ᐃᓚᒋᔭᐅᓂᐊᖅᑐᓂᒃ ᑐᒃᓯᕋᖅᑐᑦ − ᓄᓇᕗᒻᒥ ᐃᓕᓐᓂᐊᖅᐸᓪᓕᐊᓪᓗᑎᒃ ᐃᖅᑲᓇᐃᔮᖅᑖᕋᓱᐊᖅᑐᑦ, ᐃᖅᑲᓇᐃᔭᕆᐅᖅᓴᔪᑦ ᐊᒻᒪ ᐃᖅᑲᓇᐃᔮᓖᑦ ᓇᓗᓇᐃᒃᑯᑕᖅᑖᖅᑎᑦᑎᓲᑦ ᑲᑎᒪᔩᑦ

ᒐᕙᒪᒃᑯᓐᓂ ᐃᓄᖕᓄᑦ ᑐᓴᒐᒃᓴᖅ

ᐃᓚᒋᔭᐅᓂᐊᖅᑐᓂᒃ ᑐᒃᓯᕋᖅᑐᑦ − ᓄᓇᕗᒻᒥ ᐃᓕᓐᓂᐊᖅᐸᓪᓕᐊᓪᓗᑎᒃ ᐃᖅᑲᓇᐃᔮᖅᑖᕋᓱᐊᖅᑐᑦ, ᐃᖅᑲᓇᐃᔭᕆᐅᖅᓴᔪᑦ ᐊᒻᒪ ᐃᖅᑲᓇᐃᔮᓖᑦ ᓇᓗᓇᐃᒃᑯᑕᖅᑖᖅᑎᑦᑎᓲᑦ ᑲᑎᒪᔩᑦ

ᐃᑲᔪᕈᒪᓇᔭᖅᐲᑦ ᐃᓚᒋᔭᐅᓗᑎᑦ ᓯᕗᓂᒃᓴᒥ ᐃᖅᑲᓇᐃᔮᕆᔭᐅᕙᒃᑐᑦ ᓄᓇᕗᒻᒦ?

ᓄᓇᕗᒻᒥ ᐃᓕᓐᓂᐊᖅᐸᓪᓕᐊᓪᓗᑎᒃ ᐃᖅᑲᓇᐃᔮᖅᑖᕋᓱᐊᖅᑐᑦ, ᐃᖅᑲᓇᐃᔭᕆᐅᖅᓴᔪᑦ ᐊᒻᒪ ᐃᖅᑲᓇᐃᔭᖅᑐᑦ (NATOC) ᑲᑎᒪᔨᖏᑦ ᐱᓇᔫᑎᓂᒃ ᐱᑲᑕᒃᑐᑦ ᐊᒻᒪ ᓂᕈᐊᒐᒃᓴᓂᒃ ᓄᓇᕗᒥᐅᓂᒃ ᐃᓚᒋᔭᐅᓂᐊᕐᓗᑎᒃ ᑲᑎᒪᔨᓄᑦ ᐅᑭᐅᖕᓄᑦ ᒪᕐᕉᖕᓄᑦ ᑲᑎᒪᔨᐅᖃᑕᐅᓂᐊᖅᑐᓂᒃ ᐱᒋᐊᕐᓗᑎᒃ ᔫᓂ 2019−ᒥ.

ᑲᑎᒪᔩᑦ ᐅᖃᐅᔾᔪᐃᓲᖑᕗᑦ ᑲᑎᒪᔨᐅᓪᓗᑎᒃ ᐊᑐᐃᓐᓇᐅᑎᑦᑎᕙᒃᖢᑎᒃ ᖃᓄᐃᓕᐅᖅᑕᐅᒋᐊᓕᖕᓂᒃ ᐊᒻᒪ ᐱᖁᔨᕗᖔᓕᐊᓂᒃ ᐃᓄᓕᕆᔨᒃᑯᑦ ᒥᓂᔅᑕᖓᓐᓄᑦ ᐱᔾᔪᑎᓕᖕᓂᒃ ᐃᓕᓐᓂᐊᖅᐸᓪᓕᐊᓪᓗᑎᒃ ᐃᖅᑲᓇᐃᔮᖅᑖᕋᓱᐊᖅᑐᓄᑦ, ᐃᖅᑲᓇᐃᔭᕆᐅᖅᓴᔪᓄᑦ ᐊᒻᒪ ᐃᖅᑲᓇᐃᔭᖅᑐᓄᑦ, ᐱᑎᑕᐅᕙᒃᖢᑎᒡᓗ ᕿᒥᕐᕈᕙᒃᖢᑎᒡᓗ ᐱᓕᕆᐊᖑᒃᑲᓐᓂᖁᔭᐅᔪᓂᒃ ᐃᓕᓐᓂᐊᖅᐸᓪᓕᐊᓪᓗᑎᒃ ᐃᖅᑲᓇᐃᔮᖅᑖᕋᓱᐊᖅᑐᓄᑦ.

ᐃᓚᒋᔭᐅᔪᑦ ᓄᓇᕗᒥᐅᑕᐅᔭᕆᐊᖃᖅᑐᑦ, ᒫᓐᓇᓕᓴᕐᓂᒃ, ᖃᐅᔨᒪᓗᑎᒃ ᐱᓕᖃᑕᐅᖃᑦᑕᕐᓂᑰᓗᑎᒡᓗ ᐃᖅᑲᓇᐃᔮᕆᔭᐅᕙᒃᑐᓂ ᐱᓕᕆᕝᕕᒋᔭᐅᔪᓂᒡᓗ ᓄᓇᕗᒻᒥ, ᐊᒻᒪ/ᐅᕝᕙᓘᓐᓃᑦ ᐃᓕᓴᖅᓯᒪᓪᓗᑎᒃ ᐱᓕᕆᐊᒥᓂᒃ ᓇᓕᐊᖕᓂᑐᐃᓐᓇᖅ ᓄᓇᕗᒻᒧᑦ ᑐᕌᖓᔪᓂᒃ ᐃᖅᑲᓇᐃᔮᕆᔭᐅᕙᒃᑐᓂᒃ, ᐅᑭᐅᑦ ᑕᓪᓕᒪᑦ ᑐᖔᓂᐅᙱᑦᑐᖅ ᐱᓕᕆᖃᑦᑕᕐᓂᑰᓗᑎᒃ ᐃᖅᑲᓇᐃᔮᕆᔭᒥᓄᑦ ᓇᓗᓇᐃᒃᑯᑕᖅᑖᓚᐅᕐᓗᑎᒃ.

ᑐᓴᖅᑕᖃᒃᑲᓐᓂᕈᒪᔪᖃᖅᐸᑦ NATOC−ᑯᑦ ᑲᑎᒪᔨᖏᓐᓄᑦ, ᖃᓄᕐᓘᓐᓃᑦ ᑖᒃᑯᓄᖓ ᐃᓚᒋᔭᐅᓕᕈᓐᓇᕐᓂᕐᒥᒃ, ᐅᓇ ᖃᐅᔨᒋᐊᕐᕕᒋᓗᒍ, ᕌᐳᑦ ᑭᓕᕝᑦ, ᑐᑭᒧᐊᖅᑎᑦᑎᔨ, ᐃᖅᑲᓇᐃᔮᕆᔭᐅᔪᓂᒃ ᐱᕙᓪᓕᐊᑎᑦᑎᓂᕐᒧᑦ ᐅᕙᓂ: @email

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᑐᕆᓯ ᕗᑦ
ᐊᑐᐊᒐᓕᕆᔨ
ᐃᓄᓕᕆᔨᒃᑯᑦ
867-975-5207
@email