ᐅᖃᓚᐅᑎᓯᐅᑏᑦ

You are here

ᓄᓇᓕᖕᓂᑦ ᐱᕙᓪᓕᐊᑎᑦᑎᓂᖅ

ᓄᓇᓕᖕᓂᑦ ᐱᕙᓪᓕᐊᑎᑦᑎᓂᖅ

ᓄᓇᓕᖕᓂᑦ ᐱᕙᓪᓕᐊᑎᑦᑎᓂᖅ ᐱᕙᓪᓕᐊᑎᑦᑎᕗᑦ ᐃᒻᒥᒥᒃ−ᒪᑭᑕᔪᓐᓇᖕᓂᖕᒥᑦ ᐱᒋᐊᖅᑕᐅᓯᒪᓂᒃᑯᑦ ᐱᕚᓪᓕᕈᑕᐅᓲᑦ ᓄᓇᓕᖕᓂᑦ ᐱᔪᓐᓇᖕᓂᖏᓐᓂᑦ ᐊᐅᓚᑦᑎᔪᓐᓇᖏᓐᓂᑦ ᐱᔨᑦᑎᕋᐅᑎᓂᑦ.

ᓄᓇᓕᖕᓂᑦ ᑮᓇᐅᔭᖅᑖᕐᕖᑦ: 

ᐃᑲᔫᓯᐊᑦ ᑐᓐᓂᖅᑯᑕᐅᕙᒃᐳᑦ ᑖᒃᓯᓕᖅᑕᐅᓯᒪᙱᑦᑐᓄᑦ ᓄᓇᓕᖕᓂᑦ ᐊᐅᓚᑦᑎᕕᖕᓂᑦ ᐃᑲᔫᑕᐅᓂᐊᖅᑐᑦ ᐊᑭᓄᑦ ᓄᓇᓕᖕᓂᑦ ᐱᓕᕆᐊᓄᑦ ᐱᔨᑦᑎᕋᐅᑎᓄᓪᓗ ᐃᓚᓖᑦ ᑭᒡᓕᖃᕋᓂ ᐅᑯᓄᖓ:

  • ᒐᕙᒪᒃᑯᓐᓄᑦ ᐱᔨᑦᑎᕋᐅᑎᑐᐃᓐᓇᐃᑦ;
  • ᐱᓕᕆᐊᑐᐃᓐᓇᐃᑦ;
  • ᓴᐳᔾᔨᓂᖕᒧᑦ ᐱᔨᑦᑎᕋᐅᑏᑦ;
  • ᐃᖏᕐᕋᔾᔪᑎᓄᑦ;
  • ᐃᒡᓗᓄᑦ ᑲᒪᒋᔭᐅᓂᖏᓐᓄᑦ;
  • ᐃᒡᓗᓄᑦ ᒪᑭᑕᑦᔪᑎᓄᑦ;
  • ᐱᙳᐊᖅᑐᓕᕆᓂᖕᓄᑦ ᐊᑐᖅᑕᐅᔪᑦ;
  • ᓄᓇᓕᕆᓂᖕᓄᑦ;
  • ᓄᓇᓕᖕᓂᑦ ᐸᖕᓇᐃᓂᖕᓄᑦ ᐱᓕᕆᐊᓄᑦ;
  • ᐱᙳᐊᖅᑐᓕᕆᓂᖕᓄᑦ

ᐊᔾᔨᒌᒃᑎᑦᑎᓂᖕᒧᑦ ᑐᓐᓂᖅᑯᓯᐊᑦ ᑐᓂᔭᐅᕙᒃᐳᑦ ᑖᒃᓰᔭᐃᓲᓄᑦ ᓄᓇᓕᖕᓂᑦ ᐊᐅᓚᑦᑎᕕᖕᓂᑦ ᐃᑲᔪᕋᓱᐊᖅᖢᓂᑎᒃ ᐱᒻᒪᑐᐃᓂᖕᓂᑦ ᓈᒻᒪᒃᑐᓂᑦ ᖁᓕᕇᖑᔪᓂᑦ ᐊᐅᓚᑦᑎᓂᖕᒧᑦ ᑮᓇᐅᔭᓕᐊᓂᑦ.  ᓄᓇᓕᖕᓂᑦ ᐱᕙᓪᓕᐊᑎᑦᑎᓂᖅ ᑲᒪᒋᔭᖃᖅᐳᑦ ᐱᓕᕆᐊᖑᓂᖏᓐᓂᑦ ᖃᐅᔨᓵᖑᓂᖏᓐᓂᒃᓗ ᑮᓇᐅᔭᓕᒫᑦ ᑐᓐᓂᖅᑯᑕᐅᓯᒪᔪᑦ ᓄᓇᓕᖕᓄᑦ ᑕᒪᑐᒨᓇ ᐱᓕᕆᐊᑎᒍᑦ.

ᓄᓇᓕᖕᓂᑦ ᐱᕙᓪᓕᐊᑎᑦᑎᓂᖕᒧᑦ ᑮᓇᐅᔭᑦ: 

ᓄᓇᓕᖕᓂᑦ ᐃᑲᔪᐃᓲᑦ ᐱᓕᕆᐊᖃᖅᑎᓪᓗᒋᑦ ᐱᕚᓪᓕᕈᑕᐅᓲᓂᑦ ᓄᓇᓕᖕᓂᑦ ᖃᓄᖅᑑᐸᒃᑎᓪᓗᒋᑦ ᑖᒃᑯᐊᓗ ᓄᓇᓕᖕᒥᑦ ᐊᐅᓚᑦᑎᓂᖃᖕᓂᕐᓴᐅᓕᖅᖢᑎᒃ ᓯᕗᓂᒃᓴᒥᖕᓂᒃ.  ᑮᓇᐅᔭᑦᑎᒍᑦ ᐃᑲᔪᖅᑕᐅᓪᓗᑎᑦ ᓄᓇᓕᖕᓂᑦ ᐱᕙᓪᓕᐊᑎᑦᑎᓂᖕᒧᑦ ᐱᒋᐊᖅᑕᓂᑦ, ᓄᓇᓕᖕᒥᐅᑦ ᐊᔭᐅᖅᑐᖅᑕᐅᕗᑦ ᐱᕈᖅᐸᓪᓕᐊᖁᔭᐅᓪᓗᑎᒃ ᓴᙱᓂᕆᔭᒥᖕᓂᑦ ᐱᓕᕆᐊᖃᕐᐸᒃᓗᑎᒃᓗ ᑐᓗᖅᑕᕈᑕᐅᕙᒃᑐᓂᑦ ᓄᓇᓕᖕᓂᑦ ᐱᕙᓪᓕᐊᑎᑦᑎᓂᖕᓂᑦ. $10,000 ᐃᑲᔫᑎᑦ ᑐᓐᓂᖅᑯᑕᐅᕙᒃᐳᑦ ᐃᑲᔪᕋᓱᐊᖅᖢᑎᒃ ᐱᕙᓪᓕᐊᔾᔪᑎᒃᓴᓂᑦ ᐱᓕᕆᐊᒃᓴᓂ ᓄᓇᓕᖕᓅᖓᔪᓂᑦ ᖁᕝᕙᖅᐹᓪᓕᖁᓪᓗᒋᑦ ᐃᒻᒥᒃᑯᑦ−ᒪᑭᒪᓇᓱᐊᖕᓂᖕᓂᑦ ᐃᑲᔪᖅᑐᐃᓗᑎᒃᓗ ᐱᕙᓪᓕᐊᓂᐅᔪᓂᑦ ᓄᓇᓕᖕᓂᑦ ᐊᐅᓚᑦᑎᔪᓐᓇᖕᓂᖏᑦ.

ᑮᓇᐅᔭᖅᑖᕆᔭᐅᔪᑦ ᐃᓚᐃᓐᓇᖓᒍᑦ ᓄᓇᖁᑎᖃᕐᓂᕐᒧᑦ ᑖᒃᓰᔭᕐᓂᕐᒧᑦ:

ᑮᓇᐅᔭᖅᑖᕆᔭᐅᔪᑦ ᐃᓚᐃᓐᓇᖓᒍᑦ ᓄᓇᖁᑎᖃᕐᓂᕐᒧᑦ ᑖᒃᓰᔭᕐᓂᕐᒧᑦ ᐊᑭᓕᖅᑕᐅᑐᐃᓐᓇᕆᐊᓖᑦ ᓄᓇᓕᐸᐅᔭᖕᓄᑦ, ᓄᓇᓕᖕᓄᑦ, ᓄᓇᓕᕋᓛᓄᑦ ᕼᐋᒻᓚᐅᔪᓄᓪᓗ ᐃᑲᔫᑕᐅᓂᐊᕐᓗᓂ ᓄᓇᓕᖕᓂᑦ ᐱᔨᑦᑎᕋᐅᑎᓄᑦ ᐊᑐᖅᑕᐅᔪᑦ ᓄᓇᕗᑦ ᒐᕙᒪᒃᑯᖏᑦᑕ ᐃᒡᓗᖁᑎᖏᓐᓄᑦ, ᓄᓇᓕᐸᐅᔭᐃᑦ, ᓄᓇᓖᓪᓗ, ᓄᓇᓕᕋᓛᓪᓗ ᕼᐋᒻᒪᐅᔪᓪᓗ ᑖᒃᓯᓕᖅᓯᔪᓐᓇᙱᒻᒪᑕ ᖁᑦᑎᖕᓂᖅᓴᒥᑦ ᓴᙱᓂᓕᖕᒥᑦ.  ᐱᖁᑎᒋᔭᐅᔪᑦ ᓄᓇᕗᑦ ᒐᕙᒪᒃᑯᓐᓄᑦ ᖃᐅᔨᓴᖅᑕᐅᓲᖑᕗᑦ ᓇᓪᓕᐅᒃᑯᒻᒫᖅᑕᐅᕙᒃᖢᑎᒃᓗ ᑮᓇᐅᔭᖅᑖᕆᔭᐅᔪᑦ ᐃᓚᐃᓐᓇᖓᒍᑦ ᓄᓇᖁᑎᖃᕐᓂᕐᒧᑦ ᑖᒃᓰᔭᕐᓂᕐᒧᑦ ᐱᓕᕆᐊᑎᒍᑦ ᓈᒻᒪᒃᑐᓂᑦ ᓇᓪᓕᐅᒃᑯᒻᒫᖃᖅᑎᑦᑎᕙᒃᖢᑎᒃ ᓄᓇᓕᖕᓂᑦ ᐱᔨᑦᑎᕋᐅᑎᓄᑦ ᐊᑐᖅᑕᐅᔪᑦ ᐱᖁᑎᒋᔭᓄᑦ ᓄᓇᓕᖕᓂᑦ ᐊᐅᓚᑦᑎᕕᖕᓂᑦ.

ᓄᓇᓕᖕᓂᑦ ᐃᓕᓐᓂᐊᖕᓂᖕᒧᑦ ᑲᑐᔾᔨᖃᑎᒌᒃᑯᑦ (MTO):

ᓄᓇᓕᖕᓂᑦ ᐱᕙᓪᓕᐊᑎᑦᑎᓂᖅ, ᐱᓕᕆᖃᑎᖃᖅᖢᑎᒃ ᓄᓇᕗᒻᒥᑦ ᑲᑐᔾᔨᖃᑎᒌᒃᑯᓐᓂᑦ ᓄᓇᓕᖕᓂᑦ ᐊᐅᓚᑦᑎᔨᓂᑦ (NAMA), ᑲᒪᒋᔭᖃᖅᐳᑦ ᓇᓗᓇᐃᔭᐃᓂᖕᓂᑦ, ᓴᖅᑭᑦᑎᓂᖕᓂᑦ, ᐊᑐᓕᖅᑎᑦᑎᓂᖕᓂᓪᓗ ᐱᓕᕆᐊᒃᓴᓂᑦ ᐊᑐᖅᑕᐅᓇᔭᖅᑐᓂᑦ ᓄᓇᓕᖕᓂᑦ ᐊᐅᓚᑦᑎᕕᖏᑦᑕ ᐃᖅᑲᓇᐃᔭᖅᑎᖏᓐᓂ ᐱᔪᓐᓇᕐᓯᕚᓪᓕᖁᓪᓗᒋᑦ ᖃᐅᔨᕚᓪᓕᖁᓪᓗᒋᓪᓗ ᐃᑲᔫᑕᐅᓂᐊᖅᑐᓂᑦ ᐱᐅᓛᑦᑎᐊᓂᑦ ᓄᓇᓕᖕᓂᑦ ᐱᓕᕆᐊᓂ ᐱᔨᑦᑎᕋᖕᓂᖕᓂᓪᓗ ᓄᓇᕗᓕᒫᒥ ᐅᑯᑎᒎᓇ ᓄᓇᓕᖕᓂᑦ ᐃᓕᓐᓂᐊᖕᓂᖕᒧᑦ ᑲᑐᔾᔨᖃᑎᒌᒃᑯᖏᑎᒍᑦ. 

ᖃᐅᔨᒋᐊᒃᑲᓐᓂᕈᒪᔪᑦ, ᖃᓄᐃᓕᐅᒐᒃᓴᓂᒃᓗ ᑕᑯᔪᒪᔪᑦ, ᐃᓕᓐᓂᐊᒐᒃᓴᐃᓪᓗ ᑎᑎᖅᑲᓪᓗ, ᐅᕗᙵᐅᓗᑎᑦ MTO ᐃᑭᐊᖅᑭᕕᐊ.

ᐃᒥᖅᑕᖅᑕᐅᓂᖕᒧᑦ ᑯᕕᖅᑕᖅᑕᐅᓂᖕᒧᓪᓗ ᐱᔨᑦᑎᕋᐅᑎᓄᑦ ᐃᑲᔫᑎᓄᑦ ᐱᓕᕆᐊᒃᓴᐃᑦ:

ᓄᓇᓕᖕᓂᑦ ᐱᕙᓪᓕᐊᑎᑦᑎᓂᖅ ᑲᒪᒋᔭᖃᖅᐳᑦ ᑮᓇᐅᔭᖃᖅᑎᑦᑎᓂᖕᓂᑦ ᐃᒪᖕᒧᑦ ᑯᕕᖅᑕᖅᑕᐅᓂᖕᓄᓪᓗ ᐱᔨᑦᑎᕋᐅᑎᓄᑦ ᐊᑭᑭᒃᓕᒋᐊᕋᓱᒃᖢᒋᑦ ᑖᒃᑯᓄᖓ ᐱᔨᑦᑎᕋᐅᑎᓄᑦ ᐊᑐᖅᑕᐅᕙᒃᑐᑦ ᓄᓇᓕᐸᐅᔭᖕᓄᑦ, ᓄᓇᓕᖕᓄᑦ, ᓄᓇᓕᕋᓛᓄᑦ ᕼᐋᒻᓚᐅᔪᓄᓪᓗ. ᐊᑭᑭᒃᓕᒋᐊᕈᑏᑦ ᑐᓐᓂᖅᑯᑕᐅᓲᑦ ᓄᓇᓕᐸᐅᔭᖕᓄᑦ, ᓄᓇᓕᖕᓄᑦ, ᓄᓇᓕᕋᓛᓄᑦ ᕼᐋᒻᓚᐅᔪᓄᓪᓗ ᐃᒥᖅᑕᖅᐸᒃᑐᓄᑦ ᑯᕕᖅᑕᖅᐸᒃᑐᓄᓪᓗ ᐱᔨᑦᑎᕐᕕᖏᓐᓂᑦ. ᓄᓇᓕᖕᓂᑦ ᐱᕙᓪᓕᐊᑎᑦᑎᓂᖅ ᑲᒪᒋᔭᖃᖅᑐᑦ ᖃᐅᔨᓴᐃᓂᖕᓂᑦ ᑕᒪᒃᑯᐊ ᑮᓇᐅᔭᓕᒫᑦ ᓅᑕᐅᖃᑦᑕᕋᓗᐊᕆᐊᒃᓴᖏᓐᓂᑦ ᑕᒪᑐᑎᒎᓇᖅ ᐱᓕᕆᐊᒃᑯᑦ.

ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᑦ
PO Box 1000, Station 700, 4th Floor, W.G. Brown Building, Iqaluit, Nunavut
Phone: (867) 975-5400
Fax: (867) 975-5305