ᐃᖅᑲᐃᓯᔾᔪᑎ ᐅᖅᑰᓴᐅᑎᐅᑉ ᐅᖅᓱᖃᐅᑎᖓᓂᒃ ᖃᐅᔨᓴᖁᔨᓂᕐᒧᑦ
ᑭᒃᑯᑐᐃᓐᓇᓄᑦ ᑐᓴᒐᒃᓴᖅ
ᐃᖅᑲᐃᓯᔾᔪᑎ ᐅᖅᑰᓴᐅᑎᐅᑉ ᐅᖅᓱᖃᐅᑎᖓᓂᒃ ᖃᐅᔨᓴᖁᔨᓂᕐᒧᑦ
ᐊᕙᑎᓕᕆᔨᒃᑯᑦ ᓇᖕᒥᓂᖃᑎᓕᒫᓂᒃ ᐊᒻᒪ ᐱᖁᑎᓄᑦ ᐊᐅᓚᑦᑎᔨᓂᒃ ᑎᓕᐅᕆᕗᑦ ᐅᖅᑰᓴᐅᑎᖓᑕ ᐅᖅᓱᖃᐅᑎᖓᓂᒃ ᖃᐅᔨᓴᖁᔨᓪᓗᑎᒃ ᐱᕕᖃᓕᖅᐸᑕ. ᐊᑐᖅᑕᐅᓲᑦ ᖃᐅᔨᓴᕈᑎᑦ ᑕᒻᒪᖓᙱᑦᑐᓄᓪᓗ ᐱᖁᑎᓂᒃ ᐋᖅᑭᐅᒪᑎᑦᑎᓂᖅ ᐅᖅᑰᓴᐅᑎᐅᑉ ᐅᖅᓱᖃᐅᑎᖓᓂᒃ ᐱᙱᑎᑦᑎᔪᓐᓇᖅᑐᖅ ᐅᖅᓱᐊᓗᖕᒥᒃ ᑯᕕᑎᑦᑎᓂᕐᒥᒃ ᓴᓗᒻᒪᖅᓴᐃᓂᕐᒧᑦ ᐊᑭᖏᓐᓂᒃ.
ᐃᒪᖅ ᑲᑎᑉᐸᓪᓕᐊᒃᐸᑦ ᐅᖅᓲᑉ ᐊᖅᑯᑎᖓᒍᑦ, ᖁᐊᕐᓂᐊᐳᖅ ᓱᓪᓗᓕᖓᒍᓪᓗ ᓄᑎᒍᑕᐅᓗᓂ. ᓯᓚ ᐅᖅᑰᓯᕙᓪᓕᐊᓕᖅᐸᑦ ᓯᑯᓗ ᐊᐅᒃᐸᓪᓕᐊᓕᕐᓗᓂ, ᐅᖅᓱᖅ ᓄᑎᒃᓯᒪᔪᒃᑯᑦ ᐊᓂᕙᓪᓕᐊᓕᕐᓂᐊᖅᐳᖅ, ᑯᕕᓕᕐᓗᓂᓗ. ᐅᖅᓱᖃᐅᑏᑦ ᐅᖅᑯᒃᓯᒪᔪᑦ ᐅᕝᕙᓘᓐᓃᑦ ᐊᕐᕌᒍᑦ ᖁᓕᑦ ᐅᖓᑖᓂ ᐅᖅᓱᖃᐅᑎᒋᔭᐅᓕᖅᑐᑦ ᐊᓯᔾᔨᖅᑕᐅᔭᕆᐊᖃᖅᐳᑦ. ᐊᕐᕌᒍᑕᒫ ᐱᔨᑦᑎᕋᖅᑕᐅᖃᑦᑕᕆᐊᖃᖅᐳᑦ ᐱᔪᓐᓇᕐᓂᖃᖅᑐᒧᑦ ᐱᓕᕆᔨᒧᑦ ᐅᖅᓲᑉ ᐊᖅᑯᑎᖓᑕ ᐃᒪᕈᔪᖓᓂ ᐲᔭᐃᔪᓐᓇᖅᑐᒥᑦ (ᐃᒪᖅ ᓄᖅᑲᖅᐸᓪᓕᐊᔪᖅ).
ᑎᑎᕋᐅᔭᖅᓯᒪᔪᖅ ᓇᖕᒥᓂᓕᖕᓄᑦ ᐊᔪᕆᖅᓲᔾᔨᓯᒪᔪᖅ ᐅᖅᑰᓴᐅᑎᖓᑕ ᐅᖅᑰᓴᐅᑎᖓᓂᑦ ᑐᑭᓯᒋᐊᕈᑎᒃᓴᓂᒃ ᑎᑎᕋᖅᓯᒪᕗᑦ ᖃᓄᖅ ᐅᖅᓱᖃᐅᑎᖕᓂᑦ ᖃᐅᔨᓴᑦᑎᐊᕈᓐᓇᕐᒪᖔᖅᐱᑦ ᐊᒻᒪ ᖃᓄᖅ ᖃᐅᔨᔪᓐᓇᕐᒪᖔᖅᐱᑦ ᑯᕕᑐᐃᓐᓇᕆᐊᖃᓕᖅᑐᓂᑦ. ᐊᑐᐊᖅᓯᔾᔪᑎ ᐊᑐᐃᓐᓇᐅᔪᖅ ᑕᒪᐃᓐᓄᑦ ᐅᖃᐅᓯᖅᑕᑦ ᐃᓕᓴᕆᔭᐅᓯᒪᔪᒃᑯᑦ ᐅᕙᓂ: https://gov.nu.ca/environment/documents/illustrated-home-owners-guide-h….
ᖃᐅᔨᒋᐊᕈᓐᓇᕐᒥᔭᑦ ᐊᕙᑎᒥᒃ ᓱᕈᖅᑎᑦᑕᐃᓕᒪᔪᓕᕆᔨ ᐋᖅᑭᒃᓯᓗᓯᒃ ᐊᑭᖃᙱᑦᑐᒥᒃ ᖃᐅᔨᓴᖅᑕᐅᔾᔪᑎᒥᒃ ᐅᖅᓱᐊᓗᖃᕐᕕᖕᓄᑦ.
###
ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:
ᑭᐅᕋᓐ ᕙᓚᐅᕋᑎ
ᑐᓴᐅᒪᔪᓕᕆᔨᒃᑯᓐᓄᑦ ᐊᐅᓚᑦᑎᔨ, ᐃᓕᓐᓂᐊᖅᑐᓕᕆᔨᒃᑯᓐᓄᑦ ᐊᒻᒪ ᑐᓴᐅᒪᑎᑦᑎᔨᒃᑯᓐᓄᑦ
ᐊᕙᑎᓕᕆᔨᒃᑯᑦ
867-975-7761
@email