ᐅᖃᓚᐅᑎᓯᐅᑏᑦ

You are here

ᐃᖃᓗᓐᓂᑦ ᐃᒥᐊᓗᑦᑖᕐᕕᒃ ᒪᑐᐃᖅᑐᖅ

ᓯᑎᐱᕆ 06, 2017

ᐱᕙᓪᓕᐊᔪᑦ ᓴᖅᑭᑎᑕᐅᔪᑦ

ᓴᖅᑭᑎᑕᐅᑲᐅᑎᒋᔪᑦ

ᐃᖃᓗᓐᓂᑦ ᐃᒥᐊᓗᑦᑖᕐᕕᒃ ᒪᑐᐃᖅᑐᖅ


ᐃᖃᓗᐃᑦ, ᓄᓇᕗᑦ (ᓯᑎᐱᕆ 6, 2017) − ᒥᓂᔅᑕ ᑮᓇᐅᔭᓕᕆᔨᒃᑯᓐᓄᑦ ᑮᑦ ᐲᑑᓴᓐ ᐅᓪᓗᒥ ᒪᑐᐃᖅᓯᔪᖅ ᐃᖃᓗᓐᓂᑦ ᐃᒥᐊᓗᑦᑖᕐᕕᒻᒥ.

“ᓄᓇᕗᑦ ᒐᕙᒪᒃᑯᖏᑦ ᒪᑐᐃᖅᓯᔪᑦ ᒐᕙᒪᒃᑯᑦ−ᐱᖁᔭᖓᓄᑦ ᐊᐅᓚᑕᐅᔪᒥᒃ ᐃᒥᐊᓗᒃᑖᕐᕕᒻᒥᑦ ᓂᐅᕕᐊᑦᓴᖃᖃᑦᑕᕐᓂᐊᖅᑐᑦ ᐱᐊᓂᑦ ᕙᐃᓂᓂᒡᓗ ᐊᑭᑭᓐᓂᖅᓴᐅᓂᐊᖅᑐᑦ ᐃᒥᓂᐊᓗᓐᓂᑦ ᓂᐅᕕᐊᓴᖃᖅᐸᑦᑐᓂᒃ ᐃᒥᐊᓗᓐᓂᑦ ᓂᐅᕕᐊᑦᓴᖃᖅᐸᑦᑐᑦ ᑐᕌᒐᕆᔭᐅᔪᑦ ᓄᖅᑲᔫᒥᖁᔭᐅᓪᓗᑎᒃ, ᐃᒥᐊᓗᐃᓐᓇᓕᕈᒪᕙᑦᑐᑦ ᖃᑦᓰᓇᕈᔫᒥᑎᓇᓱᒃᑕᕗᑦ ᐊᒻᒪᓗ ᐃᒥᐊᓗᑉᐹᑦᑐᑦ ᐃᒥᐊᓗᒻᒥᑦ ᐊᑐᑦᑎᐊᖁᔭᕗᑦ,” ᐅᖃᓚᐅᖅᑐᖅ ᒥᓂᔅᑕ ᐲᑑᓴᓐ. ᑖᓐᓇ ᖃᐅᔨᓴᐅᑎᐅᓯᓐᓈᑦ ᐱᓕᕆᐊᖑᔪᖅ, ᐃᖃᓗᒻᒥᐅᓄᑦ ᓂᕈᐊᖅᑕᐅᓚᐅᖅᓯᒪᔪᖅ, ᐱᒋᐊᕈᑎᒋᓂᐊᖅᑕᕗᑦ ᐃᒥᐊᓗᒻᒧᑦ ᖃᓄᐃᓂᕐᓗᒃᑕᐅᕙᑦᑐᑦ ᓄᖃᔫᒥᖁᓪᓗᒋᑦ ᓄᓇᕗᒻᒥ.”

ᓄᓇᕗᒻᒥ ᐃᒥᐊᓗᓕᕆᓂᕐᒧᑦ ᐱᖁᔭᕐᒧᑦ ᕿᒥᕐᔩᑦ 2012-ᖑᑎᓪᓗᒍ ᐳᓚᕋᖃᑦᑕᓚᐅᕐᒪᑕ ᑭᖑᓪᓕᖅᐹᒥᑦ ᐅᓂᒃᑳᓕᐅᓚᐅᖅᓯᒪᒻᒪᑕ, ᓄᖃᖅᑎᑕᐅᔪᒪᓪᓗᓂ ᐃᒥᐊᓗᒻᒧᑦ ᐱᓂᕐᓗᓐᓂᐅᕙᑦᑐᖅ, ᓇᓗᓇᐃᖅᓯᓚᐅᖅᓯᒪᒻᒪᑦ ᓄᓇᕗᒻᒥᐅᑦ ᒐᕙᒪᒃᑯᓐᓂᑦ ᓄᑖᓂᑦ ᕿᒥᕐᕈᖁᔨᓚᐅᖅᑐᑦ ᐃᒥᐊᓗᓕᕆᓂᕐᒨᖓᔪᓂᒃ ᓄᓇᕗᒻᒥ. ᐊᑐᓕᖁᔭᐅᓪᓗᐊᑕᓚᐅᖅᑐᑦ ᒐᕙᒪᒃᑯᑦ−ᐱᖁᔭᖓᓄᑦ ᐊᐅᓚᑕᐅᔪᒥᒃ ᐃᒥᐊᓗᒃᑖᕐᕕᒃᑖᕈᒪᓪᓗᑎᒃ ᐱᐊᓂᑦ ᕙᐃᓂᓂᒡᓗ ᓂᐅᕕᕐᕕᒻᒥᑦ. ᓂᕈᐊᕐᓂᖃᖅᑎᓪᓗᒋᑦ ᐃᐳᕈ 20, 2015−ᖑᑎᓪᓗᒍ, ᐃᖃᓗᒻᒥᐅᑦ ᓂᕈᐊᓚᐅᖅᓯᒪᒻᒪᑕ ᐱᐊᓂᑦ ᕙᐃᓂᓂᒡᓗ ᓂᐅᕕᕐᕕᒃᑖᕈᒪᓪᓗᑎᒃ ᓄᓇᓕᒥᓂᑦ.

ᐃᒥᐊᓗᒃᑖᕐᕕᒃ ᐊᖏᓂᓕᒃ 1,200 ᓯᒃᑭᑦᑕᑲᓪᓚᐃᑦ (ᑭᑉᐹᕆᑦᑐᖅ) ᐃᓯᒐᐃᑦ ᐃᓚᒋᓕᐅᑎᔪᖅ ᓄᓇᕗᒻᒥ ᐃᒥᐊᓗᓐᓄᑦ ᓯᕐᓗᐊᒧᑦ. ᓯᕗᓪᓕᖅᐹᒥᑦ ᑭᒃᑯᑐᐃᓐᓇᕐᓄᑦ ᐃᓯᖅᑕᐅᓂᐊᓕᖅᑐᖅ ᐃᒥᐊᓗᒃᑖᕐᕕᒃ ᓄᓇᕗᒻᒥ, ᐊᒻᒪᓗ ᒪᑐᐃᖓᖃᑦᑕᕐᓂᐊᖅᑐᖅ ᐊᐃᑉᐱᕐᒥᑦ ᓈᑦᓯᒎᔭᓛᕐᓂᐊᒧᑦ ᒪᑐᐃᕐᓗᓂ ᖁᓛᓂᑦ ᒪᑐᓗᓂ ᐅᓐᓄᒃᑯᑦ 7−ᒥᑦ.

###

ᐱᕙᓪᓕᐊᔪᓄᑦ ᖃᐅᔨᒋᐊᕐᕕᒃᓴᖅ:
ᑎᓃᔅ ᒍᕌᒪᐃᓲ
ᐊᐅᓚᑦᑎᔨ, ᑐᓴᐅᓚᒧᓕᕆᓂᕐᒧᑦ
ᑮᓇᐅᔭᓕᕆᔨᒃᑯᑦ
867-975-6818
FinanceComs@gov.nu.ca