ᐅᖃᓚᐅᑎᓯᐅᑏᑦ

You are here

ᑐᙵᓱᖁᔨᔪᖅ ᒥᓂᔅᑕ

ᐅᐱᓐᓇᖅᑐᖅ:  ᐸᖕᓂᕐᒃᑑᕐᒃ
 

ᒥᓂᔅᑕ ᐃᓄᓕᕆᔨᒃᑯᓐᓄᑦ

  • ᒥᓂᔅᑕ ᑲᒪᒋᔭᓕᒃ ᐊᔪᖅᓴᓗᐊᕈᓐᓃᖅᑎᑦᓯᒐᓱᐊᕐᓂᕐᒧᑦ
  • ᒥᓂᔅᑕ ᑲᒪᒋᔭᓕᒃ ᐊᖏᕐᕋᖃᙱᑦᑐᓕᕆᓂᕐᒧᑦ

ᒥᓂᔅᑕ ᑲᒪᒋᔭᓕᒃ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓂᒃ

 

ᒥᓂᔅᑕᐅᖃᑕᐅᔪᖅ ᔮᓂ ᒪᐃᒃ ᓂᕈᐊᕐᓂᖅᑕᖃᖅᑎᓪᓗᒍ ᐊᒃᑑᐸ 28, 2013-ᒥ ᓂᕈᐊᖅᑕᐅᓚᐅᖅᑐᖅ ᑭᒡᒐᖅᑐᐃᓂᐊᖅᖢᓂ ᐸᖕᓂᖅᑑᕐᒥᐅᓂᒃ ᓄᓇᕗᒻᒥ ᑎᓴᒪᖓᓐᓂ ᒪᓕᒐᓕᐅᖅᑎᓂ. ᔮᓂ ᒪᐃᒃ ᓂᕈᐊᖅᑕᐅᓚᐅᖅᑐᖅ ᒥᓂᔅᑕᐃᑦ ᑲᑎᒪᔨᖏᓐᓄᑦ ᓄᕕᐱᕆ 15, 2013-ᒥ ᓄᓇᕗᒻᒥ ᓯᕗᒃᑲᖅᑕᖅᑏᑦ ᓂᕈᐊᖅᑕᐅᑎᓪᓗᒋᑦ. ᔮᓂ ᒪᐃᒃ ᐊᖏᖅᑎᑕᐅᓚᐅᖅᑐᖅ ᓄᕕᐱᕆ 19, 2013-ᒥ.

ᔮᓂ ᒪᐃᒃ ᐃᓅᓯᓕᒫᖅ ᐊᖑᓇᓱᒃᑎ, ᐃᖃᓗᒐᓱᒃᑎ ᐊᒻᒪ ᐱᓯᓂᓯᖃᖅᑎᐅᔪᖅ, ᐃᖅᑲᓇᐃᔭᖃᑦᑕᓯᒐᒥᓗ ᐊᑕᐅᓯᐅᓐᖏᑦᑐᓂ ᐊᖓᔪᖅᑲᐅᑏᑦ ᐃᓂᖏᓐᓃᖃᑦᑕᖅᓯᒪᓪᓗᓂ. ᔮᓂ ᒪᐃᒃ ᐊᖓᔪᖅᑳᖑᓯᒪᔪᖅ ᓂᕿᑕᒃ ᐃᖃᓗᒐᓱᒃᑎᓂᑦ, ᐊᖓᔪᖅᑳᖑᓯᒪᓪᓗᓂ ᓄᓇᕗᒻᒥ ᐃᒡᓗᓕᐅᖅᑏᑦ ᑮᓇᐅᔭᓕᐅᕋᓱᐊᖅᑎᖏᓐᓄᑦ, ᐊᖓᔪᖅᑳᖑᓯᒪᓪᓗᓂ ᕿᑭᖅᑖᓗᒃ ᑯᐊᐳᕇᓴᒃᑯᓐᓄᑦ, ᑎᑎᕋᖅᑎ-ᑮᓇᐅᔭᓕᕆᔨ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓐᓄᑦ, ᐃᒃᓯᕙᐅᑕᐅᓪᓗᓂ ᐅᓗᒃᑯᑦ ᑮᓇᐅᔭᓕᐅᕋᓱᐊᖅᑎᖏᑦᑕ ᑲᑎᒪᔨᖏᓐᓄᑦ ᐊᒻᒪ ᐃᓚᒋᔭᐅᖃᑕᐅᓪᓗᓂ ᕿᑭᖅᑖᓗᖕᒥ ᐃᖃᓗᓕᕆᓂᕐᒧᑦ ᑲᑐᔾᔨᖃᑎᒌᑦ ᑲᑎᒪᔨᕋᓛᖏᓐᓄᑦ. ᔮᓂ ᒪᐃᒃ ᓇᖕᒥᓂᖃᖅᑐᖅ ᐱᓯᓂᓯᒥᒃ, ᐊᑎᖃᖅᖢᓂ ᓂᓚᓱᑐᖅ ᐅᑭᐅᖅᑕᖅᑐᖅ ᓕᒥᑎᑦ.

ᔮᓂ ᒪᐃᒃ ᐊᑕᐅᓯᐅᓐᖏᑦᑐᓂ ᑲᑎᒪᔨᓂ ᑎᒥᓐᖑᖅᑎᑕᐅᓯᒪᔪᓂᓗ ᐊᑕᖃᑦᑕᖅᓯᒪᔪᖅ, ᐃᓚᓕᐅᖢᒋᑦ ᖁᓪᓕᒃᑯᑦ ᐆᒻᒪᖅᑯᑎᓕᕆᔨᖏᑦᑕ ᑲᑎᒪᔨᖏᑦ, ᑲᖏᖅᑐᐊᓘᑉ ᐃᖃᓗᓕᕆᔨᖏᑦ ᐸᖕᓂᖅᑑᕐᒥ ᐃᖃᓗᓕᕆᔩᑦ ᐊᒻᒪ ᐸᖕᓂᖅᑑᒥ ᐊᖑᓇᓱᒃᑐᓕᕆᔨᒃᑯᑦ ᑲᑐᔾᔨᖃᑎᒌᖏᓐᓄᑦ.

ᔮᓂ ᒪᐃᒃ ᐃᖅᑲᓇᐃᔭᓯᒋᐊᓚᐅᖅᓯᒪᔪᖅ ᐊᖓᔪᖅᑳᖑᓪᓗᓂ ᐊᐅᓚᐅᓯᕆᔨᐅᓪᓗᓂᓗ ᓄᓇᑦᓯᐊᑉ ᐆᒻᒪᖅᑯᑎᓕᕆᔨᖏᓐᓄᑦ. ᔮᓂ ᒪᐃᒃ ᐅᖁᒪᐃᑦᑐᓂᒃ ᓄᓇᓯᐅᑎᓄᑦ ᐊᐅᓚᐅᓯᕆᔨᐅᔪᖅ ᐊᒻᒪ ᓇᓗᓇᐃᒃᑯᑕᖃᕐᕕᒋᓪᓗᓂᒋᑦ.

ᔮᓂ ᒪᐃᒃ ᐊᑭᓕᖅᓱᖅᑕᐅᓐᖏᖢᓂ ᐃᖅᑲᓇᐃᔭᖃᑦᑕᖅᑐᖅ ᐸᖕᓂᖅᑑᕐᒥ ᐃᓐᓇᕐᓂᒃ ᑲᒪᔨᐅᓪᓗᓂ.

ᔮᓂ ᐊᒻᒪ ᐊᔪᕆᖅᓱᐃᔨ ᓗᐃ ᒪᐃᒃ ᑎᓴᒪᓂᒃ ᕿᑐᕐᖓᓖᒃ ᐊᒻᒪ 7-ᓂᒃ ᐃᕐᖑᑕᖃᖅᖢᓂ. ᔮᓂ ᒪᐃᒃ ᖁᕕᐊᒋᔭᓕᒃ ᐊᖑᓇᓱᖕᓂᕐᒥᒃ, ᐃᖃᓪᓕᕿᓂᕐᒥᒃ ᐊᒻᒪ ᐅᖃᓕᒫᕐᓂᕐᒥᒃ.