ᐅᖃᓚᐅᑎᓯᐅᑏᑦ

You are here

ᐃᓚᒌᓂ ᐋᓐᓂᖅᓯᕆᔪᖃᖅᐸᖕᓂᖓᓄᑦ

ᐊᑦᑕᕐᓇᖅᑐᒦᑐᐊᕈᕕᑦ, ᐅᖄᓚᕕᒋᒍᒃ ᓄᓇᓕᓐᓂᑦ ᐃᓄᓕᕆᔨᒃᑯᑦ ᐊᓪᓚᕝᕕᖓ ᐸᓖᓯᒃᑯᓪᓗ.

ᖃᓄᐃᑦᑐᑐᐃᓐᓇᐃᑦ ᐃᓚᒌᓐᓂᑦ ᐋᓐᓂᖅᑎᕆᓃᑦ ᐱᒻᒪᕆᒻᒥᑦ ᐊᑦᑐᐃᓂᖃᕈᓐᓇᖅᑐᖅ ᓄᑕᖅᑲᕐᓂᑦ, ᒪᒃᑯᑦᑐᓂᑦ ᐃᓚᒌᓂᓪᓘᓐᓃᑦ, ᐊᒥᓲᒻᒪᑕᓗ ᐊᑐᐃᓐᓇᐃᑦ ᖃᓄᐃᖏᓂᕐᒧᑦ ᓴᐳᔾᔨᓂᕐᒥᓪᓗ ᓄᑕᖅᑲᓂᑦ ᐃᓚᒌᓂᓪᓗ:

  • ᐃᕝᕕᑦ ᖃᐅᔨᒪᐃᔭᐃᓪᓘᓐᓃᑦ ᐱᓯᑦᓯᐊᖅᑕᐅᖃᑦᑕᖏᑉᐸᑦ ᐃᓚᐃᓪᓘᓐᓃᑦ ᐋᓐᓂᖅᑎᖅᑕᐅᖃᑦᑕᕐᐸᑦ, ᐅᖄᓚᕕᒋᒍᒃ ᓄᓇᓕᓐᓂᑦ ᒪᓕᒐᕐᓂᑦ ᐊᐅᓚᑦᓯᔨ, ᓄᓇᓕᓐᓂᑦ ᐃᓄᓕᕆᔨ, ᐃᓄᓕᕆᔨᒃᑯᓐᓄᓪᓘᓐᓃᑦ ᐊᓪᓚᕝᕕᖓᓄᑦ ᐃᓅᓯᓕᕆᔨᒧᓪᓗ.
  • ᓄᑕᖅᑲᕐᒥᑦ ᖃᐅᔨᓇᓱᒋᒍᕕᑦ ᐃᓚᒌᓄᑦ ᐋᓐᓂᖅᑎᖅᑕᐅᓂᕐᒥᑦ, ᐱᓕᕆᐊᕆᒋᐊᖃᖅᑲᐃᑦ ᐅᖃᐅᓯᕆᓗᒍ ᐱᑦᓯᐊᖅᑕᐅᖏᓐᓂᖅ ᐱᑦᓯᐊᖅᑕᐅᖏᓐᓂᖅᑕᖃᖅᐸᓪᓘᓐᓃᑦ ᓄᓇᓕᓐᓂᑦ ᐃᓄᓕᕆᔨᒃᑯᑦ ᐊᓪᓚᕝᕕᖓᓄᑦ ᐸᓖᓯᒃᑯᓐᓄᓪᓘᓐᓃᑦ.  
  • ᓄᑕᖅᑲᐅᒍᕕᑦ ᐱᑦᓯᐊᖅᑕᐅᖃᑦᑕᖏᓪᓗᑎᑦ ᐃᒃᓯᓐᓇᖅᑕᐅᒍᕕᓪᓘᓐᓃᑦ, ᐃᑲᔪᖅᑕᐅᒍᒪᒋᑦ ᓄᓇᓕᓐᓂᒥᐅᖃᑎᓐᓄᑦ, ᓄᓇᓕᓐᓂᑦ ᑲᑎᙵᐅᖅᑐᓄᑦ, ᐃᓄᓕᕆᔨᒧᑦ ᑕᑎᒋᔭᓐᓄᓪᓘᓐᓃᑦ ᐃᓐᓇᕐᒧᑦ.
  • ᑐᐊᕕᕐᓇᖅᑐᖃᖅᑎᓪᓗᒍ, ᐅᖄᓚᕕᒋᓗᒋᑦ ᓄᓇᑦᓯᓐᓂᑦ ᐸᓖᓯᒃᑯᑦ. ᓄᑕᖅᑲᑐᐊᖅᐸᑦ ᐊᖏᕐᕋᕐᒥᑦ, ᐸᓖᓯᒃᑯᑦ ᖃᐅᔨᒃᑲᐃᓂᐊᕐᒥᔪᑦ ᐃᓄᓕᕆᔨᒃᑯᓐᓂᑦ.

 

ᐃᓚᒌᓄᑦ ᐋᓐᓂᖅᑎᖅᑕᐅᓂᕐᒧᑦ ᕿᒪᕖᑦ

ᑕᓪᓕᒪᐅᔪᑦ ᐃᓚᒌᓄᑦ ᐋᓐᓂᖅᑎᑦᑕᐅᓂᕐᒧᑦ ᑭᒫᕕᓐᓂᑦ ᐃᓚᒌᓄᑦ ᕿᒫᔪᓄᑦ ᐱᑦᓯᐊᖅᑕᐅᖏᓐᓂᕐᒥᑦ ᐃᓚᒌᓄᓪᓗ ᐋᓐᓂᖅᑎᖅᑕᐅᓂᕐᒧᑦ. ᕿᒫᕕᖃᖅᐸᑦ ᓄᓇᓕᑦᓯᓐᓂᑦ, ᐅᐸᓪᓗᒍ ᕿᒫᕕᒃ ᐊᐱᕆᓗᒍᓘᓐᓃᑦ ᓄᓇᓕᓐᓂᑦ ᐃᓄᓕᕆᔨᒃᑯᑦ ᐃᖅᑲᓇᐃᔭᖅᑎᖓᑦ ᐅᐸᖁᔭᐅᓂᕐᒧᑦ ᕿᒫᕕᒻᒧᑦ ᖃᓂᑦᑐᒧᑦ ᓄᓇᓕᓐᓄᑦ.

ᓄᓇᕗᒻᒥᑦ ᒫᓐᓇ ᐃᓚᒌᓄᑦ ᐋᓐᓂᖅᑎᑦᑕᐅᓂᕐᒧᑦ ᕿᒫᕖᑦ ᐅᑯᐊᖑᕗ ᓄᓇᓕᓐᓂᑦ:

  • ᐃᖃᓗᑦᑑᑦᑎᐊᕐᒥᑦ, ᓴᐃᑦ. ᒪᐃᑰᓪ ᑐᐊᕕᕐᓇᖅᑐᓄᑦ ᕿᒫᕕᒃ (867) 983-5232
  • ᐃᖃᓗᓐᓂᑦ, ᕿᒫᕕᒃ: (867) 979-4500
  • ᑰᒑᕈᒃ ᐃᓚᒌᓄᑦ ᐋᓐᓂᖅᓱᖅᑕᐅᔪᓄᑦ ᐅᐸᒡᕕᒃ: (867) 769-6100
  • ᖁᕐᓗᖅᑐᖅ ᐊᕐᓇᓄᑦ ᑐᐊᕕᕐᓇᖅᑐᒥᑦ ᐅᐸᒡᕕᒃ: (867) 982-3210
  • ᑲᖏᖅᖠᓂᖅ, ᑲᑕᐅᔭᖅ ᑲᑐᔾᔨᖃᑎᒌᑦ ᕿᒫᕕᒃ: (867) 645-2214

ᕿᒫᕕᑦᑕᖃᖏᑉᐸᑦ ᓄᓇᓕᓐᓂᑦ, ᓄᓇᓕᓐᓂᑦ ᐃᓄᓕᕆᔨᒃᑯᑦ ᐃᖅᑲᓇᐃᔭᖅᑎᖓ ᓄᓇᓕᓐᓂᓪᓘᓐᓃᑦ ᒪᓕᒐᕐᓂᑦ ᐊᐅᓚᑦᓯᔨᒧᑦ ᐊᐃᑉᐸᕆᓂᐊᖅᑖᑎᑦ ᖃᓂᓐᓂᖅᐹᒧᑦ ᐊᑦᑕᓇᖏᑦᑐᒧᑦ.


ᑲᓱᕐᕖᑦ

ᖁᓪᓖᑦ ᓄᓇᕗᒻᒥᑦ ᐊᕐᓇᐃᑦ ᑲᑎᒪᔨᖏᑦ

ᐃᓵᑦᓯᒋᑦ ᐃᓅᓯᕐᒧᑦ ᑲᑎᒪᔨᖏᑦ

ᐊᕐᓇᐃᑦ ᑎᒥᖁᑎᖓ ᑲᓇᑕᒥ
 

ᐃᑲᔫᑏᑦ

ᐊᖑᑎᓄᑦ ᓄᑲᑉᐱᐊᓄᓪᓗ ᐱᓕᕆᐊᖑᕙᓪᓕᐊᔪᒪᔪᑦ ᐱᓇᔫᑎᒧᑦ ᑕᑕᑎᒐᒃᓴᖅ

ᐊᖑᑎᓄᑦ ᓄᑲᑉᐱᐊᓄᓪᓗ ᐱᓕᕆᐊᖑᕙᓪᓕᐊᔪᒪᔪᑦ ᐱᓇᔫᑎᓄᑦ ᖃᐅᔨᒪᔾᔪᑎᑦ

ᐃᑲᔫᑎᒃᓴᒃᑲᓐᓂᕐᓂᒃ ᓴᖅᑭᑦᑐᖃᖅᓵᓕᓛᕐᒥᔪᖅ.

ᐃᑲᔪᖅᑕᐅᒍᒪᒋᑦ ᓄᓇᓕᓐᓂᒥᐅᖃᑎᓐᓄᑦ, ᓄᓇᓕᓐᓂᑦ ᑲᑎᙵᐅᖅᑐᓄᑦ ᐃᑲᔪᖅᑕᐅᑲᓐᓂᕐᓂᕐᒧᑦ ᐱᕕᑦᓴᖃᖅᑕᕐᕕᐅᔪᓐᓇᖅᑐᓂᓪᓗ. ᖃᓄᑐᐃᓐᓇᖅ ᑐᑭᓯᒋᐊᕈᒪᒍᔅᓯ ᖃᑕᙳᑎᒌᓂᒃ ᐋᓐᓂᖅᓯᕆᓂᐅᕙᒃᑐᓂᒃ, ᖃᓄᐃᙱᑦᑎᐊᕐᓗᑎᒃ ᐊᐃᑉᐸᕇᒍᓯᕐᓂᒃ, ᕿᒫᕝᕕᖕᓂᒃ ᐊᓯᖏᓐᓂᒡᓗ ᐃᑲᔪᖅᓱᐃᔾᔪᑎᓂᒃ ᐱᔨᑦᑎᕋᐅᑎᓂᒃ, ᖃᐅᔨᒋᐊᕐᕕᐅᔪᓐᓇᖅᑐᖅ:

ᒫᒡᒐᕆᑦ ᐅᐊᒥᐊᓪ
ᖃᑕᙳᑎᒌᓂᒃ ᐋᓐᓂᖅᓯᕆᓲᓂᒃ ᖃᐅᔨᒪᔨᑕᖅ
ᓄᑕᖅᑲᓄᑦ ᖃᑕᙳᑎᒌᓄᓪᓗ ᐱᔨᑦᑎᕋᖅᑎᒃᑯᑦ
ᐃᓄᓕᕆᔨᒃᑯᑦ
mwormell@gov.nu.ca
867-975-5234