ᐅᖃᓚᐅᑎᓯᐅᑏᑦ

You are here

ᐱᔪᓐᓇᐅᑎᖃᖅᑐᑦ ᐱᔨᑦᑎᕋᕐᕕᑦ

ᐱᔾᔪᑎᒋᖕᒪᒍ ᓄᓇᕘᒥ ᐃᓐᓇᕐᓄᑦ ᐃᓕᓐᓂᐊᖅᑎᑦᑎᓂᕐᒧᑦ ᐅᐸᓗᖓᐃᔭᐅᑎᐅᑉ (NALS) ᐃᑲᔪᖅᓯᒍᑎᑕᖃᖁᓪᓗᒍ ᐊᒻᒪᓗ ᑐᕌᒐᐃᑦ ᑕᒪᒃᑯᐊ ᐱᓇᓱᐊᖅᑕᐅᖏᓐᓇᖁᓪᓗᒋᑦ ᑲᔪᓯᑦᑎᐊᖁᓪᓗᒍ ᓄᓇᕘᒥ ᓄᓇᑖᕈᑎᖓ ᑖᒃᑯᐊ ᓄᓇᕘᕐᒥᐅᑦ ᐱᓕᒻᒪᒃᓴᔭᐅᓂᖃᖁᓪᓗᒋᑦ, ᐃᓕᓐᓂᐊᖅᑎᑕᐅᖁᓪᓗᒋᑦ ᐊᒻᒪᓗ ᓴᓇᕐᕈᑎᑖᖅᑐᖁᓪᓗᒋᑦ ᐱᔭᕆᐊᓕᖏᓐᓂ ᐱᖃᑕᐅᓂᖃᑦᑎᐊᖁᓪᓗᒋᑦ ᓄᓇᕗᑦ ᐃᓗᐊᓂ ᐱᕙᓪᓕᐊᓂᐅᔪᓂ ᐊᒻᒪᓗ ᐊᑕᐅᓯᐅᖃᑎᒌᖕᓂᖃᖁᓪᓗᒋᑦ ᐊᒻᒪᓗ ᐊᑕᐅᓰᓐᓇᓕᓂᖅᓴᒥᒃ ᐱᓕᕆᓂᖃᖁᓪᓗᒋᑦ ᐸᕐᓇᒃᑕᐅᓯᒪᑦᑎᐊᖅᑐᓂᓗ ᐱᓕᕆᓂᖃᕐᓗᑎᒃ.

 

ᐱᓇᓱᐊᖅᑕᐅᖁᔭᖓ ᓄᓇᕗᒥ ᐃᓐᓇᕐᓄᑦ ᐃᓕᓐᓂᐊᖅᑎᑦᑎᓂᕐᒧᑦ ᐅᐸᓗᖓᐃᔭᐅᑎᐅᑉ:

ᑕᐅᑐᙳᐊᕋᑦᑕ ᒐᕙᒪᖃᕐᕕᑦᑎᓐᓂ ᐃᓕᓐᓂᐊᕐᓂᖅ ᐊᒻᒪᓗ ᐱᓕᒻᒪᒃᓴᔭᐅᓂᖅ ᓄᓇᕘᒥᐅᓂᑦ ᐊᔪᕈᓐᓃᖅᑎᑦᑎᕙᓪᓕᐊᔪᓂᒃ ᐱᔪᓐᓇᖅᓯᕙᓪᓕᐊᑎᑦᑎᔪᓂ, ᓄᓇᕗᒥᐅᑦ ᐱᖃᑕᐅᑦᑎᐊᕈᓐᓇᓕᕐᓂᐊᕐᒪᑕ ᐃᓕᖅᑯᓯᓕᕆᓂᕐᒧᑦ, ᐃᓅᓯᓕᕆᓂᕐᒧᑦ ᑮᓇᐅᔭᓕᐅᕈᑎᓄᓪᓗ ᐱᕙᓪᓕᐊᓂᐅᔪᓄᑦ ᓄᓇᕗᑦ ᐃᓗᐊᓂ. ᓄᓇᕗᑦ ᐃᓂᒋᔭᐅᓕᕐᓂᐊᕐᒪᑦ ᑕᒪᒃᑯᐊ ᑐᕌᒐᕆᔭᓕᒫᕗᑦ ᐊᔾᔨᒌᑦ ᐱᓇᓱᒃᑕᐃᓐᓇᕆᔪᓐᓇᕐᓗᑎᒍᑦ ᐊᑕᐅᑦᑎᒃᑰᖃᑎᒌᒐᓱᐊᕐᓂᒃᑯᑦ, ᑲᑐᔾᔨᖃᑎᒌᖕᓂᒃᑯᑦ ᐊᒻᒪᓗ ᐱᕈᖅᑎᑦᑎᓇᓱᖕᓂᒃᑯᑦ ᐃᓄᖁᑎᑦᑕ ᐱᔪᓐᓇᕐᓂᕆᔭᖏᓐᓂ.

ᓇᓂᓯᒃᑲᓐᓂᕈᒪᒍᕕᑦ, ᖃᕋᓴᐅᔭᒃᑯᑦ ᐅᑯᐊ ᐊᑐᐃᓐᓇᕆᓕᕈᓐᓇᖅᑕᐃᑦ ᓄᓇᕗᑦ ᐃᓐᓇᕐᓄᑦ ᐃᓕᓐᓂᐊᖅᑎᑦᑎᓂᕐᒧᑦ ᐅᐸᓗᖓᐃᔭᐅᑎ.