ᐅᖃᓚᐅᑎᓯᐅᑏᑦ

You are here

ᑐᖅᑲᖅᑕᕐᕕᒃ ᐃᓕᓐᓂᐊᖅᑐᓕᕆᓂᕐᒧᑦ ᐱᔨᑦᑎᕋᕐᓂᕐᒧᓪᓗ ᐅᐃᕖᑎᑐᑦ

ᑐᖅᑲᖅᑕᕐᕕᒃ ᐃᓕᓐᓂᐊᖅᑐᓕᕆᓂᕐᒧᑦ ᐱᔨᑦᑎᕋᕐᓂᕐᒧᓪᓗ ᐅᐃᕖᑎᑐᑦ ᐊᕕᒃᑐᖅᓯᒪᓪᓗᑎᒃ ᐃᖅᑲᓇᐃᔭᕐᕕᖕᓂᑦ ᐃᓕᓐᓂᐊᕐᓂᓕᕆᔨᒃᑯᓐᓄ ᐱᑎᑦᑎᓲᑦ ᐅᓄᖅᑐᓂᑦ ᐃᑲᔫᑎᓂᑦ ᐊᒻᒪᓗ ᐱᔨᑦᑎᕋᕈᑎᓂᑦ ᐅᐃᕖᑎᑐᑦ, ᓱᕈᓯᓕᕆᓂᕐᒧᑦ ᐃᓐᓇᕐᓄᑦ ᐃᓕᓐᓂᐊᕐᓂᕐᓄᑦ.

ᑐᖅᑲᖅᑕᕐᕕᒃ ᐃᓕᓐᓂᐊᖅᑐᓕᕆᓂᕐᒧᑦ ᐱᔨᑦᑎᕋᕐᓂᕐᒧᓪᓗ ᐅᐃᕖᑎᑐᑦ ᑭᐅᓲᑦ ᑐᒃᓯᕋᖅᑕᐅᔪᓂᑦ ᑭᒃᑯᑐᐃᓐᓇᕐᓂᑦ ᐱᔪᒪᔪᓂᑦ ᑐᑭᓯᒋᐊᕈᑎᓂᑦ, ᐃᓕᓐᓂᐊᕐᓂᕐᒥᑦ ᐅᕝᕙᓘᓐᓃᑦ ᐱᔭᕇᕈᓯᐊᕈᑎᒥᑦ ᐅᐃᕖᑎᑐᑦ. ᐃᖅᑲᓇᐃᔭᕐᕕᒃ ᐃᑲᔪᖅᓱᐃᔪᖅ ᑕᒪᐃᓐᓂᒃ ᐃᓕᓐᓂᐊᕐᓂᕐᒧᑦ ᓯᓚᑦᑐᖅᓴᕐᕕᒡᔪᐊᓂᑦ ᐃᓚᐅᖃᑕᐅᔪᓂᑦ ᐅᐃᕖᑎᑐᑦ ᐅᖃᐅᓯᕐᓂᑦ ᐱᓕᕆᐊᒃᓴᓂᑦ ᐅᕝᕙᓘᓐᓃᑦ ᐱᔭᕇᕈᓯᐊᕈᑎᓂᑦ ᐅᐃᕖᑎᑐᑦ ᐅᖃᐅᓯᖃᕐᓂᕐᒧᑦ ᒪᓕᒐᒃᓴᓂᑦ ᓇᓕᐊᒃᑯᑐᐃᓐᓇᖅ ᓯᕗᓪᓕᖅᐸᐅᒃᐸᑦ ᐅᕝᕙᓘᓐᓃᑦ ᐃᓚᒋᐊᕈᑕᐅᒃᐸᑦ ᐅᖃᐅᓯᕐᒧᑦ. ᓯᕗᓕᖅᑎᐅᓪᓗᓂ ᐅᐃᕖᑎᑐᑦ-ᐅᖃᐅᓰᑦ ᐃᓕᓐᓂᐊᕐᓂᕐᒧᑦ ᓄᓇᕗᒻᒥ, ᓴᖅᑭᑎᑦᑎᖕᒪᑦ ᐃᓕᓐᓂᐊᒃᑲᓐᓂᕐᓂᕐᒧᑦ ᐃᑲᔪᖅᓱᐃᓂᕐᒥᑦ ᐅᓄᖖᒋᓛᖑᔪᓄᑦ ᐅᖃᐅᓯᕆᔭᐅᔪᒧᑦ ᐃᓕᓐᓂᐊᖅᑎᑦᑎᓂᕐᒥᑦ ᐊᒻᒪᓗ ᐅᐃᕖᑎᑐᑦ ᐃᓚᒋᐊᕈᑎᐅᑎᓪᓗᒍ ᐅᖃᐅᓯᕐᒧᑦ, ᑕᐃᒪᐃᑎᓪᓗᒍ ᐃᑲᔪᕐᓂᖅ ᓄᓇᕗᒻᒥ ᒐᕙᒪᒃᑯᖓᓂᑦ ᖁᕕᐊᓲᑎᒋᑦᑎᐊᕐᓗᒋᑦ ᐃᓕᓐᓂᐊᕐᓂᕐᒧᑦ ᐱᓕᕆᐊᒃᓴᑦ ᓴᖅᑭᑕᐅᔪᑦ ᐃᓕᓐᓂᐊᖅᑐᓕᕆᓂᕐᒧᑦ ᐱᖁᔭᕐᒥᑦ ᐊᒻᒪᓗᑦᑕᐅᖅ ᑎᑎᕋᖅᓯᒪᔪᖅ 23-ᒥ ᐱᔪᓐᓇᐅᑎᓂᑦ ᐃᓱᒪᖅᓲᑎᖏᓐᓂᒡᓗ.  ᑐᖅᑲᖅᑕᕐᕕᒃ ᐃᓕᓐᓂᐊᖅᑐᓕᕆᓂᕐᒧᑦ ᐱᔨᑦᑎᕋᕐᓂᕐᒧᓪᓗ ᐅᐃᕖᑎᑐᑦ ᐱᓕᕆᑦᑎᐊᖅᑐᑦ ᓄᓇᓕᖕᓂ ᑐᓂᔭᐅᓯᒪᔪᓄᑦ, ᓄᑖᑦ ᐱᓕᕆᐊᒃᓴᑦ, ᐃᓕᓐᓂᐊᒃᑲᓐᓂᕐᓂᕐᒧᑦ ᓄᑖᖑᕆᐊᕈᑎᓂᑦ, ᐊᓯᔾᔨᖅᑐᓂᑦ ᒪᓕᒐᓕᐅᕐᕕᖕᓂᑦ, ᐊᒻᒪᓗ ᐱᓕᕆᓪᓗᓂ ᐊᒃᑐᐊᓂᖃᕐᓂᕐᒥᑦ ᐊᔾᔨᒌᖏᑦᑐᓂᑦ ᑮᓇᐅᔭᖃᖅᑎᑦᑎᔪᓂᑦ ᐃᓚᐅᖃᑕᐅᔪᓂᑦ ᐃᓕᓐᓂᐊᕐᑐᓕᕆᓂᕐᒧᑦ ᐱᔨᑦᑎᕋᕈᑎᓄᓪᓗ ᐅᐃᕖᑎᑐᑦ. ᐃᓚᒋᐊᒃᑲᓐᓂᕐᓗᒍ, ᑐᖅᑲᖅᑕᕐᕕᒃ ᐃᓕᓐᓂᐊᖅᑐᓕᕆᓂᕐᒧᑦ ᐱᔨᑦᑎᕋᕐᓂᕐᒧᓪᓗ ᐅᐃᕖᑎᑐᑦ ᑕᐅᑐᒃᖢᒍ ᑐᑭᓕᐅᕆᔾᔪᑎᑦ, ᖁᕝᕙᕆᐊᖅᑎᑕᐅᔪᑦ ᐊᒻᒪᓗ ᑐᓂᔭᐅᓂᖏᑦ ᐃᓕᓐᓂᐊᕈᑎᒃᓴᑦ ᐅᐃᕖᑎᑐᑦ ᐊᒻᒪᓗᑦᑕᐅᖅ ᐊᓯᖏᑦ ᑎᑎᖅᑲᑦ ᐊᒻᒪᓗ ᓴᖅᑭᑕᐅᔪᑦ ᐊᑑᑎᖃᖅᑐᑦ ᐃᓕᓐᓂᐊᕐᓂᕐᒧᑦ.

ᐅᖃᖅᑎᒻᒪᕆᐅᓪᓗᖓ ᐱᓕᕆᐊᖑᔪᒃᓴᒥᑦ ᒥᓂᔅᑕᒧᑦ ᐃᓕᓐᓂᐊᕐᓂᓕᕆᔨᒃᑯᓐᓄᑦ, ᑐᖅᑲᖅᑕᕐᕕᒃ ᐃᓕᓐᓂᐊᖅᑐᓕᕆᓂᕐᒧᑦ ᐱᔨᑦᑎᕋᕐᓂᕐᒧᓪᓗ ᐅᐃᕖᑎᑐᑦ ᐱᓕᕆᖃᑎᖃᓲᖅ ᐊᒻᒪᓗ ᐊᐅᓚᑉᐸᒃᖢᒋᑦ ᑮᓇᐅᔭᑦ ᑲᓇᑕᒥ ᐃᑦᑕᕐᓂᓴᓕᕆᔨᒃᑯᓐᓂᑦ ᐊᑐᖅᖢᒍ ᐃᓕᓴᕆᔭᐅᓯᒪᔪᑦ ᐅᖃᐅᓯᖅᑕᑦ ᐃᓕᓐᓂᐊᕐᓂᓕᕆᓂᕐᒧᑦ ᐋᖅᑭᒃᓱᖅᑕᐅᓯᒪᔪᖅ ᐊᒻᒪᓗ ᐅᓂᒃᑳᓕᐅᕐᐸᒃᖢᑎᒃ ᐅᐃᕖᑎᑐᑦ ᐃᓕᓐᓂᐊᕐᓂᕐᒥᑦ ᓄᓇᕗᒻᒥ.

ᑭᖑᓪᓕᖅᐹᒥ, ᑐᖅᑲᖅᑕᕐᕕᒃ ᐃᓕᓐᓂᐊᖅᑐᓕᕆᓂᕐᒧᑦ ᐱᔨᑦᑎᕋᕐᓂᕐᒧᓪᓗ ᐅᐃᕖᑎᑐᑦ ᐱᓕᕆᖃᑎᖃᑦᑎᐊᖅᑐᑦ ᐊᔾᔨᒌᖏᑦᑐᓂᑦ ᐱᓕᕆᖃᑎᒌᔭᒥᖕᓂᑦ ᓴᖅᑮᔪᒪᓂᕐᒧᑦ ᐊᒥᒐᖏᑦᑐᒥᑦ ᐃᓕᓐᓂᐊᕐᓂᕐᒥᑦ ᐅᐃᕖᑎᑐᑦ ᓄᓇᕗᒻᒥ ᐊᒻᒪᓗ ᑲᓇᑕᒥ ᐊᑐᕐᓗᒋᑦ ᓇᐅᒃᑯᑐᐃᓐᓇᖅ ᐃᓕᐅᖅᑲᖅᑕᐅᔪᑦ.

* ᐅᐃᕖᖅ ᐅᖃᐅᓯᒃᑲᓐᓂᐅᑎᓪᓗᒍ ᐊᑐᖅᑕᐅᕙᒃᑐᖅ ᐃᒃᐱᒋᓪᓗᒍ ᒪᕐᕉᒃ ᑖᒃᑯᐊᒃ ᐊᓯᖏᑦ ᐃᓕᓴᕆᔭᐅᓯᒪᔫᒃ ᐅᖃᐅᓰᒃ ᐃᓕᑕᕆᔭᐅᓯᒪᓪᓗᑎᒃ ᐃᓕᓴᕆᔭᐅᓯᒪᔪᓂᑦ ᐅᖃᐅᓯᖅᑕᓂᒃ ᐱᖁᔭᕐᒥ ᓄᓇᕗᒻᒥ.

 

 

ᐅᐃᕖᑎᑐᑦ ᐱᔨᑦᑎᕋᖅᑏᑦ:  
     ᐊᖏᕈᑏᑦ

     ᐊᖏᖅᑕᐅᔪᑦ ᐱᓕᕆᐊᒃᓴᑦ

     ᐱᓕᕆᖃᑎᖏᑦ

     ᑎᑎᕋᖅᓯᒪᓕᖅᑎᑕᐅᓯᒪᔪᑦ

     ᓄᑖᖅ ᑎᑎᕋᕈᓯᖅ

     ᑐᑭᓯᒋᐊᕐᕕᒃᓴᖅ

ᐊᐅᓚᑦᑎᓂᕐᒧᑦ ᑎᓕᐅᕈᑕᐅᓯᒪᔪᖅ: ᐃᓕᓐᓂᐊᖅᑎᓂᒃ ᐃᓚᐅᔪᓐᓇᖅᑎᑦᑎᓂᕐᒧᑦ ᐅᐃᕖᑎᑐᑦ-ᐅᖃᐅᓯᕐᒥ ᐃᓕᓐᓂᐊᕐᕕᓂᑦ