ᐅᖃᓚᐅᑎᓯᐅᑏᑦ

You are here

ᐊᖏᕐᕋᒥ ᓄᓇᓕᒻᒥᓗ ᐃᑲᔪᖅᑕᐅᓂᖅ

 

ᐊᖏᕐᕋᒥ ᐊᒻᒪ ᓄᓇᓕᓐᓂ ᑲᒪᒋᔭᐅᓂᖅ ᐱᓕᕆᐊᖑᔪᖅ ᐃᑲᔪᕈᑕᐅᓪᓗᓂ ᓄᓇᕗᒻᒥᐅᓂᒃ ᐃᒻᒥᓂᒃ ᐸᖅᑭᔪᓐᓇᕐᓗᑎᒃ ᐃᑲᔪᖅᑕᐅᒐᓗᐊᕐᓗᑎᒃ ᐃᓚᖏᓐᓂᒃ ᐊᒻᒪ ᓄᓇᖅᑲᑎᖏᓐᓂᒃ ᐃᒻᒥᓂᒃ ᒪᑭᒪᔪᓐᓇᓂᐊᕐᒪᑕ ᐊᒻᒪ ᖃᓄᐃᓐᖏᓪᓗᑎᒃ. ᐊᖏᕐᕋᒥ ᐊᒻᒪ ᓄᓇᓕᓐᓂ ᑲᒪᓂᕐᒧᑦ ᐱᓕᕆᐊᖑᔪᖅ ᖃᓄᐃᓐᓂᐊᖏᒻᒪᑕ ᐋᓐᓂᐊᖅᑕᐃᓕᒪᓂᕐᒧᑦ ᐊᒻᒪ ᐃᑲᔪᖅᑐᐃᓂᕐᒧᑦ, ᒪᓕᑦᑐᒋᑦ ᖃᐅᔨᓴᖅᑕᐅᓯᒪᓂᖏᑦ, ᑕᕝᕙᓂ ᐊᖏᕋᖓᓂᑦᑎᐊᒻᒪᕆᒃ ᐃᑲᔪᖅᑕᐅᔭᕆᐊᖃᖅᐸᑦ ᐋᓐᓂᐊᕐᓂᕐᒧᑦ, ᑎᒥᖓ ᓈᒻᒪᓐᖏᓐᓂᕐᒧᑦ ᐅᕝᕙᓗ ᐊᔪᕈᑎᖃᕐᓂᖓᓄᑦ.

ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ ᑲᔪᖏᖅᓴᐃᑲᓐᓂᖅᐳᑦ ᒪᒥᓐᓇᓱᐊᕐᓂᕐᒧᑦ ᐊᖏᕐᕋᖓᑕ ᐃᓗᐊᓂ, ᐊᒻᒪ ᐃᑲᔪᖅᑐᐃᓪᓗᑎᒃ ᓄᓇᕗᒻᒥᐅᓄᑦ ᐊᒻᒪ ᐃᓚᖏᓐᓄᑦ ᐃᑲᔪᖅᑕᐅᔭᕆᐊᖃᖅᑎᓪᓗᒋᑦ. ᐱᖃᓯᐅᔾᔭᐅᑎᑕᐅᓗᑎᒃ ᐃᓚᖏᑦ ᑲᒪᒋᑎᑕᐅᓂᕐᒧᑦ ᐊᒻᒪ ᐃᑲᔪᖅᑐᐃᓗᑎᒃ ᐃᓚᒋᔭᖏᓐᓂᒃ ᐋᓐᓂᐊᕐᓇᖅᑕᖃᖅᑎᓪᓗᒍ, ᐊᖏᕐᕋᒥ ᐊᒻᒪ ᓄᓇᓕᓐᓂ ᑲᒪᓂᖅ ᐱᓕᕆᐊᖑᔪᖅ ᑲᒪᒋᔭᖃᓪᓗᐊᑕᕐᓂᖅᓴᐅᕙᒃᑐᖅ ᐅᐊᑦᑎᐊᕈ ᐃᓕᖅᑯᓯᖏᑎᒍᑦ ᖃᓂᒪᔪᓄᑦ ᐃᑲᔪᕈᑕᐅᔪᓄᑦ.

 

ᐊᔪᓐᖏᑎᑕᐅᔪᑦ

 

ᓄᓇᕗᒻᒥᐅᓕᑖᑦ ᓄᓇᕗᒻᒥ ᐋᓐᓂᐊᕐᕕᓕᐊᖅᑐᖅᓯᐅᑎᖃᖅᑐᑦ ᐊᔪᓐᖏᑦᑐᑦ ᐊᖏᕐᕋᒥ ᐅᕝᕙᓗ ᓄᓇᓕᓐᓂ ᑲᒪᓂᕐᒧᑦ ᐱᓕᕆᐊᖑᔪᒥᒃ.

ᐅᕘᓇ ᓇᕿᑲᓪᓚᓪᓗᒍ ᖃᐅᔨᔪᒪᒍᕕᑦ ᐊᑎᓕᐅᖅᑕᐅᖃᑕᐅᔪᒪᓂᕐᒧᑦ ᓄᓇᕗᒻᒥ ᐋᓐᓂᐊᕐᕕᓕᐊᖅᑐᖅᓯᐅᑎᑖᕐᓂᕐᒧᑦ.

ᐊᑯᓂᒧᑦ ᐊᑲᓐᖏᒍᑎᖃᕈᕕᑦ ᐅᕝᕙᓗ ᐋᓐᓂᐊᖃᕈᕕᑦ, ᐃᑲᔪᖅᑕᐅᔭᕆᐊᖃᕈᕕᑦ ᖃᐅᔨᑕᒫᖅᓯᐅᑎᓄᑦ, ᐊᔪᓐᖏᑐᐃᓐᓇᕆᐊᖃᖅᑐᑎᑦ ᐃᑲᔪᖅᑕᐅᔭᕆᐊᒃᓴᖅ ᐊᖏᕐᕋᓂ ᐊᒻᒪ ᓄᓇᓕᓐᓂ ᑲᒪᒋᔭᐅᓂᕐᒧᑦ ᐱᓕᕆᐊᒥ.

ᑭᓇᑐᐃᓐᓇᖅ ᐱᓇᓱᐊᕈᓐᓇᖅᑐᖅ ᐊᖏᕐᕋᒥ ᑲᒪᒋᔭᐅᔪᒪᓂᕐᒧᑦ ᐊᖅᑯᑎᒋᓗᒋᑦ ᓄᓇᓕᓐᓂ ᐋᓐᓂᐊᕐᕕᖏᓐᓂᒃ ᐅᕝᕙᓗ ᓄᓇᓕᓐᓂ ᐊᖏᕐᕋᒥ ᑲᒪᓂᕐᒧᑦ ᐊᓪᓚᕝᕕᖓᒍᑦ. ᐋᓐᓂᐊᓯᐅᑎᒥᒃ ᐅᕝᕙᓗ ᓘᒃᑖᒧᑦ ᐅᖃᐅᑕᐅᒃᓴᐃᓐᓇᕆᐊᖃᓐᖏᑦᑐᑎᑦ ᐃᑲᔪᖅᑕᐅᔪᒪᓗᑎᑦ.

ᑐᒃᓯᕋᐅᑕᐅᔪᒥᒃ ᐱᔪᖃᖅᐸᑦ ᐊᖏᕐᕋᒥ ᑲᒪᒋᔭᐅᖁᔭᐅᔪᒧᑦ, ᖃᐅᔨᓴᖅᑕᐅᒐᔭᖅᑐᖅ ᐋᓐᓂᐊᓯᐅᖅᑎᒧᑦ ᖃᐅᔨᓇᓱᓪᓗᑎᒃ ᖃᓄᐃᑦᑐᒥᒃ ᐃᑲᔪᖅᑕᐅᔭᕆᐊᖃᕐᒪᖔᑦ ᐊᒻᒪ ᖃᓄᐃᑦᑐᓂ ᐃᑲᔪᖅᑕᐅᔭᕆᐊᖃᕐᓂᐊᕐᒪᖔᑦ ᑕᐃᓐᓇ ᐃᓄᒃ ᑕᐃᒃᓱᒧᖓ ᐃᓚᖏᓐᓄᓪᓗ.

 

ᐱᔨᑦᑎᕈᑎᑦ

 

ᐊᖏᕐᕋᒥ ᐊᒻᒪ ᓄᓇᓕᓐᓂ ᑲᒪᒋᔭᖃᕐᓂᐅᔪᖅ ᐱᔨᑦᑎᖅᐸᑦᑐᑦ ᐊᔾᔨᒌᓐᖏᑦᑐᓂᒃ, ᐃᒪᐃᑦᑐᓂ:

ᐊᖏᕐᕋᒥ ᑲᒪᓂ - ᐃᓪᓗᒋᒃᓴᕐᓂᖅ ᓂᕿᓕᐅᕐᓂᕐᒧᑦ ᐃᑲᔪᕐᓂᖅ ᐊᒻᒪ ᓂᕿᒃᓴᓂ ᓂᐅᕕᕆᐊᕈᔾᔨᓂᖅ
ᐃᒻᒥᓂᒃ ᑲᒪᓂᕐᒧᑦ - ᐅᕕᓂᓐᓂᐊᕐᓂᖅ ᐊᒻᒪ ᐊᓐᓄᕌᕐᓂᕐᒧᑦ
ᑲᒪᒋᔭᐅᓂᖅ - ᑲᐱᓯᖃᑦᑕᕐᓂᖅ ᐊᒻᒪ ᒪᒃᑐᑎᒃᓴᓂᒃ ᐊᓯᔾᔩᓂᖅ
ᐊᑯᓂᒃ ᐋᓐᓂᐊᖅᑐᓂᒃ ᑲᒪᓂᖅ - ᑕᖃᐃᖅᓯᑦᑎᑦᑎᑲᐃᓐᓇᖃᑦᑕᕐᓂᖅ ᐃᓚᒋᔭᐅᔪᓂᒃ
ᐋᓐᓂᖅᓯᒪᔪᓄᑦ ᐃᖃᐃᓕᓴᕐᓂᖅ - ᑎᒥᒥᒃ ᐅᑎᖅᑎᑦᑎᑎᐊᕋᓱᓐᓂᖅ

 

ᑐᑭᓯᒋᐊᒃᑲᓂᕐᕕᒃᓴᖅ

 

ᑐᑭᓯᒋᐊᒃᑲᓐᓂᕈᒪᒍᕕᑦ ᐅᖃᕈᓐᓇᖅᑐᑎᑦ ᓄᓇᒃᓯᓐᓂ ᐋᓐᓂᐊᕐᕕᒻᒧᑦ ᐅᕝᕙᓗ ᓄᓴᕗᒻᒥ ᐊᖏᕐᕋᓄᑦ ᑲᒪᒋᔭᐅᖏᓐᓇᕆᐊᖃᖅᑐᓄᓪᓗ ᐊᐅᓚᑦᑎᔨᐅᔪᒧᑦ ᐅᕙᓂ (867) 975-5776.