ᐅᖃᓚᐅᑎᓯᐅᑏᑦ

You are here

ᐊᐅᓚᑦᑎᔨ, ᐱᓕᕆᐊᒥᑦ ᐊᑐᓕᖅᑎᑦᑎᓂᕐᒥᑦ ᐊᒻᒪ ᐃᓕᓐᓂᐊᑎᑦᑎᓂᕐᒥᑦ - ᓴᖅᑭᔮᖅᑎᑕᐅᒃᑲᓐᓂᖅᑐᖅ

Groups: 
ᐃᓕᓐᓂᐊᕐᓂᓕᕆᔨᒃᑯᑦ
ᓄᓇᓕᒃ: 
ᒥᑦᑎᒪᑕᓕᒃ-ᒥ
ᓇᓗᓇᐃᒃᑯᑖ: 
09-504268
ᐃᒪᓐᓇᐃᑦᑑᓂᖓ ᐃᖃᓇᐃᔭᖅ: 
ᐃᖃᓇᐃᔭᖅᑎᐅᑲᐃᓇᖅᑐᖅ
ᑲᑐᔨᖃᑎᒋᑦ ᖃᓄᐃᓕᖓᒡᒪᖔᑕ: 
ᑕᓐᓇ ᐃᖃᓇᐃᔮᖅ ᐃᓚᒋᔭᐅᖖᒋᓚᖅ ᓄᓇᕗᑦ ᐃᖃᓇᐃᔭᖅᑎᐅᖃᑎᒋᑦ ᑲᑐᔨᖃᑎᒋᖏᓄᑦ
ᑮᓐᓇᐅᔭᒃᓵᖓ: 
$105,593 - $119,867 ᐊᕐᕌᒍᑕᒫᑦ 37.5 ᐃᑲᕐᕋᓄᑦ/ᐱᓇᓱᐊᕈᓯᕐᒥᑦ
ᑐᓴᕆᐊᕐᕕᒃᓴᖅ: 
$24,214.00 ᐊᕐᕌᒍᑕᒫᑦ
ᑖᓐᓇ ᐃᖅᑲᓇᐃᔮᖅ ᐃᒡᓗᖃᖅᑎᑕᐅᔪᖅ
Closing Date: 
ᒪᑐᐃᖓᐃᓐᓇᕐᓂᐊᖅᑐᖅ ᐃᓐᓄᒐᓱᓐᓂᖓᓂ


ᑖᓐᓇ ᐊᑦᑐᖅᑕᐅᓴᕋᐃᑦᑐᒦᑦᑐᖅ ᐃᖅᑲᓇᐃᔮᖅ ᐊᒻᒪ ᓈᒻᒪᒋᔭᐅᔪᓂᑦ ᐱᕋᔭᓚᐅᖅᓯᒪᖏᓐᓂᖓᓄᑦ ᖃᐅᔨᓴᖅᑕᐅᔭᕆᐊᓕᒃ ᐊᒻᒪ ᐊᑦᑕᓇᕈᓐᓇᓂᕐᒧᑦ ᖃᐅᔨᓴᖅᑕᐅᔭᕆᐊᓕᒃ.

ᑖᓐᓇ ᐃᖅᑲᓇᐃᔮᔅᓴᖅ ᑭᒃᑯᓕᒫᓄᑦ ᒪᑐᐃᖓᔪᖅ.

ᐊᖏᔪᖅᑳᖃᖅᑐᓂ ᑐᑭᒧᐊᖅᑎᑦᑎᔨᒥᑦ, ᐃᓕᓐᓂᐊᑎᑦᑎᔨᓂᑦ ᐱᕙᓪᓕᐊᑎᑦᑎᓂᕐᒧᑦ, ᐊᐅᓚᑦᑎᔨ, ᐱᓕᕆᐊᒥᑦ ᐊᑐᓕᖅᑎᑦᑎᓂᕐᒥᑦ ᐊᒻᒪ ᐃᓕᓐᓂᐊᑎᑦᑎᓂᕐᒥᑦ ᐱᓕᕆᐊᖃᖅᑐᖅ ᑲᒪᒋᔭᖃᖅᑐᓂ ᐊᐅᓚᑦᑎᐊᕐᓂᖓᓄᑦ ᐱᓕᕆᐊᖅ ᐊᑐᓕᖅᑎᑦᑎᓂᕐᒧᑦ ᐊᒻᒪ ᐃᓕᓐᓂᐊᑎᑦᑎᓂᕐᒧᑦ ᓄᓇᓕᒻᒥ. ᑕᐃᒪᐃᓐᓂᖓᓄᑦ, ᑲᒪᒋᔭᖃᕆᐊᖃᖅᑐᖅ ᓴᖅᑭᖅᑎᑕᐅᓂᖓ ᐊᒻᒪ ᐊᑐᓕᖅᑎᑕᐅᓂᖓ ᐃᓕᓐᓂᐊᑎᑦᑎᓂᕐᒧᑦ ᐱᓕᕆᐊᑦ ᑖᒃᑯᐊ ᐃᓕᓴᐃᔩᑦ ᐱᓕᒻᒪᓴᖅᓯᒪᓗᑎ ᐱᔨᑦᑎᕐᓗᑎ ᓄᓇᕗᒻᒥ ᐃᓕᓐᓂᐊᓂᕐᓕᕆᓂᕐᒧᑦ ᐱᓕᕆᐊᒥᑦ ᐱᖃᓯᐅᔾᔨᔪᑦ ᐃᓕᓐᓂᐊᕕᒻᒥ ᐃᖅᑲᓇᐃᔭᖅᑮᑰᒃ ᐃᑲᔪᖅᑕᐅᓗᑎ ᐱᔨᑦᑎᕐᓗᑎ ᐃᓕᓐᓂᐊᕋᔅᓴᓂᑦ, ᐃᓕᓐᓂᐊᖅᑏᑦ ᐃᑲᔪᖅᑕᐅᓂᖏᓐᓄᑦ ᐊᒻᒪ ᖃᐅᔨᓴᐃᓂᕐᒧᑦ. ᑕᐃᒪᐃᓐᓂᖓᓄ,, ᐃᖅᑲᓇᐃᔮᑖᖅᑐᖅ ᐱᓕᕆᔭᖏᑦ ᑖᒃᑯᐊ ᐃᓕᓐᓂᐊᖅᑏᑦ ᐱᓗᑎᑦ ᐱᐅᔪᒥᑦ ᐃᓕᓐᓂᐊᓂᕐᒥᑦ ᐃᖅᑲᓇᔮᑖᕈᓐᓇᓂᖅᓴᐅᖁᓪᓗᒋᑦ ᓄᓇᓕᒻᒥ ᐊᒻᒪ ᐊᐅᓚᓂᖃᕈᓐᓇᕐᓗᑎ ᓯᓚᕐᔪᐊᒥ.

ᐊᐅᓚᑦᑎᔨ, ᐱᓕᕆᐊᓄᑦ ᐊᑐᓕᖅᑎᑕᐅᓂᖏᓐᓄᑦ ᐃᓕᓐᓂᐊᑎᑦᑎᓂᕐᒧᓪᓗ ᐱᓕᕆᐊᖃᖅᑐᖅ ᐱᒻᒪᕆᐅᔪᒥᑦ ᑖᒃᑯᐊ ᐃᓕᓐᓂᐊᑎᑦᑎᔩᑦ ᑭᓱᓕᕆᔾᔪᑎᖃᑦᑎᐊᕐᓗᑎ ᐱᔨᑦᑎᕐᓗᒋᑦ ᐃᓕᓐᓂᐊᕈᑎᔅᓴᐃᑦ ᓴᖅᑭᖅᑎᑕᐅᔪᑦ ᒥᓂᔅᑕᒧᑦ ᐃᓕᓐᓂᐊᕐᓂᓕᕆᓂᕐᒧᑦ. ᐅᑯᑎᒎᓇᐅᔪᖅ ᐊᐅᓚᑦᑎᔨ, ᐱᓕᕆᐊᓄᑦ ᐊᑐᓕᖅᑎᑕᐅᓂᖏᓐᓄᑦ ᐊᒻᒪ ᐃᓕᓐᓂᐊᑎᑦᑎᓂᕐᒧᑦ ᐱᓕᕆᕕᐅᔪᖅ ᑕᑯᔅᓴᐅᑎᑦᑎᔪᖅ ᑐᓐᖓᓂᕆᔭᖓᓄᑦ ᐃᓄᓐᓄᑦ ᐱᐅᓂᖓᓄᑦ ᐃᓕᓐᓂᐊᕐᓂᓕᕆᓂᖅ ᐃᓕᓐᓂᐊᖅᑎᓅᖅᑕᐅᔪᑦ ᓄᓇᕗᒻᒥ ᐃᓕᓐᓂᐊᕐᕕᓄᑦ. ᑕᐃᒪᐃᓐᓂᖓᓄᑦ, ᒥᓂᔅᑕ ᐃᓕᓐᓂᐊᕐᓂᓕᕆᔨᒃᑯᓐᓄᑦ ᑐᓐᖓᓂᖃᖅᑐᖅ ᐃᖅᑲᓇᐃᔮᑖᖅᑐᒥᑦ (a) ᑖᒃᑯᐊ ᐃᓕᓐᓂᐊᑎᑦᑎᔩᑦ ᐃᓕᓐᓂᐊᑎᑦᑎᔾᔪᑎᖏᑦ ᑎᑭᑦᑎᓗᑎ ᒫᓐᓇᐅᔪᒥᑦ ᐃᓕᓂᐊᕐᓂᓕᕆᓂᕐᒧᑦ ᐊᒻᒪ, (b) ᑖᒃᑯᐊ ᐃᓕᓐᓂᐊᖅᑎᓄᑦ ᐃᑲᔪᖅᑏᑦ ᐃᖅᑲᓇᐃᔭᖅᑏᑦ ᐃᓕᓐᓂᐊᖅᑎᑕᐅᓗᑎ ᐃᓕᓐᓂᐊᕆᐊᖃᖅᑕᖏᓐᓂᑦ ᑎᑭᑦᑎᑎᐊᕐᓗᑎ ᐊᔾᔨᐅᖏᑦᑐᓂᑦ ᐱᔭᐅᔭᕆᐊᓕᓐᓄᑦ ᐃᓕᓐᓂᐊᖅᑎᓄᑦ.

ᑲᔪᓯᑎᑦᑎᐊᓂᐊᕐᓗᒋᑦ ᐱᓕᕆᐊᕆᔭᕆᐊᓕᖏᑦ ᑖᔅᓱᒧᖓ ᐃᖅᑲᓇᐃᔮᔅᓴᒧᑦ,  ᐊᐅᓚᓂᖃᑦᑎᐊᕆᐊᓕᒃ ᐱᓕᕆᕕᒻᒧᑦ ᖃᐅᔨᒋᐊᕐᕕᓪᓗᐊᑕᐅᓗᓂ ᐱᔾᔪᑎᖃᖅᑐᓂᑦ ᐊᑦᑐᐊᓂᓕᓐᓄᑦ ᐃᓕᓐᓂᐊᑎᑦᑎᔨᓂᑦ ᐱᕙᓪᓕᐊᑎᑦᑎᓂᕐᒧᑦ ᐊᒻᒪ ᐅᖃᐅᔾᔨᒋᐊᕐᓗᓂ ᐊᒻᒪ ᑐᑭᒧᐊᖅᑎᑦᑎᓗᓂ ᑕᐃᒪᐃᒋᐊᖃᕋᐃᒍᓂ. ᑖᓐᓇ ᐱᓕᕆᐊᖃᕆᐊᖃᕐᒥᔪᖅ ᐊᐅᓚᑦᑎᓂᕐᒥᑦ ᐊᑐᖅᑐᔅᓴᓂᑦ $1.6 ᒥᓕᐊᓂᑦ ᐊᒻᒪ 8−ᓄᑦ ᐃᖅᑲᓇᐃᔭᖅᑎᓄᑦ ᐊᖏᔪᖅᑳᕆᔭᐅᓗᓂ: ᐱᓕᕆᐊᒥ ᐊᑐᓕᖅᑎᑕᐅᓂᖓᓄᑦ ᐃᓕᓐᓂᐊᑎᑦᑎᓂᕐᒧᓪᓗ ᐊᐅᓚᑦᑎᔩᑦ (x5), ᐃᓕᓐᓂᐊᖅᑎᓄᑦ ᐃᑲᔪᖅᑎᓄᑦ ᐃᓕᓐᓂᐊᑎᑦᑎᓂᖅ (x2), ᐊᒻᒪ NPIC ᐊᐅᓚᓂᖏᓐᓄᑦ ᐃᑲᔪᖅᑎ.  ᐊᑦᑐᐊᓂᖃᕐᒪᑦ ᑖᒃᑯᐊ ᑐᓂᔭᐅᓂᖏᑦ ᐅᓂᒃᑳᑦ, ᐃᖅᑲᓇᐃᔮᑖᖅᑐᖅ ᐱᓕᕆᖃᑦᑕᖅᑐᖅ ᐊᐅᓚᑦᑎᔨᐅᓂᕐᒧᑦ ᐱᓕᕆᐊᖑᒋᐊᓕᓐᓂᑦ: ᐃᖅᑲᓇᐃᔭᖅᑎᑎᓪᓗᓂ, ᖃᐅᔨᓴᕐᓂᖅ ᐃᖅᑲᓇᐃᔭᖅᑏᑦ ᖃᓄᐃᓘᕐᓂᕆᔭᖏᓐᓂᑦ ᐊᒻᒪ ᐱᓕᕆᐊᖃᕐᓂᖅ ᖃᓄᐃᓘᕐᓂᖏᓐᓄᑦ ᐱᓕᕆᐊᖑᒋᐊᓕᓐᓂᑦ ᓴᖅᑭᖃᑦᑕᕈᓐᓇᖅᑐᑦ.

ᐃᖅᑲᓇᐃᔮᑖᖁᒥᓇᖅᑐᖅ ᓯᓚᑦᑐᓴᕐᕕᒃᔪᐊᒥ ᓇᓗᓇᐃᒃᑯᑕᖃᕆᐊᓕᒃ ᐃᓕᓐᓂᐊᕐᓂᓕᕆᓂᕐᒥᑦ (ᓯᓚᑦᑐᓴᕐᕕᒃᔪᐊᒥ ᐱᔭᕇᖅᓯᓯᒪᓂᕐᒧᑦ ᓇᓗᓇᐃᒃᑯᑕᖃᕆᐊᖃᓪᓚᕆᑦᑐᒋᔭᐅᔪᖅ) ᐅᕝᕙᓘᓐᓃᑦ ᐃᓐᓇᕐᓄᑦ ᐃᓕᓐᓂᐊᑎᑦᑎᓂᕐᒥᑦ ᐊᒻᒪ ᑕᓪᓕᒪᓂᑦ ᐊᕐᕌᒍᓂᑦ ᐃᖅᑲᓇᐃᔭᖃᑦᑕᖅᓯᒪᓗᓂ ᐃᓕᓐᓂᐊᕐᓂᓕᕆᓂᕐᒥᑦ; ᐊᒻᒪ ᐱᖓᓱᓂᑦ ᐊᕐᕌᒍᓂᑦ ᐃᖅᑲᓇᐃᔭᖅᓯᒪᓗᓂ ᐃᓕᓐᓂᐊᑎᑦᑎᔨᐅᓂᕐᒧᑦ  ᐊᒻᒪ ᐊᔪᖏᓐᓂᐅᔪᓂᑦ ᐱᕙᓪᓕᐊᑎᑦᑎᓂᕐᒧᑦ ᐱᓕᕆᐊᓂᑦ; ᐊᒻᒪ ᐊᕐᕌᒍᒥ ᐊᑕᐅᓯᕐᒥ ᐃᖅᑲᓇᐃᔭᖅᓯᒪᓗᓂ ᐱᓕᕆᐊᓂᑦ ᐱᕙᓪᓕᐊᑎᑦᑎᓂᕐᒥᑦ ᐊᒻᒪ ᐊᑐᓕᖅᑎᑦᑎᓂᕐᒧᑦ ᐃᓕᓐᓂᐊᕕᒻᒥ/ᐊᕕᑦᑐᖅᓯᒪᔪᒥ/ᓄᓇᕗᒻᒥ. ᐃᓚᒋᐊᕐᓗᒍ ᑖᔅᓱᒧᒍ, ᐃᖅᑲᓇᐃᔮᑖᖁᒥᓇᖅᑐᖅ ᐃᖅᑲᓇᐃᔭᖃᑦᑕᖅᓯᒪᔭᕆᐊᓕ ᐊᔾᔨᒌᖏᑦᑐᓂᑦ ᐃᓕᓐᓂᐊᑎᑦᑎᔾᔪᑎᓂᑦ ᐊᒻᒪ ᐊᑐᖅᑕᐅᔪᓂᑦ ᐱᓗᐊᖅᑐᒥ ᐊᑕᐅᓯᐅᓗᐊᖅᑐᒥ ᑐᑭᓯᔭᐅᓂᖏᓐᓄᑦ ᐊᒻᒪ ᖃᐅᔨᒪᓂᖃᕐᓗᓂ ᐃᓐᓇᕐᓂᑦ ᐃᓕᓐᓂᐊᑎᑦᑎᓂᕐᒥᑦ ᐱᕙᓪᓕᐊᑎᑦᑎᓂᕐᒥᓪᓗ. ᖃᐅᔨᒪᓂᖃᑦᑎᐊᕐᓗᓂ ᐱᓕᕆᕕᒻᒧᑦ ᐃᓱᒪᒋᔭᐅᔪᓂᑦ, ᐃᓕᓐᓂᐊᕐᓂᓕᕆᓂᕐᒧᑦ ᒪᓕᒐᖏᑦ, ᐅᑉᐱᕆᔭᖏᑦ ᐊᒻᒪ ᐃᓕᓐᓂᐊᑎᑦᑎᓂᕐᒧᑦ ᐱᑕᖃᕆᐊᖃᖅᑐᑦ ᖃᐅᔨᒪᓂᖃᕐᓗᓂᓗ ᓄᓇᕗᒻᒥ ᐃᓕᓐᓂᐊᓂᕐᒧᑦ ᐊᑐᖅᑕᐅᔪᓂᑦ / ᓴᓇᓯᒪᓂᖓ ᐊᒻᒪ ᖃᐅᔨᒪᓂᖃᕐᓗᓂ ᒪᕐᕉᓐᓂ ᐅᖃᐅᓯᓕᓐᓄᑦ/ᒪᕐᕉᓐᓄ ᐱᖅᑯᓯᓄᑦ ᐃᓕᓐᓂᐊᑎᑦᑎᓂᕐᒥᑦ, ᐊᑐᑲᑕᐅᓂᖏᑦ ᐃᓕᓐᓂᐊᑎᑦᑎᔾᔪᑏᑦ ᐊᒻᒪ ᓄᓇᓕᒻᒧᑦ / ᐱᖅᑯᓯᓅᖓᔪᑦ ᐃᓕᓐᓂᐊᕐᓂᓕᕆᓂᕐᒥᑦ. ᐃᖅᑲᓇᐃᔮᑖᖅᑐᖅ ᐃᖅᑲᓇᐃᔭᖃᑦᑕᖅᓯᒪᔭᕆᐊᖃᕐᒥᔪᖅ ᐃᓕᓐᓂᐊᑎᑦᑎᓂᕐᒥᑦ ᐊᒻᒪ ᐊᑐᐃᓐᓇᕈᐃᔪᓐᓇᕐᓗᓂ ᐃᓕᓐᓂᐊᑎᑦᑎᓗᓂᓗ ᐃᓕᓐᓂᐊᑎᑦᑎᔾᔪᑎᓂᑦ, ᓱᓇᒃᑯᑖᓂᑦ ᐊᒻᒪ ᐃᓕᓐᓂᐊᓯᓐᓈᓂᕐᒧᑦ ᑐᕌᖅᑕᐅᔪᓂᑦ ᐊᔾᔨᒌᖏᑦᑐᑯᓄᑦ ᑐᕌᖅᑎᑕᐅᔪᑦ ᐊᒻᒪᓗᑦᑕᐅᖅ ᖃᐅᔨᒪᓂᖃᕐᓗᓂ ᐱᓕᕆᐊᒥᑦ ᐊᐅᓚᑦᑎᓂᕐᒥᑦ ᐱᓕᕆᐊᔅᓴᒥᑦ ᐅᕝᕙᓘᓐᓃᑦ ᐱᓕᕆᐊᒧᑦ ᐊᑐᖅᑐᔅᓴᓂᑦ ᐊᒻᒪ ᓇᓕᒧᑦᑎᑦᑎᒍᓐᓇᓂᕐᒥᑦ ᐊᒥᓱᒐᓚᓐᓂᑦ ᓯᕗᓪᓕᐅᔾᔭᐅᔭᕆᐊᓕᓐᓂᑦ.  ᐃᖅᑲᓇᐃᔭᕈᓐᓇᕐᓗᓂ ᓴᓇᕐᕈᑎᓄᑦ (ᓲᕐᓗ, ᖃᕋᓴᐅᔭᐃᑦ), ᖃᕋᓴᐅᔭᓕᕆᓂᕐᒧᑦ ᐊᑐᖅᑕᐅᔪᑦ (ᓲᕐᓗ, ᑎᑎᕋᖅᑕᐅᓯᒪᔪᓂᑦ ᖃᐅᔨᒪᔾᔪᑏᑦ, ᑐᓴᐅᒪᔾᔪᑎᓕᕆᓂᕐᒧᑦ ᓴᓇᕐᕈᑏᑦ/ᖃᕋᓴᐅᔭᓕᕆᔾᔪᑏᑦ) ᐊᒻᒪ ᖃᕋᓴᐅᔭᓕᕆᔾᔪᑏᑦ (ᓲᕐᓗ MS Office Suite, Adobe Suite, Website, Social Media ᐊᓯᖏᓪᓗ.) ᐱᑕᖃᕆᐊᖃᖅᑐᖅ ᐃᓚᒋᓪᓗᓂᐅᒃ ᑖᔅᓱᒧᖓ ᐃᖅᑲᓇᐃᔮᒧᑦ.

ᐊᔾᔨᐸᓗᖏᑦ ᓈᒻᒪᒋᔭᐅᔪᓂᑦ ᑲᑎᓐᖓᔪᓂᑦ ᐃᓕᓐᓂᐊᖅᓯᒪᓂᖓ ᐊᒻᒪ ᐃᖅᑲᓇᐃᔭᖃᑦᑕᖅᓯᒪᓂᖓ, ᖃᐅᔨᒪᓂᖓ ᐊᒻᒪ ᐊᔪᖏᓐᓂᖏᑦ ᐊᒻᒪ ᐱᔪᓐᓇᕐᓂᖏᑦ ᐃᓱᒪᒋᔭᐅᓂᐊᖅᑐᑦ

ᖃᐅᔨᒪᓂᖃᕆᐊᓕᒃ ᐃᓄᐃᑦ ᐅᖃᐅᓯᖓᓐᓂ, ᓄᓇᓕᖏᓐᓂᑦ, ᐱᖅᑯᓯᖏᓐᓂᑦ, ᓄᓇᖓᓂᑦ ᐊᒻᒪ ᐃᓄᐃᑦ ᖃᐅᔨᒪᔭᑐᖃᖏᓐᓂᑦ.

 

  • ᓄᓇᕗᒻᒥ ᒐᕙᒪᒃᑯᑦ ᓴᖅᑭᑎᓯᒪᔪᒪᖕᒪᑕ ᑭᒡᒐᖅᑐᐃᓂᖅᓴᐅᔪᓂᒃ ᐱᓕᕆᔨᐅᔪᓂᒃ ᑐᑭᓯᐅᒪᒃᑲᓐᓂᕈᒪᓪᓗᑎᒃ ᐊᒻᒪᓗ ᐱᔨᑦᑎᕈᒪᓪᓗᑎᒃ ᐱᔭᐅᔪᒪᕙᒃᑐᑦ ᓄᓇᕗᒻᒥᐅᓂᑦ. ᑲᔪᓯᑦᑎᐊᖁᓪᓗᒋᑦ, ᓯᕗᓪᓕᖅᐸᐅᔾᔭᐅᓇᔭᖅᑐᑦ ᓄᓇᕗᒻᒥ ᓄᓇᖃᖃᑕᐅᔪᑦ
  • ᓂᕈᐊᒐᒃᓴᐅᔪᑦ ᓇᓗᓇᐃᖅᓯᑦᑎᐊᕆᐊᓖᑦ ᐱᔪᓐᓇᖅᑎᑕᐅᓂᕐᒥᖕᓂᒃ ᓯᕗᓕᐅᔾᔭᐅᔪᒪᒍᑎ
  • ᐃᓱᒪᒋᔭᐅᔪᒪᓂᕐᒧᑦ ᑖᔅᓱᒨᓇ ᓄᓇᕘᒥ ᓯᕗᓪᓕᐅᔾᔨᑎᑦᑎᓂᕐᒧᑦ ᐃᖅᑲᓇᐃᔭᖅᑎᑖᕐᓂᕐᒧᑦ ᐊᑐᐊᒐᒃᑯᑦ. ᐱᕋᔭᒃᓯᒪᓂᕐᒧᑦ ᐸᐃᐹᒥᒃ ᐱᓯᒪᔪᑦ ᐱᔭᐅᔾᔮᖏᓐᓂᕋᖅᑕᐅᔪᓐᓇᙱᓚᑦ ᐃᓱᒪᒃᓴᖅᓯᐅᕈᑕᐅᓇᔭᖅᑐᑦ ᑭᓯᐊᓂ.
  • ᐃᖅᑲᓇᐃᔮᒧᑦ ᓇᓗᓇᐃᔭᖅᓯᒪᔪᑦ ᑭᓱᓕᕆᖃᑦᑕᕋᔭᕐᓂᕐᒧᑦ ᐱᔭᐅᔪᓐᓇᖅᑐᑦ ᓱᒃᑲᔪᒃᑯᑦ ᐅᕝᕙᓘᓐᓃᑦ ᐃᕐᖐᓐᓈᕈᑎᒃᑯᑦ ᐅᕝᕙᓘᓐᓃᑦ ᐃᑭᐊᖅᑭᕕᐊᒍᑦ.
  • ᑕᐃᒃᑯᐊ ᓂᕈᐊᖅᑕᐅᔪᑦ ᐊᐱᖅᓱᖅᑕᐅᔪᒃᓴᖑᖅᖢᑎᒃ ᐅᖃᕐᕕᒋᔭᑐᐊᕆᓇᔭᖅᑕᕗᑦ ᐊᐱᕐᓱᕐᓂᐊᕐᓗᑎᒍ
ᑐᓴᕆᐊᕐᕕᒃᓴᖅ: 
ᑮᓇᐅᔭᓕᕆᔨᒃᑯᑦ (Department of Finance Igloolik)

ᓄᓇᕗᑦ ᒐᕙᒪᒃᑯᑦ
PO Box 239, Igloolik, Nunavut X0A 0L0
ᐅᖃᓘᑖ: (867) 934-2025
ᐊᑭᖃᙱᑦᑐᖅ: 1-800-682-9033
ᓱᒃᑲᔪᖅ: (867) 934-2027
ᐃᕐᖐᓐᓇᖅ: Igloolik_hr@gov.nu.ca
www.gov.nu.ca/finance