ᐅᖃᓚᐅᑎᓯᐅᑏᑦ

You are here

ᐃᓗᐊᖅᓴᐃᔨ, OR/RR/Day Surgery/CSR

Groups: 
ᐋᓐᓂᐊᖃᖕᓇᙱᑦᑐᓕᕆᔨᒃᑯ
ᓄᓇᓕᒃ: 
ᐃᖃᓗᖕᓂ
ᓇᓗᓇᐃᒃᑯᑖ: 
10-01-235-160GM
ᐃᒪᓐᓇᐃᑦᑑᓂᖓ ᐃᖃᓇᐃᔭᖅ: 
ᐃᖃᓇᐃᔭᖅᑎᐅᑲᐃᓇᖅᑐᖅ
ᑲᑐᔨᖃᑎᒋᑦ ᖃᓄᐃᓕᖓᒡᒪᖔᑕ: 
ᑕᓐᓇ ᐃᖃᓇᐃᔮᖅ ᐃᓚᒋᔭᐅᕗᖅ ᓄᓇᕗᑦ ᐃᖃᓇᐃᔭᖅᑎᐅᖃᑎᒋᑦ ᑲᑐᔨᖃᑎᒋᖏᓂ
ᑮᓐᓇᐅᔭᒃᓵᖓ: 
ᐱᒋᐊᕐᓗᓂ $88, 608 ᐊᕐᕌᒍᒧᑦ 37.5 ᐃᑲᕐᕋᖅ/ᐱᓇᓱᐊᕈᓯᕐᒥ
ᑐᓴᕆᐊᕐᕕᒃᓴᖅ: 
$15, 016.00 ᐊᕐᕌᒍᒧᑦ
ᑖᓐᓇ ᐃᖅᑲᓇᐃᔮᖅ ᐃᒡᓗᖃᖅᑎᑕᐅᔪᖅ
Closing Date: 
ᓄᕕᐱᕆ 03, 2017

ᑖᓐᓇ ᐊᒃᑐᖅᑕᐅᓴᐃᕋᐃᓐᓇᖅᑑᓪᓗᓂ ᐃᓂᒋᔭᒃᓴᖅ ᐊᒻᒪ ᖁᕕᐊᒋᔭᐅᓗᓂ ᐱᕋᔭᖕᓂᑰᖕᒪᖔᑦ ᖃᐅᔨᒋᐊᖅᑕᐅᔾᔪᑎᖓ, ᐃᓚᖃᕐᓗᓂ ᐱᓯᒪᙱᓪᓗᓂ ᐊᒃᑐᖅᑕᐅᓴᕋᐃᒻᒪᖔᑦ ᖃᐅᔨᒋᐊᕐᑕᐅᔾᔪᑎᒥᒃ ᐱᔭᕆᐊᓕᒃ.

ᑖᓐᓇ ᐃᖅᑲᓇᐃᔮᒃᓴᖅ ᒪᑐᐃᖓᔪᖅ ᐱᓇᔪᒃᑐᓕᒫᓄᑦ.

ᐃᓗᐊᖅᓴᐃᔨ, OR/RR/Day Surgery/CSR(RN) ᐃᓚᒋᔭᐅᔪᖅ ᐱᓚᒃᑐᐃᔨᓄᑦ ᑕᐅᑐᓪᓗᐊᑕᖃᑦᑕᖅᑐᓄᑦ ᖃᐅᔨᓂᕐᓂ ᐱᑎᑦᑎᓂᕐᓗ ᐱᔭᕆᐊᓕᖕᓂᒃ ᐱᓚᒃᑕᐅᔪᒃᓴᑦ ᐋᓐᓂᐊᕕᖕᒦᑦᑐᓂ ᐱᓚᒃᑕᐅᔪᒃᓴᐅᑎᑦ ᐊᑐᖅᑎᓪᓗᒋᑦ. ᐅᖃᖅᐸᒃᓗᓂ ᐃᓗᐊᖅᓴᐃᔨᑦ ᐊᖓᔪᖅᑳᖓᓄᑦ ᐅᓂᒃᓯᒪᕝᕕᖕᒥᓘᓐᓃᑦ, ᐃᓗᐊᖅᓴᐃᔨ ᐱᑎᑦᑎᕙᒃᓗᓂ ᑲᒪᑦᑎᐊᕐᓂᕐᒥᒃ ᐱᓚᒃᑕᐅᓂᕐᒧᑦ ᐅᓄᖅᓯᕙᓪᓕᐊᔪᓂ ᐊᑐᕐᓗᓂ ᐱᔭᕆᐊᖃᒻᒪᕆᒃᑐᓂᒃ ᐃᓱᒪᑦᑎᐊᕈᓐᓇᕐᓂᕐᒥ ᓯᕗᓕᖅᑕᐅᓗᓂᓗ ᐱᓚᒃᑕᐅᓂᐊᖅᑎᓪᓗᒋᑦ ᑲᒪᑦᑎᐊᕈᑎᖏᓐᓂ ᒪᓕᒋᐊᓕᖏᓐᓂ ᐊᑐᕐᓗᒍ ᐱᓚᒃᑕᐅᕝᕕᖕᒥ ᐃᓗᐊᖅᓴᐃᔨᑦ ᑲᑐᔾᔨᖃᑎᒌᖏᑦ ᑲᓇᑕᒥ (ORNAC). ᐃᖅᑲᓇᐃᔭᖃᑎᖃᕐᓗᓂ ᐋᓐᓂᐊᕕᖕᒥ ᐃᖅᑲᓇᐃᔭᖅᑎᓂᒃ, ᐃᓗᐊᖅᓴᐃᔨ ᐊᑐᖃᑦᑕᖅᑐᖅ ᐊᑐᒐᔪᒃᑐᓂᒃ ᐊᖏᒃᓕᒋᐊᖅᓯᒪᔪᓂᒃᓗ ᐃᓗᐊᖅᓴᐃᔨᐅᓂᕐᒧᑦ ᖃᐅᔨᒪᓂᕐᒥ ᐱᑎᑦᑎᓗᓂ ᐃᓱᒪᒃᑯᑦ, ᑎᒥᒃᑯᑦ, ᐃᓅᖃᑎᒌᓄᑦ ᐃᓕᖅᑯᓯᖅ ᐅᒃᐱᕐᓂᒃᑯᓪᓗ ᑭᐅᒋᐊᕈᓐᓇᕐᓂᕐᓂ ᑲᒪᒋᔭᐅᔪᓄᑦ ᐱᓚᒃᑕᐅᓂᕐᒥ ᐊᑐᖅᑎᓪᓗᒋᑦ.

ᑲᔪᓯᑦᑎᐊᕈᒪᓗᓂ ᑖᔅᓱᒥᖓ ᐃᖅᑲᓇᐃᔮᒃᓴᒧᑦ ᐃᖅᑲᓇᐃᔭᓕᖅᑎᑕᐅᔪᖅ ᖃᐅᔨᒪᓂᖃᑦᑎᐊᕆᐊᖃᖅᑐᖅ ᐱᓚᒃᑕᐅᓂᕐᒧᑦ ᒪᓕᒋᐊᖃᖅᑕᖏᓐᓂ ᑎᒥᐅᓪᓗ ᑭᓱᑯᑦᑎᓕᒫᖏᓐᓅᖓᔪᓄᑦ ᐊᔾᔨᒌᖏᑦᑐᓄᑦ ᐱᒻᒪᕆᐅᔪᓄᑦ. ᐊᑐᕐᓂᑰᓗᓂ ᐃᖅᑲᓇᐃᔭᖃᑎᖃᕐᓂᕐᒥ ᐃᓐᓇᕐᓂᒃ, ᓄᑕᖅᑲᓂᒃ, ᑎᒥᒃᑯᑦ ᐃᓱᒪᒃᑯᓪᓗ ᐊᒃᓱᕈᕐᓇᖅᑐᑦ ᐱᔪᓐᓇᖅᑐᑦ. ᐃᖅᑲᓇᐃᔭᓕᖅᑐᖅ ᐱᔪᓐᓇᕐᓗᓂ ᐱᓕᕆᐊᖃᕐᓂᕐᒥ ᐃᓄᑑᓗᓂ ᖃᐅᔨᓴᕐᓂᕐᓂ ᐃᓕᓴᖅᓯᔪᓐᓇᕐᓗᓂᓗ ᖃᐅᔨᑎᑦᑎᔪᓐᓇᕐᓗᓂᓗ ᐊᓯᔾᔨᕈᑎᓂᒃ ᐋᓐᓂᐊᖃᕐᓇᙱᑦᑐᓕᕆᓂᕐᒥ ᐃᓗᓕᖏᓐᓂ.

ᖃᐅᔨᒪᓂᖅ, ᐊᔪᙱᓐᓂᖅ, ᐱᔪᓐᓇᕐᓂᕐᓗ ᐱᔭᕆᐊᖃᖅᑐᓂ ᑖᔅᓱᒧᖓ ᐃᖅᑲᓇᐃᔮᒧᑦ ᐱᔭᐅᖃᑦᑕᖅᑐᑦ ᐊᕐᕌᒍᓄᑦ ᑎᓴᒪᓄᑦ ᑭᒃᓕᓯᓂᐊᕈᑎᓕᕆᓂᕐᓂ ᒪᕐᕉᖕᓄᓪᓘᓐᓃᑦ ᐃᓗᐊᖅᓴᐅᔨᓕᕆᓂᕐᒧᑦ ᐃᓕᓴᕆᔭᐅᓯᒪᔪᓂᒃ ᓯᓚᑦᑐᖅᓴᕐᕕᒃᔪᐊᓂ ᓯᓚᑦᑐᖅᓴᕐᕕᖕᒥᓘᓐᓃᑦ (ᐱᔭᕆᐊᓕᒃ) ᐊᒻᒪ ᒪᕐᕉᖕᓄᑦ ᐊᕐᕌᒎᖕᓄ ᑲᒪᓚᐅᑲᒋᐊᖃᕐᓂᕐᓂ ᐊᑐᕐᓂᑰᓗᓂ (ᐱᔭᕆᐊᓕᒃ). ᐃᖅᑲᓇᐃᔭᓕᖅᑐᖅ ᐱᔭᕇᖅᓯᓯᒪᔭᕆᐊᖃᖅᑐᖅ ᐱᓚᒃᑕᐅᓂᐊᖅᑐᑦ ᑲᒪᑦᑎᐊᕈᑎᖏᓐᓂ ᑐᕌᖓᑦᑎᐊᖅᑐᓄᑦ ᐱᓕᒻᒪᒃᓴᖅᓯᒪᓂᕐᒥ ᐱᖃᕐᓗᓂᓗ ᐊᕐᕌᒍᒥ ᐊᑕᐅᓯᕐᒥᒃ ᐱᓚᒃᑕᐅᕕᖕᒥ ᐋᖅᑭᒃᓯᒪᔪᒥᒃ (ᐱᔭᕆᐊᓕᒃ) ᒫᓐᓇᓕᓴᕐᒥᒃ ᐊᓂᖅᓵᖅᑎᑦᑎᓇᓱᖕᓂᕐᒧᑦ ᐃᓕᓐᓂᐊᓚᐅᑲᒍᑎᖃᕐᓗᓂ ᐱᔭᕆᐊᓕᒃ.

ᐃᖁᑎᑦ ᐃᓚᐅᑎᑦᑎᔪᑦ: ᐱᔪᓐᓇᕐᓂᖅ ᐊᐅᓚᓂᖃᕈᓐᓇᑦᑎᐊᕐᓗᓂ ᐊᔾᔨᒌᖏᑦᑐᓄᑦ ᐃᓕᖅᑯᓯᓕᖕᓄᑦ ᐋᖅᑭᒃᓯᒪᔪᓄᑦ, ᐃᖅᑲᓇᐃᔭᕐᕕᖕᒥ ᓱᕈᕐᓇᖅᑐᓂᒃ ᑐᓴᐅᒪᔾᔪᑏᑦ (WHMISH, PALS, ACLS, NVCI, ᑐᓄᒃᑯᑦ ᐋᓐᓂᖅᑎᑦᑎᑕᐃᓕᒪᓂᕐᒥ, ᑕᕐᕋᖅᑐᖅᑕᐅᓯᒪᔪᓂ ᑐᑭᓯᐅᒪᓂᖅ, ᓈᒻᒪᒋᔭᕐᓄᑦ ᖃᐅᔨᓴᕐᓂᖅ ᖃᕋᓴᐅᔭᓕᕆᔪᓐᓇᕐᓂᕐᓗ.

ᖃᐅᔨᒪᓗᓂ ᐃᓄᐃᑦ ᐅᖃᐅᓯᖏᓐᓂ, ᓄᓇᓕᖏᓐᓂ, ᐃᓕᖅᑯᓯᖏᓐᓂ, ᓄᓇᖓᓂ ᐊᒻᒪ ᐃᓄᐃᑦ ᖃᐅᔨᒪᔭᑐᖃᖏᓐᓂ ᐱᔭᕆᐊᓕᒃ.  

ᐅᓪᓗᓕᒫᖅᓯᐅᑎᐅᓗᓂ, ᐃᓱᓕᕝᕕᒃᓴᖃᙱᓪᓗᑎᒃ ᐃᓗᐊᖅᓴᐃᔨᑦ, ᐃᖅᑲᓇᐃᔭᓕᖅᑎᑕᐅᓂᕐᒧᑦ ᐃᑲᔫᑎ ᐃᓚᐅᑎᑦᑎᔪᑦ: $5,000 ᐱᒋᐊᖅᑎᓪᓗᒍ ᐅᓪᓗᖅ, $5,000 18−ᓄᑦ ᑕᖅᑭᓄᑦ ᐱᔨᑦᑎᕋᖅᓯᒪᓕᕐᓗᓂ ᐊᒻᒪ $10,000 30−ᓄᑦ ᑕᖅᑭᓄᑦ ᐱᔨᑦᑎᕋᖅᓯᒪᓕᕐᓗᓂ. ᐃᓚᒃᑲᓐᓂᖏᑦ ᐃᑲᔫᓯᐊᒃᓴᑦ ᐃᓚᐅᑎᑦᑎᔪᑦ $9,000 ᐊᕐᕌᒍᑕᒫᖅᓯᐅᑦ ᓯᕗᓕᖅᑎᐅᓂᕐᒧᑦ ᐃᑲᔫᓯᐊᖅ ᐊᒻᒪ $375 ᑕᖅᑭᑕᒫᑦ ᐃᖅᑲᓇᐃᔭᐃᓐᓇᕐᓂᕐᒧᑦ ᐃᑲᔫᓯᐊᖅ ᑲᑎᖦᖢᒋᑦ $4,500 ᐊᕐᕌᒍᒧᑦ.

ᐃᓚᐅᖃᑕᐅᔪᓐᓇᕈᑎ ᑎᑎᕋᖏᑦ ᓴᓇᔭᐅᔪᓐᓇᖅᑐᑦ ᓯᕗᓂᒃᓴᒥ ᐃᓄᖃᙱᑦᑐᓄᑦ.

  • ᓄᓇᕗᒻᒥ ᒐᕙᒪᒃᑯᑦ ᓴᖅᑭᑎᓯᒪᔪᒪᖕᒪᑕ ᑭᒡᒐᖅᑐᐃᓂᖅᓴᐅᔪᓂᒃ ᐱᓕᕆᔨᐅᔪᓂᒃ ᑐᑭᓯᐅᒪᒃᑲᓐᓂᕈᒪᓪᓗᑎᒃ ᐊᒻᒪᓗ ᐱᔨᑦᑎᕈᒪᓪᓗᑎᒃ ᐱᔭᐅᔪᒪᕙᒃᑐᑦ ᓄᓇᕗᒻᒥᐅᓂᑦ. ᑲᔪᓯᑦᑎᐊᖁᓪᓗᒋᑦ, ᓯᕗᓪᓕᖅᐸᐅᔾᔭᐅᓇᔭᖅᑐᑦ ᓄᓇᕗᒻᒥ ᓄᓇᖃᖃᑕᐅᔪᑦ
  • ᓂᕈᐊᒐᒃᓴᐅᔪᑦ ᓇᓗᓇᐃᖅᓯᑦᑎᐊᕆᐊᓖᑦ ᐱᔪᓐᓇᖅᑎᑕᐅᓂᕐᒥᖕᓂᒃ ᓯᕗᓕᐅᔾᔭᐅᔪᒪᒍᑎ
  • ᐃᓱᒪᒋᔭᐅᔪᒪᓂᕐᒧᑦ ᑖᔅᓱᒨᓇ ᓄᓇᕘᒥ ᓯᕗᓪᓕᐅᔾᔨᑎᑦᑎᓂᕐᒧᑦ ᐃᖅᑲᓇᐃᔭᖅᑎᑖᕐᓂᕐᒧᑦ ᐊᑐᐊᒐᒃᑯᑦ. ᐱᕋᔭᒃᓯᒪᓂᕐᒧᑦ ᐸᐃᐹᒥᒃ ᐱᓯᒪᔪᑦ ᐱᔭᐅᔾᔮᖏᓐᓂᕋᖅᑕᐅᔪᓐᓇᙱᓚᑦ ᐃᓱᒪᒃᓴᖅᓯᐅᕈᑕᐅᓇᔭᖅᑐᑦ ᑭᓯᐊᓂ.
  • ᐃᖅᑲᓇᐃᔮᒧᑦ ᓇᓗᓇᐃᔭᖅᓯᒪᔪᑦ ᑭᓱᓕᕆᖃᑦᑕᕋᔭᕐᓂᕐᒧᑦ ᐱᔭᐅᔪᓐᓇᖅᑐᑦ ᓱᒃᑲᔪᒃᑯᑦ ᐅᕝᕙᓘᓐᓃᑦ ᐃᕐᖐᓐᓈᕈᑎᒃᑯᑦ ᐅᕝᕙᓘᓐᓃᑦ ᐃᑭᐊᖅᑭᕕᐊᒍᑦ.
  • ᑕᐃᒃᑯᐊ ᓂᕈᐊᖅᑕᐅᔪᑦ ᐊᐱᖅᓱᖅᑕᐅᔪᒃᓴᖑᖅᖢᑎᒃ ᐅᖃᕐᕕᒋᔭᑐᐊᕆᓇᔭᖅᑕᕗᑦ ᐊᐱᕐᓱᕐᓂᐊᕐᓗᑎᒍ
ᑐᓴᕆᐊᕐᕕᒃᓴᖅ: 
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ (Department of Health Iqaluit)

ᓄᓇᕗᑦ ᒐᕙᒪᒃᑯᖏᑦ
PO Box 1000, Station 1000
Iqaluit, Nunavut X0A 0H0
ᐅᖃᓘᑖ: (867) 975-7143
ᐊᑭᖃᙱᑦᑐᖅ: 1-800-663-5738
ᓱᒃᑲᔪᖅ: (867) 975-5744
ᐃᕐᖐᓐᓇᖅ: NunavutNurses@gov.nu.ca
www.gov.nu.ca/finance