ᐅᖃᓚᐅᑎᓯᐅᑏᑦ

You are here

ᐃᓕᓐᓂᐊᖅᑏᑦ ᖃᓄᐃᙱᑦᑎᐊᖁᓪᓗᒋᑦ ᐊᒻᒪᓗ ᐃᑲᔪᖅᓱᖅᑕᐅᓂᖏᑦ

ᐃᓕᓐᓂᐊᖅᑎᓂᑦ ᐃᑲᔪᖅᓱᖅᑏᑦ ᐃᖅᑲᓇᐃᔭᖅᑏᑦ ᐃᑲᔪᖃᑦᑕᖅᐳᑦ ᐱᕙᓪᓕᐊᑎᑦᑎᓪᓗᑎᒃ ᐊᑐᐊᒐᕐᓂᑦ ᐊᒻᒪᓗ ᐃᑲᔪᖅᓱᖅᑐᑎᒃ ᐃᓚᓕᐅᔾᔭᐅᓯᒪᔪᓂᑦ ᐃᓕᓐᓂᐊᕋᔅᓴᓂᑦ, ᐃᓚᓕᐅᑎᓪᓗᒋᑦ ᐃᑲᔪᖅᓱᖅᐸᑦᑐᑎᒃ ᐃᓗᓕᓕᒫᖏᓐᓂᑦ ᐃᓕᓐᓂᐊᖅᑐᑦ ᐊᑐᕆᐊᓕᖏᓐᓂᑦ. ᐱᓕᕆᖃᑎᖃᖅᐸᑉᐳᑦ ᓄᓇᕗᒻᒥ ᐊᕕᑦᑐᖅᓯᒪᔪᓂᑦ ᐃᓕᓐᓂᐊᕐᕖᑦ ᐊᐅᓚᑕᖏᓐᓂᑦ ᐋᖅᑮᕚᓪᓕᖁᓪᓗᒋᑦ ᐃᓕᓐᓂᐊᕇᖃᑦᑕᖁᓪᓗᒋᑦ ᐃᓕᓐᓂᐊᖅᑎᓕᒫᑦ.

ᐃᓕᓴᐃᔩᑦ ᓄᓇᕗᒻᒥ ᐊᓯᔾᔩᕙᓪᓕᐊᕗᑦ ᐃᓕᓐᓂᐊᕈᑎᔅᓴᓂᑦ ᐊᓯᔾᔨᖅᐸᓪᓕᐊᓂᖏᑦ ᐃᓕᓐᓂᐊᕋᔅᓴᐃᑦ ᒪᓕᑦᑐᒋᑦ ᐃᓕᓐᓂᐊᕐᕕᐅᑉ ᐃᓗᐊᓂ. ᐃᓕᓴᐃᔩᑦ ᐊᑐᖅᐸᑦᑕᖏᑦ ᐊᒻᒪᓗ ᐱᓕᕆᐊᖑᔪᑦ ᓈᒻᒪᑦᑎᐊᕆᐊᖃᖅᐳᑦ ᐊᑦᑐᐊᓂᖃᕐᓗᑎᓪᓗ ᐃᓕᓐᓂᐊᖅᑏᑦ ᐱᔪᓐᓇᕐᓂᖏᑦ ᒪᓕᓪᓗᒋᑦ. ᑕᐃᒪᐃᒍᓐᓇᖁᓪᓗᒋᑦ ᐱᒻᒪᕆᐅᕗᖅ ᐱᓕᕆᖃᑎᖃᕐᓗᑎᒃ ᐊᓯᖏᓐᓂᑦ, ᐃᓚᓕᐅᔾᔭᐅᓗᑎᒃ ᐃᓕᓐᓂᐊᖅᑏᑦ ᐊᖓᔪᖅᑳᖏᑦ ᐊᒻᒪᓗ ᐋᓐᓂᐊᖅᑐᓕᕆᔨᐅᔪᓂᑦ.

ᒫᓐᓇᐅᔪᖅ ᕿᒥᕐᕈᕗᒍᑦ ᐃᓚᓕᐅᔾᔭᐅᓂᐊᖅᑐᓂᑦ ᐃᓕᓐᓂᐊᖅᑐᓕᕆᓂᕐᒧᑦ ᓄᓇᕗᒻᒥ. ᑕᒪᓐᓇ ᐱᓕᕆᐊᖑᕗᖅ ᐃᑲᔪᖅᑎᖃᖅᑐᑎᒃ ᐅᖃᐅᔾᔨᒋᐊᖅᑏᑦ ᑲᑎᒪᔨᕋᓛᖏᓐᓂᑦ ᐃᓕᓴᐃᔨᓄᑦ ᐊᒻᒪᓗ ᐱᔭᕇᖅᑕᐅᓂᐊᖅᑐᓂ ᒫᔅᓯ 2015-ᒥ. ᐱᓇᓱᐊᖅᑕᐅᕗᖅ ᑕᒪᓐᓇ ᕿᒥᕐᕈᔭᐅᓪᓗᓂ ᐱᕙᓪᓕᐊᑎᑦᑎᖁᓪᓗᒋᑦ ᐊᑐᐊᒐᕆᔭᐅᓂᐊᖅᑐᒥᑦ ᐃᓚᓕᐅᔾᔭᐅᓂᐊᖅᑐᓄᑦ ᐃᓕᓐᓂᐊᖅᑐᓕᕆᓂᕐᒧᑦ ᓄᓇᕗᒻᒥ ᐊᒻᒪᓗ ᓇᓗᓇᐃᖅᓯᖁᓪᓗᒋᑦ ᐱᑕᖃᙱᓐᓂᐅᔪᓂᑦ ᐱᔨᑦᓯᕈᑎᓂᑦ ᐊᒻᒪᓗ ᐊᓂᒎᔾᔭᐅᒋᐊᓕᓐᓂᑦ ᓈᒪᑦᑎᐊᖅᑐᒃᑯᑦ ᐃᓕᓐᓂᐊᕋᔅᓴᓄᑦ. ᕿᒥᕐᕈᔭᐅᓗᐊᖅᐳᖅ ᓴᖅᑮᖁᓪᓗᒋᑦ ᐃᓕᓐᓂᐊᕐᓂᓕᕆᔨᒃᑯᑦ ᖃᓄᐃᓐᓂᓪᓚᑦᑖᖑᔪᓂᑦ ᒪᓕᓪᓗᑎᒃ ᐅᖃᐅᔾᔨᒋᐊᕈᑎᓕᐅᕐᓗᑎᒃ ᐊᒃᓱᕈᕈᑕᐅᕙᑦᑐᓂᑦ ᐃᓕᓐᓂᐊᖅᑎᑦᑎᓂᕐᒧᑦ ᐊᒻᒪᓗ ᐃᑲᔪᖅᑕᐅᖁᓪᓗᒋᑦ ᐃᓕᓐᓂᓐᐊᖅᑎᓕᒫᑦ ᐃᓕᓐᓂᐊᓕᕋᑖᕐᓂᑦ ᖁᑦᑎᓐᓂᓕᒻᒧᑦ 12 ᑎᑭᓪᓗᒍ.

ᕿᒥᕐᕈᔭᐅᔭᕇᖅᐸᑦ ᐊᒻᒪᓗ ᐊᑐᐊᒐᓕᐅᖅᑕᐅᒌᖅᐸᑦ ᑖᓐᓇ ᖃᕋᓴᐅᔭᒃᑯᑦ ᑐᑭᓯᒋᐊᕐᕕᒃ ᓄᑖᙳᖅᑎᑕᐅᓛᖅᐳᖅ.