ᓄᑖᖑᕆᐊᖅᓯᒪᔪᖅ ᓄᓇᕗᑦ ᒐᕙᒪᒃᑯᖏᑕ ᐱᓕᕆᕝᕕᖏᑦ ᐃᓄᓕᕆᔨᒃᑯᑦ ᒪᓕᒐᓕᕆᔨᒃᑯᓪᓗ ᓄᕕᐱᕆ 5, 5−ᒥ ᐅᓐᓄᓴᒃᑯᑦ
ᑭᖑᓪᓕᖅᐹᒥᒃ ᓄᑖᙳᕆᐊᖅᑎᑕᐅᓚᐅᖅᑐᖅ ᓈᑦᑎᖑᔭᖅ/ᓴᓇᑦᑕᐃᓕ, ᓄᕕᐱᕆ 10, 2019
ᓄᑖᖑᕆᐊᖅᓯᒪᔪᖅ ᓄᓇᕗᑦ ᒐᕙᒪᒃᑯᖏᑕ ᐱᓕᕆᕝᕕᖏᑦ ᐃᓄᓕᕆᔨᒃᑯᑦ ᒪᓕᒐᓕᕆᔨᒃᑯᓪᓗ ᓄᕕᐱᕆ 5, 5−ᒥ ᐅᓐᓄᓴᒃᑯᑦ
ᐃᓄᓕᕆᔨᒃᑯᓐᓄᑦ ᐊᐱᖅᑯᑏᑦ ᑭᐅᔾᔪᑏᓪᓗ
ᐊᖏᕐᕋᓐᓄᑦ ᐊᐅᓪᓚᐅᑎᒋᓂᐊᖅᑕᓐᓄᑦ ᐃᓂᒃᓴᓕᐅᕈᓐᓇᖅᐳᖔ ᓱᓕ?
- ᓄᓇᕗᒻᒥ ᐃᓕᓐᓂᐊᖅᑎᑦ ᑮᓇᐅᔭᖃᖅᑎᑕᐅᓂᖏᓐᓄᑦ ᐃᑲᔫᓯᐊᖃᑦᑕᖅᑐᑦ ᐊᖏᕐᕋᕈᓐᓇᕐᓂᐊᖅᑐᑦ ᖁᕕᐊᓱᕝᕕᒻᒥᑦ.
- ᐅᖄᓚᕕᒋᔭᕆᐊᖃᖅᑕᑎᑦ ᓄᓇᕗᒻᒥ ᐃᓕᓐᓂᐊᖅᑎᑦ ᑮᓇᐅᔭᖃᖅᑎᑕᐅᓂᖏᓐᓄᑦ ᐃᑲᔫᑎᓕᕆᔨᒃᑯᑦ ᐊᒡᓚᕕᖓ ᐅᕗᖓ 1 877 860 0680 ᐊᐅᓪᓚᕐᕕᒋᓂᐊᖅᑕᕕᑦ ᐅᑎᕐᕕᒋᓂᐊᖅᑕᕕᓪᓗ ᐅᓪᓗᖏᓐᓂᑦ ᓇᓗᓇᐃᔭᐃᕕᒋᓗᒋ. ᓄᓇᕗᒻᒥ ᐃᓕᓐᓂᐊᖅᑎᑦ ᑮᓇᐅᔭᖃᖅᑎᑕᐅᓂᖏᓐᓄᑦ ᐃᑲᔫᑎᓕᕆᔨᒃᑯᑦ ᐊᒡᓚᕕᖓᑦ ᐃᑲᔪᕈᓐᓇᕋᔭᖅᑐᑦ ᐃᓂᑦᓴᓕᐅᕐᓗᑎᒃ.
- ᐊᐱᖁᑎᑦᓴᖃᕈᕕᑦ, ᖃᐅᔨᒋᐊᕐᕕᒋᔪᓐᓇᖅᑕᑎᑦ ᓄᓇᕗᒻᒥ ᐃᓕᓐᓂᐊᖅᑎᑦ ᑮᓇᐅᔭᖃᖅᑎᑕᐅᓂᖏᓐᓄᑦ ᐃᑲᔫᑎᓕᕆᔩᑦ ᐊᒡᓚᕕᖓ (8:30−ᒥ ᐅᓪᓛᑯᑦ 5:00−ᒧᑦ ᐅᓐᓄᓴᒃᑯᑦ . ᑭᕙᓪᓕᐅᑉ ᑎᖅᑭᕐᖑᔭᖓ ᒪᓕᒡᓗᒍ) ᐅᕗᖓ 1 877 860-0680.
ᑎᑎᕋᕐᕕᒋᒻᒪᒍ ᑭᒃᑯᓕᒫᓄᑦ ᐸᖅᑭᔨᒧᑦ ᒪᑐᐃᖓᕚ ᐊᒻᒪᓗ ᐊᐅᓚᓂᖃᑦᑎᐊᖅᐹ?
- ᐄ, ᑭᓯᐊᓂ ᐅᖄᓚᐅᑎᓄᑦ ᑭᐅᓯᔾᔪᑎ ᐊᒻᒪᓗ ᐃᕐᖐᓐᓈᖅᑕᐅᑎᑦ ᐱᔪᓐᓇᖏᑦᑐᑦ. ᑐᐊᕕᕐᓇᖅᑐᖅᑕᖃᖅᐸᑦ ᐃᖅᑲᓇᐃᔭᕐᓇᐅᔪᓐᓃᖅᑎᓪᓗᒍ ᑭᒃᑯᓕᒫᓄᑦ ᐸᖅᑭᔨᒧᑦ ᐅᕗᖓ 867-222-1805.
- ᐋᓐᓂᐊᕕᓕᐊᕈᓐᓇᐅᑎᓄᑦ ᐊᖏᕈᑎ, ᑎᑎᕐᕕᒋᔭᕆᐊᓕᒃ ᑐᔫᑕᐅᔪᓐᓇᖅᑐᖅ ᓱᑲᑦᑐᒃᑯᑦ ᐅᕗᖓ 867-975-5222. ᓇᓗᓇᐃᑦᑎᐊᕆᐊᓕᒃ ᑎᑎᖃᖅ ᑐᕌᖓᓂᖓᓄᑦ ᑭᒃᑯᓕᒫᓄᑦ ᐸᖅᑭᔨᒧᑦ.
- ᓱᑲᑦᑐᒃᑯᑦ ᑐᔪᐃᑦᑕᐃᓕᓗᑎᑦ ᐊᓯᖏᓐᓂᑦ ᑎᑎᖃᓂᑦ ᒫᓇᐅᓂᖓᓂᑦ.
- ᑐᓴᖅᑕᐅᑎᑦᑎᔾᔪᑎᑦ ᑐᔫᑎᒋᔭᕆᐊᓖᑦ ᑭᒃᑯᓕᒫᓄᑦ ᐸᖅᑭᔨᒧᑦ ᐃᕐᖐᓐᓈᖅᑕᐅᑎᒃᑯᑦ 5−ᒧᕇᓯᒪᓕᖅᑎᓪᓗᒍ ᐅᓐᓄᓴᒃᑯᑦ. ᑲᓇᓐᓇᐅᑉ ᓯᕿᕐᖑᔭᖓ ᒪᓕᒡᓗᒍ ᓄᕕᐱᕆ 1, ᒪᓂᒪᑎᑕᐅᖏᑦᑐᖅ.
ᒪᓕᒐᓕᕆᔨᒃᑯᓄᑦ ᐊᐱᖁᑏᑦ ᑭᐅᔾᔪᑏᓪᓗ
ᖃᓄᐃᑦᑐᓐᓃᖅᐸᓪᓕᐊᓂᕐᒧᑦ ᒪᓕᒐᓕᕆᔨᒃᑯᓐᓂ ᐱᓕᕆᐊᖑᕙᒃᑐᑦ ᐊᒃᑐᖅᑕᐅᓂᖃᕐᓂᐊᖅᐹ?
- ᐊᒡᓚᑯᖓ ᓱᓕ ᒪᑐᐃᖓᔪᖅ ᓄᓇᕗᒻᒥ ᖃᐅᔨᓴᖅᑐᓕᕆᔨᒃᑯᑦ ᐊᒡᓚᕕᖓ ᐊᒻᒪᓗ ᐃᓂᓕᐅᖅᑕᐅᓯᒪᔪᓄᑦ ᖃᓄᐃᓕᐅᕈᑕᐅᔪᓪᓗ ᑲᔪᓯᓂᐊᖅᑐᑦ ᐸᕐᓇᑦᑕᐅᓯᒪᓂᖏᑦ ᒪᓕᒡᓗᒋᑦ. ᐃᓚᖏᑦ ᖃᓄᐃᓕᐅᕐᓂᐅᔪᑦ ᐱᓕᕆᐊᖑᔪᓪᓗ ᑭᖑᕙᑐᐃᓐᓇᕆᐊᓖᑦ, ᑭᓯᐊᓂ ᐱᔨᑦᑎᕋᖅᑕᐅᔪᓕᒫ ᓄᓇᓕᓐᓂᓪᓗ ᐃᓚᒋᔭᐅᔪᑦ ᐅᖃᐅᔭᐅᒋᐊᕋᔭᖅᑐᑦ.
ᖃᓄᐃᑦᑐᓐᓃᖅᐸᓪᓕᐊᓂᕐᒧᑦ ᒪᓕᒐᓕᕆᔨᒃᑯᓐᓂ ᐱᓕᕆᐊᖑᕙᒃᑐᓄᑦ ᐱᓕᕆᔨᒻᒪᕆᒃ ᐅᖃᖃᑎᖃᕈᓐᓇᖅᑐᑦ ᐱᔨᑦᑎᕋᖅᑕᒥᓂᒃ ᐊᒻᒪᓗ ᓄᓇᕗᑦ ᒐᕙᒪᖓᓄ ᐊᖓᔪᖅᑳᖃᕐᕖᑦ ᐃᖃᓗᓐᓂᑦ?
- ᐄ, ᖃᓄᐃᑦᑐᓐᓃᖅᐸᓪᓕᐊᓂᕐᒧᑦ ᒪᓕᒐᓕᕆᔨᒃᑯᓐᓂ ᐱᓕᕆᐊᖑᕙᒃᑐᓄᑦ ᐱᓕᕆᔨᒻᒪᕆᒃ ᑲᔪᓯᓂᐊᑐᑦ ᑐᓴᐅᒪᑎᑦᑎᓗᑎᒃ ᐱᔨᑦᑎᕋᖅᑕᒥᓂᒃ, ᖃᓄᐃᑦᑐᓐᓃᖅᐸᓪᓕᐊᓂᕐᒧᑦ ᒪᓕᒐᓕᕆᔨᒃᑯᓐᓂ ᐱᓕᕆᐊᖑᕙᒃᑐᓄᑦ ᐱᓕᕆᐊᓄᑦ ᐊᐅᓚᑦᑎᔨ ᐊᒻᒪᓗ ᐊᓯᖏᑦ ᖃᓄᐃᑦᑐᓐᓃᖅᐸᓪᓕᐊᓂᕐᒧᑦ ᒪᓕᒐᓕᕆᔨᒃᑯᓐᓂ ᐱᓕᕆᐊᖑᕙᒃᑐᓄᑦ ᐱᓕᕆᖃᑎᒌᑦ ᐊᖅᑯᑎᖃᕐᓗᑎᒃ ᐅᖄᓚᐅᑎᒃᑯᑦ ᐊᒻᒪᓗ/ᐅᕝᕙᓗᓃᑦ ᓇᒻᒥᓂᕆᔭᒥᓄᑦ ᖃᕋᓴᐅᔭᒃᑯᑦ ᐃᕐᖐᓐᓇᑦᑕᐅᑎᒃᑰᕈᓐᓇᐅᑎᖏᓐᓂᑦ.