ᐱᕙᓪᓕᐊᔪᑦ/ᐱᕙᓪᓕᐊᔪᓕᕆᔨᒃᑯᑦ

ᓘᑦᑖᖅ ᒪᐃᑯᓪ ᐸᑐᓴᓐ, ᓄᓇᕗᒻᒥ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᐊᖏᔪᖅᑳᖅ, ᓇᓗᓇᐃᖅᓯᓯᒪᔪᖅ ᐸᓴᒋᔭᐅᔪᒥᒃ ᓄᕙᔾᔪᐊᕐᓇᖅᑖᖅᓯᒪᔪᖃᕐᓂᖓᓂᒃ 19 ᓄᓘᔮᑦ ᐅᔭᕋᕐᓂᐊᕐᕕᖓᓂ, 176 ᑭᓛᒥᑕᐃᑦ ᓂᒋᐊᑕ ᐱᖓᓐᓇᖓᓂ ᒥᑦᑎᒪᑕᓕᐅᑉ.

ᐃᖃᓗᓐᓂ ᓄᓇᕗᒻᒥ ᐃᒥᐊᓗᓕᕆᓂᕐᒧᑦ ᓱᕐᕋᓐᓇᖅᑐᓕᕆᓂᕐᒧᓪᓗ ᑲᑎᒪᔨᖏᑦ (NULC) ᐃᒥᐊᓗᑦᑖᕐᕕᖓ ᒪᑐᓯᓛᖅᑐᖅ ᐱᖓᑦᑎᕐᒥᑦ, ᔪᓚᐃ 1, 2020 ᑲᓇᑕᐅᑉ ᐅᓪᓗᖓᓂ ᐊᒻᒪ ᓯᑕᕐᒥᐅᓕᖅᐸᑦ, ᔪᓚᐃ 9, 2020 ᓄᓇᕗᑦ ᐅᓪᓗᖓᓐᓂᑦ.

ᓱᓕ ᓇᓗᓇᐃᖅᓯᒪᓪᓚᕆᒃᑐᓂᒃ ᑕᐃᒪᐃᓐᓇᓱᒋᔭᐅᔪᓂᒡᓘᓪᓃᑦ ᓄᕙᒡᔪᐊᕐᓇᖅ-19−ᒥᒃ ᐱᑕᖃᙱᓚᖅ ᓄᓇᕗᒻᒥ. ᑲᑎᖦᖢᒋᑦ ᐃᓄᐃᑦ ᖃᐅᔨᓴᖅᑕᐅᓯᒪᓕᖅᑐᑦ ᒫᓐᓇᒧᑦ ᑎᑭᖦᖢᒍ 1418-ᖑᕗᑦ. 140−ᖑᓕᖅᐳᑦ ᒫᓐᓇ ᖃᐅᔨᓴᖅᑕᐅᔪᑦ.

ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐃᒪᕐᒥᒃ ᖃᓛᖅᑎᑦᑎᑲᑕᖁᔨᔾᔪᑎᒥᒃ ᓴᖅᑭᑎᑦᑎᕗᑦ ᕼᐋᒪᓚᒃᑯᓐᓄᑦ ᖃᒪᓂ'ᑐᐊᕐᒥ. ᑖᓐᓇ ᐅᓗᕆᐊᓇᖅᑐᒦᑦᑐᖃᖁᓇᒍ ᐱᔾᔪᑎᖓ ᐃᓱᓗᐊᕐᓂᖓᓄᑦ (ᐃᓱᖅᑐᖅ ᐃᒥᖅ).

ᐋᓐᓂᐊᖃᖕᓇᙱᑦᑐᓕᕆᔨᒃᑯᑦ ᑲᖏᖅᖠᓂᕐᒥᐅᓂᑦ ᑐᓴᖁᔨᕗᑦ ᐊᐃᕝᕙᒃᑕᐅᓚᐅᖅᑐᖅ ᐅᖃᖓᒍᑦ ᖃᐅᔨᓴᖅᑕᐅᓚᐅᕋᒥᑦ ᖁᐱᕐᕈᖃᖅᖢᓂ.

ᐱᒋᐊᕐᓗᒍ ᔫᓂ/ᒪᓐᓃᑦ 30, ᑮᓇᐅᔭᓕᕆᔨᒃᑯᑦ ᖃᐅᔨᒃᑲᐃᖃᑦᑕᔾᔮᔪᓐᓃᖅᑐᑦ ᖃᕆᑕᐅᔭᒃᑯᑦ ᑮᓇᐅᔭᓂᒃ ᓄᐊᑦᑕᐅᔪᓂᒃ ᓱᒃᑲᔪᒃᑯᑦ ᐅᕝᕙᓘᓐᓃᑦ ᑎᑎᖅᑲᑎᒍᑦ ᓂᐅᕕᖅᑎᑦᑎᔨᓄᑦ.