ᐅᖃᓚᐅᑎᓯᐅᑏᑦ

You are here

ᑕᒪᑐᒧᖓ ᐃᓱᒪᒋᔭᖃᖅᓯᒪᔪᒪᒧᑦ ᓇᓗᓇᐃᖅᓯᕝᕕᖃᕐᓂᖅ – ᑕᑯᔭᖅᑐᕐᓂᖅ ᐅᐃᓂᐹᒡ−ᒥ ᑕᑯᔭᒐᖃᕐᕕᖕᒥᒃ ᓴᓇᔭᐅᓯᒪᔪᓄᑦ

ᓯᑎᐱᕆ 27, 2017

ᑭᒃᑯᑐᐃᓐᓇᓄᑦ ᐱᔨᑦᑎᕋᕐᕕᖃᖅᐸᖕᓂᕐᒧᑦ ᐅᖃᐅᓯᐅᔪᖅ

ᑕᒪᑐᒧᖓ ᐃᓱᒪᒋᔭᖃᖅᓯᒪᔪᒪᒧᑦ ᓇᓗᓇᐃᖅᓯᕝᕕᖃᕐᓂᖅ – ᑕᑯᔭᖅᑐᕐᓂᖅ ᐅᐃᓂᐹᒡ−ᒥ ᑕᑯᔭᒐᖃᕐᕕᖕᒥᒃ ᓴᓇᔭᐅᓯᒪᔪᓄᑦ

ᐊᕐᕌᒍᖃᖅᐲᑦ 18 ᐅᖓᑖᓂ? ᐃᓚᒋᔭᐅᔪᒪᕖᑦ ᐳᓛᕆᐊᖅᑐᓄᑦ ᐅᐃᓂᐸᐃᒡ ᑕᑯᔭᒐᖃᕐᕕᖓᓄᑦ? ᐄᖑᒃᐸᑦ, ᑲᑎᒪᓯᓐᓈᑦ ᐃᓕᓐᓂᐊᕐᓂᐅᓂᐊᖅᑐᖅ ᖁᕕᐊᒋᒐᔭᖅᑰᖅᑕᐃᑦ!

ᐃᓕᖅᑯᓯᓕᕆᔨᒃᑯᑦ ᕿᓂᖅᑐᑦ 8−ᓂᒃ ᐃᓄᓐᓂᑦ ᓄᓇᕗᒻᒥᐅᓂᑦ ᐃᓚᒋᔭᐅᔪᒪᔪᓂᑦ ᓄᓇᕗᒻᒥ ᓄᓇᖃᕆᐊᓕᒃ, ᐃᓕᒃᑲᓐᓂᕈᒪᔪᓄᑦ

ᐃᓄᐃᑦ ᓴᓇᐅᒐᖏᓐᓂᒃ.

ᑲᑎᒪᓯᓐᓈᑦ ᐃᓕᓐᓂᐊᕐᓂᐅᓂᐊᖅᑐᖅ ᐱᒋᐊᓛᖅᑐᖅ ᑎᓯᐱᕆᐅᑉ ᐱᓇᓱᐊᕈᓯᖏᑕ ᓯᕗᓪᓕᐹᖓᓂᑦ, ᐊᒻᒪᓗ ᐅᑯᓂᖓ ᐱᓕᕆᐊᖃᕐᓂᐊᖅᑐᑦ:

• ᑲᑎᒪᓯᓐᓈᑦ ᐃᓕᓐᓂᐊᖅᑎᑕᐅᓗᑎᒃ ᐅᐃᓂᐸᐃᒡ ᑕᑯᔭᒐᖃᕐᕕᖓᓂᑦ ᐃᖅᑲᓇᐃᔭᖅᑎᒧᑦ, ᐃᓚᒋᓗᒍ ᐊᔾᔨᓕᐅᕆᓂᖅ, ᑎᑎᖅᑐᒐᕐᓂᖅ ᒥᖅᓱᕐᓂᖅ ᐊᒻᒪᓗ ᑎᑎᖅᑐᒐᕐᓂᑦ ᐊᒥᓱᓕᐅᕐᓂᖅ.

• ᐳᓛᕆᐊᖅᑎᑕᐅᓗᑎᒃ ᓄᓇᕗᑦ ᒐᕙᒪᒃᑯᖏᓐᓂᑦ ᓄᐊᑕᐅᓯᒪᔪᑦ ᓴᓇᙳᐊᒐᑦᑎᐊᕙᐃᑦ ᐊᒻᒪᓗ ᐅᐃᓂᐸᐃᒡ ᑕᑯᔭᒐᖃᕐᕕᖓᓃᖓᖅᑐᓂᑦ ᖃᐅᔨᓇᓱᐊᕐᓗᑎᒃ ᐃᓄᐃᑦ ᓄᓇᕗᒻᒥᐅᑦ ᓴᓇᐅᒐᖏᓐᓂᑦ.

• ᐱᕕᖃᕈᓐᓇᕐᓂᐊᑐᑦ ᓴᓇᖑᐊᕐᕕᒻᒥ ᖃᓄᐃᓕᐅᕈᒪᔭᒥᓂᑦ.

• ᐳᓛᕆᐊᖅᑕᐅᓗᑎᑦ ᓄᓇᓕᓐᓂᑦ ᐱᐅᒋᔭᐅᒐᔪᒃᑐᑦ, ᓲᕐᓗ ᐅᐃᓂᐸᐃᒡ ᑕᑯᔭᒐᖃᕐᕕᖓᓃᖓᖅᑐᑦ.

ᑐᑭᓯᒋᐊᒃᑲᓐᓂᕈᒪᒍᕕᑦ ᑖᑦᓱᒪ ᐱᓕᕆᐊᖑᓂᐊᖅᑑᑉ ᙵᑦᓵᓄᑦ, ᐅᖄᓚᕕᒋᔪᓐᓇᖅᑕᐃᑦ ᓕᐅ ᑐᓗᒑᕐᔪᒃ, ᐊᐅᓚᑦᑎᔨ ᐃᓐᓇᕐᓄᑦ ᐱᓕᕆᐊᓄᑦ ᐅᕗᖓ (867) 934-2034, ᑕᑯᔭᖅᑐᕐᓗᒍᓘᓐᓃᑦ ᓄᓇᔅᓯᓐᓂ ᒐᕙᒪᒃᑯᓐᓂᒃ ᐱᓕᕆᖃᑎᖃᖅᐸᖕᓂᕐᒧᑦ ᐱᓕᕆᔨᒋᔭᓯ. ᑖᒃᑯᓄᖓ ᐊᑭᓕᖅᑕᐅᑎᓪᓗᒍ ᐅᖄᓚᕝᕕᒋᔪᓐᓇᖅᑕᑎᑦ.

ᐱᓚᒋᔭᐅᔪᒪᔪᑦ ᐊᑕᐅᓯᕐᒥᑦ ᒪᒃᐱᖅᑐᒐᕐᒥᑦ ᑎᑎᕋᕐᕕᒋᓗᒋᑦ ᐅᕗᖓ ᑐᕌᖅᑎᓪᓗᒍ ltulugarjuk@gov.nu.ca ᐅᑲᖅᓯᒪᓗᑎᑦ ᓱᒻᒪᑦ ᐃᓚᒋᔭᐅᔪᒪᒻᒪᖔᖅᐱᑦ ᑲᑎᒪᓯᓐᓈᑦ ᐃᓕᓐᓂᐊᖅᑐᓄᑦ. ᒪᑐᕕᒃᓴᓕᒃ ᐅᑐᐱᕆ 27, 2017−ᒥ.

###

ᐱᕙᓪᓕᐊᔪᓕᕆᓂᕐᒧᑦ ᖃᐅᔨᒋᐊᕐᕕᒃᓴᖅ:

ᑖᓐ ᐱᒥᓐᑎᐅᓪ
ᑐᓴᐅᒪᑎᑦᑎᓂᕐᒧᑦ ᐊᐅᓚᑦᑎᔨ
ᐃᓕᖅᑯᓯᓕᕆᔨᒃᑯᑦ
867-975-5526
dpimentel@gov.nu.ca