ᐅᖃᓚᐅᑎᓯᐅᑏᑦ

You are here

ᐊᑐᐊᒐᐃᑦ ᒪᓕᒐᓕᕆᓃᓪᓗ

ᐊᑐᐊᒐᐃᑦ

ᐃᓕᖅᑯᓯᓕᕆᔨᒃᑯᑦ ᐅᑯᓂᖓ ᐊᑐᐊᒐᓖᑦ

  • ᑕᒪᓐᓇ ᐊᐅᓚᓂᐅᔪᖅ ᐊᑐᐃᓐᓇᐅᑎᑦᓯᒍᑕᐅᓲᖅ ᐊᐃᑦᑑᑕᐅᔪᓂᒃ ᐱᔪᓐᓇᖅᑐᓄᑦ ᓇᒻᒥᓂᖃᖅᑐᓄᑦ ᐊᐅᓚᓂᖃᖅᑐᓄᑦ ᓄᓇᕗᒻᒥ ᐱᕚᓪᓕᑎᑦᓯᒍᒪᔪᓄᑦ ᓈᓚᒋᐊᓕᒻᒥᓂᒃ ᐱᔭᕆᐊᓕᓐᓂᒃ ᐃᓄᐃᑦ ᐅᖃᐅᓯᖏᑦᑕ ᓴᐳᔾᔭᐅᓂᖏᓐᓄᑦ ᒪᓕᒐᕐᔪᐊᕐᒥ. 

ᑐᓐᓂᖅᑯᓯᐊᓄᑦ ᐃᑲᔫᓯᐊᓄᓪᓗ ᐊᑐᐊᒐᐃᑦ

  • ᐃᓕᖅᑯᓯᓕᕆᔨᒃᑯᑦ ᐊᒻᒪᓗ ᐃᑦᑕᕐᓂᓴᓕᕆᔨᒃᑯᑦ ᑮᓇᐅᔭᖅᑖᕆᔭᐅᔪᓄᑦ ᐊᒻᒪᓗ ᑐᓂᕐᕈᑎᓄᑦ ᐊᑐᐊᒐᖓ ᐱᕕᖃᑦᑎᒃᑎᕗᖅ ᐱᓕᕆᔭᐅᔪᓐᓇᖁᓪᓗᒍ ᓱᓕᔪᓐᓇᑐᒃᑯᑦ, ᑐᑭᓯᔭᔅᓴᒃᑯᑦ, ᓇᒻᒪᑐᒃᑯᑦ, ᑕᑯᒃᓴᐅᑎᐊᖅᑐᒃᑯᑦ ᐊᒻᒪᓗ ᐃᓱᒪᒋᔭᖃᑦᑎᐊᓂᒃᑯᑦ ᓄᓇᓖᑦ ᐱᔪᒪᔭᖏᓐᓂᒃ ᑐᕌᖓᔪᓂᒃ ᑮᓇᐅᔭᓕᕋᓱᐊᖅᑎᐅᖏᑦᑐᓄᑦ ᑎᒥᐅᔪᓄᑦ, ᐃᓄᓐᓄᑦ, ᐊᒻᒪᓗ ᓄᓇᓖᑦ ᑯᐊᐳᕋᐃᓴᖏᓐᓄᑦ ᐱᓕᕆᓇᓱᖃᑦᑕᖅᑐᑦ ᐱᕚᓪᓕᖅᑎᕆᓇᓱᓐᓂᕐᒥᒃ, ᓴᐳᔾᔨᓂᕐᒥᒃ, ᐊᒻᒪᓗ ᐅᖑᒪᑎᑦᑎᓇᓱᐊᕐᓂᕐᒧᑦ ᓄᓇᕗᑦ ᐃᓕᖅᑯᓯᓂᒃ, ᐃᑦᑕᕐᓂᓴᖏᓐᓂᒃ ᐊᒻᒪᓗ ᐅᖃᐅᓯᓐᖓᐅᑎᖏᓐᓂᒃ. 

ᑐᖅᑯᐃᓂᖕᒧᑦ ᐊᑐᐊᒐᖅ

  • ᓄᓇᕗᑦᒥ ᑎᑎᖅᑲᑐᖃᓐᓂᒃ ᓄᐊᑦᑎᕕᐅᑉ ᐊᑐᐊᒐᖓ ᓴᐳᔾᔨᕗᑦ ᐊᒻᒪᓗ ᐊᑐᐃᓐᓇᐅᑎᑦᑎᔪᓐᓇᖅᑐᑎᒃ ᑎᑎᖅᑲᓂᒃ ᐱᒻᒪᕆᒋᔭᐅᔪᓂᒃ ᓄᓇᕗᑦ ᒐᕙᒪᒃᑯᓐᓄᑦ ᐊᒻᒪᓗᒃᑕᐅᖅ ᐱᒻᒪᕆᐅᓂᖃᑦᑐᑦ ᓄᓇᕗᑦ ᐅᐊᑦᑎᐊᕈᓐᓂᓴᖏᓐᓄᑦ ᐊᒻᒪᓗ ᐃᑦᑕᕐᓂᓴᖏᓐᓄᑦ ᓄᓇᕗᑦ ᐱᓕᕆᕕᓕᒫᖏᓐᓄᑦ, ᐱᔨᑦᑎᖅᕕᖏᓐᓄᑦ ᐊᒻᒪᓗ ᐃᖅᑲᓇᐃᔭᖅᑎᖏᓐᓄᑦ. 

ᓄᓇᐃᑦ ᐊᑎᖏᓐᓄᑦ ᐊᑐᐊᒐᖅ

  • ᓄᓇᐃᑦ ᐊᑎᖏᓐᓄᑦ ᐊᑐᐊᒐᖅ ᐃᓕᑕᖅᓯᕗᖅ ᐱᒻᒪᕆᐅᓂᖓᓂᒃ ᐃᓄᐃᑦ ᐃᓕᖅᑯᓯᖓ ᐊᒻᒪᓗ ᐃᑦᑕᕐᓂᓴᑐᖃᐃᑦ ᐊᑎᑐᖃᖏᑦ ᓄᓇᐃᑦ ᐊᒻᒪᓗ ᐃᑲᔪᖅᑐᐃᓪᓗᓂ ᐃᓕᑕᖅᓯᓂᒃᑯᑦ, ᓴᐳᔾᔭᐅᓯᒪᓂᖏᓐᓄᑦ ᐊᒻᒪᓗ ᐊᑐᖅᑕᐅᓂᖏᓐᓄᑦ ᑖᒃᑯᐊ ᐊᑏᑦ ᐊᒻᒪᓗ ᑐᕌᖓᓪᓗᑎᒃ ᐃᓗᓐᓇᖏᓐᓄᑦ ᓄᓇᕗᑦ ᒐᕙᒪᒃᑯᑦ ᐱᓕᕆᔨᕕᖏᓐᓄᑦ, ᐱᔨᑦᑎᖅᕕᖏᓐᓄᑦ ᐊᒻᒪᓗ ᐃᖅᑲᓇᐃᔭᖅᑎᖏᓐᓄᑦ. 

ᑎᒥᕕᓂᖕᓄᑦ ᐊᑐᐊᒐᖅ

  • ᐃᓄᒥᓃᑦ ᐊᑐᐊᒐᖓ ᐊᑐᖅᑕᐅᑎᑦᑎᕗᖅ ᑕᒪᒃᑯᐊ ᐃᑦᑕᕐᓂᓴᓕᕆᓂᕐᒧᑦ ᖃᐅᔨᓴᕐᓂᐅᔪᑦ ᐅᕝᕙᓘᓐᓃᑦ ᖃᐅᔨᓴᕐᓂᖅ ᐃᓄᒥᓂᕐᓂᒃ ᐃᓗᕕᒻᒦᑦᑐᒥᓂᕐᓂᓘᓐᓃᑦ ᐃᑉᐱᒍᓱᑦᑎᐊᓂᒃᑯᑦ ᐃᓱᒪᖃᑦᑎᐊᕐᓗᑎᒃ ᓄᓇᕗᑦᒥᐅᑦ ᐅᑉᐱᕆᔭᖏᓐᓂᒃ, ᐃᓕᖅᑯᓯᖃᑦᑎᐊᕋᓱᐊᕐᓂᒃᑯᑦ ᐊᒻᒪᓗ ᖃᐅᔨᓴᕐᓂᕐᒧᑦ ᑐᓐᖓᕕᒋᔭᐅᔪᓂᒃ, ᐊᒻᒪᓗ ᒪᓕᑦᑐᑎᒃ ᐃᓘᓐᓇᖏᓐᓂᒃ ᐊᑐᖅᑕᐅᔭᕆᐊᓕᓐᓂᒃ ᒪᓕᒐᕐᓂᒃ, ᐱᓇᓱᐊᑦᓯᐊᕆᐊᖃᕐᓂᕐᒧᑦ ᐊᐅᓚᑕᐅᔾᔪᑎᓂᒃ, ᐊᒻᒪᓗ ᑲᑎᒪᓂᒃᑯᑦ. 

ᓄᓇᕗᒻᒥᑦ ᓴᓇᐅᒐᓕᕆᓂᖕᓄᑦ ᑲᑎᒪᔨᒃᑯᑦ ᐊᑐᐊᒐᖓ

  • ᓄᓇᕗᑦᒥ ᓴᓇᓐᖑᐊᖅᑏᑦ ᑲᑎᔨᖏᑕ ᐊᑐᐊᒐᖓ ᐃᑲᔪᖅᑐᐃᕗᖅ ᐊᒻᒪᓗ ᑎᓕᐅᕆᓪᓗᓂ ᐱᕙᓪᓕᐊᖏᓐᓇᕐᓂᖓᓂᒃ ᓴᓇᓐᖑᐊᒐᐃᑦ ᓄᓇᕗᑦᒥ ᐊᒻᒪᓗ ᐃᓕᑕᖅᓯᓪᓗᓂ ᐃᓅᓯᓕᕆᓂᒃᑯᑦ ᐊᒻᒪᓗ ᑮᓇᐅᔭᓕᐅᕋᓱᐊᕐᓂᒃᑯᑦ ᐊᒃᑐᐃᓂᕆᔭᐅᔪᓂᒃ ᑎᓕᐅᕆᓪᓗᑎᒃ ᐊᒻᒪᓗ ᐱᕚᓪᓕᑎᑦᑎᓇᓱᐊᕐᓗᑎᑦ ᐊᑦᔨᒌᖏᕈᓘᔭᖅᑐᓂᒃ ᐊᑐᖅᑕᐅᔪᓐᓇᖅᑐᓂᒃ. 

 

ᒪᓕᒐᓕᕆᓃᑦ

ᐃᓕᖅᑯᓯᓕᕆᔨᒃᑯᑦ ᒪᓕᒃᑐᐃᑦ ᐅᑯᓂᖓ ᒪᓕᒐᓕᕆᔪᓂᑦ, ᓇᓂᔭᐅᔪᓐᓇᖅᑐᑦ ᒪᓕᒐᑎᒍᑦ ᒪᓕᒋᐊᓕᒃᑎᒍᓪᓗ ᐃᑭᐊᖅᑭᕕᐊᓂᑦ ᒪᓕᒐᓕᕆᔨᒃᑯᑦ:

1. ᐃᓄᐃᑦ ᐅᖃᐅᓯᖏᓐᓂᒃ ᓴᐳᒻᒥᒃᖠᓂᖕᒧᑦ ᐱᖁᔭᖅ
2. ᐃᓕᓴᕆᔭᐅᓯᒪᔪᑦ ᐅᖃᐅᓯᖏᓐᓄᑦ ᐱᖁᔭᖅ
3. ᑐᖅᑯᐃᓂᖕᒧᑦ ᐱᖁᔭᑦ
4. ᐃᑦᑕᖕᓂᓴᑐᖃᖕᓄᑦ ᐱᖁᔭᖅ
5. ᑲᖕᒪᕕᓂᑐᖃᖕᓄᑦ ᓇᓗᓇᐃᖅᓯᓂᖅ
6. ᐅᖃᓕᒫᒐᓄᑦ ᐱᖁᖅ
7. ᐃᑦᑕᖕᓂᓴᓕᕆᓂᖕᒧᑦ  ᖃᖕᒪᕕᓂᑐᖃᖕᓄᓪᓗ  ᒪᓕᒐᒃᓴᐃᑦ (ᓄᓇᕗᒻᒧᑦ ᐱᖁᔭᖅ)