ᐅᖃᓚᐅᑎᓯᐅᑏᑦ

You are here

ᐃᓕᓐᓂᐊᖅᑐᓕᕆᓂᕐᒥᒃ ᕿᒥᕐᕈᔨ

Groups: 
ᐃᓕᓐᓂᐊᕐᓂᓕᕆᔨᒃᑯᑦ
ᓄᓇᓕᒃ: 
ᐃᖃᓗᖕᓂ
ᓇᓗᓇᐃᒃᑯᑖ: 
09-504049
ᐃᒪᓐᓇᐃᑦᑑᓂᖓ ᐃᖃᓇᐃᔭᖅ: 
ᐃᖃᓇᐃᔭᖅᑎᐅᑲᐃᓇᖅᑐᖅ
ᑲᑐᔨᖃᑎᒋᑦ ᖃᓄᐃᓕᖓᒡᒪᖔᑕ: 
ᑕᓐᓇ ᐃᖃᓇᐃᔮᖅ ᐃᓚᒋᔭᐅᕗᖅ ᓄᓇᕗᑦ ᐃᖃᓇᐃᔭᖅᑎᐅᖃᑎᒋᑦ ᑲᑐᔨᖃᑎᒋᖏᓂ
ᑮᓐᓇᐅᔭᒃᓵᖓ: 
$ 90,343.00 ᐊᕐᕌᒍᑕᒫᑦ, 37.5 ᐃᑲᕐᕋᖅ/ᐱᓇᓱᐊᕈᓯᖅ
ᑐᓴᕆᐊᕐᕕᒃᓴᖅ: 
$ 15,016.00 ᐊᕐᕌᒍᑕᒫᑦ
ᑖᓐᓇ ᐃᖅᑲᓇᐃᔮᖅ ᐃᒡᓗᖃᖅᑎᑕᐅᔪᖅ
Closing Date: 
ᐊᒃᑐᐸ 20, 2017

ᑖᓐᓇᖅ ᐃᖅᑲᓇᐃᔮᖅ ᐃᑉᐱᓐᓇᕆᐊᑭᑦᑐᓕᕆᔪᖅ, ᖃᐅᔨᓴᖅᑕᐅᓂᖃᑦᓯᐊᕆᐊᓕᒃ ᐸᓖᓯᒃᑯᓐᓄᑦ ᖃᐅᔨᓴᖅᑕᐅᒋᐊᒃᑲᓐᓂᕐᓗᓂᓗ ᐱᔪᓐᓇᑦᓯᐊᕋᓗᐊᕐᒪᖔᖅ.

ᐅᓇ ᐃᖅᑲᓇᐃᔮᑦᓴᖅ ᒪᑐᐃᖓᔪᖅ ᐃᖅᑲᓇᐃᔮᖅᑖᕋᓱᐊᕈᒪᔪᓕᒪᓄᑦ.

ᐊᖓᔪᖅᑳᖃᕐᓗᓂ ᐊᖓᔪᖅᑳᒥᒃ, ᐸᕐᓇᓂᕐᒧᑦ, ᐅᓂᒃᑳᓕᐅᕐᓂᕐᒧᑦ ᕿᒥᕐᕈᓂᕐᒧᓪᓗ (ᐊᖓᔪᖅᑳᖅ), ᐃᓕᓐᓂᐊᖅᑐᓕᕆᓂᕐᒥᒃ ᕿᒥᕐᕈᔨ ᑎᒍᒥᐊᖅᑐᖅ ᐃᑲᔪᖅᑐᕐᓂᕐᒥᒃ ᒥᓂᔅᑕᐅᕕᒻᒥᒃ ᑲᔪᓯᑎᑦᓯᑦᓯᐊᕐᓗᓂ ᑐᓂᒪᓂᕆᔭᖓᓂᒃ ᐊᑐᐃᓐᓇᐅᑎᑦᓯᓂᕐᒧᑦ ᐃᓕᓐᓂᐊᕋᑦᓴᓂᒃ ᐱᔨᑦᓯᕋᐅᑎᓂᓪᓗ ᓄᓇᕗᒻᒥᐅᓄᑦ ᐃᓇᑦᓯᓂᖃᖅᑐᓂᒃ ᐃᑲᔪᖅᑐᐃᔪᓂᓪᓗ ᓇᒻᒥᓂᖅ ᒪᑭᒪᒍᓐᓇᕐᓂᕐᒥᒃ, ᓯᕗᓕᕐᓗᓂ ᐃᓄᓐᓄᑦ ᖃᓄᖅᑑᑦᓯᐊᕈᓐᓇᕐᓂᕐᒧᑦ ᐃᒻᒥᓄᑦ ᓄᓇᓕᒻᒥᓄᓪᓗ, ᐃᖅᑲᓇᐃᔮᕐᓗ ᐱᕙᓪᓕᐊᓂᖃᕐᓗᓂ ᓄᓇᕗᑦ ᐃᓕᓐᓂᐊᖅᑐᓕᕆᓂᕐᒧᑦ ᐊᐅᓚᓂᖓᓄᑦ ᐊᑐᐃᓐᓇᐅᓕᕐᓗᑎᒃ ᓄᓇᓕᓐᓂ ᐃᖅᑲᓇᐃᔮᒍᓐᓇᖅᑐᓄᑦ. ᕿᒥᕐᕈᔨ ᐃᑲᔪᖅᓯᓂᖃᓲᖅ ᑎᑭᐅᑎᓂᕐᒧᑦ ᑎᑭᐅᑎᔭᐅᒍᒪᔪᓄᑦ ᕿᒥᕐᕈᓂᒃᑯᑦ ᖃᐅᔨᓴᕐᓂᒃᑯᓪᓗ ᒥᓂᔅᑕᐅᕕᖓᑦᑕ ᐃᓕᓐᓂᐊᖅᑐᓕᕆᔨᒃᑯᑦ ᐃᓕᓐᓂᐊᕋᑦᓴᖏᓐᓂᒃ/ᐊᐅᓚᓂᐅᔪᖅ ᖃᐅᔨᓴᑦᓯᐊᕐᓂᖃᕆᐊᓕᒃ ᓱᖏᖅᑑᑎᑦᓴᐅᓂᕐᒥᒃ, ᑎᑭᐅᑎᒍᓐᓇᕐᓂᕐᒥᒃ, ᑲᔪᓯᑎᑦᓯᓂᕐᒥᓪᓗ ᓄᓇᕗᓕᒫᒥ. ᐃᖅᑲᓇᐃᔮᖅᑖᖅᑐᖅ ᑐᕌᒐᖃᕐᓂᐊᖅᑐᖅ ᕿᒥᕐᕈᓂᕐᒥᒃ ᑲᔪᓯᑦᓯᐊᕐᓂᕐᒥᒃ, ᐊᑦᑐᐃᓂᖏᓐᓂᓪᓗ ᒥᓂᔅᑕᐅᕕᖓᑦᑕ ᐃᓕᓐᓂᐊᖅᑐᓕᕆᔨᒃᑯᑦ ᐃᓕᓐᓂᐊᕋᑦᓴᖏᓐᓂᒃ / ᐊᐅᓚᓂᖓᓐᓂᒃ ᐊᑦᑐᐊᔪᓂᒃ ᑭᓐᖒᒪᒋᔭᐅᔪᓄᑦ ᐱᔭᐅᒋᐊᓕᓐᓄᓪᓗ ᐃᓕᓐᓂᐊᖅᑐᓄᑦ ᐃᓕᓐᓂᐊᑎᑦᓯᔪᓄᓪᓗ, ᐊᓯᔾᔨᐸᓪᓕᐊᔪᓄᑦ ᐊᐅᓚᓂᐅᔪᓄᑦ ᓄᓇᕗᒻᒥ (ᓲᕐᓗ ᐃᖅᑲᓇᐃᔮᓅᖓᔪᑦ, ᐊᓯᖏᓪᓗ) ᐊᒻᒪᓗ ᐱᐅᓯᑦᓯᐊᕙᐅᓂᖅᐹᓂᒃ ᑕᑯᓐᓈᖅᓱᒍ ᐅᑭᐅᖅᑕᖅᑐᖅ, ᐱᖅᑯᓯᖃᖃᑎᒌᓐᖏᑦᑐᑦ, ᐊᑕᐅᓯᐅᓐᖏᑦᑐᒥᓪᓗ ᐅᖃᐅᓯᓕᒻᒦᑦᑐᑦ.                                                       

ᐃᓕᓐᓂᐊᖅᑐᓕᕆᓂᕐᒥᒃ ᕿᒥᕐᕈᔨ ᑎᒍᒥᐊᖅᑐᑦ ᐊᐅᓚᑦᓯᓂᕐᒥᒃ ᖃᐅᔨᓴᕐᓂᕐᒥᒃ ᓇᓗᓇᐃᔭᐃᓗᓂ ᐱᕕᑦᓴᖃᕐᓂᐅᔪᓂᒃ ᐱᕚᓪᓕᕈᑎᑦᓴᓂᒃ ᐃᓕᓐᓂᐊᕋᑦᓴᓄᑦ, ᐃᓕᓐᓂᐊᑎᑦᓯᒍᑎᑦᓴᓄᑦ / ᐃᑲᔪᖅᓯᒍᑎᑦᓴᐃᑦ, ᐊᐅᓚᔾᔭᒋᐊᕈᑏᑦ / ᐃᓕᓐᓂᐊᕋᑦᓴᐃᑦ, ᐃᑲᔪᖅᓯᒍᑎᑦᓴᓂᓪᓗ. ᐊᒻᒪᓗ ᐃᖅᑲᓇᐃᔮᖅᑖᖅᑐᖅ ᓇᓗᓇᐃᔭᐃᒋᐊᓕᒃ ᓄᑖᕐᓂᒃ ᐃᑲᔪᖅᓯᒍᑎᑦᓴᓂᒃ, ᐊᑐᐊᒐᕐᓂᒃ, ᐃᓕᓐᓂᐊᕋᑦᓴᓂᒃ ᐃᓕᓐᓂᐊᕈᑎᑦᓴᓂᓪᓗ. ᕿᒥᕐᕈᔨ ᐃᑲᔪᖅᓯᓂᐊᖅᑐᖅ ᐱᕙᓪᓕᐊᑎᑕᐅᓂᖏᓐᓄᑦ ᐊᑐᐊᒐᐃᑦ ᐊᐅᓚᓂᐅᔪᓂᓪᓗ ᖃᐅᔨᒪᓕᑕᐅᓂᐊᖅᑐᓂᑦ ᐃᓕᓐᓂᐊᖅᑐᓕᕆᔨᒃᑯᑦ / ᐃᒻᒥᒃᑯᑦ ᐊᐅᓚᓂᐅᔪᓄᑦ ᑲᑎᖅᓱᐃᓗᓂᓗ, ᐃᒻᒥᒃᑯᐊᖅᑎᕆᓗᓂᓗ ᑐᓴᕋᑦᓴᓂᒃ, ᐅᖃᐅᔾᔨᒋᐊᖅᐸᓪᓗᓂ, ᐊᒻᒪᓗ/ᐅᕝᕙᓗ ᐃᓱᒪᓕᐅᕆᕙᓪᓗᓂ ᐊᐅᓚᑦᓯᔨᒻᒪᕆᓐᓂᒃ. ᐃᖅᑲᓇᐃᔮᖅᑖᖅᑐᖅ ᐱᕙᓪᓕᐊᑎᑦᓯᒍᓐᓇᕆᐊᓕᒃ ᐊᑐᐊᒐᕐᓂᒃ, ᐊᐅᓚᓂᐅᔪᓂᒃ, ᓴᖅᑮᕙᓪᓗᓂᓗ ᐊᕐᕌᒍᑕᒫᖅᓯᐅᑎᓂᒃ ᐅᓂᒃᑲᓂᒃ. ᐊᒻᒪᓗ, ᐃᖅᑲᓇᐃᔮᖅᑖᖅᑐᖅ ᐃᓚᐅᑎᑦᓯᐊᖃᑦᑕᕆᐊᓕᒃ ᑲᑎᒪᔨᕋᓛᓄᑦ (ᓲᕐᓗ ᐊᐅᓚᓂᐅᔪᓂᒃ ᐊᐅᓚᑦᓯᔨᓄᑦ ᑲᑎᒪᔨᓄᑦ, ᐃᓕᓐᓂᐊᕕᒻᒧᑦ ᐱᕚᓪᓕᕈᑎᑦᓴᓄᑦ ᑲᑎᒪᔨᕋᓛᓄᑦ. ᑕᒪᒃᑯᓂᖓ ᐃᖅᑲᓇᐃᔮᓂᒃ ᑲᒪᒋᔭᖃᕐᓂᖅ ᐳᓚᕋᓕᐅᒥᔮᕈᑕᐅᒋᐊᓕᒃ ᐃᓕᓐᓂᐊᕐᕕᓐᓄᑦ.

ᐃᖅᑲᓇᐃᔮᖅᑖᓪᓗᐊᖅᑐᖅ ᐊᖑᒻᒪᑎᓂᐊᖅᑐᖅ ᐅᓪᓗᒥᓯᐅᑎᓂᑦ ᐃᓕᓐᓂᐊᖅᑐᓕᕆᓂᕐᒨᖓᔪᓄᑦ, ᐃᓕᓐᓂᐊᕋᑦᓴᐃᑦ ᐋᖅᑭᓱᖅᑕᐅᓯᒪᓂᖏᓐᓄᑦ, ᐃᓕᓐᓂᐊᑎᑦᓯᓂᕐᒨᖓᔪᑦ ᐊᒻᒪᓗ ᑲᔪᓯᑦᓯᐊᑎᑦᓯᓂᕐᒧᑦ ᐃᓕᓐᓂᐊᕋᑦᓴᐃᑦ ᐃᓗᓕᖏᓐᓂᒃ ᐃᓕᓐᓂᐊᖅᑎᓄᑦ ᐊᔾᔨᒌᓐᖏᑦᑐᓂᒃ ᑭᓐᖒᒪᑦᓯᒪᔪᓄᑦ. ᐊᒻᒪᓗ ᐃᖅᑲᓇᐃᔮᖅᑖᖅᑐᖅ ᓴᓐᖏᔪᒻᒪᕆᒻᒥᒃ ᑐᑭᓯᓂᐊᓂᖃᕐᓂᐊᖅᑐᖅ ᐃᓕᓐᓂᐊᕋᑦᓴᐃᑦ ᐋᖅᑭᓱᖅᓯᒪᓂᖏᓐᓂᒃ, ᐊᑐᓕᖅᑎᑕᐅᓂᕐᒥᒃ ᖃᐅᔨᓴᕐᓂᕐᒥᓪᓗ ᕿᒥᕐᕈᕙᓪᓗᓂᓗ ᐊᐅᓚᓂᐅᔪᓂᒃ. ᑭᖑᓪᓕᖅᐹᒥ ᐃᖅᑲᓇᐃᔮᖅᑖᖅᑐᖅ ᕿᒥᕐᕈᒍᓐᓇᕆᐊᓕᒃ ᑕᒪᒃᑮᓐᓂᒃ ᐊᖏᓂᖏᓐᓂᒃ ᐱᐅᓂᖏᓐᓂᓪᓗ ᑲᑎᖅᓱᖅᑕᐅᓯᒪᔪᑦ ᐊᑐᕐᓗᓂ ᑖᒃᑯᓇᓐᖓᓪᓗᐊᖅ ᐊᐅᓚᓂᐅᔪᓂᒃ.  

ᖃᐅᔨᒪᓂᖃᕐᓂᖅ, ᐱᔪᓐᓇᕐᓂᐅᒋᐊᓖᓪᓗ ᑕᕝᕙᓂ ᐃᖅᑲᓇᐃᔮᒥ ᐱᔭᐅᒐᔪᓲᑦ ᐃᓕᓐᓂᐊᖅᓯᒪᓂᒃᑯᑦ ᐃᓕᑕᕆᔭᐅᔾᔪᑎᓕᒻᒥᒃ Bachelor’s Degree (ᖁᑦᓯᓂᖅᓴᒥᒃ ᐃᓕᓐᓂᐊᖅᓯᒪᓂᖅ Master’s Degree ᐃᑲᔫᑎᖃᕐᒥᔪᖅ) ᐃᓕᓐᓂᐊᖅᑐᓕᕆᓂᕐᒥ ᐅᕝᕙᓘᓐᓃᑦ ᐊᑦᑐᐊᔪᓂ ᐃᓅᓯᓕᕆᓂᕐᒨᖓᔪᓂ. ᐃᖅᑲᓇᐃᔮᖅᑖᖅᑐᖅ ᐃᓕᓐᓂᐊᑎᑦᓯᓯᒪᒋᐊᓕᒃ ᐊᕐᕌᒍᐃᑦ ᐱᖓᓱᑦ ᐊᑖᓂᐅᓐᖏᑦᑐᖅ (ᓄᓇᕗᒻᒥ ᐃᓕᓐᓂᐊᑎᑦᓯᓯᒪᑉᐸᑦ ᓈᒻᒪᓂᖅᓴᐅᒻᒥᔪᖅ) ᐅᕝᕙᓗ ᐃᓕᓐᓂᐊᖅᑐᓕᕆᓂᕐᒨᖓᔪᓂᒃ ᐃᖅᑲᓇᐃᔮᖃᖅᓯᒪᓗᓂ (ᐃᓕᓐᓂᐊᕋᑦᓴᓕᕆᓂᖅ ᐃᖅᑲᓇᐃᔮᖅᑖᕋᓱᐊᖅᑑᑉ ᑕᑯᒍᑎᒋᓯᒪᓕᓂᐅᒃ ᑲᔪᓯᑎᑕᐅᓂᖏᓐᓂᒃ ᐃᓕᓐᓂᐊᑎᑦᓯᒍᑏᑦ), ᐊᒻᒪᓗ ᐊᕐᕌᒎᓐᓂᒃ ᒪᕐᕉᓐᓂᒃ ᐃᓕᒻᒪᑦᓯᒪᓗᓂ ᐋᖅᑭᑦᓱᐃᓂᕐᒥᒃ ᐃᓕᓐᓂᐊᕋᑦᓴᓂᒃ ᐊᒻᒪᓗ / ᐅᕝᕙᓗ ᕿᒥᕐᕈᓂᕐᒥᒃ.

ᐊᔾᔨᒐᓚᖏᑦ ᐃᓗᓕᖃᕐᓂᐊᖅᑐᑦ ᓈᒻᒪᒋᔭᐅᓗᑎᒃ ᑲᑎᓯᒪᑎᓪᓗᒋᑦ ᐃᓕᓐᓂᐊᖅᓯᒪᓂᖅ, ᐱᓕᒻᒪᑦᓯᒪᓂᖅ, ᖃᐅᔨᒪᓂᖃᕐᓂᖅ ᐱᔪᓐᓇᕐᓂᖃᕐᓂᕐᓗ ᐃᓱᒪᒋᔭᐅᑐᐃᓐᓇᕆᐊᓖᑦ. ᖃᐅᔨᒪᓂᖅ ᐃᓄᐃᑦ ᐅᖃᐅᓯᖓᓐᓂᒃ, ᓄᓇᓕᖏᓐᓂᒃ, ᐱᖅᑯᓯᖓᓂᒃ, ᓄᓇᒥᒃ ᐊᒻᒪᓗ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ ᐊᑑᑎᓕᒃ ᐊᒻᒪᓗ ᐅᖃᕈᓐᓇᑦᓯᐊᕐᓂᖅ ᐊᑕᐅᓯᕐᒥᒃ ᐊᑕᐅᓯᐅᓐᖏᑦᑐᒥᓪᓘᓐᓂᑦ ᐃᓕᑕᕆᔭᐅᓯᒪᔪᓂ ᐅᖃᐅᓯᕐᓂ ᐊᑑᑎᖃᕐᒥᔪᖅ.

 

  • ᓄᓇᕗᒻᒥ ᒐᕙᒪᒃᑯᑦ ᓴᖅᑭᑎᓯᒪᔪᒪᖕᒪᑕ ᑭᒡᒐᖅᑐᐃᓂᖅᓴᐅᔪᓂᒃ ᐱᓕᕆᔨᐅᔪᓂᒃ ᑐᑭᓯᐅᒪᒃᑲᓐᓂᕈᒪᓪᓗᑎᒃ ᐊᒻᒪᓗ ᐱᔨᑦᑎᕈᒪᓪᓗᑎᒃ ᐱᔭᐅᔪᒪᕙᒃᑐᑦ ᓄᓇᕗᒻᒥᐅᓂᑦ. ᑲᔪᓯᑦᑎᐊᖁᓪᓗᒋᑦ, ᓯᕗᓪᓕᖅᐸᐅᔾᔭᐅᓇᔭᖅᑐᑦ ᓄᓇᕗᒻᒥ ᓄᓇᖃᖃᑕᐅᔪᑦ
  • ᓂᕈᐊᒐᒃᓴᐅᔪᑦ ᓇᓗᓇᐃᖅᓯᑦᑎᐊᕆᐊᓖᑦ ᐱᔪᓐᓇᖅᑎᑕᐅᓂᕐᒥᖕᓂᒃ ᓯᕗᓕᐅᔾᔭᐅᔪᒪᒍᑎ
  • ᐃᓱᒪᒋᔭᐅᔪᒪᓂᕐᒧᑦ ᑖᔅᓱᒨᓇ ᓄᓇᕘᒥ ᓯᕗᓪᓕᐅᔾᔨᑎᑦᑎᓂᕐᒧᑦ ᐃᖅᑲᓇᐃᔭᖅᑎᑖᕐᓂᕐᒧᑦ ᐊᑐᐊᒐᒃᑯᑦ. ᐱᕋᔭᒃᓯᒪᓂᕐᒧᑦ ᐸᐃᐹᒥᒃ ᐱᓯᒪᔪᑦ ᐱᔭᐅᔾᔮᖏᓐᓂᕋᖅᑕᐅᔪᓐᓇᙱᓚᑦ ᐃᓱᒪᒃᓴᖅᓯᐅᕈᑕᐅᓇᔭᖅᑐᑦ ᑭᓯᐊᓂ.
  • ᐃᖅᑲᓇᐃᔮᒧᑦ ᓇᓗᓇᐃᔭᖅᓯᒪᔪᑦ ᑭᓱᓕᕆᖃᑦᑕᕋᔭᕐᓂᕐᒧᑦ ᐱᔭᐅᔪᓐᓇᖅᑐᑦ ᓱᒃᑲᔪᒃᑯᑦ ᐅᕝᕙᓘᓐᓃᑦ ᐃᕐᖐᓐᓈᕈᑎᒃᑯᑦ ᐅᕝᕙᓘᓐᓃᑦ ᐃᑭᐊᖅᑭᕕᐊᒍᑦ.
  • ᑕᐃᒃᑯᐊ ᓂᕈᐊᖅᑕᐅᔪᑦ ᐊᐱᖅᓱᖅᑕᐅᔪᒃᓴᖑᖅᖢᑎᒃ ᐅᖃᕐᕕᒋᔭᑐᐊᕆᓇᔭᖅᑕᕗᑦ ᐊᐱᕐᓱᕐᓂᐊᕐᓗᑎᒍ
ᑐᓴᕆᐊᕐᕕᒃᓴᖅ: 
ᑮᓇᐅᔭᓕᕆᔨᒃᑯᑦ (Department of Finance Iqaluit)

ᓄᓇᕗᑦ ᒐᕙᒪᒃᑯᑦ
PO Box 1000, Station 430, Iqaluit, Nunavut X0A 0H0
ᐅᖃᓘᑖ: (867) 975-6222
ᐊᑭᖃᙱᑦᑐᖅ: 1-888-668-9993
ᓱᒃᑲᔪᖅ: (867) 975-6220
ᐃᕐᖐᓐᓇᖅ: gnhr@gov.nu.ca
www.gov.nu.ca/finance