ᐅᖃᓚᐅᑎᓯᐅᑏᑦ

You are here

ᐊᕙᓕᕆᓂᕐᒧᑦ ᖃᐅᔨᓴᖅᑕᐅᓕᒑᓕᖅᐳᖅ ᖁᕐᓄᒃᑐᐊᕐᔪᖕᒥᑦ

ᐊᒐᓯ 24, 2017

ᓴᖅᑭᑕᐅᕋᑖᓚᐅᖅᑐᖅ

ᐊᕙᓕᕆᓂᕐᒧᑦ ᖃᐅᔨᓴᖅᑕᐅᓕᒑᓕᖅᐳᖅ ᖁᕐᓄᒃᑐᐊᕐᔪᖕᒥᑦ

ᐃᖃᓗᐃᑦ, ᓄᓇᕗᑦ (ᐊᒡᒌᓯ 24, 2017−ᒥᑦ) − ᓄᓇᕗᑦ ᒐᕙᒪᖓᑦ ᐊᒻᒪ ᕿᑎᕐᒥᐅᑦ ᐃᓄᐃᑦ ᑲᑐᔾᔨᖃᑎᒌᖏᑦ ᑐᓂᓯᖃᑎᒌᒃᓯᒪᕗᑦ ᖁᕐᓄᒃᑑᐊᕐᔪᖕᒥᑦ ᐊᒻᒪ ᑐᓚᒃᑕᕐᕕᒃᓴᖓᓂ ᑐᒃᓯᕋᖅᑕᐅᓯᒪᕗᑦ ᐊᖏᖅᑕᐅᓚᐅᖅᖢᓂᓗ ᓄᓇᕗᒻᒥᑦ ᐊᑦᑐᐃᓂᐊᖅᑐᒥᑦ ᕿᒥᕐᕈᔨᓄᑦ. ᑖᓐᓇ ᖃᐅᔨᓴᖅᑕᐅᒋᐊᓕᒃ ᐱᓕᕆᐊᒃᓴᐅᓕᒑᔪᖅ ᓄᓇᕗᒻᒥᑦ ᐱᕙᒌᔭᕐᓂᕐᒧᑦ ᐱᓕᕆᐊᒃᓴᓂᒡᓗ ᖃᐅᔨᓴᕐᓂᕐᒧᑦ ᐱᖁᔭᖓᓂ ᐊᒻᒪ ᓄᓇᕗᑦ ᐊᖏᕈᐊᓂ.

ᐱᔭᕇᖅᑕᐅᓯᒪᓕᖅᐸᑦ, ᖁᕐᓄᒃᑐᐊᕐᔪᐊᖕᒥᑦ ᐊᒻᒪ ᑐᓚᒃᑕᕐᕕᒃᓴᖓᓂ ᐃᑎᔪᐊᖅᓯᑎᑐᐊᙳᓕᒑᕗᖅ ᕿᑎᕐᒥᐅᓂᑦ. ᐊᓯᔾᔨᖅᔪᐊᕐᓂᐊᖅᑐᖅ ᐱᓕᕆᐊᕆᓕᒑᔭᖓᑦ ᑲᓇᑕᒥᐅᓂᑦ ᐃᑲᔫᑎᐅᓇᓱᐊᖅᐳᖅ ᐅᑭᐅᖅᑕᖅᑐᒥᑦ ᐱᕙᓪᓕᐊᔪᓕᕆᓂᕐᒧᑦ ᐅᑭᐅᕆᔭᑦᑎᓐᓂ.

"ᐊᖅᑭᒃᐸᓪᓕᐊᕗᖅ ᐱᕙᓪᓕᐊᑐᐃᓐᓇᕆᐊᓕᖕᒥᑦ ᓄᓇᕗᒻᒥᑦ ᑮᓇᐅᔭᓕᕆᓂᕐᒧᑦ ᓯᕗᓂᒃᓴᒥᑦ ᑲᓇᑕᒥᒡᓗ ᒪᑭᒪᔾᔪᑎᐊᓂ" ᐅᖃᖅᐳᖅ ᒥᓂᔅᑕᖓᑦ ᐱᕙᓪᓕᐊᔪᓕᕆᔨᒃᑯᑦ ᐃᕐᖏᕋᔪᓕᕆᔨᒃᑯᓪᓗ, ᒫᓂᑲ ᐃᐊᓪ-ᑲᓇᔪᖅ. "ᓂᕆᐅᒃᐳᒍᑦᓄᓇᕗᒻᒥᑦ ᐊᑦᑐᐃᓂᐊᖅᑐᒥᑦ ᕿᒥᕐᕈᔨᑦ ᖃᐅᔨᓴᓕᒑᕗᑦ ᐊᑐᐃᓐᓇᐅᑎᑦᑎᓕᒑᓗᑎᒡᓗ ᓇᖕᒥᓂᖃᖅᑎᐅᖃᑕᐅᔪᓂ ᐱᖃᑕᐅᖏᓐᓇᕐᓗᑎᑦ ᑐᑭᓯᐅᒪᓗᑎᒡᓗ ᐱᓕᕆᐊᒃᓴᓕᒑᔪᒥᑦ ᖃᓄᐃᑦᑑᓂᐊᕐᓂᕆᔭᖓᓄᑦ."

ᑐᒃᓯᕋᓚᐅᖅᐳᑦ ᓄᓇᕗᑦ ᒐᕙᒪᖓᑦ ᐊᒻᒪ ᕿᑎᕐᒥᐅᑦ ᐃᓄᐃᑦ ᑲᑐᔾᔨᖃᑎᒌᖏᓐᓄᑦ ᓴᓇᖃᑎᒌᒡᓗᑎᑦ, ᐊᐅᓚᑦᑎᓗᑎᑦ ᐊᒻᒪ ᐊᐅᓚᑦᑎᓗᑎᑦ ᖁᕐᓄᒃᑑᐊᕐᔪᖕᒥᑦ ᐊᒻᒪ ᑐᓚᒃᑕᕐᕕᒃᓴᖓᓂ ᓄᓇᕗᑦ ᕿᑎᕐᒥᐅᖓᓂ, ᐊᖏᑎᒋᓪᓗᐊᖅᑐᖅ 230−ᒥᑦ ᑭᓛᒥᑐᔅ ᐊᕐᕌᒍᓕᒫᕐᒧᑦ ᐊᑯᖅᓯᑎᓕᒑᕗᖅ ᔪᕋᐃᒃᑯᒥᑦ ᐃᑎᔪᒧᑦ ᑐᓚᒃᑕᕐᕕᒃᓴᐅᓕᒑᓪᓗᓂ ᖁᕐᓄᒃᑑᐊᕐᔪᖕᒥᑦ ᑰᕆᓐᓂᓵ ᓯᒡᔭᖓᓂ.

"ᑖᓐᓇ ᓄᓇᖓ ᓄᒃᑎᖅᑕᐅᓕᒑᔪᖅ ᖁᕐᓗᒃᑑᐊᕐᔪᖕᒥᑦ ᐱᓕᕆᐊᖑᓕᒑᔪᖅ ᑲᔪᓯᓕᒑᕗᖅ ᐱᓕᕆᐊᒃᓴᓕᒑᔪᒧᑦ ᖁᕐᓄᒃᑑᐊᕐᔪᐊᖕᒥᑦ ᑐᓚᒃᑕᕐᕕᒃᓴᖓᓗ," ᐅᖃᓚᐅᖅᐳᖅ ᓯᑖᓕ ᐊᓇᐸᓚᒃ, ᑲᑎᒪᑎᑦᑎᔨ ᕿᑎᕐᒥᐅᑦ ᐃᓄᐃᑦ ᑲᑐᔾᔨᖃᑎᒌᖏᓐᓄᑦ. "ᑖᓐᓇ ᐱᓕᕆᐊᒃᓴᓕᒑᔪᖅ ᑲᑐᔾᔨᖃᑎᒌᑦᑎᐊᕐᓂᐊᖅᑐᑦ ᑖᒃᑯᓂᖓ ᒐᕙᒪᒃᑯᓐᓂ ᐃᓄᖕᓂᓪᓗ ᐊᒻᒪ ᐊᓯᔾᔨᑐᐃᓐᓇᕆᐊᖃᖅᖢᓂ ᐊᑐᐃᓐᓇᐅᓕᕈᓐᓇᖅᖢᓂ ᐃᓄᖕᓄᑦ ᐱᕙᓪᓕᐊᔪᐊᕐᓂᐊᖅᑐᖅ ᐃᑲᔫᑎᐅᓗᓂ ᐃᓄᖕᓄᑦ ᐊᒻᒪ ᓄᓇᕗᒻᒥᐅᓄᑦ".

ᐊᖏᖅᑎᓪᓗᒋᑦ ᑐᒃᓯᕋᐅᑎᒧᑦ, ᓄᓇᕗᒻᒥᑦ ᐊᑦᑐᐃᓂᐊᖅᑐᒥᑦ ᕿᒥᕐᕈᔩᑦ ᖃᐅᔨᒪᕇᓕᒑᕗᑦ ᑐᒃᓯᕋᖅᑕᐅᓯᒪᔪᖅ ᐊᒻᒪ ᖃᐅᔨᓴᖅᑕᐅᓂᖓ ᐱᔭᕇᓂᐊᖅᖢᓂ ᐃᓱᒪᓕᐅᖅᑕᐅᓂᖓ ᐅᓂᒃᑳᓕᐊᖑᓂᐊᖅᖢᓂ ᒥᓂᔅᑕ ᓄᓇᖃᖅᑳᓯᒪᔪᓕᕆᔨᒃᑯᓐᓂᑦ ᑲᓇᑕᒥᑦ. ᑖᓐᓇ ᐅᓂᒃᑳᓕᐊᖑᓕᒑᔪᖅ ᐱᖃᓯᐅᔾᔨᓂᐊᖅᐳᖅ ᐃᓱᒪᓕᐅᕆᔭᖓᑦ ᐱᓕᕆᐊᒃᓴᖅ ᖃᐅᔨᓴᖅᑕᐅᑲᓐᓂᕆᐊᖃᕐᓂᕈᓂ ᑖᒃᑯᓂᖓ ᓄᓇᕗᒻᒥᑦ ᐱᕙᒌᔭᕐᓂᕐᒧᑦ ᐱᓕᕆᐊᒃᓴᒧᓪᓗ ᖃᐅᔨᓴᖅᑕᐅᓂᕐᒧᑦ ᐱᖁᔭᖓᓂ.

ᖁᕐᓗᒃᑑᐊᕐᔪᖕᒥᑦ ᐊᖅᑯᑎᐊ ᑐᓚᒃᑕᕐᕕᒃᓴᓕᒑᔪᒧᓪᓗ ᑐᒃᓯᕋᖅᑕᐅᓯᒪᔪᖅ ᖃᐅᔨᓴᖅᑕᐅᓕᒑᔪᕐᓗ ᑎᑎᖅᑲᖏᑦ ᐊᑐᐃᓐᓇᐅᕗᑦ ᓄᓇᕗᒻᒥᑦ ᐊᑦᑐᐃᓂᐊᖅᑐᒥᑦ ᕿᒥᕐᕈᔩᑦ ᐃᑭᐊᕿᕝᕕᐊᓂ ᒫᓂ: http://www.nirb.ca/project/125069 ᐅᕝᕙᓘᓐᓃᑦ ᒫᓂ www.gbrp.ca.

ᖁᕐᓗᒃᑑᐊᕐᔪᖕᒥᑦ ᑐᓚᒃᑕᕐᕕᐅᓕᒑᔪᒧᓪᓗ ᑐᒃᓯᕋᖅᑕᐅᔪᖅ ᐊᖏᖅᑕᐅᓯᒪᒃᑲᓐᓂᖅᐳᖅ ᑲᑐᔾᔨᖃᑎᒌᓄᑦ ᑖᒃᑯᓂᖓ ᒐᕙᒪᒃᑯᓐᓂᑦ ᐊᒻᒪ ᕿᑎᕐᒥᐅᑦ ᐃᓄᐃᑦ ᑲᑐᔾᔨᖃᑎᒌᖏᓐᓄᑦ, ᑕᐃᑲᓂ ᑐᓴᐅᒪᖃᑦᑕᐅᑎᓂᕐᒧᑦ ᑐᑭᓯᐅᒪᖃᑦᑕᐅᑎᓂᕐᒧᓪᓗ ᐊᑎᓕᖅᑕᐅᓚᐅᖅᐳᖅ ᔪᓚᐃ 9, 2013-ᒥᑦ ᐱᔭᕇᖅᑕᐅᓚᐅᖅᐳᖅ ᒪᕐᕉᖕᓂᑦ ᑲᑐᔾᔨᖃᑎᒌᓄᑦ ᑐᒃᓯᕋᖃᑎᒌᒃᖢᑎᒃ ᑲᓇᑕᒥᑦ ᐃᒡᓗᕐᔪᐊᓄᑦ ᐱᓕᕆᐊᒃᓴᖓᓂ.

###

ᑐᓴᒐᒃᓴᓕᕆᔨ:

ᔫᔨᓐ ᕚᒃ
ᐊᐅᓚᑦᑎᔨᐅᓚᐅᑲᒃᑐᖅ ᑐᓴᒐᒃᓴᓕᕆᔨᒃᑯᓐᓂᑦ
ᐱᕙᓪᓕᐊᔪᓕᕆᔨᒃᑯᑦ ᐃᖏᕐᕋᔪᓕᕆᔨᒃᑯᓪᓗ
(867) 975-7867
ekwok@gov.nu.ca

ᐹᓪ ᐃᒥᖓᒃ
ᓯᕗᓕᖅᑎ
ᕿᑎᕐᒥᐅᑦ ᐃᓄᐃᑦ ᑲᑐᔾᔨᖃᑎᒌᑦ
(867) 983-2458
execdir@kitia.ca

 

ᖃᓄᐃᑦᑑᓂᖓ

ᖁᕐᓄᒃᑑᐊᕐᔪᖕᒥᑦ ᐊᖅᑯᑎᐊ ᐊᒻᒪ ᑐᓚᒃᑕᕐᕕᒃᓴᖓᓂ ᖃᓄᐃᓐᓂᖓ

ᖁᕐᓄᒃᑑᐊᕐᔪᖕᒥᑦ ᐊᖅᑯᑎᐊ ᐊᒻᒪ ᑐᓚᒃᑕᕐᕕᒃᓴᖓᓂ ᐃᖏᕐᕋᐅᔭᑎᓕᒑᕗᖅ ᐅᔭᕋᖕᓂᐊᕐᕕᒃᓴᕐᔪᐊᖑᓕᒑᕗᖅ ᐊᑐᖅᑕᐅᓕᒑᓪᓗᓂ ᑲᓇᑕᒥᑦ ᐅᔭᕋᖕᓂᐊᕐᕕᖏᓐᓂᑦ, ᑲᑎᑦᑎᓯᒪᕗᖅ ᓄᓇᕗᒻᒥᑦ ᓄᓇᑦᑎᐊᕐᒥᓪᓗ, ᐅᑭᐅᖅᑕᖅᑐᒥᑦ ᐅᒥᐊᕐᔪᐊᒃᑰᖅᑕᐅᕙᒡᓗᓂ. ᖁᕐᓄᒃᑐᐊᕐᔪᖕᒥᑦ ᐊᖅᑯᑎᐊ ᐊᒻᒪ ᑐᓚᒃᑕᕐᕕᒃᓵᖅ ᐊᖏᓂᖄᖅᐳᖅ 233 ᑭᓛᒥᑐᔅ ᐊᕐᕌᒍᓕᒫᖅ ᐊᖅᑯᑎᐅᓗᓂ ᑲᑎᑦᑎᓗᓂ ᔨᐃᓗᑯᒃᑯᕕᖕᒥᑦ, ᐅᑭᐅᖅᑕᖅᑐᒥᑦ ᐃᓱᓕᒋᓂᐊᖅᑖ ᑎᐱᑦ ᑲᑦᕙᐃᑐ ᐅᑭᐅᒃᑯᑦ ᐊᖁᑎᐊᓂ, ᐃᑎᔪᓄᑦ ᑐᓚᒃᑕᕐᕕᒃᓴᖅ ᖁᕐᓄᒃᑐᐊᕐᔪᕐᒥᑦ ᐅᐊᓕᓂᕐᒥᑦ ᕿᑭᖅᑖᓗᖕᒧᑦ ᑕᕆᐅᖓᓄᑦ.

ᖁᕐᓄᒃᑐᐊᕐᔪᖕᒥᑦ ᐊᖅᑯᑎᐊ ᐊᒻᒪ ᑐᓚᒃᑕᕐᓂᕕᐅᓕᒑᕗᖅ ᑲᑎᑦᑎᓂᐊᖅᖢᓂ ᓄᓇᕗᒻᒥᑦ ᑲᓇᑕᒥᓪᓗ ᐊᖅᑯᑎᐅᓕᒑᕗᖅ ᐊᒻᒪ ᐃᒡᓕᓂᖃᐅᕐᓗᓂ ᓄᓇᕗᒻᒥᑦ ᑲᑎᑦᑎᓕᒑᕗᖅ ᑎᐱᑦ ᑲᓐᑦᕗᐃᑐ ᐅᑭᐅᒃᑯᑦ ᐅᖅᑯᑎᐊᓂ. ᑐᒃᓯᕋᖅᑕᐅᔪᖅ ᐅᖁᑎ ᓯᕗᓪᓕᐅᓕᒑᕗᖅ ᑲᑎᑦᑎᓗᑎᓂ ᓄᓇᕗᒻᒥᑦ ᑲᓇᑕᒥᒡᓗ ᐊᒻᒪ ᐃᑎᔪᕐᔪᐊᓂ ᑐᒡᓚᒃᑕᕐᕕᒃᓴᖅ ᐅᑭᐅᖅᑕᖅᑑᑉ ᐃᒪᖓᓂ. ᑐᓚᒃᑕᕐᕕᒃᓵᖅ ᐱᔨᑦᑎᖅᑎᐅᓕᒑᕗᖅ ᓯᕗᓪᓕᐅᓗᓂ ᑲᓇᑕᒥᑦ ᐊᒻᒪ ᐃᑎᔪᕐᔪᐊᓄᑦ ᕿᑎᕐᒥᐅᓂ, ᐱᕙᒌᔭᖅᑕᐅᓚᐅᖅᓯᒪᕗᖅ ᓄᓇᓕᖕᓂᑦ ᕿᑎᐊᕐᓗᓂ ᓱᓪᓗᐊᓗᒃ ᐅᐊᓕᓂᕐᒥᑦ ᕿᑭᖅᑖᓗᖕᒧᑦ ᑕᕆᐅᖓᓄᑦ.

ᓴᓇᔭᐅᓕᒑᔪᖅ ᐊᐅᓚᑕᐅᓗᓂ ᖁᕐᓄᒃᑐᐊᕐᔪᖕᒥᑦ ᐊᖅᑯᑎᐊ ᐊᒻᒪ ᑐᓚᒃᑕᕐᕕᒃᓴᖅ ᒪᑭᒪᔾᔪᑎᐅᓗᓂ ᐊᒃᑐᐃᓐᓂᐊᖅᐳᖅ ᐊᕕᒃᑐᖅᓯᒪᔪᒥᑦ ᑮᓇᐅᔭᒃᓴᕈᑎᐅᓇᓱᐊᖅᖢᓂ ᐱᕙᓪᓕᐊᓂᐊᕐᓂᕆᔭᖓᑦ ᐊᑐᖅᑕᐅᓕᒑᔪᓂᑦ ᐱᓕᕆᐊᒃᓴᓄ ᐊᐅᓪᓚᖅᑎᑦᑎᖃᑦᑕᕋᔭᕐᒪᑕ ᐱᔨᑦᑎᐅᑎᒃᓴᓂ ᑲᓇᑕᐅᑉ ᓯᓚᑖᓂ ᑮᓇᐅᔭᒃᓴᕈᑎᐅᓇᓱᒡᓗᓂ ᓯᓚᕐᔪᐊᒧᑦ. ᓄᓇᓖᑦ ᖃᓂᒌᒃᑐᑦ ᐱᓕᕆᐊᒃᓴᒧᑦ ᓂᕆᐅᒃᐳᑦ ᐃᑲᔪᕐᔪᐊᕐᓂᐊᖅᑐᖅ ᐃᓄᖕᓂᑦ ᐊᒻᒪ ᑮᓇᐅᔭᒃᓴᒍᑎᐅᓗᓂ ᖁᕐᓄᒃᑐᐊᕐᔪᖕᒥᑦ ᐊᖅᑯᑎᐊ ᐊᒻᒪ ᑐᓚᒃᑕᕐᕕᐅᓕᒑᔪᒧᑦ. ᖁᕐᓄᒃᑐᐊᕐᔪᖕᒥᑦ ᐊᖅᑯᑎᐊ ᐊᒻᒪ ᑐᓚᒃᑕᕐᕕᐅᓕᒑᔪᖅ ᐊᓯᔾᔩᔪᐊᕐᓂᐊᖅᐳᖅ ᐱᓕᕆᐊᒃᓴᒥᓄᑦ ᑲᓇᑕᒥᑦ ᐃᑲᔫᑎᐅᓗᓂ ᐅᑭᐅᖅᑕᖅᑐᒧᑦ ᑮᓇᐅᔭᒃᓴᕈᑎᐅᓗᓂ ᐱᕙᓪᓕᐊᓂᐊᕐᓂᖓ ᐊᕐᕌᒍᔪᖅ.

ᖁᕐᓄᒃᑐᐊᕐᔪᖕᒥᑦ ᐊᖅᑯᑎᐊ ᐊᒻᒪ ᑐᓚᒃᑕᕐᕕᐅᓕᒑᒧᖅ ᑲᑐᔾᔨᖃᑎᓂ

ᓄᓇᕗᑦ ᒐᕙᒪᖓᑦ ᐊᒻᒪ ᕿᑎᕐᒥᐅᑦ ᐃᓄᐃᑦ ᑲᑐᔾᔨᖃᑎᒌᖏᑦ ᑲᑐᔾᔨᖃᑎᒌᒃᐳᑦ ᐊᒻᒪ ᐃᑲᔪᖅᑎᖏᑦ ᐱᓕᕆᐊᒃᓴᒧᑦ. ᓯᕗᒻᒧᐊᒃᓴᐃᓂᖅ ᖁᕐᓄᒃᑐᐊᕐᔪᖕᒥᑦ ᐊᖅᑯᑎᐊ ᐊᒻᒪ ᑐᓚᒃᑕᕐᕕᐅᓕᒑᔪᖅ, ᓄᓇᕗᑦ ᒐᕙᒪᖓᑦ, ᑕᐃᑰᓇ ᐱᕙᓪᓕᐊᔪᓕᕆᔨᒃᑯᑦ ᐃᖏᕐᕋᔪᓕᕆᔨᒃᑯᑦ ᐱᓇᓱᐊᖅᑖᖅ ᐊᒃᑐᐃᓕᒑᕗᖅ ᓴᖏᖅᓂᖅᑖᕐᓗᓂᓗ ᓄᓇᕗᒻᒥᑦ ᑮᓇᐅᔭᒃᓴᕈᑎᐊᓂ ᐊᑦᑕᕐᓇᖅᑐᒦᖏᓪᓗᑎᓪᓗ ᐊᒻᒪ ᐊᐅᓚᔭᐃᓪᓗᓂ ᐃᓄᖕᓄᑦ ᐊᒻᒪ ᐱᖁᑎᓂ. ᕿᑎᕐᒥᐅᑦ ᐃᓄᐃᑦ ᑲᑐᔾᔨᖃᑎᖏᑦ ᐃᓚᒋᕙ ᐱᖓᓱᓂ ᐊᕕᒃᑐᓯᒪᔪᓂᑦ ᐃᓄᐃᑦ ᑲᑐᔾᔨᖃᑎᒌᑦ ᐃᓕᓴᕆᔭᐅᓯᒪᔪᑦ ᓄᓇᕗᑦ ᐊᖏᕈᑎᐊᓂ. ᕿᑎᕐᒥᐅᑦ ᐃᓄᐃᑦ ᑲᑐᔾᔨᖃᑎᒌᑦ ᑭᒡᒐᖅᑐᐃᖃᑕᐅᓕᒑᕗᑦ ᐱᓇᓱᐊᖅᑕᖓᓂ ᕿᑎᕐᒥᐅᑦ ᐃᓄᐃᑦ ᑲᑐᔾᔨᖃᑎᒌᖏᑦ ᐃᓚᒋᔭᐅᔪᓄᑦ ᓯᕗᒻᒧᐊᒃᓴᐃᓇᓱᐊᖅᖢᓂ ᐃᓄᖕᓄᑦ ᑮᓇᐅᔭᒃᓴᕈᑎᐅᓇᓱᐊᕐᓗᓂ.