ᐅᖃᓚᐅᑎᓯᐅᑏᑦ

You are here

ᖃᓂᕐᒧᑦ ᖃᓄᐃᙱᑦᓯᐊᕐᓂᖅ

ᓄᑕᕋᓛᑦ 0-ᒥ – 23-ᒧᑦ ᑕᖅᑭᓖᑦ

ᓄᑕᕋᓛᓯ ᖃᐅᑕᒫᑦ ᐊᐃᑦᑕᖅᑎᑉᐸᒡᓗᓯᐅᒃ.

ᑭᒍᑎᖏᑦ ᖃᐅᔨᒋᐊᖅᐸᒡᓗᒋᑦ ᑐᑭᓕᕇᒃᑐᖃᓕᕐᒪᖔᑕ ᑕᕐᓯᑉᐸᓪᓕᐊᔪᖃᓕᕐᒪᖔᑕᓗ.

 

ᑕᓪᓕᒪᑦ ᐃᑲᔫᑎᒃᓴᑦ ᕿᑐᕐᖓᓯ ᑭᒍᑎᑦᑎᐊᕆᒍᑎᒋᔪᓐᓇᖅᑕᖏᑦ:

  1. ᐊᓪᓚᖅᐸᒡᓗᒋᑦ ᓄᑕᕋᓛᕕᑦ ᐃᒃᑭᖏᑦ ᓂᕈᒥᒃᑐᒧᑦ, ᓴᓗᒪᓗᓂ, ᖃᐅᓯᕐᑎᐊᕐᔪᒃᓯᒪᓗᓂ ᐊᓪᓚᕈᑎᑯᓗᖕᒧᑦ ᖃᐅᑕᒫᑦ.

  2. ᓄᑕᕋᓛᖅ ᐊᒫᒪᐅᓯᔭᕐᑎᓪᓗᒍ ᐃᓐᓇᖅᑎᑉᐸᙱᓪᓗᓯᐅᒃ, ᐃᒪᑐᐃᓐᓇᕐᒥ, ᐃᒻᒧᑐᐃᓐᓇᕐᒥ ᐅᕝᕙᓘᓐᓃᑦ ᓄᑕᕋᓛᒧᑦ ᐊᒫᒪᒃᑕᐅᔪᒃᓴᒥᒃ ᐊᒫᒪᒃᑎᖔᖅᐸᒡᓗᓯᐅᒃ ᖃᖓᙳᕌᖓᑦ.

  3. ᑭᒍᑎᓯᐅᖅᑎᑉᐸᒡᓗᒋᑦ ᓄᑕᕋᓛᖅᓯᐅᑎᒧᑦ ᑭᒍᑎᓯᐅᑎᑯᓗᖕᒧᑦ ᐊᒻᒪ ᐃᒪᑦᑕᐃᓐᓇᕐᒥ ᑭᒍᑎᑯᓗᖏᑦ ᓴᖅᑭᑉᐸᓪᓕᐊᓕᕌᖓᑕ.

  4. ᓂᕆᑎᑦᑎᐊᖅᐸᒡᓗᒋᑦ. ᑕᖅᑭᖃᓕᕌᖓᑕ ᐊᕐᕕᓂᓕᖕᓂᒃ ᐱᒋᐊᖅᑎᑦᑐᓐᓇᖅᑕᓯ, ᓂᕿᓪᓚᑦᑖᓂᒃ ᓂᕆᑎᑉᐸᒡᓗᓯᐅᒃ, ᐸᓪᓘᕐᓂᒃ, ᓰᓯᓂᒡᓗ ᑭᒍᑎᑦᑎᐊᕆᖕᓇᕐᒪᑕ. ᓰᕐᓇᖅᑐᒥᒃ ᐃᓚᐅᖅᓯᒪᔪᑦ ᓲᕐᓗ ᐃᒥᒐᒃᓴᑦ, ᐃᒥᒐᑦ ᐊᒻᒪ ᓄᖑᓴᒃᑲᑦ ᖅᑖᕈᑕᐅᔪᓐᓇᕐᒪᑕ.

  5. ᑭᒍᑎᓕᕆᔨᓯ ᐅᐸᒃᐸᒡᓗᓯᐅᒃ ᓄᑕᕋᓛᕐᓯ ᐅᑭᐅᖅᑖᓚᐅᙱᓐᓂᖏᓐᓂᒃ. ᐅᐸᒍᑎᑎᓵᓕᓂᖅᓴᐅᕙᒡᓗᓯᐅᒃ ᑐᑭᓕᕇᒃᑐᖅᓯᐊᕈᔅᓯᐅᒃ ᑕᖅᓴᕐᓯᐊᕈᔅᓯᐅᒡᓘᓐᓃᑦ.

 

ᓄᑕᖅᑲᑦ 2-ᒥ 7-ᒧᑦ ᐅᑭᐅᓖᑦ

ᕿᑐᕐᖓᓯ ᐊᐃᑦᑕᖅᑎᑉᐸᒡᓗᓯᐅᒃ ᖃᓂᖏᑦ ᖃᐅᔨᓇᓱᒃᐸᒡᓗᓯᐅᒃ ᖃᐅᑕᒫᑦ.

ᑭᒍᑎᖏᑦ ᖃᐅᔨᓴᖅᐸᒡᓗᒋᑦ ᑐᑭᓕᕇᒃᑐᓂᒃ ᓴᖅᑭᑦᑐᖃᓕᙱᒃᑲᓗᐊᕐᒪᖔᑦ ᑕᖅᓯᙱᒃᑲᓗᐊᕐᒪᖔᑕᓗ.

 

ᑕᓪᓕᒪᑦ ᐃᑲᔫᑎᒃᓴᑦ ᕿᑐᕐᖓᓯ ᑭᒍᑎᑦᑎᐊᕆᒍᑎᒋᔪᓐᓇᖅᑕᖏᑦ:

  1. ᑭᒍᑎᓯᐅᖅᐸᒡᓗᒋᑦ ᒪᕐᕈᐃᕐᓱᕐᓗᒋᑦ ᐅᓪᓗᕐᒥ - ᐃᖅᑯᒻᒪᓵᕐᑎᓪᓗᒋᑦ ᐊᒻᒪ ᓯᓂᖕᓂᐊᓕᖅᑎᓪᓗᒋᑦ. ᑭᒍᑎᓯᐅᑎᕋᓛᒧᑦ ᑭᒍᓯᑎᐅᓯᖅᓯᒪᓗᒍ ᑭᒍᑎᓯᐅᖅᐸᒡᓗᒋᑦ.

  2. ᑭᒍᑎᓯᐅᓕᕌᖓᕕᑦ ᖃᐅᔨᒋᐊᖅᐸᒡᓗᑎᑦ ᖃᓄᖅ ᐊᑯᓂᐅᑎᒋᔪᖅ ᑭᒍᑎᓯᐅᕐᒪᖔᖅᐱᑦ. 2 ᒥᓂᑦ-ᒥ ᑭᒍᑎᓯᐅᖏᓐᓇᖅᐸᒡᓗᓯ ᑭᒍᑎᓯᐅᑕᒫᑦ.

  3. ᐃᒥᖅᐸᒡᓗᓯ. ᓰᕐᓇᖅᓯᓕᖅᓯᒪᔪᑦ ᓂᐅᖅᑲᒐᑦ ᓲᕐᓗ ᐃᒥᒐᒃᓴᑦ, ᐃᒥᒐᐃᑦ ᐊᒻᒪ ᓄᖑᓴᒃᑲᑦ ᐊᐅᓂᖅᑖᕐᓇᖅᑐᑦ ᑭᒍᑎᓄᑦ.

  4. ᓂᕿᑦᑎᐊᕙᖕᓂᒃ ᓂᕆᕙᒡᓗᓯ. ᓂᕿᓪᓚᑦᑖᑦ, ᓰᓯ, ᐱᕈᖅᑐᑦ ᓰᕐᓇᙱᑦᑐᑦ ᓰᕐᓇᖅᑐᓪᓗ ᐃᑲᔫᑕᐅᔪᓐᓇᕐᒥᔪᑦ ᑭᒍᑎᑦᑎᐊᕆᖕᓂᕐᒧᑦ.

  5. ᑭᒍᑎᓕᕆᔨᓯ ᐅᐸᒃᐸᒡᓗᓯᐅᒃ ᐊᕐᕌᒍᒥ ᐊᑕᐅᓯᐊᕐᓗᒍ. ᐅᐸᒃᓵᓕᓂᕐᓴᐅᕙᒡᓗᓯ ᐅᔾᔨᕈᓱᑐᐊᕌᖓᔅᓯ ᑐᑭᓕᕇᒃᐸᓪᓕᐊᔪᓂᒃ ᑕᖅᓯᑉᐸᓪᓕᐊᔪᓂᒡᓗ.

 

ᑭᒍᑎᓯᐅᖅᐸᒡᓗᓯ ᐅᓪᓗᕐᒥ ᒪᕐᕈᐃᕐᓱᕐᐸᒡᓗᓯ!

ᓂᕈᐊᒐᒃᓴᑦᑎᐊᕙᑦ ᖃᓄᐃᙱᑦᑎᐊᕐᓗᓂ ᐃᓅᓯᑦᑎᐊᕆᖕᓇᖅᑐᑦ

ᒪᐅᖓ ᓇᕿᑦᑎᓗᑎᑦ ᑐᑭᓯᒋᐊᒃᑲᓐᓂᕈᑎᑦᓴᓄᑦ ᖃᓂᕐᒥᑦ ᑲᒪᑦᓯᐊᕐᓂᕐᒥᑦ.