᓱᒃᑲᔪᖅ: (867) 934-2027
ᐃᕐᖐᓐᓇᖅ: Igloolik_hr@gov.nu.ca
www.gov.nu.ca/finance